بياع محبة للوطن مين يشترى
قرب يا ظالم مفترى
جت فرصتك
معايا عين جفت دموعها , وعين كئيبة
معايا ألف مصنع , جابولنا ألفين مصيبة
معايا عقل متنور دفنوه فى زريبه
معايا فاكهة ممررة ومعايا التوم السكرى
بياع محبة للوطن مين يشترى
قرب يا ظالم مفترى
جت فرصتك
معايا شاب ضاع بين بطالة وبين وسايط
معايا مجنون خابت اماله , و عقله شايط
معايا طحش فى مكتبه مبسوط وزايط
معايا صبح أسود وليله الفحلقى
بياع محبة للوطن مين يشترى
قرب يا ظالم مفترى
جت فرصتك
قرب يا كاتب ميت كتاب
هى الثقافة فى الحساب ؟؟
هى البلد تقدر تطير فوق فى السحاب؟؟
لو كان كلامك فى التراب راح يترمى
بياع محبة للوطن مين يشترى
قرب ياظالم مفترى
جت فرصتك
قرب يا فاهم فى السياسة
وأكشفلنا طرق الخباثة
المتلونة المتزينة فى ورق سوليفان
شيل الورق تلقى الغبار ع الشط وبان
والعقول الواضحة الطيبة بالعفار راح تتملى
بياع محبة للوطن مين يشترى
قرب يا ظالم مفترى
جت فرصتك
صحصح يا شارى , وأسمع الكلمات دى منى
أنا اصلى خبرة بحكم سنى
بلدك يا شهم أتلكفنت من سقعة الليل البهيم
غطاها واحد حبها بنية القلب السليم
صبح البهيم من غير غطا وأتحبس
فى رقاب عروسة مقطقطة
مش بالطيابة راح تعيش
لا بالحداقة ها تغتنى
بياع محبة للوطن مين يشترى
قرب يا ظالم مفترى
جت فرصتك
معايا راجل من عوام الشعب معهوش فلوس
مسروق شقاه بفعل واحد م المجوس
مسنود فى ضهره كام تتارى وكام مغولى
فاحت (بسين) مليان دهب ونزل يغوص
راحت فلوس أخينا وقال
ياهادى لسه هنبتدى
بياع محبة للوطن مين يشترى
قرب يا ظالم مفترى
جت فرصتك
معايا صندوق أنتخاب
توماتيكى بريموته وجراب
تضغط لحق ها يتنفخ وها ينفخك
بياع محبة للوطن مين يشترى
قرب يا ظالم مفترى
جت فرصتك
فوازير يا زير تعليمنا واطى ولا عالى
ظبط يازير البير وأسمع سؤالى
خرابيط , فى مخ الواد
تخابيط فى جدر النبات
هى البلاد ناقصة العقول البربرى
بياع محبة للوطن مين يشترى
قرب يا ظالم مفترى
جت فرصتك
يا بتاع قروش شلنات برايز
مين فى السباق هوا اللى فايز
الجنيه الامريكانى ولا الدولار المصرى
هى الاصالة فى القروش كمان راح تختفى
بياع محبة للوطن مين يشترى
بياع محبة للوطن مين يشترى
قرب يا ظالم مفترى
جت فرصتك
يا كلام عجين ويا اللحون
يا سلام عليكى يا مصر يا ام العيون
يا سلام يا قوام الشقرا يا ملعلع
على شاشة عرض ها يولع
يا صباح الخير يا رقاصة
يا أم القوام السمبتيك , هزى القوام
يلا أرقصى , طظ ف اعلامنا الفنجرى
بياع محبة للوطن مين يشترى
قرب يا ظالم مفترى
جت فرصتك
صفافير كتير ع الصبح من صاحبى العزيز
أطلعله يزقلى الجواب
أرمى الكتاب , وأقول يا سلام يارب
فرجك حقيقى فك كرب
قرب يا ظالم هو ده الشاب الوسيم

قرب يا ظالم واشترى
بياع محبة للوطن , مين يشترى
قرب يا ظالم مفترى
جت فرصتك
معايا شاب عاوز يسافر لاجل مال
أسد حقيقى من صغره طلع حّمال
خد سفره .. او سنفره
مش فارقة أصلا .. إنتا مين ؟؟
توظيف عمالة , ولا انتا السمكرى ؟
بياع محبة للوطن مين يشترى
قرب يا ظالم مفترى
جت فرصتك
يا زمان أصيل يا تاريخ جميل
يا حكاوى تواريخ شعب نيل
مين يشترى كتاب الوطن
مين يشترى علم إندفن
بعدما كان فى السما
بعدما أتّلف , أتسجن
بعدما أتقال ع التاريخ
يارموش فراعنة على صوت الناى اللى نام
قومى صهللى
بياع محبة للوطن مين يشترى
قرب يا ظالم مفترى
جت فرصتك
يا سلاح معمر بالذخيرة
يا جيش معبى خيرة شبان البلد
ختى الولد , ودخلتى الحرب
وقلنا ها ندك المعارك بسلاح عزيز سموه ياقلب
وللاسف , السلاح بان وانكشف
وطلعتى أنتى الاخيرة , يلا أضحكى
بدل البكا راح اللى راح
ليه نشتكى ؟
بياع محبة للوطن مين يشترى
قرب يا ظالم مفترى
جت فرصتك
مشتقالك ألف نقطة يا مجرى توشكى
مشتقالك تروى أرض جفاف وصحرا
بس حاسب م الخطر , ها يخصخصوك
وها يرموا توبك المصرى , ملعون أبوك
صحصح وفوق هوا الهوان من قلته
عاوز تجيبه يا مفترى
بياع محبة للوطن مين يشترى

أخي الكريم... شاعر بالحق اقول

كيف حالك يا رجل؟

عندما يطل شاعر يختفي القمر...

فانت وجه للقمر....

شاعر بالحق اقول ...


سأعيد البحث عن مفترقِ طريقٍ آخر

قالبقاء في دائرة الخنق .. أجهد العنق

سيحيل اللقاء فجراً لن يتوارى خلف المغيب

أثقُ بأنك قادرٌ على لملمة الاوراق .. واعادة البناء من جديد


!


!



!



" شاعر بالحق اقول "


شاعر تعمد تحريك الهواء

لذا غصت في اعماق المصير

مروري من هنا اسعدني

فربما كان الاعلان

من هنا واصل ندائك والصمت يتقن الاستماع


دام نورك


لك راية بيضاء
مع تقديري

سطور تنطق لوحدها حقا(بكل مرارة الواقع المعاش ) .. لم نكن لنقرأها او لنسمعها الا من شاعر بالحق يقول

سلمت يمينك اخي

كانت تلك كلماتك صرخة عالية تشق الاذان وتصحي الاعين النائمة .. سطور سطرت تنطق بلسان كل واحد منا ..

سلم تعبيرك اخي شاعر بالحق اقول .. موفق باذن الله