فخ فخينا
الحياة بقت فخ فخينا
يوم يعدى ويوم يجينا
والصراع بقى هوه هوه
بين حاضرنا وبين ماضينا
اللى ماشى يشكى همه
واللى راح يطخ عمه
واللى ناسى ابوه وامه
واللى بيضيع بين ايدينا
الحياة بقت فخ فخينا
يوم يعدى ويوم يجينا
والصراع بقى هوه هوه
بين حاضرنا وبين ماضينا
واللى عايش جوه فيلا
واللى عايش جوه قصر
واللى عنده رصيد كبير
فى البنوك ملهش حصر
نفسى مرة يلقوا نظرة
ع اللى كل حياته فقر
والذكاه دى بردو واجبه
زى ماقالها نبينا
الحياة بقت فخ فخينا
يوم يعدى ويوم يجينا
والصراع بقى هوه هوه
بين حاضرنا وبين ماضينا
دنيا غابة
والديابه
فيها دايما صعرانين
بيموتوا الناس الغلابه
واللى راح ينقذنا مين؟
وطلعوا فيها كمان وقالوا
دى حماية للقوانين
قوة عظمى يعنى فوق
واحنا صغرى نبقى تحت
وكل منحاول نعدى
اللى فوق بيدوس علينا
الحياة بقت فخ فخينا
يوم يعدى ويوم يجينا
والصراع بقى هوه هوه
بين حاضرنا وبين ماضينا
دنيا فيها خير وشر
فيها قاسى معاه رحيم
فيها عزة معاها ذ ل
والبخيل ويا الكريم
واللى مقصود من كلامى
واللى بيخفف الامى
ان كل شىء له عكسه
والصفات مش دايمة لينا
الحياة بقت فخ فخينا
يوم يعدى ويوم يجينا
والصراع بقى هوه هوه
بين حاضرنا وبين ماضينا
انا طبعا مش شيوعى
ولا حتى من الاخوان
وكل اللى اقدر اقوله
انى اكيد مش جبان
ونفسى ف حاجه بسرعة تحصل
وهى جاية لا محالة
اللى فوق من فوق هينزل
واللى تحت لفوق هيعلى
والكراسى راح تتبدل
ونرجع من تانى لماضينا
والحياه يوميها تبقى
خير وخير ومفهش شر
والفقير ساعتها ينسى
اى لحظة فيها مر
والجنين من بطن امه
يتولد ويبقى حر
بس كل ده هيحصل
لما هنشبك ايدينا
الحياة بقت فخ فخينا
يوم يعدى ويوم يجينا
والصراع بقى هوه هوه
بين حاضرنا وبين ماضينا
م/ هيمووو
