بقلم .. محب فى الله
لكى تعيش فى مصر مبارك لابد وان تعتمد على الترجمة لكى تتمكن من فهم اى شئ يحدث حولك .
والكلمات التالية تكشف بشكل ما كم اصبحنا ننتج ونستهلك ونتحرى الكذب والفهلوة.
الكلمـــــــــــــــــــــة: لم افكر بعد فى ترشيح نفسى
مجال استخدامها: فى الحوارات التليفزيونية
معناها الحقيقـى : عايزكوا تتحايلوا عليا شوية
الكلمـــــــــــــــــــــة: تم السيطرة على الموقف وضبط الجناة
مجال استخدامها : بعد حدوث العمليات الارهابية
معناها الحقيقــى : القبض على اهالى المدينة التى ينتمى اليها الجناة وجارى نفخهم الآن
الكلمـــــــــــــــــــــة: شد حيلك الأعمار بيد الله
مجال استخدامها : امام غرفة العناية المركزة
معناها الحقيقــى : المريض مات بخطأ طبى ولن نعترف به
الكلمـــــــــــــــــــــة: عملنا اللى علينا والباقى على الله
مجال استخدامها : امام غرفة العمليات
معناها الحقيقــى : تم نزع كلية المريض لبيعها
الكلمـــــــــــــــــــــة: اعادة هيكلة الدعم
مجال استخدامها : فى بيان مجلس الوزراء
معناها الحقيقــى : الغاء الدعم من غير محد ياخد باله
الكلمـــــــــــــــــــــة: نعم لمواصلة مسيرة التنمية
مجال استخدامها : فى مجال النفاق
معناها الحقيقــى : اقعد على قلبنا كمان ست سنين عشان تقفلهم التلاتين
الكلمـــــــــــــــــــــة: معلش صوتى تعبان شوية
مجال استخدامها : فى حوارات المطربين التليفزيونية
معناها الحقيقــى : صوتى يقرف الكلب الأعور بس مضطر اغنى
الكلمـــــــــــــــــــــة: احنا ميهمناش الفلوس لأننا بنشترى راجل
مجال استخدامها : عند الاتفاق على الزواج
معناها الحقيقــى : طبعا يهمنا الفلوس لأننا بنبيع البنت
الكلمـــــــــــــــــــــة: نام يا حبيبى انت بتشقى طول النهار
مجال استخدامها : فى العلاقات الزوجية
معناها الحقيقــى : اتخمد يا آخرة صبرى .. الله يقطع دى جوازة .. انا عارفة
عاملين رجالة على ايه...
الكلمـــــــــــــــــــــة: ربنا كرمنى وخطبت واحدة كويسة
مجال استخدامها : يقولها الشاب لأصدقائه على القهوة
معناها الحقيقــى : العروسة خارجة من حادثة
الكلمـــــــــــــــــــــة: خلينا اخوات احسن
مجال استخدامها : تقولها الفتاة لحبيبها لما يوصلوا السنة النهائية
معناها الحقيقــى :حتجوز واحد غنى يا شحات وحديك صابونة
و ... معلش احنا بنتكلم