اين المسلمون ........... والجوعى يحتضرون
بسم الله الرحمن الرحيم
احبائي في الله اخواني واخواتي اعضاء المنتدى السنا نحن مسلمون؟!
السنا نريد ان ندافع عن رسول الله
اسال نفسي دوما هل اديت حقي تجاه رسول الله وهل انت تسأل نفسك دوما هذا السوال ان كنت تسال فدعني اسالك بل واسال نفسي ماذا فعلت
تحدث بلا حرج قبل ان نسب الغرب اوحتى نحتج على ما فعلوه هل انت لم تشارك في هذا كل هذا كلام ومقدمات نحن لسنا بحاجة الى من يعرفنا مشاكلنا عفوا فنحن ادرى الناس بها نعم اعرف ماذا ستقول يعني هانعمل ايه؟ صحيح احنا عاوزين نحرر الاقصى ومش عارفين نفسنا العرب يتحدوا بس مبيتحدوش
رفعنا شعار ابدا بنفسك بس ما اتغيرش حاجة كلنا حتى بين نفسنا ممكن نكون بنقول كدة لكن انت عايز تغير سياسة دول لوحدك ابدأ بالمشاكل اللي ممكمن تتحل بس خليك طموح وعندك هدف كبير


عارفة ان فالمنتدى حرية تعبير وان احنا ممكن نقول اي حاجة لكن اعذوروني كفاية كلام مبنخدش حاجة منه لو متحركناش
انا قلت الكلام ده للي عاوز يعمل حاجة بجد
ارجوكم يا جماعة انا هادخل في الموضوع من غير ما اذوقه بكلمات اخرى لان الواقع يكفي
شوفتو المسلمين اللي بيموتو من الجوع بس شوف انت بتتغدى ايه
عاوزين نفكر في الموضوع ده بجد انا طرحت الموضوع يمكن يكون اطرح قبل كدة
احنا ممكن تجمع من كل اللي حولينا ونتفق مع منتديات تانية يساعدونا وباي طريقة نوصل الحاجات دي ده الصليب الاحمر اتحرك مالكو قلوبكم حجر؟!
الصليب الاحمر اتحرك مالكو قلوبكم حجر؟!
عارفة انه حلم جميل بس ممكن يتحقق احنا في الاجازة وممكن نقعد نفكر
احنا في المنتدى رجالة بجد وبنات رجالة بخطواتهم
ارجوكم الملايين بيموتو واحنا لسه حاسين ان احنا مش هانعمل حاجة المسلمون يستصرخون
انت مش مسلم ولا انت لو معملناش حاجة لان الحديث الشريف بيقول بمعناه من لا يهتم بالمسلمين فليس منهم
ارجوكم قلولي اقتراحتكم عايزة مشاركة فعلية وناس بجد
احنا ممكن فعلا نعمل حاجات كبيرة كدة طب ما صناع الحياة بيعملو اكتر من كدة

حب الحياة

السلام عليكم ورحمة الله وبركاته

جزاكى الله الف خير على كلامك وحماسك يا حب الحياة

واحنا بدانا بشمروع اليتيم وانتى كنتى من اللى اشتركوا فيه قبل دخولك المنتدى

انا بس مستنية زيك هشوف الافكارو الاقتراحات والاخوة والاخوات يدخوا يردوا ونفذ ان شاء الله

اسفة انى مقترحتش بس مستعجلة شوية بس هدخل تانى

اختكم فى الله (اسيرة الصمت)

السلام عليكم ورحمة الله...
طبعاً هذا أقل الواجب....بالنسبة لي أنا معك أختي الكريمة ...ننتظر الاقتراح المناسب ويجتمع الرأي عليه...

بارك الله فيكِ...
وجزاكِ خيراً بخير...
وتفضل عليك بإحسان...

بارك الله فيكى حب الحياة
ونفع الله بك

انا عملت فكرة :

صنعت حصالات لجمع المال
شكلها جميل مثمنة الشكل كرتونية عليها بسبب تصميمها اكتر من 24 صورة للجرحى ومشاهد المسلمين
وسميتها حصالة الخير
ووزعتها على المصالح والهيئات والمدارس للطلبة

جمعنا حتى الان بالاضافة الى مكسب بيعها اللى هو برده لصالح فلسطين54000جنيه
من 9000حصالة بس
تكلفة الواحدة50 قرش وبنبيعا بجنيه
ممكن تنفذوا فكرة زى دى ونبعد عن الاوراق الرسمية لانها حصالة تشبه حصالات الاطفال
ومن ميزتها برضه تربيه الاولاد على حب فلسطين وبذل الماء
وايضا تباع فى المكتبات العام
وايضا توزع على الصيدليات والمحلات العامة وتوضع على الرف
وبرضه فى اللى علقها زينة فى المحل كدعوة

دى فكرة متواضعة انا عملتها بحكم عملى فى التصميم والطباعة والجرافيكم ولقيتها نجحت ممكن انتو تضيفوا عليها بما يناسبكم

وتقبل اللهع منا ومنكم

اخوكم خالد

على فكرة دي حاجة رائعة لو ممكن تبعت التصميم ونحاول ننفذة بس على شكل جوعى ونعمل لها شعار كل واحد ينفذ كمية اللي قدر عليها ويوزعها على قريبه وصحابه والله معانا يا جماعة وهايوفقنا
اما عن التبرعات بشكل مباشر ممكن نبدا من المنتدى وكل عضو مسئول عن المناطق القريبة منه وحتى البلاد ونجمعها مع عضو واحد في الاخر وممكن كمان نشارك منتديات اخرى
يا جماعة والله ماهو حماس وخلاص احنا ممكن نعمل حاجة تتكلم عنها الدنيا احنا اسمنا الحلم العربي بس هو فين وازاي نخليه حقيقة اوعو تقولو للحظه واحدة دي اوهام اوكلام ناس طايشة دي حاجة مش هاتكلفنا غير التوكل على الله وعدم اليأس وجراءة
والله الواحد بيصعب عليه نفسه لما يلاقيها مش عارفة تعمل حاجة وقاعد بياكل احسن اكل وبيتامر كمان والناس مش لقيه نقطة ماء

اخي الشامية وكل اعضاء المنتدى الاخ خالد قال الفكرة وانا كملت عليها ايه رايكو هاتشتغلو ولا ايه
انا عارفه ان احنا مش بتوع كلام وخلاص منتظرة اقتراحات تاني ارجوكو بجد الموضوع خطير

الاطفال يموتون والنساء يصرخون واحنا حتى نبخل بفكرة نعرضها او حتى نديهم امل في بكرة
اكرر من لم يهتم بالمسلمين فليس منهم وانتو قلوبكم مالها ايه اللي فيها اتكسر

السلام عليكم

لا طبعا يا نور

اكيد الاخوة هتكتب فكرة واقتراح

بس انا وانت هنبدا تنفيذ

بس الاول نلافى تفاعل زى الاخ خالد

اتمنى يا اسيرة والله ده اللي يحصل انا لما كتبت الموضوع كتبتة بصورة عملية لنكسب وقت
لكن للاسف الوقت بيضيع مش في كتابة الموضوع في التنفيذ مش مشكلة انا عارفة ان احنا معانا احسن ناس في المنتدى وان شاء الله هايسعدونا