السلام عليكم ورحمة الله وبركاته

عندى سؤال ليكم صغير بس معناه كبير .............

من اقرب اليك اهلك ام اصدقائك ؟ ؟ ؟

فانتى يا اختى هل تحبى الكلام مع امك اكثر ام صديقتك ؟ ؟ ؟
وهل اذا وقعتى فى مشكلة ما فهل ستجرى الى امك ام صديقتك ؟ ؟ ؟

وانت ايضا اخى الى من تلجأ بعد الله فى امورك الى اصدقاءك ام اهلك ؟ ؟ ؟

انا طرحت هذا الموضوع لان يوجد الكثير من الناس علاقتهم بأهلهم سطحية
اخرها صباح الخير صباح النور انا عاوز انا عاوزة
اقصد مفيش حوار بينهم

فهل السبب من الاباء ولا من الابناء ؟ ؟ ؟

منتظرة آرائكم .........

..............................................

السلام عليكم ورحمه الله وبركاته
اهلا بك يا حبيبتى نهى
انت بتتكلمى فى موضوع يطول شرحه ولكننى ارى ان مسؤليه العلاقه بين الاباء والابناء
تقع على عاتق الاباء
وان اخلاق الابناء وطريقه اسلوبهم وحياتهم فى الاخر ترجع الى الاباء
وللاسف
الموضوع ده بقا كتير اوى
بس للاسف ملوش علاج فى الكبر
بمعنى
اتعودنا على كده خلااااااااااااااااااااااااااااااااااااااص

زى ما الرسول عليه افضل الصلاة والسلام قال : التعلم فى الصغر كالنقش على الحجر والتعلم فى الكبر كالنقش على الماء.
بمعنى الحديث يعنى .
فكل حاجه راجعه للصغر وطبعا فى الصغر اى حاجه ممكن نتعلمها من الاباء
كالاخلاق والقيم وطريقه التفكير وطبعا الصلاة و تعلم القران الكريم
نجد اغلب الشباب والبنات
مفيش صلاة ولا اى حاجه ليه
هايقولوا اصل محدش عودنا عليها

فالموضوع كبير اوووووووووووووووووووووووووووووووووووووى
ويارب
نتعلم نحن من أخطاء أباءنا ولا نعامل أولادنا بمثل ما تعاملنا به نحن
ان شاء الله.
وكل شىء نصيب
والحمد لله والشكر ليك يارب على هدايتنا بيدك الكريمه
والسلام عليكم ورحمه الله وبركاته.
منتظرة ردك يا نهى

السلام عليكم ورحمة الله وبركاته

حبيبتى لؤلؤة الحياة

اكيد كلامك صح فالتربية هى العامل الاول والاساسى اللى هيترتب عليه سلوك الابناء
بس ممكن بردو الابناء يفعلوا اشياء كويسة مثل الصلاة وغيرها بدون توجيه من الاباء
بس هو اكيد مش كتير بس موجود

بس انا عايزة اتكلم بصراحة معاكم . . . انا فى الحقيقة علاقتى بامى كويسة والحمد لله
وفيه حوار بينا بس مش بتكلم معاها فى مواضيع تخصنى
يعنى مثلا لو في مشكلة حصلت لى مع احد من اصدقائى او زملائى او غيرها من المشاكل
بصراحة بلجأ الى اصحابى اكتر وده مش معناه ان انا بعيدة عنها بالعكس انا بحبها اوى
وبحب اتكلم معاها فى كل حاجة الا الحاجات اللى تمسنى اوى
ويمكن زى ماقالت لؤلؤة عشان يعنى انا متعودتش على كدة من صغرى يبقى صعب فى الكبر
مش عارفة

المهم منتظرة بقية الاراء .

.............................................................

انا بحبكم والله يا اخواتى فى الله
انت عارفه كان الاحسن اننا نعمل اجتماع كل شهر على الاقل نشوف فيه بعض


بصى يا حبيبتى نهى
احنا كلنا بنحب أهلنا واخواتنا لانها دى طبيعه من جواكى
بس مبقاش فيه ترابط اسرى
الواحد ليه غلط فى حياته؟؟؟؟؟؟؟؟؟؟؟؟؟؟
لانه ملقاش الحنان فى البيت
طبعا فيه حب ؟؟؟؟؟؟؟؟؟؟؟؟؟؟؟؟ بس مفيش حنان ؟؟؟ الحنان ده
مش فلوس الواحد بياخدها
لااااااااااااااااااااااااااااااااااااااااااا
حضن دافىء من الام والاب نظرة حنان
لما تكونى زعلانه يفهموكى من نظرة عنيك ؟؟؟؟

بس نيجى فى النهايه ونقول
قدر الله ما شاء فعل وان الدنيا دى كلها نصيب
ومحدش بيختار اهله ولا اخواته ولا حتى حياته ولا اى حاجه

والواحد بيتمنى ان ربنا يعوضنا جميعا
بالزوج الصالح الذى يرضى الله عنه ويرضينا ويقربنا من الله
ويكون كحب سيدنا محمد لخديجه رضى الله عنا وجمال يوسف ورقه ابا بكر رضى الله عنه
وقوة عمر .
اميييييييييييييييييييييييييييييييييييييييييييييييييييييييييييييييين يارب العالمين.

السلام عليكم

تسمحولى اشارككم

انا اقرب حد ليه هما اربعة بصراعة هقولهم بالترتيب ومتزهقوش

اولا :
طبعا وده متفقين عليه ربى ................ الله ................ ربنا

بنحبه اوى وبنرتاح لما ندعيه
واللى اهم من ده لما احتار احكى لمين بساله هو الاول
بستخيره

ده متفقين عليه

ثانيا:
نفسى
بحب اقعد مع نفسى اوى
مش انطواء ولا انزواء
بس حاجة تانيه بنحسها ومنعرفشى نعبر عنها
بس مبقعدشى معاها كتير عشان مش فاضى

ثالثا: حبيبتى

متخافوش انا اقصد مراتى
شوفوا انتو تقصدوا مين وبجد شوفوا انتو بتحبوا مين

رابعا:
امــــــــــــــــــــــــــــــــــــــــــــــــى
بس لولا انى اخاف اتقل همها لكانت هى وربنا وبس


اما موضوع التربيه ده فكبير اوى نهى ولؤلؤة لو حبيتو نتكلم فيه فاجهزوا



خالد

بارك الله فيكم ورعاكم

اهلا بك يا اخى خالد
نهى شكلها خرجت تتغدى معاد غدى وكده
اللى ياكل لوحده يا نهى

انت متجوز ............ماشاء الله ....مش بنق متخفشى . بس مكنتش اعرف
اللى اداك يدينا
ربنا يكرمك يارب ويوفقك وتعوض مراتك وتكون جمبها ومتخلهاش تحتاج لحاجه فى الدنيا
لان الزوج ده اعتقد انه بعد ربنا علطول
وربنا يوفقنا جميعا

وادعلنا انت بس

انا موجوده بس انت محددتش سؤال علشان نشارك بأرائنا؟؟؟

ايه ده يالؤلؤة انا فعلا كنت رايحة اتغدى
بس انا مأكلتش لوحدى انا اكلت مع ماما واختى واخويا

بصى يا لؤلؤة هو فعلا فى اسر كتير همها الاول جمع الفلوس من اجل المعيشة
هو مش غلط بس فى اولويات اخرى كتير يعنى الحياة مش فلوس وبس


أخى خالد بارك الله فيك فعلا اول من نلجأ اليه اكيد هو الله
وقلت تانى حاجة هى نفسك . . اكيد صح لان القرار سوف يعود عليك فى الاخر
فلازم تفكر لوحد وتقرر . . .

بس طبعا لازم تشرك حد تحبه وتثق فيه وتشوف رأيه هل يناسبك ام لا ؟
وهى دى المشكلة عشان تشرك حد فى همومك مش هتلاقى كتير يسمعوك
ولو لقيت مش هيهتموا يعطوك حلول ولو لقيت بقى كل ده يبقى يا بختك

ولو على موضوع التربية فاحنا ان شاء الله جاهزين ولا ايه يا لؤلؤة

حمد لله على السلامه يا نهى ........................انا كنت حاسه انك رحتى تتغدى
قلب المؤمن بقا
ايه يا بنتى مقضياها طول اليوم اكل

طبعا انا معاكم فى كل وقت ان شاء الله
بس للاسف
ملهاش علاج المشكله
احنا بس لو ربنا كرمنا نحاول منكررشى الغلط ........

الناس كلها نامت

ايه يالؤلؤة دى انتى قلبك دليلك فعلا اصل انا بحب الاكل
بس مش كتير اوى يعنى


مش عارفة يا لؤلؤة بس ممكن بكون فى حل

بس اكيد اكبر الغلط اننا نكرر الغلط

وشكرا ليكى حبيبتى على متابعتك معايا

بسم الله الرحمن الرحيم

السلام عليكم ورحمة الله وبركاته...............

انا هجاوب علي طول من غير مقدمات...........

اقرب شخص لي هو اخي ثم امي .....(اكيد طبعا بعد الله )

اما من اقصده في مشاكلي (اكيد بعد الله ) هو ابي واختي ثم اخواني في الله ممن اثق فيهم كامل الثقة...

يعني انا الاسرة عندي قبل الاخوة ............نظرنا لظروف اسرتي المتسامحة ...والتي تسمح بالحوار......

لكن طبعا في مواضيع لا اتكلم فيها الا مع اسرتي فقط.......وهناك من المواضيع ما اتكلم فيها الا مع الخوة في الله...........

سلاااااااااااااااااااااااااااااااااااااااااااام

السلام عليكم ورحمة الله وبركاته

جميل ان اسرتك متسامحة وبها حوار بارك الله فيهم وفيك
وفعلا الاهل هم اكتر الناس خوفا عليك وحبا ليك

سلااااااااااااااااااااااااام


.................................................................

السلام عليكم ورحمه الله وبركاته
اهلا بيكى يا نهى بس لما تروحى تتغدى ولا تكلى اى حاجه كده تبقى عرفينى يعنى ولا ايه

وفعلا على كلامك

اكبر الغلط اننا نكرر الغلط ...............
بس انا ساعات كتيرة بكرر الغلط للاسف...........

وساعات بحس انه غباء ........ بس مش ممكن انها تكون ظروف
او بمعنى مفيش حد جمبك

طبعا مش مبررات

بس الواحد بيحاول بقدر الامكان انه يكون راضى عن نفسه .........بحاول

وطبعا ان ربنا يرضى عنى .....دى حاجه كبيرة

بس لو ربنا راضى عنك ...........................الواحد هاييحس بايه

بتكثرى من العباده .........بس مش ممكن انه يكون ده منك انت بمعنى ان الواحد بيحاول يجاهد فى نفسه علشان ربنا يرضى عنه.

مش ساعات كده الواحد بيقول
هل ربنا راضى ولا لأ؟؟؟؟....

بس اعتقد مدام الواحد مش راضى عن نفسه اى حد ما ....اكيد ربنا مش هايكون راضى

يعنى

وربنا يرضى عنا جميعا

اقرب شخص ليا بعد الله سبحانه وتعالى هما صحابي ثم اصحابي ثم اصحابي
وكثيرا ما اجلس وحدي بل الاغلبيه اني وحدي ولكن نفسي دوما تذكرني بهمومي ولا انساها الا مع اصحابي وبس
اما امي وابي رغم حبي الكبير لهم لكن عمري ما فكرت اني احكيلهم على حاجة تكون مصيريه
او سر ما حصلت نقلات كتير في حياتي محسوش بيها هما مش مقصرين بس يمكن لاني متعودتش على كدة

السلام عليكم ورحمة الله وبركاته

جزاكى الله حبيبتى لؤلؤة وفعلا اختى
فالانسان يحاول ان يرضى الله كى يرضى عنه الله

اختى حب الحياة
انا تقريبا مثلك انا كمان متعودتش انى احكى لامى عن حاجات تخصنى اوى
وعارفة ان ده مش صح بس يمكن عشان متعودتش
وفى مرة قررت ان هحكيلها بس معرفتش
بس حاولى حبيبتى وانا كمان هحاول عشان الام هى المفروض انها اقرب شخص لينا
واكتر انسانة تخاف علينا

وشكرا ليكى حبيبتى لؤلؤة وحب الحياة لمشاركتكم

السلام عليكم

طيب

نويتو نتكلم عن التربية


رايكم نكمل هنا ولا الاخت نهى تعملها صفحة مستقلة
الموضوع يستحقث اكيد

على اى حال انا عايز ابدا الموضوع بحاجة

التربية تعتمد على المبادىء والقيم

بغض النظر عن من اعطانا او لقننا او علمنا هذه المبادىء وهذه القيم

فليس كل من نشا مع ابوين تربى
وليس كل من نشا منعزلا صار عديم التربيه

فمن الايتام من يحملون من القيم مالا يحمله غيرهم

فليس الذنب دائما ذنب اب وام
بل هى ذنب عدم توافر البيئة التى تحمل هذه القيم

ايا كانت هذه البيئة


دى بداية


كملوا وانا معاكم


خالد

السلام عليكم ورحمة الله وبركاته
اهلا بكى يا اخى خالد
كلامك حكم والله وواقعى جدااااااااااا

فعلا
فليس الذنب دائما ذنب اب وام
بل هى ذنب عدم توافر البيئة التى تحمل هذه القيم

انا معاك بس قوليلين جدا من الاباء الذين يرسخون الاخلاق والمبادىء والقيم فى وجدان ابنائهم
ولكنهم يقولون دا غلط ودا صح
وهما بعاد تماما عن الابناء فلا يعوضونهم من الحنان ما يكفى ...ولا يتحدثون معاهم
عموما
الواحد بيتعلم لوحده ..بس للاسف
بيكون فى النهايه على قد ما فهم على قد ما خسر برده
وتألم وتجرح من ناس كان فاكرهم أهلا للثقه

والحمد لله على كل شىء
الواحد مبيخترشى اهله ولا اخواته

كل اللى الواحد بيتمناه ان ربنا لو أذن ولو كان لى نصيب
ان أعوض ولادى عن ما فقدته فى البيت.
ولكنى اعتقد ان الاب برده له دور مهم ...لان ايد لوحدها متسقفشى
ولا ايه
................. مش بعقد الموضوع ...بس دا حالى وملهوش حل
اختكم المتفائله

ده ايه التفائل ده كله




اختى الكريمة


ارى انك فعلا مكبرة الموضوع

اهلنا دول اختيار ربنا لينا.........ومن غيرهم مكناش هنبقى كده.........مكناش هنبقى بالعقل ده
ولا اسلوب التفكير ده..ولا الطموح ده...ولا النقد ده............




فاهمنى

اقصد ان مهما كانت شخصيتنا فلهم الفضل بعد الله فى تكوينها حتى وان كانوا مختلفين عنهم بس


عايزين نتعلم رسم البسمة على وجهنا حتى وان لم نستطع او وجدنا صعوبة

واكرر

من تعلم رسم البسمة تبسم



والحمد لله


خالد المتفائل

سبتلك التفاؤل ليك يا اخى المتفائل

الحمد لله الواحد متفائل جدا لان من غير أمل الواحد مش هاعيش

تعقيب على كلامك .......

ارى انك فعلا مكبرة الموضوع

اهلنا دول اختيار ربنا لينا.........ومن غيرهم مكناش هنبقى كده.........مكناش هنبقى بالعقل ده
ولا اسلوب التفكير ده..ولا الطموح ده...ولا النقد ده............


مش كل الاهل كده يا اخى خالد بمعنى كون ان ربنا يرزقك بأهل كده يبقى نعمه كبيرة

عندما تكون عائله مترابطه ومتفاهمه ده نعمه كبيرة

انا عن نفسى ....تعلمت كل حاجه للاسف لوحدى
من تجارب الحيـــــــــــــــــــــــــــــــــــــــــــــــــــــــــــاة
وما أدراك تجارب الحياة.

وعلى موضوع
عايزين نتعلم رسم البسمة على وجهنا حتى وان لم نستطع او وجدنا صعوبة

واكرر

من تعلم رسم البسمة تبسم

متهيألك .... يا اخى
الكلام سهل
يعنى عاوز تفهمنى مثلا ...............ان الدنيا حواليك كلها سوداء
ولو عاوز تضحك هتضحك
ولو ضحكت هتكون من القلب؟؟؟....................

الواحد بقا بقدرته ومعونة الله وتقربه من الله وادراكه للحياة بمعناها ومفهومها وتجاربها
بيحاول يفهم هى ايه بالظبط.

بس.

وشكرا لاهتمامك وأرائك المتميزة يا بشمهندس

والسلام عليكم ورحمة الله وبركاته.

السلام عليكم


اختنا الكريمة


انا مش هعلق كتير بس هى كلمة من اخ كبير ونصيحة

انظرى دائما الى نصف الكوي الملئان

وعندما يكون الحديث عن الاهل فلا تتعجلى الحكم ابدا ابدا ابدا

وانتظرى حتى تكونى اما ان شاء الله


خالد

السلام عليكم ورحمة الله
جزاكي الله خيرا اختي نهي علي موضوعك الجميل
اما بالنسبه لاسئلتك فسوف اجاوبك بكلمة مختصرة لكل ماهو في موضوعك
الاقرب اليه في حياتي بالطبع اهلي وليس لي اصدقاء سوي امي وليس اتحدث مع احد بمشكله
ما سوي امي ويا ليتني اقدر ان اخفي عنها لانها بتعرفني جيدا
واحب ان اقول شيء هام جدا لاخوتي ولاخواتي
لا احد في هذه الدنيا سوف يعطيك النصيحه المفيدة غير امك وابيك لانهم سوف يعطوك النصيحة
من عن تجارب وخبرات بالحياة
وخصوصا الام لانها بها كمية خوف علي الابن ليس لها نهاية ،وارجو من الابناء ان يتفهمه ذلك
جيدا .
واشكرك يا نهي جزيل الشكر
اختك في الله

السلام عليكم ورحمة الله وبركاته

اولا بشكر خالد ولؤلؤة وبنت الاسلام

وبالنسبة لكلامك يا خالد انت ولؤلؤة

(اهلنا دول اختيار ربنا لينا.........ومن غيرهم مكناش هنبقى كده.........مكناش هنبقى بالعقل ده
ولا اسلوب التفكير ده..ولا الطموح ده...ولا النقد ده............)

خالد

(مش كل الاهل كده يا اخى خالد بمعنى كون ان ربنا يرزقك بأهل كده يبقى نعمه كبيرة )

لؤلؤة

اكيد اخى خالد الاهل ليهم اكبر الاثر على شخصية ابنائهم
بمعنى لو الاهل متدينين ويعرفوا واجبهم نحو تربية ابنائهم كويس يبقى الابناء بإذن الله
وانا بقول بإذن الله هيبقوا شخصيات نافعة لنفسهم ولغيرهم فى المستقبل


ولو الاهل غير متدينين او غير مبالين بأبنائهم او غير مدركين لمفهموم التربية الصحيحة
يبقى ممكن جدا الابناء تبقى عندها مشاكل كتيرة
لانهم متعلموش يعالجوا مشاكلهم ازاى

وكدة يبقى انا وصلت لنقطتك يا لؤلؤة ان مش كل الاهالى بيعرفوا يحتوا ابناءهم
ويعلموهم ازاى يحلوا مشاكلهم

بس فيه بردو اشخاص ليس للاهل تدخل فى تربيتهم
فكما قلت سابقا اخى ان يوجد الكثير من الايتام
اى ليس لهم اب او ام كى يعلموهم وعلى الرغم من هذا يحملون الكثير من القيم
وده اكيد من البيئة الى هما عاشوا فيها واكتسبوا خبراتهم منها

يعنى من اهم العوامل المؤثرة فى شخصية الابناء هى الاهل اولا ثم البيئة المحيطة بهم


حبيبتى بنت الاسلام معلش اتأخرت عليكى متزعلش يا جميل

انتى قلتى اهم حاجة ان اكتر ناس هيخافوا عليكى و هيحبوكى هم الاهل واخلص صديقة للبنت
هى امها والحمد لله حبيبتى ان ربنا اعطاكى نعمة الام التى تحتويكى وتفهمك .

انا بس عايزة اضيف ان بردو الاصدقاء ليهم عامل كبير فى حياتنا ومهم
يعنى بردو اللى عنده صديق من سنه او غير سنه ويكون مخلص له
دى بيأثر اوى فى حياته.

السلام عليكم ورحمة الله وبركاته

أولا أدام الله لكل الأخوة أهلهم

اسمحولي اتطفل عليكم وأحكي عن نفسي

انا أقرب حد لي بعد الله كان أختي الاكبر مني

ولكن بعد زواجها أصبحت امي هي الاقرب الي

في الامور المهمة او الحاسمة اي لا يوجد بيني وبين امي اي

حاجز فهي تعرف عني كل شيء

اما تفاصيل الحياة وشو جرى معي بالتفصيل من الصباح للمساء

فهو لاختي الاصغر مني لكي اتقرب منها اكثر ولا تشعر انه يوجد بيننا اي حاجز

وبذلك أكون انا ملجا اختي الصغيرة فلا تبحث عن احد لتخبره بما يحصل معها

اي ان اقصد انه يجب ان نعطي الاخوة الاصغرمنا في المنزل بعض الاهتمام
ولو اننا اغلب الاحيان لا ناخذ برايهم

ولا انسى دور الاصدقاء ولكنه ياتي بعد ما اكون قد اخبرت امي به
لاخذ راي اخر بعيد قليلا عن عاطفة الامومة

اللهم اغفر لي ولوالدي وللمؤمنين وللمؤمنات

أختكم المحبة في الله (عاشقة نعمة الاسلام)

حبيبتى عاشقة نعمة الاسلام
انتى تيجى فى اى وقت متستأذنيش دى مكانك فاهمة

بجد انا بحييكى على طريقة تفهمك واحتوائك لاختك الاصغر منك وده شئ مهم اوى
والحمد لله ان اسرتك متحابة وبينكم تواصل وصراحة

واكيد الاصدقاء لهم دور فى حياة الانسان بس دى لا يلغى دور الاهل الذى هو اهم دور

وجزاكى الله حبيبتى كل الخير على حرصك واهتمامك بأسرتك

السلام عليكم ورحمه الله وبركاته
يا اخواتى واخوتى فى الله
انا بس حبيت اصبح عليكم
ومعلشى على تأخير نهى
اصل الكمبيوتر بتاعها جمب المطبخ بشويه كده

وربنا يغفر لنا ولوالدينا ويهدينا جميعا.
ويرزقناجميعا.

فضحتينى خلاص

بس بقى الكمبيوتر مش جمب المطبخ ولا حاجة بس عارفة بقى انا اللى بسيبه وبروح
جرى ع المطبخ

بس برجع تانى

سلااااااااام يا احلى لؤلؤة

.......................................................

السلام عليكم ..
الأخت نهى .. شكرا لك على سؤالك عن كيفية علاقتنا بالآخرين.
إذا تكلمنا عن علاقتنا بلآخرين .. فنحن نعني الأسرة او الأصدقاء .. ولكن علاقتنا بالله لها نوع مختلف.. سأبدي رأيي في علاقتنا ( بالآخرين )
أحيانا تصادفنا بعض العثرات او المشكلات في حياتنا اليومية.. نحتار في تفسيرها.. وتعتمد على طبيعة نوع المشكلة التي نواجه.. فالمشكلات الإقتصادية والمتعلقة بالبنية التحتية لحياتنا نتوجه بها الى الأهل ( أولى لك فأولى ) حسب الشخص المعني بالمشاركة في إبداء الرأي وصناعة القرار.. قد تكون الأم مفيدة في تامين حماية من السلطة الأبوية وذات تاثير فعال احيانا . وقد يكون الأب أو الزوج هو صاحب القرار الأول والأخير في الموضوع..
أما المشكلات الإجتماعية فتنقسم الى قسمين : الأول لا يمكن حله خارج نطاق الأسرة ( زواج / خلافات / تربية/ تعليم / علاقات أقارب وجيران / مشاكل بين الخوة أو أحد البوين ) .
والقسم الثاني اجتماعي نفسي قد نلجأ فيه الى الأصدقاء والمقربين مع او بدون الأسرة احيانا مثل العلاقات
العاطفية/ الأصدقاء / النميمة والشكوى من بعض الأصدقاء / العتاب والنصائح / كيفية فهم بعض الأمور الخاصة { الغرامية والجنسية } / اختيار زملاء المهنة او الدراسة/ اختيار الأصدقاء / اختيار الملابس وعدة المكياج/ الطلعات والمشاويير والزيارات / الخداع والغش ..الخ
مشكلات الدين وفهم الحياة.. عادة ما نلجأ هنا الى ذويي الخبرة.. فقد تكون الأم والأب غير كافيين لتوضيح بعض الأمور . وغالبا ما يكون الأصدقاء بنفس المستوى من التفكير في مثل هذه اللأمور .. فيفضل هنا عدم استشارتهم
ولكن مهما كانت طبيعة المشكلة.. فعند استشارة شخص ما .. لا يعني ذلك اننا ضد باقي من لنا علاقة بهم..
فهناك بعض الشياء تقال للأم فقط.. وهناك بعض الأشياء تقال لصديق قريب جدا فقط.. وهناك بعض الأشياء لا يمكن ان نبوح بها لأحد أبدا.. وهذا ما نسميه بالأسرار.. فالسر لا يكون بين أثنين
وهناك علاقتنا بالله الرحيم.. وهو خير سميع وخير مجيب.. وهو من يشفي القلوب من وساوسها ويريح العقول من حيرتها.. فقط يجب ان نثق أنه يستمع إلينا.. عندها تكون علاقتنا به علاقة حقيقية.. ولا نذكره في الشدة فقط..
مجرد وجهة نظر
أخوكم (alkateb)
تحية عربية