هل تتعجب من السرعة التي تنتقل بها الإشاعات في المدينة؟؟؟

تعال ننظر إلى الأمر من وجهة نظر حسابية ليصبح الأمر جلياً واضحاً..
لأن كل شيء يفسر بخصائص الأعداد وليس بالخصائص الغامضة للظاهرة نفسها...
لنبحث المثال التالي...

وصل في الساعة الثامنة صباحاً إلى مدينة صغيرة يقطنها 50 ألف نسمة,أحد أبناء العاصمة,
وجاء بخبر جديد يهم الكل.
روى الخبر لأول ثلاثة أشخاص قابلهم,واستغرق هذا من الوقت ربع ساعة..
أي في الساعة 8,15علم بالخبر أربعة أشخاص,الراوي والثلاثة....وعلى فرض أن كل واحد من الثلاثة سيروي الخبر لثلاثة آخرين وسيستغرق ربع ساعة لروايته ,ففي أي ساعة سينتشر الخبر
في المدينة كلها؟؟؟؟؟


ممكن تحاولوا توصلوا للحل بأنفسكم...فبالمشاركة تحلو الحياة

وبعدين بشرحلكم كيف توصلوا للحل بأسهل طريئة........وسلامات

الحل هو الساعة 10:30 صباحا
اذا جوابي صحيح ، بشرح طريقة الحل

شهد....شفتك مستعجلة...تركت أهوتي و جيت خبرك جوابك صح
اشـــــــــــــــــــــــــــــــــــــــــــــــــــــــــــــــــــــــــرحي يا أمرة....

منيح الجواب صح
هي الفكرة بدأت معي انه قلت 1 حكى لـ 3 ، فصاروا اربعة بيعرفوا ، الثلاثة اللي عرفوا حكوا لثلاثة وحسبت الحسبة ، فصاروا 13 اللي بيعرفوا. فعملتلها معادلة
3س + 1 ، حيث س هو عدد الأشخاص اللي بيعرفوا.
بمعنى بالبداية ، كان شخص اللي بيعرف ، ف س=1
لما صاروا اربعة اللي بيعرفوا صارت س = 4 وهيك
وبعدين حسبت الحسبة مع الوقت طبعا ، وطلع معي الساعة 10:30
يمكن تكون الطريقة شوي معقدة ،
بس انت حكيتي انه عندك طريقة بسيطة ، هيني عم بستناها

حبيبتي شهد...
برحب فيكي بالأول يا عسل وبتمنى تكوني هون متل ما بتكوني ببيتك وبين أهلك...
فرحي بيزيد لما اخوتي بيزيدوا وبيتهيألي كأنك سورية أو عالأأل من بلاد الشام...
بس حسب معادلة س رح تكوني سورية....أهلا فيكي ونشالا بتسعدي بيناتنا...

جوابك كتير صح والمعادلة بتاخد عمليات حسابية كتيرة وانا رح علمك طريئة سهلة..
بس هلأ مشغولة ..إن شاء الله بكرة الصبح بعد الأهوة بكتبها...
ماشي يا عسل أو شهد ..؟مافي فرء...

سلامات من أختك ناهد...

انا فلسطينية بس معي جنسية اردنية ، جيران يعني

100 أهلا وسهلا ....

أكيد هالشهد هاد جمعتيه من كل زهوربلاد الشام ...من فلسطين ومن الأردن وأنا بهديكي زهور سورية
كمان.....

نورتيني ...
موعدنا بكرة بإذن الله...
سلامات يا شهد...

أحلى صباحات على محبي الرياضيات غير متتبعي الاشاعات إلا لفهم طريقة انتشارها بأقصى السرعات....

حبيبتي شهد....صباحك عسل
ما تآخذيني تأخرت.....بتعرفي...ظروف ومكاتيب

لنتتبع الآن كيف يتم الحساب...
نرى من خلال النظر من وجهة نظر رياضية أن لدينا متسلسلة الأعداد التالية...

1+3+(3×3)+(3×3×3)+.......الخ

نلاحظ الخاصية التالية للأعداد....

1=1
3=1×2+1
9=(1+3)×2+1
27=(1+3+9)×2+1.........الخ

بتعبير آخر إن كل عدد من هذه المتلسلة يساوي ضعف مجموع كل الاعداد السابقة زائد واحد صحيح..

من هنا نرى أنه إذا وجب إيجاد مجموع كل أعداد المتسلسلة من الواحد حتى أي عدد فإنه يكفي أن نضيف
إلى العدد النهائي نصفه (ويجب أن نحذف مسبقاً من العدد الأخير الواحد الصحيح)

مثلاً ..
مجموع الأعداد:
1+3+9+27+81+243+729=729+نصف 728,أي 729+364=1093.....

تلك كانت الطريقة التي نستطيع تطبيقها في مجالات واسعة...

سأسأل سؤال تطبيقي...

ماذا لو قام كل شخص قد عرف الخبر بإبلاغه إلى 10 أشخاص ...في أي ساعة سينتشر الخبر في المدينة؟؟؟؟


بانتظار إجابات محبي الرياضيات محمودي الاجتهادات...آت...آت...آت
سلااااااااااااااااااااااااااااااااااااااااااااااااااااااااااااااااااااااااااااااامات

[بجاوبك عليها بكرة ان شاء الله

9:15 صباحا

صحيح جوابك يا شهد ...في بداية الساعة العاشرة سيكون الخبر قد انتشر....
حسب هذه المتسلسلة الطريفة والسريعة للتصاعد...
في الساعة 8 =1

8,15 1+10 =11

8.30 11+100 =111

8,45 111+1000 =1111

9 1111+10000 =11111

العدد التالي في هذه المتوالية هو 111111.وهذا يعني ان كل المدينة ستعرف الخبر في بداية الساعة العاشرة صباحاً...أي أن الاشاعة ستنتشر تقريباً في خلال ساعة.....


أختي ....(الكلام عام)
انتبهي عندما تجلسي في الصباح لاحتساء القهوة مع جاراتك العشرة ....أو صديقاتك الخمسة
انتبهي لما تقولين من كلام....لأنه بعد ساعة ستتداول المدينة أخبار بيتك وأسراره....

شكراً لك يا شهد...لقد جعلت هذا الموضوع يتم....
تحياتي واحترامي...
سلامات...