يبدأ المشهد هكذا

***


الأم تقول لجارتها بحزن بالغ:
مش عارفة أعمل إيه معاها.. كل صحباتها اتجوزوا ماعدا هي.. وكل ما يتقدم لها واحد ترفضه وكأنه معمول لها عمل.. كبرت البنت خلاص وبقى عندها 29 سنة وقاعدة لي كده زي البيت الوقف.. والناس خلاص هتاكل وشي.. طيب أعمل إيه بس معاها؟



***


أو هكذا

حوار بين شاب وصديقه:
عارف "ليلى".. اتطلقت امبارح من جوزها.. والله صعبانة عليّ دي لسه صغيرة.. بس مين هيرضى بقى يتجوز واحدة مطلقة.. لأ وإيه دي ماكملتش معاه إلا سنة واحدة بس.. أكيد الموضوع فيه إنّ.. وإحنا مالنا يا عم!



***


أو هكذا

جلسة نميمة نسائية أصيلة:
"سوسن" دي غريبة قوي.. دي نزلت الشغل بعد ما جوزها مات بشهر واحد بس.. لأ وبتضحك وعايشة حياتها ولا كأن فيه حاجة.. شوية شوية تقلع الأسود كمان.. باين عليها عاوزة تتجوز تاني.. ما هو الصنف ده يقتل القتيل ويمشي في جنازته! -مصمصة شفاه-.. حكم!



***


هذه هي الحقيقة الـ..... "ضع مكان النقط ما تشاء من أوصاف.. مُرة.. سخيفة.. مخيفة"
وهذه النظرة السائدة في أغلب المجتمع بتاعنا تجاه..
المرأة التي تأخرت في الزواج..
أو تلك المطلقة..
أو التي توفي زوجها وأصبحت أرملة في سن مبكرة..


لا أحد يبحث في الأسباب
وإنما يطلق أحكاما سابقة التجهيز..
أحكاما تشمل كل اللائي تأخرن في الزواج أو تم تطليقهن أو أصبحن أرامل
جميعهن
إما مشيهم مش مظبوط
أو نحس
أو عاملين زي البيت الوقف -وهو وصف قاس.. بجح إذا شئنا الدقة-

والأحكام غالبا مطلقة وعامة..
ماحدش بيفكر إن لكل حالة أسبابها الخاصة جدا التي لا تصلح للتعميم..




يعني وارد جدا إن البنت اللي تأخرت في الجواز..
يكون عندها حق في رفضها للعرسان لأنهم غير مناسبين لها..

هتقول: "يعني معقول كل اللي بيتقدموا لها وحشين؟"
نرد ونقول: "أيوه يا أخي وارد جدا.. إيه المشكلة يعني؟ إنت لو حسبت عدد الناس الوحشة اللي بتقابلهم في حياتهم وقارنتهم مع عدد الناس الحلوين.. هتكتشف إن الغلبة تقريبا للوحشين فإيه المانع إنهم ييجوا كلهم ورا بعضهم.."

ثم إنه مش شرط يكون العريس سيئ عشان ترفضه البنت
ممكن يكون كويس جدا ومناسب جدا
بس لحد تاني غيرها لكنه لا يصلح لها تحديدا

وبعدين ده في الأول وفي الآخر نصيب
ورغم أن الجملة دي سمعناها كتير في المسلسلات بس هي حقيقية فعلا
وفي الأول وفي الآخر اللي ربنا رايده هيكون فعلا

نفس الأمر بالنسبة للمرأة المطلقة..
هو ليه الناس بتفترض إنه طالما البنت اتطلقت يبقى العيب منها؟!
مش جايز ووارد جدا يكون العيب من جوزها
ومش جايز لهفة أهلها واستعجالهم على جوزاها هو اللي خلالها تتسرع في القرار وتختار الزوج الخطأ فكان لابد من الطلاق؟

وبعدين يا أخي افرض حتى اتجوزت واحد كانت شايفة فيه إنه مثالي وبعدين اكتشفت بعد الجواز إنه مش كده.. غلطت يعني.. تستمر في الغلط ولا تعالجه؟

ومش الطلاق ده حلله ربنا؟
لأنه أكيد عارف بقدرته التي فاقت الكل أنه أمر مهم وأن كثيرا من الناس سيحتاجون له من أجل حل أمر معقد ومن أجل فض الارتباط بين طرفين باتت العلاقة بينهما مستحيلة.

يبقى ليه الناس بتتعامل مع المطلقات بكل الريبة والتوجس والشك ده؟

ده حتى الأرامل..
اللائي لا ذنب لهن مطلقا في وفاة أزواجهم
-ده قدر ربنا هتعترض برضه؟!-
تلاقي نظرة المجتمع برضه مضطربة وحائرة بين التعاطف والشك..
والجميع لابد وأن ينظر للأرمل على أنها "كيان ناقص" لابد من ترميمه
والترميم لا يتأتى إلا بالزواج مرة تانية -غالبا من أخي الزوج الراحل!-
حتى يتم سترها..


بالقطع نحن لا ندعو..
إلى تأخر البنات في الزواج
أو إلى إسراع معدل الطلاق!
أو حتى إلى عدم زواج الأرامل

بالقطع لأ
ما ندعو إليه هو عدم التعميم في النظرة..
وعدم النظر للمرأة -التي تأخرت في الزواج أو المطلقة أو الأرمل- بكل هذا الشك والريبة..
وعلى أنه لازم يكون فيها أو في سلوكها "حاجة مش ولابد"!


ولا إنتم شايفين إيه؟



شايفين إن المجتمع العربى بينظر
للمرأة المتأخر زواجها والمطلقة والأرمل نظرة مش جيدة ولا احنا غلطانين؟

ويا ترى فيه حد فيكم مر بالتجربة دي أصلا؟
و إيه العلاج من وجهة نظركم؟

السلام عليكم ورحمة الله بوركاته
بارك الله فيكِ على هذا الكلام الطيب..
وجزاكِ الله خيراً .. والله أولاً وأخراً يجب أ ننتقي الله في أنفسنا .. وأن نعلم أن الغيبة والنميمة والحكم على الناس والقول عنهم فيما هو ليس دخلنا..

--

ومن أراد القول عن هذه المرأة أو ذاك الرجل .. يجب أن يكون فقط إن كان سيء والعجز عن هدايته..
وكان سيء أو الخبث في قلبه .. فالواجب التحذير منه.. أو التحذير منها..
فقط..
أما غير هذا فيجب أن نتقي الله في أنفسنا وأن نعلم أن الغيبة وماسائره من كلام غير جائز وهذا الحل الأفضل برأي ..
وأنا تعلمت هذا .. وأقول أنه رأي يمكن لاني كنت بتكلم على الناس دون وعي ولما ربنا هداني وعلمت بان الكلام هذا مايصح.. فابتعدت عنه وأصبحت أحذر منه..

والسلام عليكم ورحمة الله وبركاته.

بسم الله الرحمن الرحيم

السلام عليكم ورحمة الله وبركاته

اولا كل عام انت بخير ..............وبارك الله لك اختي علي هذا الموضوع الجيد جدا .........


حقا هذا احد المشاكل الواقعة بالفعل في مجتمعاتنا وبصورة كبيرة ........

اؤكد علي كلام الاخ علاء بضوررة تقوي الله في كل شيء ........وفي كل حال .........

اما عن المواضيع التي طرحها .........

فالموضوع الاول حسااااااااااااااس جدا جدا .........واعتقد انا هذا الموضوع لازم فيه الايمان بالقداء والقدر .....وان كل شيء بيد الله ..........

اما الموضوع التاني فهذا هو الموضوع الذي اكرهه .......اكره هذة النظرة الي المرأءة المطلقة ......ولا اعلم لمل وجدت هذة النظرة البشعة جدا .........


اما الموضوع الثالث فهو موضوع نسائي بحت ...........لا مجال فيه للكلام ..........لان النساء لا اعلم لماذا تشعر احيانا ان النميمة والغيبة حاجة لازمة في حياتهم اليومية ........ربنا يهدي الجميع ......

سلااااااااااااااااااااااااااااااااام

السلام عليكم ورحمة الله وبركاته

شكرا ليكم اخوانى ع الرودود
وبالفعل لابد ان نتقى الله وان نعلم ان الزواج والطلاق والموت هذا من عند الله قدر ومكتوب

جزاكم الله اخوانى كل الخير

السلام عليكم ورحمة الله وبركاته ==== حبيبتى نهى === جزاكى الله خيرا على اثارة هذا الموضوع ===== كل ما يحدث للانسان ==== هذا قضاء وقدر ومكتوب === اما من ناحية نظرة المجتمع لهذه الحالات === نظرة ضعاف النفوس والايمان === الحل مزيد من الدروس الدينية فى المساجد والقنوات للناس ان يتقوا الله فيهم == هوه فيه حد يرضى لنفسه التعاسه == دى غيبة ونميمة اتقوا الله فى اماء الله

السلا عليكم

موضوعك اكثر من رائع اختى

وطريقة طرحه مميزة بارك الله فيك

انا مع اخى علاء فى كلامه ان الانسان يتقى الله ويبعد عن النميمة و الغيبة هوالحل الاول واتقاء الله فى كل كلمة يقولها

ومعك حق اختىنهى فى كل كا قلتيه هذا هو واقعنا للاسف

نرجو الله ان يهدى الناس لما يحبه الله ورسوله

اختك اكرام

جامد اوى لموضوع ده

تسلم الايادى

في جزء كبير من كلامك صح بس مش كل الناس نظرتهم كده للبنت اللي اتأخرت في الجواز او المطلقة لأن اغلبية الناس بتنظر لهم نظرة شفقة و لكن اصحاب النفوس الضعيفه بس اللي بينظروا نظرات تانيه ان كانت تشاؤميه او نظرة اخرى بتحكمها الظروف و دول معظمهم من البعاد عن ربنا ولازم البنت دي تعرف ان الزمن لم يتوقف عند طلاقها او وفاة زوجها و بس ....لأن الموضوع ده جديد عليا و مش عارف اتكلم فيه اوي اسف
و السلام عليكم و رحمة الله و بركاته

بارك الله لكى اختى نهى 000000 موضوع مهم ونقاش اجمل000000 انا معاكى فى رايك يانهى

قضيه مهمه جدااا00000 مشكوره على طرحك الرائع

كل واحد بياخد نصيبة

والحل فى هذة المشكلة سهلة وهى التحلى بالصبر والتدخل الطيب

واعلم جيدا ان ما وراء ذلك الشيطان والسحر

وقرءاة القرءان والدعاء هما خير حل لتلك المشكلة

وكل ما بنى على اساس عمر ومن بنى بنياة على هامش تهدم
ولذلك اقول لابد من معرفة من يتقدم للبنت ومعرفة شخصيتة
وكما قالوة فى الامثال اخطب لبنتك ولا تخطب لابنك
وكل فتاة نصيحة لابد ان تتحالى بالصبر وخصوصا عندما اليكى عريس
لابد توافر فية الطيبة والاخلاق والتدين يكون عاقل صادق
كيف نعرف هذا
من نظرات عينة ومن كلامة واندفاعاتة
وشكرا وهذا رايى
قال الرسول الكريم
تخيروا لنطفكم فان العرق دساس
صدق الرسول الكريم

بسم الله الرحمن الرحيم

الحمد لله والصلاة والسلام على رسول الله الذى ارسله ربى رحمة للعالمين وقال فى حقة وانك لعلى خلق عظيم عليه وعلى اله واصحابه سلاة وسلاما الى يوم الدين
اما بعد
بداية اشكر اختى على المواجهه الجميله من مشاكل المجتمع والوطن التى نتركها وراء ظهورنا وكأنه اشياء صغيره لكنها لب فساد المجتمع بأكمله ولازم نواجه هذه المشكلات لنغير المفاهيم والعادات والتقاليد السيئه من حياتنا حتى يعود لمجتمعنا الحب والأخاء والصدق والأخلاص والصراحة والسعادة التى هى هدف كل المجتمعات اخى العزيز واخواتى وأخوانى
النميمه شيىء والحكم على الأشياء والأفعال والناس بدون علم وبدون رؤيا شىء أخر للآسف كلنا اصبحنا مفتيين نفتى فيما نعلمه ومالا نعلمه ونحكم على الناس بظواهر الأمور ولا نحكم عليهم ببواطن الأمور يجب ان نحكم على الناس بما فى قلوبهم وليس بما فى اشكالهم وإذا كان مافى القلوب لا يعلمه الا الله فلا نحكم ابدا بدون علم وبدون دراية ومن هنا نعلم أن كل شىء فى الدنيا يتم بالأسباب وصاحب الأسباب هوالله ونحن سبب فى تنفيذ أمر الله سبحانه وتعالى اذا كان العريس من نصيب العروسة لا يمكن احد فى الأرض ان يمنع هذا الزواج وهكذا وتعالو معى نرى قصة ظريفه جدا بين
سيدنا موسى
والمولى عز وجل
سيدنا موسى يقول لربه اين عدلك فى الأرض وهو يعلم انه اعدل العادلين
فيقول ربى لسيدنا موسى فيه بير بجواره شجرة اذهب واجلس تحت الشجرة ستجد وترى عدلى فى الأرض
فذهب سيدنا موسى وجلس تحت الشجرة
واذا بفارس يركب جواده واتى نحو البير ليشرب
ونزل من على الحصان وشرب وركب الحصان ليعود الى مكانه
فوقع منه كيس نقوده
وبعد شويه جاء طفل يشرب من البير
فوجد كيس نقود على الأرض قأخذه
وبعد شويه جاء رجل عجوز مسن يشرب من البير
واذا بالفارس يعود ليبحث عن كيس نقوده
فوجد الشيخ العجوز
فسأله عن النقود فقال الله أعلم
فقال الفارس انت اللى اخدت النقود لازم اخدها منك
فأقسم الشيخ بأنه لم يجدها
فقال الفارس لو ما اعطيتنى النقود اقطع رقبتك بالسيف
وفعلا قطع رقبة الشيخ بالسيف
لو أحدكم رأى هذا المشاهد حيقول ايه وايه الأشاعات التى تروجونها اللى ممكن نقوله على هذه الواقعه التى رأها سيدنا موسى بعينه
فنادى موسى ربه
وقال ياربى الفلوس اللى اخدها الطفل
فقال المولى عز وجل الفلوس ملك والد الطفل يا موسى اخدها الفارس ظلما وعدوانا بقوته وجبروته واردت ان الذى يرجع الحق لصاحبه هو اصغر ابن عنده
طيب والشيخ ياربى ليه قتل
فقال رب العزه يا موسى الشيخ فى شبابه قتل ابو الفارس ومن قتل يقتل ولو بعد حين
ومن هنا لا نحكم على الناس ونترك الحكم لله الواحد القاهر طالما ان كل شىء بإرادة الله نحن علينا السعى وربى عليه الرزق والتوفيق لانه صاحب الأسباب والرفض وعدم الرضى سبب لتنفيذ أمر الله لان الله لم يكتب عنده الزواج
اشكركم
اخوكم
فتحى صفا
مبرمج كمبيوتر

نهى.........بقيت اخاف ارد على مواضيعك انتى عارفة اللى حصلى المرة اللى فاتت بسببها

بس بردوا هارد.............

شوفى ياستى.....انتى بتقولى.......

ما ندعو إليه هو عدم التعميم في النظرة..
وعدم النظر للمرأة -التي تأخرت في الزواج أو المطلقة أو الأرمل- بكل هذا الشك والريبة..
وعلى أنه لازم يكون فيها أو في سلوكها "حاجة مش ولابد"!

تقريبا ردى على هذة الجملة هو............فى المشمش

لا تنزعجى عزيزتى....و لكن للأسف لم تعد ماتتحدثين عنة نظرة مجتمع فحسب....بل صارت من عادداتة و تقاليدة و تراثة.....الذى لا يتغير.....قد يكون هناك أمل بعد انتشار العلم و المدنية و سمات التحضر بين الناس ان تقل حدة تلك النظرة الى المرأة المطلقة او الأرملة او العانس و لكنها لن تختفى حتما.........ستظل ملازمة للمرأة أينما ذهبت...

و لتغيير تلك النظرة علينا بحل واحد الا و هو..........

تغييييير المجتمع بكل أفرادة و فئاتة ووضعهم فى حفرة و الردم عليهم

بس فى الأخر انا من الناس الذين لا يعبئون بكلام الناس عشان على رأى الحاج جورج وسوف الله يمسية بالخير

كلام الناس لا بيقدم و لا يأخر

ما ندعو إليه هو عدم التعميم في النظرة..
وعدم النظر للمرأة -التي تأخرت في الزواج أو المطلقة أو الأرمل- بكل هذا الشك والريبة..
وعلى أنه لازم يكون فيها أو في سلوكها "حاجة مش ولابد

تقريبا ردى على هذة الجملة هو............فى المشمش

لا تنزعجى عزيزتى....و لكن للأسف لم تعد ماتتحدثين عنة نظرة مجتمع فحسب....بل صارت من عادداتة و تقاليدة و تراثة.....الذى لا يتغير.....قد يكون هناك أمل بعد انتشار العلم و المدنية و سمات التحضر بين الناس ان تقل حدة تلك النظرة الى المرأة المطلقة او الأرملة او العانس و لكنها لن تختفى حتما.........ستظل ملازمة للمرأة أينما ذهبت...

و لتغيير تلك النظرة علينا بحل واحد الا و هو..........

تغييييير المجتمع بكل أفرادة و فئاتة ووضعهم فى حفرة و الردم عليهم

بس فى الأخر انا من الناس الذين لا يعبئون بكلام الناس عشان على رأى الحاج جورج وسوف الله يمسية بالخير

كلام الناس لا بيقدم و لا يأخر

ما ندعو إليه هو عدم التعميم في النظرة..
وعدم النظر للمرأة -التي تأخرت في الزواج أو المطلقة أو الأرمل- بكل هذا الشك والريبة..
وعلى أنه لازم يكون فيها أو في سلوكها "حاجة مش ولابد

تقريبا ردى على هذة الجملة هو............فى المشمش

لا تنزعجى عزيزتى....و لكن للأسف لم تعد ماتتحدثين عنة نظرة مجتمع فحسب....بل صارت من عادداتة و تقاليدة و تراثة.....الذى لا يتغير.....قد يكون هناك أمل بعد انتشار العلم و المدنية و سمات التحضر بين الناس ان تقل حدة تلك النظرة الى المرأة المطلقة او الأرملة او العانس و لكنها لن تختفى حتما.........ستظل ملازمة للمرأة أينما ذهبت...

و لتغيير تلك النظرة علينا بحل واحد الا و هو..........

تغييييير المجتمع بكل أفرادة و فئاتة ووضعهم فى حفرة و الردم عليهم

بس فى الأخر انا من الناس الذين لا يعبئون بكلام الناس عشان على رأى الحاج جورج وسوف الله يمسية بالخير

كلام الناس لا بيقدم و لا يأخر

بسم الله الرحمن الرحيم
اصلي واسلم علي من لا نبي بعده سيدنا محمد وعلي آله وصحبه وسلم
وبعد ..
اختي في الله
لقد اصبحت عادات المجتمعات اقوي من التشريعات الدينيه
فمثلا لا يجوز للأرملة ان تنزع الاسود ولا تضحك ولا تشاهد التلفزيون ولا تفكر في يوم تضع في عينيها الكحل هذا موروث ثقافي بحت لا علاقة له بما انزل الله لأن حداد المرأة علي زوجها كما شرع الشارع اربعة اشهر وعشرة ايام وهي عدتها
والمطلقة في الاسلام لها كامل حقوقها واحترامها أوا نسينا ان ام المؤمنين زينب بنت جحش كانت مطلقة قبل ان يتزوجها رسول أوا كان هناك عيب في امنا زينب رضي الله عنها وكذلك لم يكن عيبا في طليقها الصحابي الجليل زيد ابن حارثة !
وهل يرضي يا اخوة ايا منكم ان يستعجل ليزوج اخته ايا كان حتي لا يتقدم بها العمر وبعدها تعود اليها مهانة ام الافضل ان تحتسب الله وتصبر حتي يرزقها بمن يعينها علي دينها ودنياها
اسأل الله تعالي ان يحررنا من عقد العادات ويردنا الي دينه ردا جميلا
عذرا للاطالة
والله اعلم

احييكى اختنا على جمال وخفة اسلوبك رغم ثقل المشكلة

ارى اختنا ان الحمد لله الوضع الان اخف من ذى قبل

فالموضوع ذاع صيته وعرفت اسبابه ولم يعد يخفى على احد

ولا يزال الجميع ضحيه

والسعادة للمسلمة والمسلم الصابرين المحتسبين المتوكلين


ربنا هب لنا من ازواجنا وذرياتنا قرة اعين واجعلنا للمتقين اماما


خالد

السلام عليكم جميعا
شكرا ليكم اخوانى على هذه الاراء وانتى يا ايمان متخفيش وقولى على ضمنتى
بس بجد المشكلة دى بتيجى على اعتقادى يعنى
من الناس اللى متعرفش او بتتغافل ان الله كرم المرأة بصرف النظر عن انه متزوجة او غير متزوجة او ارملة
وان الجواز نصيب ربنا اللى كتبه وايضا الموت ربنا هو اللى كتبه وان الطلاق اوقات كتير بيبقى بسبب الزوج مش الزوجة
اوقات كتير بردو بيبقى هو الحل السليم وربنا محلله
ويعنى ممكن الناس تكون بتتكلم ممكن من الفراغ او هى دى عادة الناس(النميمة) زى مابيقولوا
بس فى كل الاحوال اللى يتكلم يتكلم هو اللى بيشيل الوزر والسيئات

اللهم احمى وارحم بنات المسلمين

أختى /نهى

..مع أنى لم أحدد
حلولك فى هذا الموضوع..ألا انى أجد عندك الاسباب و الدوافع
لعرض هذا الموضوع المهم.. فقد اصبحت العنوسة والزواج
العرفى و حالات الطلاق و عدم وجود عواهل للأرامل شىء
ملفت بل و مفزع..تمام لحد كدا جميل...طب الحل بقى يا شطار
أو على الاقل الاسباب..
1_البطالة....
2_ارتفاع المهور
3_المغالاه فى مصاريف الزواج
4_فرض مؤخر غريب الشكل على العريس
5_كتابة القيمة...شوية الكراكيب..
6_واعلم حالات يحررفيها العريس ايصال امانة
بمبالغ خيالية..و الله الكلام دا موجود..
دى اسباب من ضمن الاسباب الملىء بها مجتمعنا
العربى و الاسلامى..
الحل ايه بقى..شوفوا يا جماعة كل هذة الاسباب
تافهة جدا..وكلها بأذر الله محلولة ان كنا عايزين نحل
يعنى لو انا (مثلا) عايز اتجوز اعمل ايه
1_لو ليس لى عمل لابد من ايجاد عمل و الاعمال كثيرة
2_يا ريت يكون المهر على قد عريس خالى شغل
أو لسه بيقول ياهادى
3_ يا ريت اهل الزوجة يطلبوا طلبات ممكنة
4_المؤخر يا جماعة _فى رأيى_ افتراض سؤ النية
يعنى من الاول لو انا شايف ان الزواج دا مينفعش
يبقى بلاش..ولما تكلم ابوها يقولك بأمن لها مستقبلها
لله الامر من قبل و من بعد
5_القيمة و القاعدة ..وشوية الكراكيب اللى بتتكتب
بمبالغ باهظة..دى ايه بالضبط..ثمن العروسة..
يعنى تعطينى بنتك وتاخد بدلها شويةخشب..
وكمان الدفع مؤجل..عند الطلاق
6_أما العريس اللى بيحرر على نفسه ايصال بمبالغ
مفزعة..بصراحة..من وجهة نظرى دا عايز ضرب النار
((ليه يعنى يكتب ايصال امانة))دى تجارة مش جوازة..
وبعدين هو ممكن و علىحسب قوانين الزواج فى مصر
لما يحب يطلق ..يطلق بشروطه..او يتركها و اهلها يلهثون
وراءه..
المهم ..نعلش انا طولت عليكم بس فعلا الموضوع دا مهم
و حرمنى انا شخصيا من أنسانة كنت اتمناها..والسبب
فى عدم اكتمال الزيجة دى كانت تلك الاسباب...
ياليت نستطيع تطبيق الشرع و المتاح لدينا من عوامل
الزواج رحمة بشبابنا
أسف للأطالة ...بس الموضوع جميل

شكرا ليك اخى اشرف
الحل هو اننا نقرب الى الله اكثر ونعمل بتعاليمه

واكيد لازم كل اسرة تحاول تيسرالامور للزواج مش تعقدها بكثرة الشروط والتكاليف
بس هما دلوقتى بيعملوا كده عشان خايفين من المستقبل خايفين احسن يطلقها فتخسر فعشان كده بيكتبوا مؤخر عشان يفكر كويس قبل ما يطلقها
واكيد كل واحد ليه تفكيره ففى ناس بتسهل الامور وفى ناس تانية بتعقدها

ربنا يرحمنا ويهدينا حميعا يارب
وشكرا ليك اخى

طيب ده شئ عادي في مجتمع شرقي بيعاير المرأه بانها ناقصه عقل و دين من غير ما يفهموا المقصود بكده ايه؟
و برضه كمان عادي يعني ان ده يحصل في مجتمع بيحب جدا سنه التعداد في النساء و باقي السنن بيعملوا نفسهم مش واخدين بالهم منها او مش عارفينها
عادي يعني ان ده يحصل في مجتمع زي كده
كان نفسي اقول ان الحل ان الناس ترجع للدين صح بس الموضوع ده اتقال كتير و بعدين لو جينا من ناحيه عمليه هنلاقي ان الرد هيكون هذا ما وجدنا عليه اباؤنا بس بصيغه جديده تناسب جيل اليومين دول
متهيألي الحل زي اللي قالته ايمان فعلا
نعمل حفره و نردم كل فئات المجتمع فعلا

فعلا العنوسة و الطلاق اصبح اثرهم النفسي على الفتاة كبير جدا لان المجتمع ينظر اليها كمجرمة كمذنبة و هي المسكينة لا ذنب لها لن لم تجد بعد شابا مناسبا لها او ان فشلت علاقتها و تطلقت
لم طلاق الرجال و تاخرهم في الزواج شيء عادي جداااااا؟
لما المارة دائما من تحاكم
نتمنى ان يعيي المجتمع بالواقع و يعرف ان الفتاة لا ذنب لها و كله قضاء و قجر من عند الله
و شكرا على الموضوع