> مين فينا ما سمعش انه فيه تعديلات دستوريه؟
>
>
>
>
>
>
>
>لكن ....محدش اهتم ..!؟
>ليه يا عم ....؟
>اصلى ماهى خربانه ...خربانه
>طب خد عندك
>هى مش خربانه وبس
>هى هتبقي معتقل كبير
>ولا تقولى جوانتانامو ولا حتى ابو غريب
>
>تعال نحسبها سوي...ونشوف التعديلات بتقول ايه
>وسيبك من المادة التانية اللى قعدوا شغلونا بيها علشان
> ما تخدش بالك بالخوزك التانية
>معلش استحملنا اصلى طهقان
>
>بص يا عم ...المادة 24 و 25 اتعدلوا
>يعني ايه ؟
>إلغاء الدعم عن السلع والخدمات
>
>طب يلغوها ليه والضرايب اللى بندفعها
>يا عم اسالهم هما مش عدلوا الدستور وانت هتوافق هتوافق
>
>وخد عندك....؟
>ايه تانى
>قانون الطوارى اللى بقلنا اكتر من 25 سنة مستنينا يلغوه
>وخصوصا اننا مش فى حالة حرب وسمن على عسل مع اسرائيل
>
>ماله هو كمان
>حط مكانه قانون الارهاب يعني هيفتشوك بالدستور وهيدخلوا بيتك وهيوقفوك
> بالدستور وكمان هيدوك على قفاك بالدستور ..والعملية هتبقى شرعية ما هو ده
>الدستور اللى حضرتك استفتيت عليه
>
>ولو شغال فى الحكومة او فى شغل خاص
>الدولة ظبطتك
>ازاى
>بالمادة رقم 37 و65
>التعاقد السنوى وسلطة الفصل المباشر
>
>اللى من خلالها يمكن فصلك لو قلت ان فيه فساد او
>اعترض على رشوة وهتبقى فى الشارع ياحلو او تسكت وتبقي بعقد وحياتك
>مش هقولك كف عفريت لان العفريت ممكن يرحمك على كف مديرك اللى ممكن يخليك فى
>الشارع
>
>والدولة مالهاش دعوه بيك
>ليه؟
>عن طريق المادة رقم 39 و 73
> إعفاء الدولة من أى إلتزام نحو العاطلين
>
>
> اما اذا كنت مش مصدق ان فى عملية توريث فصدق ولو عاوز تتاكد فاقرا المادة
>رقم 76
>وساعاتها هتنتحر او ممكن تموت بالسكتة القلبية قبل ماتنتحر وتغضب ربك
>
>
>اما المادة 77 فهى المصيبة الكبري وهى اى واحد هيجي يحكمك مش هيسيب الحكم قبل
>مايخلص
>عليك او انت اللى هتخلص عليه
>وللعلم فى كل دساتير العالم هذه المادة تنص على ان الرئيس يظل فى الحكم لمادة
>فترتين فقط
>الا الدستور المصري
>الرئيس يظل فى الحكم الى الابد
>اللى خايف منه انهم يعدلوها ويخلو الرئيس يظل فى الحكم حتى بعد مايموت
>
>اما اذا كنت مصري مسلم فيطلعوا عينك
>انت تبع مين وجماعة ايه لو نسيت تحلق دقنك الصبح وانت ماشي او لقوا فى جيبك
>سواك وانت حالق دقنك حد
>
>ولو كنت مصري مسيحي فانك هتبقي مستعبد مرتين مرة من الحكومة ومرة من الكنيسة
>وماقدمكش اللى حل من 3حلول انك تعلن ولاءك للكنيسة والا هتبقي هرطقة بالبلدى
>كفرة وماتشغلش مخك
>او تتكلم ويقولوا عليك مجنون ويخدوك مستشفى المجانين
>او تبقي مسلم وديه هتبقي مصيبة لان الدولة هتعتقلك
>
>اما لو كنت ممن يامل فى تعليم مجانا وعلاج مدعم ومن المعدومين زى حالتنا
>فانسه .... يا بابا
>الكلام ده كان
>زمان
>المادة 108 المعدلة لاغيتلك كل ده
>لتقلص الدعم لهذه الخدمات والدفع لعمل كيانات بديلة إستثمارية .
>وجابتلك رجال الاعمال اللي هيموسه دمك ويمكن تبيع عليهم الشقة والفرش ويمكن
>اعضاءك كمان
>
>- اما السياسة فخلاص خلصت اللعبة انت دلوقتى هتبقى متفرج حتى لو وصلت لدرجة
>محترمة من التعليم
>لان المادة 5 و76
>قفلتلك كل ده
>وقصرت المشاركة على احزاب البطيخ والطربوش
>
>
>على فكرة التعديلات كتيرة
>لكن ان اتخنقت واحبط من شكلها
>
>اللى عاوز اعرفه دلوقتى
>هل الشعب المصري فيه رجالة هيقولوا .... لالالالالالالا
>
>الكلام ده اللى هنشوفه يوم الاستفتاء
>
>وخلى بالك لو مقولتش ( لا )دلوقتى
>
>مش هتعرف تقول( لا)طول حياتك
>















الحوار ده كان بين اتنين مواطنين امبارح
لكن النهاردة (الله يرحم زمان وايام زمان)
لا حول ولا قوة الا بالله العظيم
نسالكم الدعاء بكشف الغمه
اللهم امين
>

من انهردة سكت الكلام

ممنوع تتكلم

لو هتفكر انك فى يوم تتكلم

يبقى انت


أرهابى

اليوم يومكم وغداً يومنا ان شاء الله

تتكلم ايييييه؟
الكلام ده اصبح (حلم ليله صيف) على رايك عمك شكسبير
انت لن تستطيع التنفس
سترك يا الله

انا لست مصرية و لكن اتالم على ما يحدث جدا و براي مبارك جنى على نفسه

لينزل المصرييين جميعا و يقولو

لا يا مبارك

لا لا لا لا

ادستور سكسونية دستور يوحى الى زراعة الارهارب والقضاء على الامن

دستور للقضاء على الغلبان اللى مالوش ظهر يسندة

دستور قانون للغابة ودستور للتجسس دستور يزيد البطالة ويزيد الهم

شلة لله يا دستور

حسبى الله ونعمة الوكيل

وهو مين ده اللى هايقول لأ؟(معلش يا اختى ياريت تشاورى عليه احسن انا لسه ما قابلتهوش لحد دلوقت) وهو ده فعلا املنا بل زعيمنا(قائل اللا الكبرى فى تاريخ مصر الحديثه)
اخونا هنجور(دستور ايه انت لسه فاكر؟)
الله يرحمنا جميعا برحمته

السلام عليكم و رحمة الله و بركاته


والله شيء مخزي ومحزن جدا ......انا اليوم شفت مراسلة الجزيرة من مصر تقول ان

موظفين قالوا لها ان الشركة جابتهم بالغصب كي يصوتوا والا تعاقبهم بواسطة

مرتباتهم او العلاوات او حتى حلوة المولد ههههههههه انا لم افهمها الاخيره ده

بس انا فاهم ان الامر اصبح مثل نقل العبيد من السنغال لامريكا كي يعملوا هناك

ويستعبدوا ويبنوا البيت الابيض ويكونوا حذب لديمقراطية الرجل الابيض السيد

انا لله وانا اليه راجعون واللخ شيء مخجل

اصبحنا نصوت حتى على الحد من حرياتنا ...لا و بكل وقاحة يطلع مسؤولين

يقواوا ان ده لحماية الامن القومي .....انا لن انسى ابو الغيط وتشبيهه العجيب

للشعب المصري امام كوندي قال ايه= الشعب المثري مثل الجرانيت هههههههههه

بس هو يقصد جرانيت منصهر في بركان التعديلات و يطلع لما البركان يقذفو

يعني مش بارادته

لا حول و لا قوة الا بالله

على فكره الحال ده يعان منه العالم العربي كله احنا في الهوا سوا كما تقولون

السلام عليكم و رحمة الله و بركاته

باسم الله الرحمن الرحيم "فأما الزبد فيذهب جفاء وأما ماينفع الناس قيمكثوا فى الآرض" صدق الله العظيم

هذه سنة الحياةفريق للخير وهم أهل الجنة وفريق للشر وهم أهل النارفكونوا أحبتى أهلا للخير وأهلا للجنة ولكن كفوا الظالم عن ظلمه فهذا نصرةوربنا يصلح حكامنا وبطانتهم

السلام عليكم ورحمة الله وبركاته ---- انا عن نفسى افضل ان تقوم القيامة وتنتهى الحياه مش معايا يكون احسن --- احنا بعدنا عن الله والدين وهذا جزاء الدنيا بالنسبة لنا -- انتوا معايا ولا ايه ---- ادعوا معى --- اللهم ارفع غضبك ومقتك عنا يا اللللللللللللللللللله

يا ولاد الحلال قولته لا قولته نعم .... النتيجه معروفه معروفه ... متتعبووش نقسكم علي الفاضي ...
ربنا معاناااااااا بقه و ربنا يستر الايام القادمه !!!
يا رب اهدني و اهدي المسلمييين اجمعين ... قولوا جميعا اميــــــــــــــــــــــــن !
احبكم جميعا في الله
عاشق البرسا ... البرسا قادم بقوه !!!

معنى الكلام ده ان احنا نسكت؟
طيب لحد امتى؟
لنا الله

السلام عليكــم ورحمـة الله وبركاتــة ،،

عفوآ برغم انى غير راضيه تمامآ على التعديل الدستورى واحس واشعر بكل ما تقولى اختى الكريمه
غير ا انى اعلم تمام العلم ان هذا العبث ليس محصور على مصر فقط ولكن فىمعظم الدول العربيه
التى ارضا الله لنا ان نكون منها
وان لله وان اليه رجعون[color="#FF00FF"][/color]