مونيتى
Apr 3 2007, 10:51 AM
السلام عليكم ورحمة الله وبركاته
عاملين ايه ؟
مضايق .......... زعلانة .......... مخنوق ........ طهقانه طب ليه ؟
الشغل بيتعبك؟ المواصلات زحمة ؟ المرتب فليل ؟
جوزك ماجبلكيش دى فى دى؟ مراتك مش عاجبها مصروف البيت ؟ جوزك مش عاجبه الاكل ؟
مصروفك قليل عايز بابا يزوده ؟ محتاج تروح السينما ومامعكش فلوس ؟
تعبان عندك برد وصداع ؟ ماعندكش عربية؟ عايز مليون جنيه ؟
*****************
(( احنا فى نعمة ))
قولى؛ قوليلى رحت الشغل النهارده رحتوا ازاى بالتاكسى ، بالقطار ، بالاوتوبيس لالالالالالالالالالا ما اقصدش كده
اقصد رحت على رجلك صح ، وانت ماشى على رجلك او راكب التاكسى او مشيت لمحطة القطار مالقتش كده واحد على كرسى
متحرك او شاب متشال علشان يروح مدرسته او شاب ماشى بعكاز ؟ اه لقيت ومستنى ايييييييييييييييييه قول الحمد لله على النعمه
دى.
*************************
وانت رايح الشغل وانتى رايحه الكلية شفت الشارع؟ شفت الناس ؟شفت جارك عم محمود وصبح عليك وهو بيضحك وقالك صباح
الخير؟شفت هدومك مكويه كويس وشفت شعرك متسبسب كويس ؟وشفت زميلك الصبح وكلمك ورد عليك السلام وكان مكشر
يااااااااه . فى غيرك محروم منها حتى ما بعرفش شكله ايه ولا يعرف اللى حواليه بيكلموه وهما مكشرين ولا بيضحكوا ومايقدرش
يتحرك غير بمساعدة . مستنى ايه احمد ربنا على نعمة النظر قول الحمد لله على النعمة دى.
********************
جوزك بيديكى مصروف قليل مابتكلوش غير مره واحده لحمه فى الاسبوع ؟ النهارده هتطبخى بصاره وجارتك ام نعمه عامله
جمبرى وريحته فايحه؟ طب احمدى ربنا ماشوفتيش مره وانتى ماشيه اطفال بيطلعوا عيش من جوه الزبالة وياكلوه ماشفتيش
المجاعات والناس اللى بتموت كل يوم وهما بيشتهوا العيش الحاف . طب يلا قولوا الحمد لله على النعمة دى.
****************
تعبان قوى وبتكح وعنيك حمرا وراسك بتوجعك يااااه
رجليكى وجعاكى والدكتور قالك عندك هشاشة عظام ياااااااه
مخنوق علشان عندك انفلونزا والدكتور قالك اقعد 3 ايام فى البيت ياااااااااه
افتكروا اخواتنا اللى عندهم سرطان / فشل كلوى/ امراض الكبد شوفوا حجم معاناتهم وشوفوا هما محرومين حتى من الحركة
ومن السكون لحظه بدون صرخة الم مستنين ايه قولوا الحمد لله احنا فى نعمة.
****************
بتقول ايييييييييييه انا اقل من غيرى فيه اللى عنده عربية وفيه
اللى عنده فلوس كتير متلتله مش عارف يعمل بيها ايييه
طب نفسك فى عربية؟ ايه رايك فى عربية اخر موديل وكمان اتوماتيك توماتيكى توماتيكى هنديهالك بس عايزين منك حاجه صغيره
قوى ... ايه هى ؟ رجلك اه رجل وحده بس من الاتنين بتفكر ايه محتاجه تفكير ليه ياسيدى ماهى توماتيكى يعنى مش محتاج
رجلك فى حاجه هنديلك العربية وتدينا رجلك........... ايييييييييييييييييييييييييييييه مالك مش بتشوف ناس عندها عجز وركبين
عربية اتوماتيك اخر موديل لو خيرناهم ياترى كانوا اختاروا وضعك اللى انت فيه ولا هيختاروا وضعهم .
ايييييييييييه النعمة اللى عندك احسن صح طب قول الحمد لله على النعمة دى .
*************
عايز فلوس كتيييييييييييييييييييييير قوى ... ملايين ( هتعمل بيها ايه ) يااااااه كل دى حاجات هتعملها هتتفسح وتسافر وتشترى
عربية وشقق لالا فلل طب لو كان عندك الفلوس دى ومش قادر تعمل اى حاجه من دى لييييييه علشان عندك مرض زى اخواتنا
اللى عندهم السرطان / الكبد/ الفشل الكلوى وملايين الدنيا مش بتفيدهم .
ها ايه رايك تاخد الفلوس ومرض صغير من دول يا ترى هما لو خيروهم هيختاروا اللى عندك ولا هيختاروا وضعهم شفاهم الله
وعفاهم دول حتى محرومين من الحركة ها يا ترى الصحة ولا الفلوس انهى نعمة اغلى.
مستنى اييييييييييه احمد ربنا .
***********
ايييه وانتى مالك يائسه طب ليه حصلتلك حادثه ... عند عجز بتتمنى انك
كونتى موتى احسن .
احمدى ربنا ايوه احمديه انوا امهلك فرصة تانيه وقت تطيعيه فيه وتقربى منه احسن ماكان توفاكى وانتى على معصيه او لسه بعيده
عنه . صح مستنيه ايييييييييييه احمديه على انك لسه عايشه لسه الفرصة قدامك للفوز بالجنه .
*********
صدقونى احنا فى نعم لاتحصى ولا تعد ولا يساويها نعم قبل ماتدور ايه نقصك
شوف ايه عندك محروم منه غيرك صدقنى هترتاح
انا عارفه انى ماقولتش حاجه جديده لا دى حاجه كلنا عارفنها مش افتكاسه منى ولا انا ام العريف لا بس ساعات كتيره الواحد
ساعة غصبه بينسى نعم الله وانا بس بذكركوا .
ابتسموا وتفاءلوا وقولوا الحمد لللهالهم لك الحمد والشكر كما ينبغى لجلال وجهك وعظيم سلطانكاختكم منال محسن
مونيتى
Apr 3 2007, 12:58 PM
(اللهم لك الحمد كما ينبغى لجلال وجهك وعظيم سلطانك )
ماحدش عايز يعرف سبب كتابتى للموضوع ده ايه .
انا برضه هحكى موقف بسيط ممكن مايلفتش نظر حد او يمر مر الكرام بشخص بدون ترك اى اثر فيه . لكنه استوقفنى واثر فيه
جدا وخلانى اقعد مع نفسى كثير واشعر انى بنعم ربنا اغنى وافضل الناس وان ربنا بيحبنا قوى بتفضيلنا على
البعض اللى ماعندوش النعم دى .
مش هلك كتيييير عارفه انى صدعتكوا المهم ان الموقف انى كنت ماشيه انا وواحده صحبتى رايحين نشترى شوية حاجات صحبتى
من النوع الطموع جدا بس مع الطموح فى شوية استعجال عايزه تبقى كل حاجه فى يوم عايزه يكون عندها كل حاجه فى وبسرعة
المهم ان المفروض طبعا اننا هنمشى شوية لحد موقف الميكروباض ونركب فقالت لى ياريت كان عندنا عربية بدل اللى احنا فيه
احنا المفروض يكون عندنا عربية شايفه العربية دى انا لسه هستنى لاخر السنه لحد ما اخويا يبعتلى عشان اكمل فلوسها وكانت
غضبانه قوى انها ماشيه على رجليها وانها هتركب مواصلات فكان ردى عليها احنا احسن من غيرنا قولى الحمد وماكملتش كلمة
الحمد لله وشفنا ايييييييييييييه لكوا ان تتخيلوا والله كان ربنا بيرد عليها جل وعلا كانه والله باعتلها رسالة لقينا بنت تقريبا فى نفس
سننا زى وزيك وزيها قاعده على كرسى متحرك ووالدتها جراها والبنت كانت نظرها على رجلينا ايوه كانت بتبص على رجلينا كانها
بتتمنى انها تقدر تمشى على رجليها زينا تقدر تتحرك بدون مساعده تقف وقت ما تحب تمد لما تعوز تمد تبطىء لما تتعب تقف قدام
محل تتفرج تتلفت لو حاجه شدت انتباها لكنها حتى محرومه من دا علشان ماتجهدش اللى بيساعدها .
صدقونى روحت وقعدت افكر يااااه قد كده احنا عندنا نعم مش حاسين بيها ونعم اغلى من اى فلوس ولا حتى كنوذ الكون قولولى
البنت دى لو اختارت امنيه واحده تتحقق هتختار كنوذ الكون ولا انها تمشى على رجليهااااااااااااااااااا.
مونيتى
Apr 3 2007, 02:04 PM
الحمد والشكر لك يا الله على نعمك التى لا تحصى ولا تعد
ماسا
Apr 3 2007, 02:06 PM
الحمدلله رب العالمين على كل شيء
موضوع اكتر من رائع اخي مونيتى
بمناسبة هلموضوع في انشودة بتحزن بغنيها احمد بوخاطر
بتحكي عن نفس الموضوع وان شاءالله رح جيبها
الله يجزيك الخير اخي
moh_telp
Apr 3 2007, 02:20 PM
يا رب لك الحمد كما ينبغي لجلال و جهك و عظيم سلطانك , الحمد لله رب العالمين علي نعمه التي لاتحصي و لا تعد !
تقديري لك علي تذكرتنا بهذا الموضوع الرائع و جزاك الله كل الخير .
احبكم جميعا في الله
عاشق البرسا ... البرسا قادم بقوه !!!
السندباد البحرى
Apr 3 2007, 02:24 PM
ههههههههههههههههههه
وبكدا هنرتاح فكرتينا ليييييييييييييييه كنا عايشين وساكتين
هنزعل شوية ونسكت تانى
شكرا على التذكير بالغم
مونيتى
Apr 3 2007, 02:30 PM
إقتباس(ماسا @ Apr 3 2007, 02:06 PM)
الحمدلله رب العالمين على كل شيء
طبعا الحمد لله على كل شىء والحمد لله فى السراء والضراءجزاك الله اخى ماسا كل الخير بس فى تنويه صغير انا اختكم مش اخيكم وشكرا على مرورك الكريم .
مونيتى
Apr 3 2007, 02:35 PM
إقتباس(moh_telp @ Apr 3 2007, 02:20 PM)
يا رب لك الحمد كما ينبغي لجلال و جهك و عظيم سلطانك , الحمد لله رب العالمين علي نعمه التي لاتحصي و لا تعد !
تقديري لك علي تذكرتنا بهذا الموضوع الرائع و جزاك الله كل الخير .
جزانا واياك اخى كل الخير
احبكم جميعا في الله
احبك الذى احببتنا فيه
!!!
المعز لدين الله
Apr 3 2007, 03:43 PM
خلاص كفايه ارجوكى مش عايز حاجه خالص لا عربيه ولا فلوس ولاعايز أكل 
بس بجد والله فعلا الحمد لله على نعمة الاسلام وكفى بها نعمه
الحمد لله ان ربنا هو ربنا لا احصى ثناء عليه
فهو غافر.. ودود..رحيم ..قادر..عزيز..كريم
بيده الخير كله يؤتى الملك من يشاء وينزعه ممن يشاء ويعز من يشاء ويذل من يشاء
بيده ملكوت كل شىء
الحمد لله حمدا كثيرا طيب مباركا فيه ملىء السموات والارض وملىء ما بينهما
جزاكى الله خير الجزاء اختى فى الله وجعله فى ميزان حسناتك
مونيتى
Apr 4 2007, 09:46 AM
إقتباس(السندباد البحرى @ Apr 3 2007, 02:24 PM)
ههههههههههههههههههه
وبكدا هنرتاح فكرتينا ليييييييييييييييه كنا عايشين وساكتين
هنزعل شوية ونسكت تانى
شكرا على التذكير بالغم
بقى كده ياسندباد ماشى بقى دا غم هههههههههههههههههههه
طيب طالما ده غم انا هغمكم على طول ومش خليك تعرف تزعل شويه وتسكت
شكرا اخى على مرورك الكريم .
مونيتى
Apr 4 2007, 11:32 AM
مونيتى
Apr 4 2007, 12:38 PM
الهم لك الحمد كما ينبغى لجلال وجهك وعظيم سلطانك
اللهم لك الحمد ملىء السماء وملىء الارض وملىء ما بينهما
مونيتى
Apr 4 2007, 01:57 PM
شكرا لكم جميعا اخوتى على مروركم الكريم وردودكم الجميلة
شيماء حجازي
Apr 4 2007, 02:09 PM
اللهم لك الحمد كما بنبغى لجلال وجهك وعظيم سلطانك
قال تعالى ( وان تعدوا نعمة الله لا تحصوها ان الله لغفور رحيم )
الحمد لله والشكر لله على كل شىء
مهما شكرنا الله على نعمه الكثيرة لا نوفى ولو حق ابسط نعمة انعم بيها علينا
الحمد لله والشكر لله عدد خلقك ورضى نفسك وزينه عرشك ومداد كلماتك
جزاكى الله كل خير اختى جعله الله فى ميزان حسناتك
اختك فى الله نور الشمس
فاطمة الزهراء 10
Apr 4 2007, 02:38 PM
السلام عليكم ورحمة الله وبركاته
شكرا لكى اختى الحبيبة وجزاكى الله خيرا على تذكيرك لنا
الحمد لله كما يحب ويرضى
اللهم لك الحمد بعدد خلقك ورضا نفسك وزنة عرشك ومداد كلماتك
اللهم لك الحمد بعدد ماحمدك خلقك
جزاكى الله خيرا وننتظر المزيد.....
الى اللقاء
همسة اخاء
Apr 4 2007, 09:35 PM
السلام عليكــم ورحمـة الله وبركاتــة ،،
بارك الله فيك اختي وجزاك الله خيرا
نحمد الله على كل شئ
ننتظر اختي المزيد من مشاركاتك
وعليكــم السـلام ورحمة الله وبركاتـه..
ferial
Apr 4 2007, 09:51 PM
اللهم لك الحمد بعدد خلقك ورضا نفسك وزنة عرشك ومداد كلماتك
رواء السعيد
Apr 4 2007, 10:22 PM
الحمد لله على نعمة الاسلام
الحمد لله على كل شيئ
جزاكي الله خيرا اختي على التذكره الطيبه
بنتُ الإسـلامْ
Apr 4 2007, 11:10 PM
الهم لك الحمد والشكر كما ينبغى لجلال وجهك وعظيم سلطانك
بارك الله فيكي اختي الفاضلة جعله الله في ميزان حسناتك باذن الله
مونيتى
Apr 5 2007, 12:15 PM
إقتباس(شيماء حجازى @ Apr 4 2007, 02:09 PM)
اللهم لك الحمد كما بنبغى لجلال وجهك وعظيم سلطانك
قال تعالى ( وان تعدوا نعمة الله لا تحصوها ان الله لغفور رحيم )
الحمد لله والشكر لله على كل شىء
مهما شكرنا الله على نعمه الكثيرة لا نوفى ولو حق ابسط نعمة انعم بيها علينا
الحمد لله والشكر لله عدد خلقك ورضى نفسك وزينه عرشك ومداد كلماتك
جزاكى الله كل خير اختى جعله الله فى ميزان حسناتك
طبعا يا شيمو نعم الله كثيره ويجب علينا حمده والثناء عليه فى كل وقت وحين جزاكى الله كل الخير حبيبتى .
إقتباس(شيخ الاسلام @ Apr 5 2007, 08:05 AM)
بســم الله الـرحمــن الرحيــم
السلام عليكــم ورحمـة الله وبركاتــة ،،
- !! دولة بدون أطفال !!
- هل تتصورون أن هناك دولة في هذا العالم بدون أطفال !!
- الجواب .. نعم الدولة الوحيدة في العالم التي لا تسمع فيها بكاء أو ضحكات أطفال هي الفاتيكان لأنه لا يولد فيها أي طفل وذلك لعدم وجود متزوجين أصلاً .. ويبلغ عدد سكانها ( 1000 ) نسمة فقط ومعظمهم من الرهبان والراهبات الذين يحرمون أنفسهم من الزواج
-
- لم تنام منذ ....
- امرأة من هوشي مينه جنوب الفيتنام أسمها ( تي لي هانغ ) تبلغ من العمر ( 54 ) عاماً قالت أنها لم تنم منذ 31 عاماًوأنه ا حاولت الإنتحار مرتين بسبب هذا المرض المؤلم الذي وصفه الأطباء بأنه نادراً جداً وقالت أنها فقدت القدرة على النوم في ( عام 1965م ) إثر ولادة طفلها الأول وأخفق الطب الشرقي وجميع الأدوية المنوعة والمسكنة الغربية في إعادة النوم إليها وهي تمضي الليل في القيام بأعمال منزلية !!
-
- هل من أباء بهذه القسوة !!
- في دولة الأرجواي حبس أبوان إبنهما لمدة ( 14 ) عاماً وذلك لأنه عاكس فتاة عندما كان في التاسعة عشرة من عمره في غرفة منفردة داخل البيت لا يغادره ا أبداً .. وقد طال شعر هذا المسجون المدعو ( أوسكار نافارو ) حتى وصل إلى خصره ونمت له لحية وأظافر طويلة وبدأ عليه الأعياء ولم يكتف والداه بسجنه بل أنهما لم يتحدثا معه طوال الأعوام الأربعة عشر التي قضاها حبيساً وعندما قرر الوالدان أطلاق سراح إبنهما لم يكن هناك مكان له سوى مستشفى الأمراض النفسية
la marocaine
Apr 5 2007, 02:31 PM
اللهم لك الحمد حتى ترضى ولك الحمد إذا رضيت ولك الحمد بعد الرِّضـا..
لك الحمد أنت قيوم السماوات والأرض ومن فيهن، ولك الحمد لك ملك السماوات والأرض ومن فيهن، ولك الحمد أنت نور السماوات والأرض ومن فيهن، ولك الحمد أنت ملك السماوات والأرض..
جزاك الله خيرا اختي على التذكرة الرائعة
مونيتى
Apr 7 2007, 02:32 PM
إقتباس(فاطمة الزهراء 10 @ Apr 4 2007, 02:38 PM)
الحمد لله كما يحب ويرضى
اللهم لك الحمد بعدد خلقك ورضا نفسك وزنة عرشك ومداد كلماتك
اللهم لك الحمد بعدد ماحمدك خلقك
جزاكى الله خيرا وننتظر المزيد.....
الى اللقاء
واياكى حبيبتى ووفقك الله دائما الى ما يحبه ويرضاه
إقتباس(sousou16 @ Apr 4 2007, 09:35 PM)
السلام عليكــم ورحمـة الله وبركاتــة ،،
بارك الله فيك اختي وجزاك الله خيرا
نحمد الله على كل شئ
ننتظر اختي المزيد من مشاركاتك
وعليكــم السـلام ورحمة الله وبركاتـه..
وعليكم السلام ورحمة الله وبركاته شكرا لكما على مروركما الكريم
اللهم وفقنا لما تحبه وترضاه اللهم ثبتنا على طاعتك.
مونيتى
Apr 8 2007, 10:43 AM
رواء السعيد- بنت الاسلام - سوسو- فاطمة - فريال شكرا حبيباتى على مروركم الكريم جميعا .
وفقكم الله الى ما يحبه على النحو الذى يرضيه عنكن دائما .
فــرح مـونـي
Apr 23 2007, 03:55 PM
السلام عليكم ورحمة الله وبركاته ..
موضوع فكرته جميله .. جزاكي الله خير.. مونيتى.. تاثرت كثيرا بقصة البنت التى كانت على كرسي متحرك ونظرت لساقيك وصديقتك .. الحمد لله الذي عافانا مما ابتلاها به " دعاء اذا رأيت مُبتلى ..
الحمد لله على كل نعمه أنعمها علينا .. وعينا لها أم نسيناها ..
وبهذه المناسبه أحكي لكم.. أن نقطة الماء نعمه .. وأننا موجودون في زمن نستطيع أن نفتح "حنفيه" وينزل لنا سيل من الماء النظيف نعمه
بدلاً ان نضطر لجلبه من البئر مثلاً .. أو في مكان به حروب وينقطع الماء ويضطر الناس للبحث عنه ..
منذ ايام إنقطع الماء فجاه نتيجة انفجار ماسورة مياه رئيسيه لمده تزيد عن 30 ساعه .. لم يكن أحد مستعد ولم يكن بالبيت إلا مياه الشرب فقط
ولولا "نعمة " زجاجات المياه المعدنيه ولولا نعمة "النقود " التى اشترينا بها المياه .. لا اعرف كيف يمكن أن نعيش
والحمد لله أنها عادت ..
فلنتفكر جيداً في كل ما وهبنا الله من نِـعـم .. فهناك الكثيرين ممن يفتقدوا الماء ..كما أن هناك الكثيرين من يُسرفون كثيراً في استخدامها
وقد نهى رسول الله صلى الله عليه وسلم عن الإسراف في استخدام المياه حتى ولو كنت على نهر جار ..
فلنتق الله في نقطة الماء ...والصيف على الابواب ويحلو للبعض رش الماء في الشوارع " للطراوه والإنتعاش "
..الحمد لله الذي جعله عذباً فراتاً برحمته ولم يجعله ملحاً أجاجاً بذنوبنا ..
"قل أرئيتم إن أصبح ماؤكم غورا ...!! فمن يأتيكم بماء معين ..؟؟ يعنى لو اختفت المياه من على سطح وغارت في باطن الارض ؟؟
لؤلؤة الحياة 2
Apr 23 2007, 11:20 PM
إقتباس(la marocaine @ Apr 5 2007, 02:31 PM)
اللهم لك الحمد حتى ترضى ولك الحمد إذا رضيت ولك الحمد بعد الرِّضـا..
لك الحمد أنت قيوم السماوات والأرض ومن فيهن، ولك الحمد لك ملك السماوات والأرض ومن فيهن، ولك الحمد أنت نور السماوات والأرض ومن فيهن، ولك الحمد أنت ملك السماوات والأرض..
جزاك الله خيرا اختي على التذكرة الرائعة
مونيتى
Apr 24 2007, 02:33 PM
إقتباس(فرح موني @ Apr 23 2007, 03:55 PM)
السلام عليكم ورحمة الله وبركاته ..
موضوع فكرته جميله .. جزاكي الله خير.. مونيتى.. تاثرت كثيرا بقصة البنت التى كانت على كرسي متحرك ونظرت لساقيك وصديقتك .. الحمد لله الذي عافانا مما ابتلاها به " دعاء اذا رأيت مُبتلى ..
الحمد لله على كل نعمه أنعمها علينا .. وعينا لها أم نسيناها ..
جزانا واياكى اخت فرح سعدت بمرورك حبيبتى
نعم فان الانسان لكى يعرف كم هو فى نعمة ينظر لمن اقل منه فعندما او من حرم من ما هو فيه .
وبهذه المناسبه أحكي لكم.. أن نقطة الماء نعمه .. وأننا موجودون في زمن نستطيع أن نفتح "حنفيه" وينزل لنا سيل من الماء النظيف نعمه
بدلاً ان نضطر لجلبه من البئر مثلاً .. أو في مكان به حروب وينقطع الماء ويضطر الناس للبحث عنه ..
فلنتفكر جيداً في كل ما وهبنا الله من نِـعـم .. فهناك الكثيرين ممن يفتقدوا الماء ..كما أن هناك الكثيرين من يُسرفون كثيراً في استخدامها
وقد نهى رسول الله صلى الله عليه وسلم عن الإسراف في استخدام المياه حتى ولو كنت على نهر جار ..
فلنتق الله في نقطة الماء ...والصيف على الابواب ويحلو للبعض رش الماء في الشوارع " للطراوه والإنتعاش "
..الحمد لله الذي جعله عذباً فراتاً برحمته ولم يجعله ملحاً أجاجاً بذنوبنا ..
"قل أرئيتم إن أصبح ماؤكم غورا ...!! فمن يأتيكم بماء معين ..؟؟ يعنى لو اختفت المياه من على سطح وغارت في باطن الارض ؟؟
نعم نقطة الماء فى حد ذاتها نعمه ولا يستطيع الانسان العيش بدونها فلو كانت تشترى لكانت المشكله لمن ليس يملك ثمنها الحمد لله
al hoor
May 27 2007, 01:56 AM
موضوع رائع يسلموا
لكن ملاحظتي علية (لوتكرمت)
______
جمبرى وريحته فايحه؟
تعبان قوى وبتكح وعنيك حمرا وراسك بتوجعك يااااه
رجليكى وجعاكى والدكتور قالك عندك هشاشة عظام ياااااااه
مخنوق علشان عندك انفلونزا والدكتور قالك اقعد 3 ايام فى البيت ياااااااااه
__________
البعض من الامور عندما نتظجر منها يجب علينا معالجتها
وعدم الاكتفاء بقول انااحسن من غيري وانا راظي بحالتي
وبعظها من الله قدر وتم علينا هنا يجب عليناالا نتظجر
اطلاقا ومتى ماتظجرنا من ا مرا مقدور
يجب ان نعالجة
مونيتى
May 28 2007, 10:18 AM
حبيبتى الحور الرضا بالمقسوم وحمد الله على ماعندنا من نعم لا تحصى ليس معناه
التواكل ولا عدم الطموح ولكن قبل السعى لابد من الرضا لنيل مرضاة الله
اما الناقم على عيشته مهما فعل وسعى بحقد وبدون حمد الله على ماعنده من نعم
لم ولن يحقق تحسن بل وما عنده سيزول
ارجوا حبيبتى تكون فهمتى وجهة نظرى ومن حمد الله زاده من الخير كثيرا .
مونيتى
May 28 2007, 10:42 AM
هاااااااااااااااااااا مين تانى مخنوق طهقان زهقااااااااااااااااااااااااان فى حد
أم شرف الدين
Jun 2 2007, 01:21 AM
بسم الله دكر فان الدكري تنفع المؤمنين غمين يا أختي أللهم غم الدنيا ولاغم الأخرة يا مونيتي العزيزة
مونيتى
Jun 2 2007, 10:08 AM
اختى الكريمة اسعدنى مرورك بارك الله فيكى نعم غم الدنيا ولا غم الاخرة
ferial
Jun 2 2007, 10:23 AM
الحمدلله على كل حال
مونيتى
Jun 5 2007, 07:28 AM
طبعا اختى فريال الحمد لله على كل حال
اسعدنى مرورك حبيبتى
bluestar
Jun 29 2007, 02:54 PM
بالجد بالجد الحمد لله على كل نعمه... الحمد لله على نعمة الانسانية، على نعمة الاسلام، على نعمة البصر، السمع، الرجلين، الحمد لله اننا مش عاجزين باي طريقة من الطرق... الحمد لله على الصحة... وها نعدد ايه وللا ايييييييييييه؟؟؟؟؟!!!!
بالجد اختي شكرا على الموضوع...
انا من كام يوم كنت بفكر في نفس الشي... جدتي عندها مرض السكري، كل ما اجي اطعنها بحقنة النسيولين وانا متضايقة لأنها انتزعتني من الشيء البعمل فيه علشان اديهالها، بفكر.... يا ترى لو كنت بعمل في اللي بحبه بس عندي هذا المرض...
وبرجع بقول: الحمد لله الذي عافانا مما ابتلاهم به وفضلنا على كثير ممن خلق تفضيلا...
شكرا اختي
عاشقة التوبة
Jun 29 2007, 03:25 PM
الحمدلله على نعمة الاسلام اولا وكفى بها نعمة
الحمدلله على نعمه التي لاتحصى لكن الانسان احيانا يغفل ويزله الشيطان فينسى شكر النعم
فبالشكر تدوم النعم
برغم كل مافينا نحمد الله على كل شي
جزاك الله خيرا على التذكرة اختي الغالية
الصقر الجرئ
Jun 29 2007, 04:13 PM
الحمد لللة على كل شى جميل
وان شاء اللة المزيد قادم
الصقر الجرئ
مونيتى
Jun 30 2007, 10:42 AM
اختى الكريمة شفا الله جدتك وعفاها اسال الله العظيم رب العرش العظيم ان يشفيها
سعدت بمرورك
واختى عاشقة شكرا لمرورك حبيبتى
شكرا لك اخى صقر جزاك الله خير
مونيتى
Jul 18 2007, 01:07 PM
إقتباس(أم شرف الدين @ Jun 2 2007, 01:21 AM)
بسم الله دكر فان الدكري تنفع المؤمنين غمين يا أختي أللهم غم الدنيا ولاغم الأخرة يا مونيتي العزيزة
امييييييييييييييييييييين يارب العالمين شكرا لك اختى الكريمة
مونيتى
Jul 25 2007, 07:25 AM
إقتباس(sousou16 @ Apr 4 2007, 09:35 PM)
السلام عليكــم ورحمـة الله وبركاتــة ،،
بارك الله فيك اختي وجزاك الله خيرا
نحمد الله على كل شئ
ننتظر اختي المزيد من مشاركاتك
وعليكــم السـلام ورحمة الله وبركاتـه..
وبك اختى ونفع بك الاسلام واعزك الله
طبعا الحمد لله على كل شىء حمدا كثيرا طيبا
ان شاء الله اختى حاضر
مونيتى
Sep 17 2007, 12:10 PM
هيا نتعلم كيف نحب الله ونلجا اليه ونشكوله
mar0007
Nov 29 2007, 10:38 AM
الحمد لله على السراء والضراء
مونيتى
Feb 17 2008, 02:42 PM
لو تعبان زهقان مضايق مخنوق الجا لرب العباد وقول يارب بصدق وصفااااء وشوف النيجة
السندباد البحرى
Feb 18 2008, 05:48 AM
لا يخشى من كان له أب فكيف بمن له رب
أسماء فلسطين
Feb 18 2008, 08:57 AM
يااااااااااااااااااااااه
الحمد لله رب العالمين على نعمة الحمد
اللهم اعن الناس واعن المبتلين
صدقينى يااختى مهما كان فى الانسان من مر
ادا نظر للمبتلين يحمد الله كثيرا انه فضله على كثير ممن خلق تفضيلا
الحمد لله رب العالمين
جزيت خيرا اختى
اختكم اسماء
H.E.R.O
Mar 17 2008, 10:01 AM
بســم الله الـرحمــن الرحيــم
لله في الافاق آيات لعل اقلها هو ما اليه هداكا
ولعل ما في النفس من آياته عجب عجاب لو تري عيناكا
والكون مشحون باسرار اذا حاولت تفسيرا لها اعياكا
موضوع جميل وجزاكي الله خيرا
لكن يجب ان ناخذ في الاعتبار ان الواحد لازم يكون طموحه عالي وما يرضاش باللي في ايده
علشان لو كل واحد رضي باللي في ايده لن تحدث نهضة ولن تقوم الامة البشرية والاسلامية مرة اخري
وجزاكي الله خيرا
الفلســــطيني
Mar 17 2008, 12:11 PM
انا زهئان، طئهان، تعبان، نعسان، جوعان
ومش عارف انام،
مونيتى
Apr 19 2008, 08:05 PM
ليه كده يا فلسطينى الدنيا حلوه ومافيهاش اى حاااااااااااجة تضايق
مونيتى
May 5 2008, 07:54 AM
اذا ضافت بك الدنيا فتذكر نعم الله عليك
مونيتى
May 5 2008, 10:10 AM
(( احنا فى نعمة ))
قولى؛ قوليلى رحت الشغل النهارده رحتوا ازاى بالتاكسى ، بالقطار ، بالاوتوبيس لالالالالالالالالالا ما اقصدش كده
اقصد رحت على رجلك صح ، وانت ماشى على رجلك او راكب التاكسى او مشيت لمحطة القطار مالقتش كده واحد على كرسى
متحرك او شاب متشال علشان يروح مدرسته او شاب ماشى بعكاز ؟ اه لقيت ومستنى ايييييييييييييييييه قول الحمد لله على النعمه
دى.
*************************
وجال فى الأزهار دمع الغيوم
May 7 2008, 01:39 AM
اختى الكريمة
منال
موضوع رائع بحق
يستحق وجوده فى قسم المواضيع المميزة
الحمد لله على كل نعمه
اللهم انّا نشهدك ونشهد ملائكة عرشك أننا نحمدكـ ونشكركـ شكراً يليق بجلال وجهكـ وعظيم سلطانكـ
أجملـ تحية
هذه "نسخة - خفيفة" من محتويات الرئيسية للإستعراض الكامل مع المزيد من الصور والخيارات الرجاء
إضغط هنا.