totof
Sep 10 2007, 07:46 PM
السلام عليكــم ورحمـة الله وبركاتــة ،،
انا جالى فكرة كده ما اعرفش هتعجبكوا ولا ايه
يارب تعجبكم وهى
ان كل عضو يدخل يقولنا هو اختار اسم عضويته كده بناءا على ايه؟
هل ده اسمه الحقيقى؟ وطبعا مش لازم يقول اسمه الحقيقى بس يقولنا سبب اختياره لهذا الاسم
وطبعا هقولكم انا كمان ليه اخترت اسم توتف بالذات وايه سبب طرحى لهذا الموضوع ان شاء الله
وعليكــم السـلام ورحمة الله وبركاتـه..
سعاد 123
Sep 10 2007, 07:50 PM
السلام عليكم ورحمة الله
موقع الحلم العربي اول منتدى دخلته وسجلت فيه ولم اكن أعلم بقصة الأسماء المستعارة
سجلت بإسمي الحقيقي ولا يزعجني ذلك في شيء
سعاد
فاطمة الزهراء 10
Sep 10 2007, 07:53 PM
السلام عليكم
ربنا يبارك فيكى ياأختى
انا ياستى اسمى فاطمة الزهراء الحقيقى وفى المنتدى
وده اول منتدى ادخله فمكنتش اعرف ايه النظام ومكنتش اعرف يعنى ايه منتدى اصلا لكن قدرا دخلته ومكنش قصدى ادخله ولم دخلته فكرت انه موقع الاستاذ عمرو خالد لان كان اسمه الاولwww.amrkhaled.com ولم دخلت معرفتش الا بعدها بفترة
ولو كنت اعرف ايه النظام كنت هسجل باسمى الحقيقى برده
بس عايزة اعرف ليه الاسئلة دى ممكن ؟؟؟؟؟؟؟؟؟؟؟؟
فى رعاية الله
totof
Sep 10 2007, 08:05 PM
السلام عليكم ورحمة الله وبركاته
شكرا لكى اختى سعاد وكذلك اختى فاطمة الزهراء
على فكرة انا اسمى فاطمةبرضه بس من غير زهراء
وانا طرحت الموضوع ده علشان معظم اللى كان بيرد على مواضيعى او ردودى كان يقولى جزاك الله اخى
فكنت بضايق اوى بس انا هقولكوا انا ليه سميت نفسى توتوف
انا اول ما جيت اشترك فى موقع(انا حتى مش فاكره موقع ايه)
المهم كل اما ادخل اسم يقولى الاسم مستعمل قبل كده (استخدمت اسمى واسماء الدلع كلها بتاعتى واحب الاسماء الى وكل حاجه)لحد ما تعبت وقعدت افكر شويه
كان معايا ابن اختى الصغير وكان لسه ما بيعرفش يتكلم واسمه يوسف واللى كان بيساله عن اسمه كان يقول توتوف ومن هنا جتلى الفكره
وبقيت ادخل بعد كده اى موقع بالاسم ده بدل ما اعد اجرب وطبعا نفعت الفكره اوى لان ما حدش بستخدم الاسم ده خالص
عذرا للاطاله
ويارييييييييييييييييييت الكل يعرف انى بنت مش ولد(اختى وليس اخى)
cwaves
Sep 10 2007, 08:07 PM
موضوع جميل وله أبعاد مفيدة
أما عن سبب إختياري إسم العضوية cwaves (سي وييفز ) لأني من عشاق البحر وأعتبر موج البحر بمثابة لسان للبحر يعبر عن حاله في هدوءه وغضبه وفي سكينته وصخبه
شكراً على الموضوع ورمضان كريم
وحدانية
Sep 10 2007, 08:14 PM
ماشي يا توتوف
بجد موضوعك جميل جداااااا
خصوصا ان في اعضاء كتير بيتكون اسمائهم تلغبط
فماتعرفيش اذا كان العضو ولد ولا بنت
اسمي يا ستي قصته طويلة
هاحكيهالكم بعدين بقي
ههههههههه
جزاكي الله خيرا اختي
totof
Sep 10 2007, 08:21 PM
شكرا على مروركم الكريم اخى سى ويفز وكذلك اختى وحدانيه
ومنتظرة حكايتة اسمك اختى وحدانية
وجزاكم الله خيرا
vanilla000sky
Sep 10 2007, 08:22 PM
موضوعك جميل يافاطمة قصدى ياتوفتوفه...!!
انا بقى ياستى اسمى احمد بس حكايه فانيلا سكاى دى ..ان فى فيلم لتوم كروز اسمه فانيلا سكاى بحبة اوى واحداث الفيلم مؤثرة جدا وشدتنى عشان كدة مختار اسم فانيلا سكاى.....!!
اى استفسار اخر يرجى الاتصال ب 0999077 سعر الدقيقه جنيه ونص يرجى ترك الرساله بعد سماع صوت الصفارة
توووووووووووووووووووووووووووت
جرح جديد
Sep 10 2007, 08:27 PM
انا عضو جديد بهدا الاسم واخترته لانه يمثل حال الاسلام فى الشيشان الذى لايعرفه احد من المسلمين
انا اتمنى انه الكل يحس بحال المسلمين ويدعو لهم
بارك الله فيهم
واقبلونى بينكم
والسلام عليكم ورحمة الله
مجرد اثار
Sep 10 2007, 08:46 PM
السلام عليكم ورحمة الله
شكرا يا توتوف على كتابة الموضوع الجميل ده
و الاسم ده انا اخترته من اسمى الاصلى
انا اسمى اثار وشفت انا الحياة كلها عبارة عن اثار وبقايا ذكريات جوانا
بنعشها وبنحبها
علشان كدة اخترت الحياة كلها "مجرد اثار"
جزاكى الله خيرا
سِدرة ُ المنتهى
Sep 10 2007, 08:59 PM
موضوع جميل جدا اختي فاطمة
انا بقى حصلتلي مشكلة زي مشكلتك يا totof
منتدى الحلم العربي كان اول منتدى سجلت فيه فزي ما سعاد قالت هي و فاطمة الزهراء مكنتش اعرف ايه هو النظام في المنتديات و اول حاجة خطرت في بالي اني اسجل باسمي فاترفض رغم اني كنت مفتكرة انه اسمي نادر جدا اترفض
فقررت احط اكتر اسم بحبه سدرة المنتهى و اترفض كمان
و حطيت بقى اسامي كتيرة و اترفضو فقلت ادمج بين الاسم اللي بحبه sidra و كمان تخصصي info اللي هو اختصار لكلمة informatique يعني الاعلام الآلي و دي قصة اسمي اللي حطاه في المنتدى sidra_inf
العـزيـز بالله
Sep 10 2007, 09:03 PM
اسمي أحمد
لكن الناس ينادونني بعدة أسماء
أشهرها عزيز...سليم ..وعبد الرحمن
لهذا
دخلت باسم عزيز أما عن الرقم
فلا أدري لماذا اخترته لكني أشعر براحة نفسية عندما أشاهد هذا الرقم
وبارك الله فيك على الموضوع أختي
**بحب الجنة*
Sep 10 2007, 09:38 PM
موضوعك جميل يا فاطمة
هحكى انا قصة وحدانية حبيبت قلبى بس مرة تانية بردو
اهلا بك يا جرح جديد بيننا
انا بقى بحب الجنة واختارت الاسم دا تقرب الى الله وحبا فى الجنة
يمكن ربنا يجعلنى من اهل الجنة
yoyooo
Sep 10 2007, 10:49 PM
السلام عليكم
الموضوع حلو
وفكرته أكيد جديدة على المنتدى بتاعنا
المهم ده أول منتدى أنا اشتركت فيه
و اشتركت فية بأسامي كتيرة وتم رفضها لأنها مستخدمة من قبل
المهم قررت اني أدخل بإسم الدلع بتاعي(اللي اتعقدت منه)
المهم مشكورة على موضوعك
أختكم:.
yoyooo
أحمد السمان
Sep 11 2007, 02:53 AM
السلام عليكم ورحمه الله وبركاته ,,,
استغفر الله العظيم و اتوب اليه
انا اسمى أحمد كمان زى ما قالت اختى فى الله سعاد وفاطمة الزهراء انا كنت اول مرة اسجل فى المنتدى و معرفش النظام ايه
فسجلت باسمى الحقيقى اما عن السمان فهو لقب العائلة
بارك الله لكى اختى فى الله totof على موضوعك و رمضان كريم عليكى وعلى جميع الاعضاء واسرة منتدى الحلم العربى
اللهم بلغنا رمضان اللهم بلغنا رمضان اللهم بلغنا رمضان
السلام عليكم ورحمه الله وبركاته ,,,
totof
Sep 11 2007, 09:50 PM
جزاكم الله خيرا وكل سنة وانتم طيبين
تقبلوا فائق احترامى
والسلام عليكم ورحمة الله وبركاته
هذه "نسخة - خفيفة" من محتويات الرئيسية للإستعراض الكامل مع المزيد من الصور والخيارات الرجاء
إضغط هنا.