السلام عليكم والصلاة والسلام على نبى الانام محمد ابن عبد الله عليه افضل الصلاة والسلام

ابناء وبنات الحلم العربى سالخير عليكم واخباراتكم ايه من زمان مشفتكمش والله بجد ليكم وحشة

المهم بعد السلامات والتهانى وووووووو ندخل فى الموضوع على طول علشان متقولوش عليا رغاية .............

بصوا بقى انا من فترة كنت بتفرج على برنامج(( نشوة ))على احدى القنوات الفضائية وكانت المذيعة طارحة موضوع شدنى واستفزنى واجبرنى انى اتابعه للاخر وحبيت انى اتناقش معاكم فيه واعرف ارائكم حوله.

والموضوع هو بالاختصار المفيد سؤال موجه للبنات والشباب ......... وياريت كلنا نجاوب عليه واللى مش هيجاوب هيطخ بجى ويبقى ازيكم بجى ...

طبعا انا بهزر بس عايزة اعرف ارائكم ووجهة نظركم ...نشوف السؤال بقى

نبدا بالشباب : ماذا لو تقدمت لخطبتك فتاه ؟؟؟؟؟؟

طبعا مش المقصود انها تيجى لك البيت وتتقدم وحضرتك تقدم لها العصير

لا المقصود لو فى بنوته جت وقالت لك انا عايزة اتجوزك

البنت دى فيها كل المواصفات اللى بتتمناها

هتعمل ايه ساعتها ؟؟؟؟؟؟؟؟؟؟؟؟

ويجى دور البنات : لو فى شاب فيه كل المواصفات اللى تتمنيها فى شريك حياتك هل هتروحى وتقدمى نفسك ليه وتقوليله انا عايزة اتجوزك

يلا ياابناء الحلم العربى عايزة اعرف ارائكم حول هذا الموضوع..........

ودمتم بخير

اختكم فى الله نيـــــرة

سؤااااااااااااااااال حلو

اهلا ببك معنا اختى


طبعا طبعا يمنع حيائنا ان نتقدم نحن لخطبه من نراه صالحاُ لنا مهما كان


واعتقد برده الراجل لو حصله حاجه زى كده ولقى واحده راحه تقؤله انا معجبه وكده

اعتقد انها تنزل من نظره


ولكنى اقول لنفسى دائما ... اجرى جرى الوحوش غير رزقك لن تحــــــــــــــوش



نتكلم بجد ... انت تريد وانا أريد والله يفعل ما يريــــــــــــــــــد

يعنى من الاخــــــــــــر كل شىء نصيــــــــــــــــــــب

وما يريده الله سيكـــــــــــون

نسأل الله تعالى ان يرزقنا أزواجا صالحيـــــــــــــــــن

وان يرزق الشباب نساء صالحات

اللهم لا تحرمنـــــــــا خير ما عندك بســـــــــــــــــوء ما عندنـــــــــــــــــــا

ويارب ارزقنا من حلالك ما يغنينــــــــــــــا به عن حــــــــــــــــــــرامك.

رايك صحيح اختى لؤلؤة


انا دخلت على الموضوع دا اكتر من مرة


علشان ارد علية


والله مكنت بعرف ارد


جزاكى الله خيرا

هي من الناحية الشرعية يجوز ذلك
فالسيدة خديجة رضي الله عنها قد بعثت بامرة الى رسول الله صلى الله عليه وسلم لتخطبه لنفسها



أما الآن فيصعب كثيرا قبول هذا الأمر

صلى الله علية وسلم

بينى وبينك مش عارف

بس وقتها اكيد هيكون حل

ولو زى ما بتقولى فيها كل ما اتمنى ودا مستحيل طبعا

يبقى ان شاء الله خير

اللهم فيه الخير ربنا يقدمه لينا

السلام عليكم ورحمة الله وبركاته:




بداية أقول لكم رغم أنكم لا تتحدثون بلغة الحلم العربي إلا أنني فهمت شيئا قليلا مما يدور عليه حواركم وأرجو ألا تكثروا من اللهجات و اكتبوا باللغة التي يفهمها كل عربي

أما فيما يخص الموضوع فأقول:


















































عفوا:

أنا متزوج

فالحمد لله

لن تحرجني أي فتاة بخطبتي







وشكرا.....................

إقتباس

نبدا بالشباب : ماذا لو تقدمت لخطبتك فتاه ؟؟؟؟؟؟

طبعا مش المقصود انها تيجى لك البيت وتتقدم وحضرتك تقدم لها العصير

لا المقصود لو فى بنوته جت وقالت لك انا عايزة اتجوزك

البنت دى فيها كل المواصفات اللى بتتمناها

هتعمل ايه ساعتها ؟؟؟؟؟؟؟؟؟؟؟؟

حقيقة سؤال جميل ولكن كل من سيمر هنا سيكتب وجهة نظره واجابته هو

وبالنسبة لى يااختاه

فأنا سأرفض لأن الرجل رجل والمرأة مرأة ولابد ان تتحلى بالحياء

حتى لا تسقط من نظر من تعجب به حتى وان كانت بها كل مواصفات فتاة الاحلام

لا نستطيع قلب موازين الحياة مهما حصل

واعتقد ان البنت مهما كانت جريئة لن تقبل على هذه الخطوة ابدا وان كان من الممكن ان تلمح لهذا الشخص بالاعجاب

ولكنها لن تصارحه بها مهما حصل

تحياتى العطرة اختى نيرة

محبكم خربشات فنية

شكرا على طرحك للموضوع ن ر ن ر
انا عن نفسي لا ارضى بهذا
في نظري الفتاة التي تفعل هاذ الامر الاحرى الابتعاد عنها


والسلام

السلام عليكم


اهلا بالاخت نيرة واهلا بموضوعك الجميل الذى اثار الراى العام وقلب الموزازين



وباذن الله اراد على اسالتك باذن الله



ماذا لو تقدمت لخطبتك فتاه ؟؟؟؟؟؟


فى عهد النبى علية والسلام وقبل الدعوة المحمدية

بعثت السيدة خديجة ورقة بن نوفل الى النبى علية السلام

وطلبت من النبى علية السلام الزواج بيها رغم انها من اغنياء العرب وسيدة متزوجة وتعول

والنبى كان راعى لللغنم,, جميل المظهر والخلق ويعمل معاها بالتجارة

رغم فرق السن بينهم ودون ان تعرف انة نبى الله وبالفعل تزوج النبى علية الصلام منها

وايضا السيدة عائشة طلبت من النبى للزواج

مش عيب ان الشخص سواء كان ذكرا او انثى ان بطلب الشخص الذى يتمناة ما دم على خلق

ولكن فى عصرنا هذا فتنة واكاذيب قد تودى الى تشوية وبلبلة

والبنت التى هكذا من الطبيعي ستنزل من نظر الرجل

فنظر الرجل للمراة دائما ما بيكون مجرد نزوة وعندما تقم هيا وتفرض نفسها علية

فطبعا فسوف يركبة الغرور وعندما يشبع منها فباالاطلاق سيرميها بالنسبة لة شيئا ومضى


واخيرا اقول لكل بنت شريفة عفيفة

لا تفرضى فى حيائك ولا جسدك لمن تحبى الا عندما ترتبطوا ارتباط شرعى وعلى صداق مسمى بينكم


لا تضيعى حقك وكرامتك فى شخص ربما يكون انتى معجبة بيا فى الدنيا اشخاص جمال جدا ومظهر

.. ولكنهم ذئاب بشرية يتنكرون فى زى حملان وايضا يوجد رجال طيبون ولكن الشكوك تميت الحب

واخيرا مش عيب اننا نقول للى بنحبة عاوز نتجوزك سواء بنت او ولد

ولكن مجمتعنا وطقوسنا سيحول الامر الى سخرية وفتنة

وانا لو تعرضت لهذا الموقف

اكيد ارفض بكل المقاييس الا عندما تكون الفتاة حقا مودبة

وارادت فيا الزوج الصالح وخافت انى اضيع من يدها فضحت بحيائها من اجل السعادة

وزمان قالوا خدى اللى يحبك ويخاف عليكى

ولا تاخدى اللى انتى بتحبية

والسلام ختام

حلو كلامك ياهنجور

دمت بخير

الحمد لله الذي ارسل لنا نبيا اكتملت فيه مواصفات البشر الحميدة
ومع انه ارسل ليقتدى به فهو ليس ملكا وبالتالي التشبه به ليس مستحيل
وطبعا الكل يتشبه به باللحية فاللحية سهلة المنبت وسهل جدا ان نعترض على الحكومة التي والناس التي تستنكر اللحية و نقول لهم مالكم تعرضون عن سنة نبيكم
اما لما تيجي لصفاته الحميدة من كرم وامانه وطيبة وخاصة امانة دي, والتي دفعت بأرفع النساء منزلة بين قومها فهي من عائلة ذات نسب ومال الى خطبته لنفسها.
و السيدة خديجة امرأة على خلق ومن اشرف النساء, لا اعتقد انه من الممكن القول انها كانت تقتقد للحياء؟ او تفتقد صفات الانوثة؟

ولكن اتفق معكم ان هذا صعب الان وشبه مستحيل, كون وجود رجل بأمانه محمد ابن عبد الله (عليه الصلاة والسلام) في عصرنا هذا مستحيل
ولا توجد امرأة حتى قليلة الحياء تخطب لنفسها رجل لانه جميل المنظر ولابس ع الموضة او عنده سيارة اخر موديل.

السلام عليكم اولا


وحشانى ثانيا

ثالثا بقى الرد على الموضوع

من افضل البشر اليس هو سيدنا محمد ؟

من اول من تزوج ؟ اليست السيدة خديجة رضى الله عنها

التى لم يتزوج من غيرها الى ان ماتت واليست هى من بادرته بطلبها بالزواج منه

فمن منا نحن النساء تترفع عن شىء فعلته خير النساء

ولكن وضعى تحتها الف خط لكن ..... ان كان فى رجل بربع اخلاق سيدنا محمد

فان وجدت هذا الرجل الذى ارى انه يستاهل ان افعل ذلك لاجله لن اتردد فى ذلك

ولكنى على ثقة من عدم وجوده

فلا احد منا مثل محمد بن عبد الله صلى الله عليه وسلم .... ولا توجد خديجة رضى الله عنها بهذا الزمان

لذا لن يكون

فهمتى حاجة منى ؟؟؟؟ اثق انك فاهمة كل شىء

وحشتينى للمرة الثانية الى ان نلتقى لكى منى كل الحب يا نيرووووووو

بسم الله والصلاة والسلام على نبى الانام محمد ابن عبد اللاه عليه افضل الصلاة واذكى السلام

السلام عليكم ياابناء الحلم العربى

اولا: احب ان اشكر كل من رد على الموضوع وجاوب على السؤال .

ثانيا: انا لاحظت من خلال ردود الجميع انكم جميعكم تتفقون فى عدة نقاط الا وهى : (( ملحوظة : ده رايى الشخصى وربما اخطا اواصيب ))

1- ان الشرع لم يمنع ذلك .
2- استحالة وجود شخص يمتلك جميع المواصفات اللى الكل بيتمناها فى شريك حياته.
3-قلة الحياء والعياذ بالله (( ودى كارثة كبيرة يعانى منها مجتمعنا فى هذه الايام ))
4- قلة الثقة ان لم يكن انعدامها بين البشر (( ودى طبعا كارثة تانية ))

طبعا ده كان راى بسيط وربما اكون مخطاة فارجوا منكم المعذرة .

ومستنبة باقى الاعضاء يجاوبوا على الاسئلة .
ودمتم بخير

اختكم فى الله نيــــرة

السلام عليكم ورحمة الله وبركاتة


سؤالك جميل وموضوع اجمل الزمن اللى نحن فية زمن عجيب بمعنى ان لو الفتاة قالت لشاب اريد الارتباط بك ستحيطة الشكوك والهواجس حول هذة الفتاة ويبدأ الشك يدب فلى قلبة حتى ولو كانت صادقة لسبب لانة ينظر الى هذة الفتاة على انها مجرد فتاة لا يريد منها الا اشباع رغباتة وشهواتة فستكون النظرة لها مريبة ويسأل نفسة لما تطلب من ان اخطبها ابها عيب ام ماذا ام تريد الزواج منى لستر عيب فيها ام ماذا ويبدأ بالخوف والابتعاد منها لانة تربى على ان الفتاة او ان المفروض ان تكون الفتاة هى رمز للحياء وانة هو المفروض هو الذى يطلب يدها لا هى ؟؟ ولكن هذا الشاب لا يعلم ان الفتاة اذا احبت بصدق واحبت بأخلاص لا تتردد فى ان تفعل اى شىء حتى ولو لمحت بالزواج من هذا الشاب لان الفتاة عندما تحب تحب بكل اخلاص وتفانى فلا ترى فى هذة الدنيا سوى من تحب وتعيش من اجلة ولكن هذا النوع فى زممنا هذا قليل الا من رحم ربى طبعا وكذلك الشاب واقولها صريحة لايوجد الشاب الذى تقول لة الفتاة او اى فتاة تزوجنى طبعا فى انا ما انكر انة ولكن الا من رحم ربى اى يوجد ولكن بقلة قليلة ... بس صراحة عن نفسى اقول اذا وجد اى شاب فتاة تحبة ويعلم انة تحبة من قلبها لدرجة انهخا طلبت او لمحت حتى بالزواج لية لاءة ولية ما يستمر ومعها ويعطى نفسة فرصة يا جماعة لية ما نترك لانفسنا فرصة ونحاول وان نترك الامور تسير فى نصابها ويمكن ان تكون هذة الفتاة او الشاب فعلا يتمنون الزواج يعنى لا اتردد واترك الامور تسير فى نصابها وكل شىء سيكون واضح وضوح الشمس ... انتو فهمتوا حاجة اصل صراحة مش فاهم حاجة هههههههههههههههههههههههههههههه اخوكم كلمة

للأسف الشديد الحياء يرفع تدريجياً

وما نراه من البنات هذه الأيام فهو مبشر والعياذ بالله بكل سوء

حتى ما نراه على المنتديات من طريقة إستخفاف واستظراف دمهم مع الشباب واسلوب الحوار بينهم ممكن يبشر جداً إن ممكن أي بنت تخطب الولد ولو رفض ممكن تخطفه ( لا تتعجبوا)

وياما لسة سوف نرى

السلام عليكــم ورحمـة الله وبركاتــة ،،

نيرة حبيبتي وحشتيني جدا جدا جدا يا قمر

سؤالك جميل جدا و سهل جدا

انا عن نفسي مش هقدر اعملها مستحيل لانه صعب خاصة في مجتمعنا ده على كل مفيش حد يستاهل انه اضحي بحيائي عشانه

و فرضا فرضا يعني لو في حد بربع صفات الرسول صلى الله عليه و سلم على رايك فربنا يستر و منتحطش في الموقف الصعب ده و نضطر نتنازل عن حاجة غالية علينا لانه مش هنبقى زي امنا عائشة رضوان الله عليها و نتصرف بحكمتها

الحياء أغلى شيء بتملكه المرأة ازاي يعني تتنازل عنه بالسهولة دي

و بالاخير نقول من غير اطالة كل شيء قسمة و نصيب

السلام عليكــم ورحمـة الله وبركاتــة ،،
اختي الغاليه نيره . هسئلك سؤال وانا متأكده من اجابته لو علي فرض وفي انسان كويس واتقدم لخطبتك وفيه مواصفات كتير جدا وحلوه اوي وتتمناها اي بنت بس تنقصه المقدره الماليه يعني رزقه علي قده زي ما بنقول وعلشان تتجوزا يبقي لازم تنتظري فتره علي ما يكون نفسه وعلي فرض انك عندك القدره الماليه دي عارفه لو طلبتي انك تساعديه وتحاولي انك تزيلي الصعوبات اللي واقفه في طريق الارتباط اول شيء هيفكر فيه هو او اهله انك في عيب معين فيكي (اعوذ بالله يعني ) ومش قصدي انتي طبعا اقصد البنت اللي بتعمل كده وعمرهم ما هيفكروا ان انتي او اهلك بتعملوا كده لانكم شاريين الانسان ده ... فما بالك اختي الكريمه لو انك روحتي لشخص وطلبتي منه انه يتزوجك ... الموت اهون واكرم من ان الواحده تطلب كده ومن الاخر فعلا مفيش حد يستاهل انك تفقدي حيائك علشانه ..... فنحن نعيش زمن قل فيه الرجال وكثر فيه الاندال ..... اللهم استر عوارتنا وامن روعتنا . اللهم لا تدع لنا ذنبا الا غفرته ولا هما الا فرجته ولا دينا الا قضيته .

بسم الله والصلاة والسلام على نبى الانام محمد ابن عبد اللاه عليه الصلاة والسلام

اخوتى فى الله السلام عليكم ورحمة الله وبركاته

احب ان اشكر جميع من شارك وتقدم برايه فى موضوعى المتواضع وجزاكم الله خير الجزاء وسدد خطاكم لما يحب ويرضى

اسمحولى بقى اعلق على شىء لاحظته تقريبا فى جميع اجاباتكم الا وهو (( ليه كلكم ربطتم بين ان الفتاه لو تقدمت لشاب تطلب الارتباط منه هذا يغعتبر نقصا فى حيائها مع انكم فى الوقت نفسه قلتم انه من الشرع والدين وان الدين لم يمنع شيئا كهذا واستدللتم بادلة من السيرة العطرة على صاحبها افضل الصلاة والسلام )).
فاسمحولى ان اطرح سؤال اخر عليكم : هل يرتبط طلب المراة من شاب الزواج نقصا فى حياؤها حتى لو اننا نحسبها على خير ؟؟؟؟؟؟؟؟؟؟
ده السؤال ومعلش استحملونى وارجوا منكم المعذرة.

دمتم بخير

اختكم فى الله نيـــــرة

نقطة نظام يا اخوان


لما نقول أن الفتاة تخطب الشاب ليس معناه أنها تذهب اليه مباشرة
بل ترسل اليه أحدا ينوب عنها ممكن والدها...... أخوها........ صديقتها
وهكذا

المشكلة في الموضوع هل تقبل هذا النوع من الزواج أم لا






وأسجل متابعتي الدائمة للموضوع

لو انه احنا مثل عهد الحبيب المصطفى عليه الصلاه والسلام ساعتها ممكن تعمل البنت زى ماعملت ام المؤمنين

بدكم تعرفوا شو بالضبط عملت؟؟؟

اول شى اباحت لاحدى جارياتها انها تميل للحبيب المصطفى وذلك(لامانته ولخلقه وادبه و و و و)
علم النبى من الجاريية بذلك وكان قد افى نفس الشعور لنفس الاسباب
عرضت على ابيها الامر وقد كان ابوها رافضا للامر لانه يتيم
جمعت ابوها وكل سادات قريش واحضرت الخمر ليسكروا وقد ثمل من شده الشرب
قالت له زوجنى محمد بن عبد الله
قال زوجتك محمد بن عبد الله
لبسته الحله التى كان يلبسها اباء العرسان وطيبته
فلما انتبه لنفسه وقد ذهب مفعول الخمر سال لم كان لابسا تلك الحلة
فقالت زوجتنى محمد بن عبد الله
غضب ولكن قالت له انه سوف تعايره قريش بانه ثمل واسرف فى الشرب وانه قال كلاما لم يعيه

المهم وافق بعد الالحاح وتزوجا





يعنى لاصارح الها ولاصارحت اله ولاالحديث جر فسادا (وهم فى جاهلية كانوا ولم يكن الاسلام بعد)
فمابالك بلاسلام
وهل كان الاسلام عندهم كعندنا

ربنا يصلح الحال
اختكم اسماء

بسم الله والصلاة والسلام على نبى الانام محمد ابن عبد اللاه عليه الصلاه والسلام

اخوتى فى الله اود ان اشكر جميع من مر بصفحتى وكل من اضاف ردا او تعليقا استفدت منه كثيرا




اما سمسمة اولا وحشتينى جدا واشكر اضافتك الجميلة فخير مثل وقدوة هى سنة حبيبنا المصطفى صلى الله عليه وسلم

اخى القناص الهادى :طبعا احنا عمرنا ماهنوصل لمنزلة الحبيب المصطفى ولكنه قدوتنا جميعا ومن الممكن الاقتداء به

اشكرك اخى واشكر مرورك واضافتك

تقبلوا مرورى

ودمتم بخير
اختكم فى الله نيـــــرة

شكرا اخت نيره على الموضوع
كلمه مهم الى الشباب
حب اللى تحبك
بس نقطه ضعف الشباب الماده
انا عارف ردى مش اعجبكم
والسلام عليكم
اخوك فى الله ميدووووووووو

بســم الله الـرحمــن الرحيــم

ولازال السؤال قائم ... ودعوة للمناقشة من جديد ..

سلامات ..

بالعكس انااشجع هذاالاسلوب كثيرا


لكن اشجعه لمن تجاوز العشرين


فااعتقد انهم اكثر عقلانيه واكثر صدقا

او اصحاب الحاجه والظروف الخاصة



لاني ارى ان الزواج من خلاله سوف يسهل او يحل مشاكل عظيمة اوجزها الرسول عليه الصلاة والسلام بفتنه وفساد عظيم

\
/

دائما تتحفنا بمواضيع ذات جودة



بارك الله فيك

بســم الله الـرحمــن الرحيــم

بارك الله فيكى اختى عروبة على مرورك الطيب ورايك الذى اقدره كثيرا

دمتى بخير