[size="5"][/size]السلام عليكم ورحمة الله وبركانه
هابي نيو يير ياجماعه
محدش قالكو الكلمه المستفزه دى اليومين اللى فاتو؟؟؟؟؟؟؟؟؟؟؟؟؟؟؟؟؟؟؟؟؟؟
اكيد سمعتوها ولو حتى فى التليفزيون
انا عن نفسي كل ما اسمعها تلاقيني باضحك على نفسى وعلى اللى قالها وعلى المجتمع الغريب ده
هابى نيو يير يعنى بالعربى سنه جديده حلوه وهى لا سنه جديده ولا حلوه ولا حاجه
جديده ازاى والاوضاع زى ماهيا وبالتالى حلوه ازاى يعني
وتلاقى الناس ماشيه تحتفل فى الشوارع وشجرة الكريسماس فى كل مكان وبابا نويل مالى المحلات تحس اننا فى لندن واللا باريس
طبعا دا غير الناس اللى معاها فلوس ويروحو يقضوا راس السنه فى دبى واللا بيروت طبعا عشان التهييص والحفلات والذى منه...........
وفى ناحيه تانيه تلاقى ناس مش لاقيه تاكل عيش حاف حتى محدش فكر فيهم واذا حد جاب سيرتهم فى مناسبه عظيمه زى دى يكشرو ويقولو ( ايه الغم ده مالناس كلها عايشه وعادى محدش بيبات من غير عشا ماعدا اللى عاملين ريجيم)
وطبعا الناس اللى هما درجه تانيه وتالته وسابعه كمان يااما مش حاسين باللي بيحصل ده من كتر الهم اللى هما فيه او شايفييين وبيحقدوا وعندهم حق
انا خايفه تقولوعليا انى فقريه وبتاع وان ربنا قسم الارزاق الغنى غنى والفقير فقير وكلنا لازم نحمده
ماشى انا معاكو فى كده بس يا جماعه شوية مراعاه لاخوتنا الفقرا وبلاش التقليد الاعمى لدول اوروبا وامريكا فى المبالغه فى الاحتفالات دى
وربنا يصلح الاحوال لكل العرب والمسلمين يا رب
(معلش اذا كان فيه اخطاء سامحونى ده اول موضوع اكتبه)