فى بدايه الموضوع بنت اسمى هدى اعيش مشكله بقالى اربع سنين

انا كنت بحب ولد كان زميلى فى المعهد وكنا متفقين على كل شى وكان خلاص ارتبطنا هيكون رسمى

بس للاسف ظهرت بحياتو بنت كانو اصحاب جدا وانا كنت بتضايق من صدقتهم دى وكنت شكا ان فى شى مابنهم لكن هو كان دايما يقولى لا احنا اصحاب

لغايه هو ماقلى اننا هنسيب بعض وعرفت منو ان هو حب البنت دى المشكله اننا بعد ما سبنا بعض انا من حبى لى مش قادره ابعد عنو اتفقت

معاه اننا نكون اصحاب وفعلا بقينا اصحاب بقالنا اربع سنين اصحاب وانا بحبو ومش عارفه اعمل ايه هو دلوقتى بدا انو يعملنى معمله انا مش حبها بحس انو فاهم انى علشان حبيته و

بكلمو ابقى بنت وحشه والاحساس دا بيزيد كل يوم عندى

لا انا قاده ابعد عنو ولا قادره اعمل حاجه وحاسه انو هجى فى يوم يقولى انو هيخطب وخايف من اللى جاى

بليز عايزه رايكو فى مشكلتى

حبيبتى العلاقات دى أغلبها فاشلة متضيعيش وقتك عليها

اشغلى نفسك بحاجة تفيد مستقبلك و مجتمعك

ممكن تشبعى عواطفك بطرق سليمة بحب الله و رسوله و مع أهلك ومساعدة من يحتاج مساعدتك حتى يرزقك الله بالزوج الصالح

لازم اقولك ان الصحوبية من النوع ده حرام و ربنا قال سبحانة وتعالى للنساء( ولا متخذات أخدان ) وقال للرجال (وأتوا البيوت من أبوابها)

[color="#9932CC"]انا ملاحظة على فكره انا كل الاعضاء الجدد بتكون اول مشاركة ليهم وبيكتبوا مشاكل خاصة

او بمعنى اصح مع احترامى للجميع مشاكل هايفة ومافيش منها اى لازمة

وده اتكرر كتير والمشكلة انكم بتكونوا عارفين كيفية تنزيل الموضوع فى مكانه الخاص بيه او المنتدى الخاص بيه

فياريت يا اختى المشاكل الشخصية تكون بعيد عن المنتدى

احنا ممكن نكون معاكى فى مشاكلك لكن لو مشكلة هادفة وبعيد عن الحب والمراهقة اللى عايشنها

فياريت لو تفدينا بمواضيع تكون ليها قيمة وجزاكى الله خيرا [/color]

من أغلى الأشياء التي يمتلكها الإنسان هي (الكرامة)
وعندما نفرط نحن فيها بأنفسنا فلا ننتظر من الآخرين أن يحافظوا لنا عليها..

عندما يلهو أي شاب بفتاه وبعد أن يمل ويزهق منها ويريد الإبتعاد عنها لإستبدالها بضحية أخرى نجد الفتاة لا تقوى على الإبتعاد عنه !!!!!!
بل والمضحك أنها تطلب منه أن يظلا أصدقاء!!!!!!! وذلك بسبب عدم القدرة ( الضعف النفسي) أنها لا تقدر على البعد عنه
ماذا تنتظر الفتاه في هذا الوقت من هذا الشاب؟؟؟؟؟ أن يعاملها معاملة البنت التي تصون نفسها وتعتز بكرامتها؟؟؟
من الطبيعي أن ينظر إليها نظرة أخرى بل ويستغل ضعفها وشغفها به في أن ينال منها أي شئ قد تسمح هي به تحت تأثير المخدر الذي شربته بنفسها وهو حبها وولعها به

الشاب الندل الذي يلهو بالفتاه يجد ضالته في الفتاة ضعيفة الشخصية التي لا تحترم ذاتها ولا دينها ولا أهلها
محال أن يفكر مجرد التفكير في اللهو بالبنت القوية المتدينة التي تعرف حق ربها عليها قبل أي انسان آخر

أفيقي أيتها الأخت صاحبة الشكوى قبل أن يضيع منك ما هو بعد الكرامة وأظنك تعرفيه جيداً ....

أنتي في حاجة إلى مزيد من القوة وبعض الإنتباه من هذه الغفلة التي أنتي بها

وأطمئنك بأن هذا الندل الذي تعرفيه لا يريدك ولا يريد غيرك لأنه غير أمين وسوف يدفع جراء ما فعل يوماً ما

إن الله يمهل ولا يهمل

سبحانه وتعالى قابل التوب غافر الذنب شديد العقاب ذي الطول

وعليكــم السـلام ورحمة الله وبركاتـه..


شوفى يا بنتى انا فى سن والدتك 000 الوضع ده غير لايق بفتاه مسلمة تعرف ربها 00


وانا مرضاش لكى هذه الاهانه التى اهنتى نفسك بها 000 اولا كنت انت وهو فى سن المراهقة متقلبة 00


الاحساس 00 نصيحة من ام اشغلى نفسك باى شغلة تبعدك عن هذا الانسان ميستهلش حبك 000


اقراى قران 0 صلى فى جوف الليل واطلبى من الله ان ينقذك فن هذا الحب 000 متضيعيش ثقة اهلك بكى 000


واخيرا اطلب من الله سبحانه وتعالى ان ينقذك ويحول حبك الى حب الله سبحانه وتعالى والى رسولنا والله دا اعظم حب 000

يا عزيزتي .. حأحاول ابلع ريقي واكتب بصوابعي بدل ما أعضها

يا أمي يا أختي قوليلو [الله والنبي معك ] وارميه من أبعد بلكونه

ويغور في ستين دا..

يعني بتغضبي ربك وكمان على الفاضي .. حتتنازلي عن ايه اكتر من كده

هو الحب بيتشحت ؟؟

بالله عليك قوليلي .. بتحبي فيه إيه؟؟؟؟؟؟؟؟؟ لا هو معطيكي شعور جيد ولا هو مريحك !!! يعني انتي زي اللى خانق نفسو بإيدو

المشكله فيكي انتي

إفطمي نفسك عن "التعود "

عن لعبه الصحوبيه اللى اتعودتي عليها زي ما هي عذبتك في الدنيا و حطت من كرامتك شوفي هذا الجزء من القلق والعذاب اللى انتي فيه

حيكون أضعاف أضعاف في الآخره " يوم يعض الظالم على يديه "

و انتى كدا ظالمه لنفسك وعض الآخره ربنا يعافيكي ويعافينا .. بعد ما يخلص عض الضوافر والصوابع حياكل إيديه ندم وألم وحسره ..

اكل حقيقي وليس مجازي لإن الاهوال اللى هو شايفها والخوف أكبر بكتير من الألم اللى في إيديه


وعلى إيه .. خليكي في السليم أحسن واستمدي همتك وعزّتك من كرامتك وإرادتك من أنوثتك ولو لقيتي القوه لسه مخستعه استمديها من دينك وقوة عقيدتك

ومن ترك شيئاً لله عوضه الله بشيء خير منه اقطعي كل علاقه لك به قبل ما هو يعملها حتشعري بألم يوم واتنين زي خلع الضرس وبعدها خلاص حترتاحي

لكن حتحمدي ربنا قبل ما تكسري الخمس سنين وتعضي ايديكي ندم على احلى سنين عُمر


سيندنا ابو بكر رضي الله عنه كان بيقول "نفسي والهوى والدنيا والشيطان " ماذا أفعل وكلهم أعدائي وهو من هو

وانتى الآن نفسك هي عدوتك .. اذا لم تقوديها أنتى ستقودك هي .. إلى ..


ابقي طمنينا عليك عاوزاكي تيجي تقوليلنا رميته خلاااااص و اقلبي الصفحه السودا دي