اولا

انا بجد مش بخش على الماسنجر نهائى الا لو فى حاجة مهمة جدا


ومش عارف اية الى بيخلى البنت تقرب من الماسنجر

ولو بتكلم واحدة صاحبتها ماشى

بس انا ماعنديش خبرة ومش فاهم ازاى واحد يوصل لواحدة عبر الماسنجر

ثانيا

مالهم يا شيماء يابنت عم حجازى الشباب الى عندهم 35 سنة


ها

ها

مااااااااااااااااااااااااااااااااااشى

انا عن نفسى الماسنجر عندى بكلم سحابى ولازم كل يوم افتحه

واعتقد ان اى بنت من البداية بتتعرض لموقف زى ده بتبقى هى اللى عايزة كده ووصلت الشخص ده انه يوصلها للنهاية دى وده كله نابع من الشيطان

ربنا يستر البنات جميعا يا رب

مش مالهم اللى عندهم 35 على راسنا يا ميمز بس بلاش تكون تقيل

هاه يعنى متعرفتش عليه زى ما مكتوب فى العنوان

بســم الله الـرحمــن الرحيــم
الحمدلله والصلاة والسلام على رسول الله وعلى آله وصحبه أجمعين

جزاك الله خيرا..حبيبتي شيماء على هذا الموضوع الهادف..
فان الذكرى تنفع المؤمنين...صدق الله العظيم


اما عن رايي الشخصي..فلا اظنه سيعجب الفتيات...و لكني ساقوله و امري لله..

رايي هو..ما ذنب ذلك الذئب..اذا كانت الضحية نعجة بلهاء ....

اقصد..ما ذنبه اذا كانت هي من الغباء و البله و السفه و الضعف ما ليس في احد..

فاما عن الذئب..فهذه طبيعته..و هذا قوت يومه..و هذه حرفته و صنعته التي لا يتقن غيرها..مسكين....بل ثكلته امه..

و اما عنها ..فاظن انها لواتقت الله في نفسها..و في كرامتها..و في مشاعرها البلهاء..
لجعل الله لها مخرجا..و لحماها و انقذها من اي مكروه كان سيصيبها..
بالمختصر المفيد....تستاهل...

تقبلي مني اعطر التحيات..

جميل اختي شيماء و عندك حق والله الماسنجر دا مليااااااااااااان كدابين و اللي يعيش ياما يشوف
وكل واحد منه لله
هدير

السلام عليكم ورحمة الله وبركاتة

مشكورة اختى على الكلام الجميل دا

كلام جميل كلام معقول بس ليا رد على البعض منة

تسمحيلى اختى

معظم الناس الى بتقعد على النت بيفتكرو فعلا ان الشاب هو االجانى

ليه كدا

وليه متقوليش ان الفتاه ممكن تكون هية الداهية الكبرى

ليه بنعلق شمعتنا على الغير

ليه بنظلم الشاب
محصلش قبل كدا مع اى حد ان واحدة تلاعبت بمشاعرة محصلش

محصلش قبل كدا مع اى حد فينا ان واحدة تخلى الشاب يلف حوالين نفسة

اختى شيماء

البنت المؤدبة المحترمة متعطيش حد الفرصة انة يتلاعب بمشاعرها ولا كلامى فية حاجة غلط

و حتى على الاميل

وزى ما فية الوحش من الشباب فية الاوحش من البنات

ومش هقولكم لان الاشكال دى مالية عالم النت

والواحد مننا قابلة كتير من العينات دى وحدش يقولى انا ممرتش بالتجربة دى صدقونى يكون كاذب فى نظر نفسة قبل نظرة الاخرين الية

زى ما فية دا فية دا


حضرتك انا عارف انك نقلة الموضوع وانا بحيكى على كدا

بس ليا كمان تعليق

ايه الانهيار الى البنت تنهارة فى عالم النت

ايه يجماعة انتو بتتكلمو ازاى انهيار ايه دا

ان الواحدة تقعد ايه يجماعة

والله والله والله

دا عالم كلة معجزات

______________________________________________


كلامى لا يوجة الى اى حد ذاتة

انا والله اعلم برد على الكلام المنقول والله

والنقاش مفتوح

واليكم احترامى للجميع


بارك الله فيكم جميعا

جزاكم الله خيرا جميعااااااااااااااااا على كلماتكم فعلا كلكم عندكم حق فيها

ان البنت هى اللى بتسمح للشاب انه يتلاعب بيها وبمشاعرها والنت كله ما هو الا شخصيات غير حقيقة او غير واقعها

ممكن تكذب وتتجمل وهى غير الحقيقة تماما ويقوله اهو بنتسلى والبنت مدام متجاوبة يبقى فين المشكلة اهو الواحد بيضيع وقت بدل ما هو فاضى

وفى النهاية هى اللى بتكون الضحية وعلى راى سهام تستاهل لانها بلهاء ومتخلفة كمان لان اهلها سمحوا لها انها تقعد على النت ووثقوا فيها

وهى للاسف ضيعت الثقة دى بانها استغلت النت استغلال غير سليم يعوق لاهلها ولنفسها ولدينها

واخونا نور كيمو بيقول ان فى بنات اوحش انا معاك فى النقطة دى ان فى بنات سفلين ومش وحشين بس يعتبروا بنات شوارع مع احترامى للجميع

فى اللفظ ومافيش عندهم اهل يعرفوهم الصح من الغلط وممكن تعمل كل نصيبة على النت

النت زيه زى حياتنا العادية فى الخير والشر وده عالم كبير لكن للاسف اللى بيتغلب عليه هو الشر نفسه

عارفين يا جماعة لما بروح عند خالى ولاد خالى الشباب بلاقيهم فاتحين واميلاتهم وبيعملوا تشات مع بنات من جميع انحاء العالم وممكن لو من نفس

البلده البنت والله بتقوله عايزين نتقابل عشان نتعرف على بعض اكتر فانا استغبرتمن كلام البنت ليه قالى هى اللى عايزة كده انا مطلبتش منها

اننا نتقابل او نتعرف هى بتسجلنى وبعتت صورتها وانا فاضى وحابب اتسلى

وقالى كلمة استغبربت منها اوى قالى عمر ما شاب يشوف بنت عايزة تتعرف وتتكلم وتقابل ويقولها لا لازم يكلمها ويتعرف عليها لان دى طبيعة

اى شاب وبيسموها اهو بنتسلى

بجد النت ده مصيبة والله والبنت اللى متقدرش تحافظ على نفسها وعلى اهلها وتربيتها يبقى تستاهل اللى يحصلها

ربنا يرحمنا برحمته ويبعد عننا اى شيطان من شياطين الانس

جزاكم الله خيرا جميعا وبشكركم جدا على المرور

شكرا شيماء على المناقشة الجميلة دى

بســم الله الـرحمــن الرحيــم

بصى يشيماء يبنتى اولا جزاكى الله خيرا

ثانيا انا ابويا وامى لما كبرنا قالولنا اعملوا اللى انتوا عايزينه .... فى حد عنده اعتراض

بس قالولنا الكلمة دى امتى بعد مازرعوا فينا اساس سليم وقواعد صلبة وخطوط حمرا لايمكن تجاوزها ..

ومن اجمل كلمات ابى التى لازلت ترن فى اذنى اتقى الله حيثما كنت واجعل الله امام عينيك .. فان هممت بالقيام بعمل ما انظر هل هذا العمل يرضى عنه الله عز وجل ونبيه صلى الله عليه وسلم ام لا .. ان كان يرضيه فافعله وان كان لا فلا ..

وايضا ان اى شىء يولد فى الظلام فهو خطا واخرته سودااااااااااااااااااااااااااااااااااااااااااااااااااااااااااا .... بلاك بلاك ..

وان لم تستحى فاصنع ماشئت

وبعدين طالما انا سمحت لنفسى انى اتعامل مع هذا العالم الانترنتى فلابد لى من وضع قواعد وشروط صارمة .. واخدة بالك من صارمة دى مع التعامل مع الاخرين ..

وهذه القواعد لابد ان تكون طبعا مستقاه من الشرع والتربية الحسنة.

** استفسار بس هو الماسنجر ده هو الاميل العادى يعنى .. معلش بس الجهل وحش..


ربنا يبعد عننا وعنكم شياطين الانس والجن

اللهم ثبت قلوبنا على طاعتك وردنا الى الحق ردا جميلا

الله تجاوز عن اخطائنا ولاتؤاخذنا باسرافنا على انفسنا واعفوا عنا واغفر لنا وارحمنا

اللهم ارزق بنات وشباب المسلمين العفاف والتقى

واهدهم الى سواء السبيل

السلام عليكم ورحمة الله وبركاته،،


اولا بشكرك جدا اختى شيماء على موضوعك

لان موضوعك دة بيثير قضية هامة جدا فى مجتمعنا الاسلامى

انا بجد مش عارف ارد اقول ايه مش لاقى كلام اقوله

لانه فعلا شئ محزن

بس فعلا الشباب فى اغلب الاحيان بيكون معزور ..ومش عشان انا شاب لا والله

لان الشاب جواه غريزة للاسف قذره عندما تستثار تطغى على كل تفكيرة

وتصبح هى المحرك الاساسى له ..وقد تدفعة الى افعال وحشية لم يدركها

هكتفى بكدة لان لو اتكلمت عايز يوم كامل اتكلم

بس انا بحمل جزء كبير من المسئولية على الاسره والبيئة التى تنشأ فيها البنت الو الشاب

وبحيكى مره اخرى ولى عودة معكى ان شاء الله ان كان فى العمر بقية

gazak alah kheer

جزاكم الله خيرا جميعا على المرور وعلى النقاش الجميل الهادف

وحنلخص الموضوع فى جملة واحده

ان البنت او الولد هما اللى بيقدورا يتحكموا فى انفسهم وتربيتهم وثقة اهليهم ليهم على النت فى استخدامه استخدام هادف ويقدروا يحافظوا

على نفسهم من اى شىء غلط سواء بقى كانت البنت الاسواء والا الولد

واولا واخيرا الخوف من ربنا وان ربنا مطلع عليك فى كل قول او عمل

شكرا ليكم جميعا

موضوع جميل بارك الله فيكى اخت شيماء على الموضوع بجد رائع
بس انا هقولكم حاجه غريبه جداااااا

انا باه هحكيلكوا قصه تخص الموضوع حدثت لواحد من اعز اصدقائى واسمه مصطفى هوه حاليا فى سنه رابعه كلية حاسبات ومعلومات ..صدقونى قصه حقيقيه جداااااا
مصطفى عضو فى منتدى مشهور طبعا مش هقوله عشان ميبقاش كلامى دعايه للمنتدى
شويه شويه بقى مشرف شويه شويه بقى مشرف عام شويه شويه اتعرف على صاحب المنتدى اسمه علاء شويه شويه اتصاحبو اوى اوى واصبح صديقه الانتيخ
مصطفى بقى الكل فى الكل فى المنتدى ..علاء روقه على الاخر وخلاه يمتلك صلاااااحيات كبيره
مصطفى ده كان بتاع بنات فاستغل وضعه فى المنتدى وبدا يشاغل واحده اسمها رانيا وعمل معاها نفس الخطوات الى الاخت شيماء حكيتها فى موضوعها بس قبل مياخد صورتها اتكلموا مع بعض مايك اولا
مصطفى حب او ممكن تقولوا عشق صوتها وده كان واضح من الكلام الى كان بيقولهولى وكان هيجنن عشان يعرف شكلها فوريتله صورتها على الميل للحظات وبعدين شالتها بسرعه ..بس هيه مورتلوش صورتها الا بعد ما حلفلها جميع الحلفانات انه مش هيلمس صورتها ولا هيحاول ياخدها ..عينه تشوفها بس
بصراحه طلعت قمر وشكلها احسن من صوتها وكمان مصطفى كان امور ويتحب وهيه كانت بتشوفه على الكام وتسمع صوته فى المايك
بعد ان راى مصطفى صورة رانيا تعلق بها بشده
قلتله يبنى مش يمكن دى مش صورتها وهيه بتضحك عليك قلها انك عاوز تشوفها كاميرا ..قالى بالكلمه ملكش دعوه انت انا مصدق كلامها انت مالك يا رزل
قلتله براحتك بكره يجى اليوم الى يتكشفلك فيه كلامى
بدا مصطفى يقولها انه بيحبها ومعجب بيها ونفسه يقابلها رفضت طبعا
وغابت رانيا عن المنتدى وعن الايميل اكثر من اسبوعين
علمت انا فى تلك الفتره ان مصطفى حقا يحبها ويعشقها وتعلق قلبه بها تعلق شديد وده كان واضح من احوال مصطفى الغريبه فى تلك الفتره
رجعت رانيا مره اخرى وقالت لمصطفى لو كنت بتحبنى بجد ادخل بيتنا من بابه مش من اميله
مصطفى كان ميسور الحال وهوه وحيد امه وابوه ملوش غير اخت فى 1 ثانوى يعنى مش اول العنقود ولا اخر العنقود لا ده هوه العنقود كله وحبيب روح والده ووالدته
المجنون راح قال لوالده انا عاوز كذا كذا ؟؟؟؟؟؟؟؟؟؟؟؟؟
الغريب ان والده ووالدته وافقوه بعد ماخذو تعهد عليه ان ده ميعطلوش عن دراسته بس بعد ما اقنعهم بصعوبه
يمكن يكونوا وافقم عشان هوه وحيد وروحهم فيه ومش عاوزين يزعلوه ابدا
دخل الواد وابوه من الباب واتخطبت رانيا لمصطفى واتفقو على الزواج بعد انتهاء دراسة مصطفى

اكيد فيه سلبيات شديده حصلت فى طريقة العلاقه ومكنش المفروض انهم يرتبطوا بس زى مبيقولوا مراية الحب عمياء وربنا يوفقهم

طبعا ده يا جماعه شىء مستحيل انه يحصل يعنى نادر جدااااااا وجيه صدفه وانا اساسا لحد الوقتى مش عارف ومستغرب كل ده حصل ازاى ؟؟؟؟؟؟
قدر غريب جدا

يعنى مفيش حد يقولى انا هاخد القصه دى عبره لان مستحيل تحصل نادر جداااا

واللى بيحصل طبعا زى ما انتم قولتم بس كل قاعده وليها شواذ والقصه دى مش شاذه بس دى شاذه وشاذه وشاذه كمان
وانا متفق مع الاراء الى بتقول مش الشباب لوحدهم الى بيعملوا كده ممكن الشابات كمان

معلشى طولت عليكم انا اسف بس اول مقرات الموضوع حبيت اكتب الموضوع بتاعى الى محيرنى لحد الوقتى

ميرسى يا شيماء مره تانيه على الموضوع الى تعبت اوى فى كتابة رده

اخوكم ..مروان عادل

جزاك الله خيرا اخى على المناقشة وعلى القصة

لكن مش معنى ان واحد فى المليون حصل جواز من على النت يبقى بتحصل كتير وبيكون ناجح

بالعكس بيكون فى اغلب الاحيان يا بالفشل ياما الولد او البنت بيضحكوا على بعض

شكرا ليك على الكتابة وعلى الرد ونعتذر على التعب فى الرد

جزاك الله خيرا أختي شيماء

الله اهدي بنات المسلمين
واستر علينا وعليهم

وطبعا البنت بهاد الموضوع هي اللي حتكون الضحية الأولى و الأخيرة

وبالنسبة يلي قالوا أنو البنات في كتير من الأحيان هم اللي بدوره على الموضوع ده
أنه مهما بلغت نسبة البنات اللي هيك ...نسبة الأولاد أضعاف مضاعفة
وما منقدر نحط الحق على البنت بس
لااااااااااا ...الحق على الاتنين
ولو الحق على البنت بس ماكان الله تعالى حتى العقوبة نفسها للزاني وللزانية
وكان قال الحق كله على البنت

وأنا معكم صح البنت بتكون هبلة وبلا عقل اللي بترد على كلا م الشب
وأنا أبدا ماعم دافع عنها.....بالعكس هي عليها قدر كبير من الحق
لأنها ماقدرت نفسها وأهلها...أو حتى متل ما قالت سهام مشاعرها

وأنا بس حبيت وضح أنو المجتمع ما لازم يحط كل المسؤلية على البنت
البنت عليها حق كبير أنها باعت حالها مشان شوية كلام
والولاد علي حق أنو كان عم خطط لعمل ما بيرضي الله..... ولا هو بيرضى لأهله

وشكرا أكتير على الموضوع

يارب اتمر عيون بنت كانت حتوقع بهيك شي
فتقرأ الموضوع وكلامنا هاد
فتغهم وتعقل وتخاف...من الله ..ومن هالدنيا

اللهم اهدنا نحن وجميع المسلمين

جزاكى الله اختى على ردك وربنا يهدى شباب وبنات المسلمين يا رب

اختي شيماء مشكورة جدا على هذا الموضوع القيم

لكن يا اختي هنا تعليق في خلال الكلام جعلتي الشاب و كأنه هو سبب كل البلاء بوصفه

((ذئب بشري ,,,, أفعى )))) و مثل هذه الاوصاف

و جعلتي البنت هي الحمل الوديع بوصفها

((( البريئة ,,,,, دميه )))))

أختي الكريمه من المعروف أنه لو فسدت مرأة واحده في المجتمع فإنها كفيلة بأن تفسد المجتمع بأكمله

و لكن لو فسد شاب لا يستطيع أن يفسد غير القليل

أختي الكريمه في هذه المشكلة السبب و المسؤولية تقع على عاتق الإثنين على عاتق الفتاة و الشاب

و لا يوجد برئ أبدا بينهم .

إن الله لن يحاسب الشاب فقط على هذه الفعلة بل سيحاسب الفتاة على ما فعلت مع الشاب ايضا

من إستجابة لمطالبه و كلام غريب و غيرها مما يخالف الشرع و الدين

الله جعل لكل إنسان منا عقل فمن وقع في مشكلة فذنبه على جمبه ولا يلوم أحد على ما حدث له

إن الله قد بين لنا الخير و قد بين أسس العلاقة بين الشاب و الفتاة و هي قائمة على اساس الفصل بينهما

في كل الأحيان إلا في شرع لله

و من المعروف أن من أراد أن يتزوج حقا فليدخل من الباب ولا يأتي لا عبر إميل ولا عبر شباك

لكن إستجابة الفتاة لمطلاب الشاب هذا بمثابة موافقة منها لما يفعله هو و رغبة منها بأن تشكل معه قصة

حب و رغبة .

اسال الله العافية

اللهم أستر على نساء المسلمين يارب العالمين