هل المراة اصبحت سلعة تباع وتشترى وكلما زاد جمالها زاد سعرها بسوق البنات
هل اصبح زواج الصالونات مزاد علنى لمن يدفع اكثر

تجلس العروس كعروسة المولد فى كامل زينتها وبجوارها الام نافخة صدرها مين قدها الليلة ليلة بنتها ..
وبالامام الاب نافش ريشه ماهو ابو الحتة الحلوة بقى والاخ يسارا سيد الشباب سبع البرمبة

ويبداون النقاش فتبتسم البنت ابتسامة توحى باغراء الشاب للدخول فى المزايدة واعطاءه الدافع

ثم ياتى دور الام التى تحلى البضاعة فتبدا بعد مزايا البنت

بنتى دى لهلوبة واروبة مابتخلنيش اعمل حاجة من الطبيخ للغسيل ... الخ
اخلاق ايه وجمال ايه دى زى النسمة لا تسمع لها صوت ولا حس
ولا بتروح ولا بتيجى تحطها مطرح ماتحطها تلاقيها لا هنا ولا هناكا ولا بتحط احمر ولا اخضر رغم ( كيلو البودرة والاحمر اللى على خلقتها )

ثم ياتى دور الاب قائلا : دى نور عنيه والحتة الجونية دا جالى فلان وعلان يخطبوها وانا قلت لا ممكن ابدا ابدا لما تكمل تعليمها الاول ( عرسانها كتير بس النفس )


وبعد السلامات والطيبات يبدا المزاد

هتجيب شبكة بكام ب 5 لا ب10

هتدفع مهر كام 30 لالالا 50

وعليك ايه وعلينا ايه والعريس يا عين امه يبقى عرقه مرقه

والعروسة الحلاوة قاعدة كالبلهاء منظرة المزاد هيرسى على ايه

فلو بدا على وجه العريس القلق والاعتراض

فترد الام قائلة مش خسارة فى بنتى ولا شايف ايه وبعدين هى مش اقل من بنت خالتها وبنت بنت عمتها وبنت عمت مامتها

فترد العروسة قائلة : دى نوسة ام عرقوب جالها مهر بكذا .... وسارة الدبدوب جبولها شبكة بكذا
فترد الام مابالك ببنتى غصن الليبان وزينة العرايس والعرسان
وهنا الشاب لا يبقى امامه سوا احد الخيارات الثلاثة
انه يضرب عن الجواز طول عمره ويعرف قدر نفسه ورحم الله امرء عرف قدر نفسه

او انه يجيله زبحه صدريه وضغط دم ويروح عند اللى ارحم من الكل

او انه يوافق ويتداين وفى نص الطريق تلاقى اتنين على اكتافهم نسر جايين يخدوه

ويا فرحة ماتمت خدها ال.................................. وطااار

أضحك الله سنك مونيتى

أختلف معكِ تماما ..

أعتقد إن البنت بيبقى هاين عليها تقوم تبوس إيد العريس وتقوله اتجوزنى و اكسب فيا ثواب

ومش بعيد هى تدفع المهر و تأمنله مستقبله.

والأهل من الناحية التانية يتبعوا سياسة اتمسكن لحد ما تتمكن

ويفرشوا الأرض سجاد والسقف نجف وخلاص العريس مبقاش عليه حاجة

ويا عينى عليه بعد الزواج بيطلعوا منه القديم والجديد ومكنش يومك يا عبد العال.

هي والله معادلة ...من يتزوج بتلك الطريقة فلا يلمن الا نفسه...ههههههههههههههه هل يقبلان الزواج بتلك الطريقة وبعدها ينتظران ان يرقص الكون حولهما هههههههههههههه لا طبعا ...مكنش يومك يا عبد العال و لا يومك يا سكينة
تسجيل متابعة

بنتى دى لهلوبة واروبة مابتخلنيش اعمل حاجة من الطبيخ للغسيل ... الخ

وعليك ايه وعلينا ايه والعريس يا عين امه يبقى عرقه مرقه

والعروسة الحلاوة قاعدة كالبلهاء منظرة المزاد هيرسى على ايه

فلو بدا على وجه العريس القلق والاعتراض

فترد الام قائلة مش خسارة فى بنتى ولا شايف ايه وبعدين هى مش اقل من بنت خالتها وبنت بنت عمتها وبنت عمت مامتها

تجلس العروس كعروسة المولد فى كامل زينتها وبجوارها الام نافخة صدرها مين قدها الليلة ليلة بنتها ..
وبالامام الاب نافش ريشه ماهو ابو الحتة الحلوة بقى والاخ يسارا سيد الشباب سبع البرمبة

ويبداون النقاش فتبتسم البنت ابتسامة توحى باغراء الشاب للدخول فى المزايدة واعطاءه الدافع

ثم ياتى دور الام التى تحلى البضاعة فتبدا بعد مزايا البنت

اضحك الله سنك اختى الطيبة

واضحك الله سن اختنا الطيبة شغاف

إقتباس(شغاف القلب @ Jun 15 2008, 11:16 AM)

أضحك الله سنك مونيتى

أختلف معكِ تماما ..

أعتقد إن البنت بيبقى هاين عليها تقوم تبوس إيد العريس وتقوله اتجوزنى و اكسب فيا ثواب

ومش بعيد هى تدفع المهر و تأمنله مستقبله.

والأهل من الناحية التانية يتبعوا سياسة اتمسكن لحد ما تتمكن

ويفرشوا الأرض سجاد والسقف نجف وخلاص العريس مبقاش عليه حاجة

ويا عينى عليه بعد الزواج بيطلعوا منه القديم والجديد ومكنش يومك يا عبد العال.

بس اسمحيلى الكلام دا قديم قوى

محدش دلوقتى على ما اعتقد بيعمل دا لان الحال بقى زى ............... على الاتنين

والكل بيتعاون اهل العريس والعروس يعنى بيلموا الموضوع علشان يمشى

والا لا هيكون فى بنت حتى ولو غصن البان ولا شاب حتى لو كان ملك الجمال

كله هيعنس

اهلا باخى الكبير السندباد

اسعدنى مرورك

والله اخى ياريت يكون التعاون موجود والاهتمام بالاساسيات ذى الخلق والتدين والتيسير


دا هيقلل من مصائب كتير بالمجتمع منها العنوسة والاغتصاب والسرقة وووو

وعليكــم السـلام ورحمة الله وبركاتـه..



فى هذه الايام اللى بيحصل 0000 ام العروسة لما يعجبها شاب فى اخلاقه وتدينه 000


هى اللى بتبعت الى العريس واهله واحدة من عندها تجس النبض وبيعرض البنت على العريس واهله 000


على انها عروسة كويسة وبنت ناس وهتساعد فى الشبكة وفى الفرش 000 ولو فيه نصيب بيتم الرواج 000



عندنا دلقتى الجهاز بالنص بيجهزوا مع بعض والشبكة بتساعد العروسة بمبلغ ودا مش عيب 000


اللى بيتشرطوا على العريس ويعجزوه ان شاء الله بنتهم بتعنس طب ليه مفيش احسن من البساطة والتعاون 000


وانتوا يابنات ارفقوا بالشباب واللى ما جاش الاول ان شاء الله هتجبوه مع بعض 000


بارك الله فيكى حبيبتى وجعله الله فى ميزان حسناتك 000

begad 7elwah awii
gazaki 2allah 7'ayran

معك حق فادية ليه مانبدقش بالضرورى ونساعد بعض والكماليات تيجى بعدين

ليه بنضيقها على نفسنا كده

دا حتى مش من الدين

الا اونة الا دو الاتريه ميييييييين يزود

وبعد السلامات والطيبات يبدا المزاد

هتجيب شبكة بكام ب 5 لا ب10

هتدفع مهر كام 30 لالالا 50

انه يجيله زبحه صدريه وضغط دم ويروح عند اللى ارحم من الكل

او انه يوافق ويتداين وفى نص الطريق تلاقى اتنين على اكتافهم نسر جايين يخدوه

مين يزود

صراحه كل ماقلتوا بيصير منه

يعنى فى ظل زمننا تلاقى الكل بيذبح فى الشاب (فى الاخر كله ديون)
واحيانا بيصير العكس


وضعنا فى حال يرثى اليه

ولكن لو طبقنا (ان اتاكم من ترضون دينه وخلقه فزوجوه ان لم تفعلوا تكن فتنة فى الارض)

ممكن فنهم شو الفتنة؟؟؟

بظن انها الزنى وعنوسة البنات و...و....و.....


يااختى الكل بيشوف بنته افضل بنت وكل اهل بيشوفوا ابنهم مافيه زيه

يبقى يتقوا الله شوية وبلاش ذبح الناس


اختكم اسماء

انا مع فادية فى كلامها
وان جاءكم ماترضوة فزوجه مش عايزة الغبط فى الاية الكريمة دا فيما معناها يعنى
لكن الكيلو بودرة وبنتى والاب والام لا الكلام دا مش بيحصل ودلوقتى كمان الاكتر جواز الحب يعنى مش شرط يخروجو لا بس يكلمها من برة يعرف هى موافقة ولا لاء وبعدين يدخل البيت لكن صالونات بقى قليل اوى الايام دى لكنه موجود ومش تنسى اهلنا كلهم اتجوزو كدا
يعنى صوابعك مش قد بعضها لان من دا بيفشل وبينجح الحب بيفشل وبينجح بردو
تقبلى مرورى

على المراة عدم التنازل عن حقوقها التى شرعها لها الاسلام

ولكن ايضا عليهاعدم التغالى فالبركة ليست بكثرة المال


والسعادة لا تقدر بمال الدنيا

الا اونة الا دو الا تريه
هكذا اصبحوا المسلمات الغاليات بالتقاليد والعادات القبيحة سلع تباع وتشترى رخيصة بعد ان اعزهم الاسلام

المال لن يجعلك غاليه اذا ساويتى نفسك وقدرتى نفسك به بل سيبجعلك رخيصة بخسة

اما الغالية فلا تقدر بمال بل بالتقوى

فعلاااااااااااااااااااااااااااااااااااا الكلام ده بيحصل " عندنا بالذاااااااااااااااااااااااااات "
بس يا عينى بدل الشبكة 5 ولا 10 بتبقى اسعار تانى " 20 و 30 و40
وحاجات غريبة
وكمان مفيش حاجة اسمها يساعدوا بص " دى الشطاااااااااااااااااارة كلها بتبقى فى الاتفاق ده "
مين هيفوز على مين ويخليه يجيب حاجات اكتر

يعنى مثلا
الطبيعي عندنا ان اهل العروسة يتشاطروا علشان يجيبوا اودة واحدة " الصالون مثلا " ولو صعب اوى يبقى الصالون والانتريه
والعريس الباقى
النوم والسفرة والمطبخ والشقة وكلللللللللللللللللله

واهل العريس اما يجبو يتشاطروا يبقى عاوزين العروسة تشيل المطبخ


ده غير بقى الهداااااااااااااااااايا
على العيد لازم العريس يودي للعروسة مش عارف ايه " حاجات يعنى بشىء وشويات "


وكمان احيانا العريس بيدفع" بلفلوس " فى حكاية البسكوت والبيدي فور والغريبة والحاجات الغريبة دى




وعادة اغلب المشاكل اللى بتحصل فى فترة الخطوبة يعنى بتكون من الحاجات دي
ان فلانة قالت مش عارف ايه " لا دى الشبكة قليلة "
او البسكوت وحش
او الحاجات اللى جايبها العريس وحشة
او
او


المهم طبعاااااااااااااااااااا " الستات متتوصاش "
لازم اهل العريس يعرفو
المهم تروح واسطة الخير اللى سمعت الكلام تعمل نفسها بتبارك لام العريس وترغى معاها بقى بطريييييييييييييييييييييييييييييقة تخلى ام العريس تعرف ان اهل العروسة بيقولو ويقولو ويقولو
لغاية ما تحصل المشكلةبقى
وفى الاااااااااااااااااااااااااااخر دى تقول لا انا مقوووووووووووولتش ودى تقول ولاا اناااااااااااااااااااااااااااااااا

المهم بقى ربنا يتمم بخير يا جماعة

ربنا يتمم بخير على رايى بهاء المصرى شكرا لردك

بسم الله الرحمن االرحيم

بجد بيحصل أوي الكلام ده

أنتو هتجيبو أيه و أحنا هنجيب أيه؟

أهل العروسه عايزين شبكه بكتير وشويه و شقه صيفي و كمان شتوي

ياريت لوفي شقه للمصيف كمان

بس عشان العداله وكمان العريس

بيبقي عايز يوفر بأقصي قدر ممكن يعني لو العروسه عنها شقه مفيش مشكله

ولو بتشتغل ياريت بس تكون شغله كده ليها دخل

و شوية عفش وشوية دهب مفيش مانع من حاجه

وبعد ده كله نقول نسبة العنوسه في تزايد مستمر

يا تري ليه ؟



شيماء