إليكم هذا الحوار بين (امرأة أيام زمان وزوجها):الزوج: - مرحبا يامرة... شو عاملتينا عشا اليوم؟


الزوجة: - يه يه يه... تقبر عضامي... إجيت حبيبي؟!! تقبرني شو حركتك خفيفة ومابتزعج حدا...


لك حلّت البركة على أرض الديار يا روحي... طابختلك حرّهبأصابيعو ويالنجي وكبة لبنية تقبشني...


الزوج: - يا الله يالله بلا كتر غلبة، قومي حطي الأكل قومي.. الزوجة: - لك إي مو تكرم ابن عمي...

مو تكرم... لك من هالعين هَي قبل هَي...


الزوج: - ناموا الولاد؟ الزوجة من المطبخ: - ناموا حبيبي ناموا على عشية، وحميتلّك الحمام يا عمري...



الزوج بعد أن يرى أصناف المائدة أمامه: إيييييييييييييييييييييييه.. باين السهرة رح تحلى اليوم...


يمضغ اللقمة الأولى ويقول: - ممممممممممممم طيبة هالكبة طيبة!!!



الزوجة رافعة يدييها للسماء: - لك روح... ربي مولايي يبيضلك أيامك... ويبعد عنك ولادين الحرام يا حق..

ينهي الزوج طعامه قائلاً: - الحمد لله...


الزوجة: - عجبك الأكل يا عمري... الزوج: - إي والله... تسلم إيديكي... تعبتك معي..


الزوجة مرتبكة من الفرح: - عجبك الأكل؟؟!... لك تطلع على قبري شو إنّك هني وبتعرف تحكي...

لك تكفنّي بإيديك على هالكلام الحلو يا حق..

بكرة بدي اعملّك حمام محشي وبطاطا بالفرن إي بدك تاكل أصابيعك وراهن...


بعدين شو تعبتني وما تعبتني؟!... ليش أنا عندي غيرك بالدنيا يا حبيبي؟!!، لك تشكل آسي يا حق...


الزوج وهو ينشّف يديه بعد غسلها: - جاهز الحمام يا مرة ؟؟


الزوجة بخجل... وبابتسامتها الحلوة : - ولَو تقبشني... ولَو!!! وحطيطيلك صابونة غار من يللي جابتهم أمك تقبرني...


وهذا الحوار في الجيل الجديد






وإليكم هذا الحوار بين (امرأة اليوم وزوجها):


الزوج: - مرحبا يا حلوة... شو عاملتينا عشا اليوم؟


الزوجة ملتفتة إليه وبيدها جريدة: - شو إيمتى جيت؟؟ مبكّر مو على عادتك يعني...


على كلٍ عملتلك مجدرة برغل وعدس... شو بدي اطبخلك يعني ومبارح أكلت لحمة بالصينية؟؟...



الزوج: - يا الله تقبشيني، قومي حطيلنا الأكل لناكل.. الزوجة: - ليكو الأكل عندك بالمطبخ...


وين بدو يروح يعني؟؟!! كمان بدي جبلك الأكل لحد عندك؟!


الزوج باتجاهه إلى المطبخ: - ناموا الولاد على حد علمك؟ الزوجة: إي شو نيّمهم هلق وبكرة عندهم عطلة؟؟؟ ...



الزوج يحدث نفسه من المطبخ: العمى شو هالمجدرة؟؟!!!!!...


يمضغ اللقمة الأولى ويقول: - إي والله كأني عم آكل بحص مو برغل!!!



الزوجة : - شو عم تبَربر يا رجال؟؟


ينهي الزوج طعامه قائلاً: آ...؟؟ مو شي حبيبتي... موشي...


الزوجة: - عجبك الأكل؟


وجة...الزوج بإحباط: - إي طبعاً طبعاً... تسلم إيديكي...


الزوجة بتأفف: - معناها كل يوم بعملك منها إذا حبيت...


الزوج وهو ينشّف يديه: جاهز الحمام يا ترى؟؟

الزوجة ترمي الجريدة أرضاً صارخة في وجهه: - العمى على هالقصة... طبختِ يامرة؟...


ناموا الولاد يامرة؟...جاهز الحمام يا مرة؟... إي شو أنا ما عندي شغل غيرك يا رجال



هههههههههههههههههههههههههههههههههههههههههههه

نسوان اخر زمان والله إلها خاطر الجوز يشتغل عندها

ههههههههههه

السلام عليكم
يعني مافيش اللون الرمادي يا ابيض يا اسود
ما الراجل في الاول كان يشخط وينتر كانه سبع البرمبة والست عمالة تراضي فيه وكده وهو مش مديها ريق حلو
وفي القصة التانية العكس الست سبع برمبة
ليه مايكونو متفاهمين ومن غير لا القصة الاولى ولا التانية يعني لون رمادي يرضي الطرفين
شكرا عاشق الجنان على الموضوع

هههههههههههههههه

مشكورة اخت سنديانه على المرور الطيب

انتي شكلك زعلتي هههههههههههه

يا عم دي حكاية بس للهزار مش اكتر

الأهم التفاهم المتبادل بين الزوج و الزوجه و رغبة كل منهم بإرضاء الأخر

و الله ولي التوفيق

كاني اشوف مسلسل سوري


عموما اهم شي بالحياة الاحترام


مشكور عالنقل الرائع

بالفعل مش السورى بس

دا على كل المستويات

لبعد الناس عن الدين خلاهم يمروا بمثل هذه النماذج

الرجل سى السيد والمراة المتنمرة على زوجها

اين نحن من التعامل الطيب كما فعل رسول الله

مشكورين اخوتي الكرام على المرور المبارك و الطيب

الذي زاد الموضوع بهجة و نور


مشكورين على الإضافة الجميلة و ربنا ما يحرمنا منكم

الحوار الأول دكرني بمسلسل باب الحارة

وأنا لا أتفق لا مع الحوار الأول ولا مع الثاني

يعني لازم يكون حل وسط

دمتم في أمان الله

مشكورة اخت يوسي على المرور

الموضوع كان على سبيل الهزار مش اكتر

و اكيد لازم يكون الاحترام متبادل من كلا الجهتين