بســم الله الـرحمــن الرحيــم

ربنا يبارك فيكى يااسماء

بس انا اللى اقصده ان هناك اختيارين اللى عايز يشترك فى حفظ سورة البقرة ماشى ..

وخيار اخر للى عايز يحفظ الاربعين النووية ...

يعنى مش شرط انه يقوم بحفظ الاثنين فى وقت واحد ..

والصيام طبعا مستحب وكان اكثر صيام الرسول صلى الله عليه وسلم فى شعبان ..

ربنا يكرمك على اضافتك ونصيحتك..

وادى اول المشتركين وانا بعون الله ثانيهم ....... هااااااااا مين تااااااااااااااانى ...

اللهم اعنا على ذكرك وشكرك وحسن عبادتك

نفع الله بنا وبكى

بســم الله الـرحمــن الرحيــم

ربنا يكرمك يسهام كده سورة البقرة { اسماء - نيرة - سهام }

وتقريبا االاخ نور فى الاحاديث ..

الله المستعان ورزقكى الله الفردوس الاعلى وانا معاكى طبعا وكل الاخوة والاخوات

بارك الله فيكى اختى الطيبة

وهارجع معاكوا ان شاء الله

ربما يكرمك

بســم الله الـرحمــن الرحيــم

الاخ الكريم السندباد اهلا بك اخى معنا ...بس ممكن طلب { ايه راى حضرتك تراجع معانا - وفى نفس الوقت تراجع لينا التسميع } بس لو مفهاش إثقال على حضرتك .. جزاكم الله خيرا ..

بسمة منورة الصفحة اهلا بيكى اختى .. ربنا يجعلنا كما قلتى خير صحبة صالحة يااااارب

مقلتيش هتشاركى معانا فى حفظ البقرة ام الاحاديث والله المستعان

باذن الله هنبدا الحفظ من غد والله المستعان

ياريت لو حد يتوطوع معنا يراجع لنا التسميع والله المستعان

سلام عليكم

بســم الله الـرحمــن الرحيــم

اخى الكريم سيف ربنا يكرمك ويبارك فيك

بالنسبة لمراجعة التسميع ممكن زى ماحضرتك تفضلت اللى يسمع الاخر يقوم بمراجعة التسميع له

بالنسبة للصفحة .... هى ليست صفحة واحدة لكل الاعضاء ولكن لكل عضو صفحة تسميع خاصة بيه ... يدخلها يوميا لتسميع الجزء الذى اتم حفظه

جزاكم الله خيرا ونفع الله بنا وبكم

بســم الله الـرحمــن الرحيــم

والصلاة والسلام على الرحمة المهداه والنعمة المسداه سيدنا محمد صلى الله عليه وسلم

اليوم بحول الله وقوته سنبدأ الحفظ .. على أن يكون يوم غد بإذن الله هو بداية التسميع .. وعلى كل عضو مشارك معنا أن يقوم من الغد بفتح صفحة تسميع خاصة به يضع فيها يومياً الجزء المراد تسميعه والله المستعان ...


والأعضاء المشاركين : فى حفظ سورة البقرة هم الإخوة { نور ـ سيف ــ مسافرــ السندباد } والأخوات { أسماء ـ سهام ــ بنت الإسلام ــ بسمة أمل ــ نيرة } والله المستعان ..

وفى الأحاديث الإخوة { نور ــ سيف ــ مسافر } والله المستعان ..


طريق الحفظ ..


1- سورة البقرة .. هى عبارة عن 48 وجه .. وباقى على رمضان 55 يوم على أقل تقدير .. إذن سيكون الحفظ كالتالى كل يوم وجه ..بإذن الله والله المستعان ..

2- بالنسبة للأربعون النووية .. يومياً حديث بمتنه وتخريجه والله المستعان ..

والأيام اللى سوف تتبقى فى الآخر متخافوش هنشغلها بس كله بأوانه بإذن الله ..

جزاكم الله خيراً ونفع بكم

هااااااااااااااا مييييييييييييييييييييين عااااااااااااااااااااايز حسنات وعاااااااااااااايز يشاااااااااارك معانا ..

الله المستعان

دمتم بكل طاعة ورضى

السلام عليكــم ورحمـة الله وبركاتــة ،،

بسم الله ما شاء الله موضوع رائع يا نيرة ربنا يجزيكي كل الخير

بسمة حبيبتي شكرا لانك ادتيني رابط الموضوع ده

و اكيد انا معاكم باذن الله هراجع سورة البقرة لاني حفضتها قبل كده بس هراجعها ان شاء الله هنا

و بالنسبة للاربعين النووية راح اكون معكم الحفظ لانه لم يسبق لي ان حفضتها

ربنا يقدرنا على استقبال شهر رمضان باحسن طريقة

و الله المستعان

بســم الله الـرحمــن الرحيــم

سيدرة منورة اختى الموضوع واهلا بيكى فى صحبتنا التى نسال الله ان تكون خالصة لوجهه

الاخ نور حياك الله اخى الكريم وربنا يتقبل منا ومنكم

الاخت بنت الاسلام جزاكى الله خيرا اختى على اضافتك الرائعة ونفع الله بكى ومشكورة اختى على تثبيت الموضوع

جزاكم الله خيرا جميعا واعاننا الله على طاعته وذكره وشكره وحسن عبادته

دمتم فى طاعة الله

بســم الله الـرحمــن الرحيــم

والصلاة والسلام على سيد المرسلين

من أسباب تيسير القرآن

1- النية الخالصة .

2- الدعاء والالحاح فيه .

3- الإستغفار وترك المعاصى .

4- الصبر والعزيمة القورة .

5- تفريغ وقت محدد للحفظ .

6- قلة الإنشغال بالدنيا .

7- ترتيب الورد اليومى للحفظ .

8- مواصلة ورد القرآن وعدم قطعه .

9- البكور فى الحفظ ومداومة التلاوة .

10- مصاحبة أهل القرآن وقرآته على الحُذاق .

11- الإكثار والمواظبة من القراءة المحفوظة فى الصلاة والصلاة به فى الفرض والنافلة .

12- أن تراجع ماتحفظه وتكرره باستمرار .

13- لزوم المساجد وأهل العلم .

14- حفظ السور ذات الفضائل .

15- الجهر بالقراءة أو الاسرار بها على حال القارىء .

16- الكتابة وتدوين الأخطاء .

17- رعاية المحفوظ أن تعمل بما تقرأ وتعمل بما تحفظ .

18- معرفة أسباب النزول وتفسير الأيات .

19- الإلتزام بأداب حملة القرآن .

20- الحفاظ على الوضوء حتى تستطيع القرءة فى المصحف فى أى وقت .

21- تعليمه للناس .

22- معرفة قواعد اللغة .

23- إغتنام العمر وعدم ضياع الأوقات .

24- قراءة سير الحُفَاظ والعُبَاد فى قيامهم وقرائتهم .

25- طلب الدعاء من الصالحين بتيسير حفظ القرآن .

26- استعمال أكثر من وسيلة فى الحفظ كالقراءة والترتيل والاستماع لشرائط القراء المتقنين والمسابقة مع الأصدقاء .


وأخيراً حذارى حذارى من سماع الغناء والمعازف ,

لما لهما من خواص لها تأثير في صبغ القلب بالنفاق ونباته فيه كنبات الزرع بالماء .

وأنه يلهي القلب ويصده عن فهم القران وتدبره , والعمل بما فيه ,

فإن الغناء والقران لايجتمعان في القلب ابدا لما بينهما من التضاد ,

فإن القران ينهى عن إتباع الهوى ,ويأمر بالمعروف , ومجانبه شهوات النفس,

وأسباب الغي وينهى عن أتباع خطوات الشيطان ,

والغناء يأمر بضد ذلك كله , ويحسنه , ويهيج النفوس الى شهوات الغي فيثير كامنها , ويزعج قاطنها ...

وأخيراً حب الكتابِ وحب ألحان الغنا فى قلبِ عبدِ لا يجتمعان

غير أن سماعها هو معصية لرب العباد الذى حرم سماع الاغانى والمعازف والله المستعان

اللهم أعنا على ذكرك وشكرك وحسن عبادتك

اللهم لاتُسمع آذاننا إلا مايرضيك ... ولا تُرى أعيننا إلا مايرضيك ..

اللهم ثبتنا على طاعتك وأعنا عليها

اللهم ردنا إلى الحق رداً جميلا

جزاكم الله خيراً ونفع بكم

دمتم فى طاعة الله

بســم الله الـرحمــن الرحيــم


حياكم الله جميعاً ....

أين باقى الأخوة والأخوات اللى اشتركوا معانا وسجلنا أسمائهم فى الحفظ مفيش حد سمع إلا { بسمة وسيدرا والأخ فتى مصرى }

والأخت أسماء ستبدأ من الغد بحول الله لظروف دراستها والله المستعان ..

فى إنتظار أصحاب الهمم

اعننا الله واياكم على طاعته

سلامات ..