السلام عليكــم ورحمـة الله وبركاتــة ،،

المشكلة تتخلص ان لى صديق على وشك الزواج من بنت قريبة له

وهذه البنت اخوها متزوج من اخته يعنى بنت خالته

والكل يقنعه بها لانها محترمة وتربية اخته امه وابوه

وبعد ان وافق على الزواج منها

تراجع وقال لا اريد الزواج بها لشئ فى نفسه

طبعا الموضوع دا عامل حساسية كبيرة نظرا لعلاقة اخته به وقد يسبب بعض المشاكل لها

حاولت ان اقنعه ولكن قال فى نهاية الامر انه شاهدها فى موقف قديم غير اخلاقى يعنى كان سنها وقتها

حوالى 12 او 11 عام

مش عارف ايه رايكوا فى الموضوع

وهل يستطيع ان يغفر لها هذا الموقف لصغر سنها فى هذا الوقت

ام يصرف نظر وتبداء المشاكل مع اخته وحماتها

استدعانى والده لاقناعه فسر لى بالامر حاولت ان اقنعه ان الامر قديم يعنى كانت عيلة مش فاهمة حاجة

مش مقتنع فما الحل فى رأيكم وكيف اتصرف معه ومع والده الذى اشركنى فى الموضوع

وعليكــم السـلام ورحمة الله وبركاتـه..

مش عارفة اقولك ايه يا استاذ

بالنسبة ليا و لرايي الشخصي انه الاخ ده اللي عاوز يتجوز متناقض هو في الاو ل وافق يتجوزها و بعدين غير رايه

على العموم مادام هو رافض الفكرة دي و مش مقتنع بالبنت دي ارى ان تحترمو رايه

رغم انه المفروض يسامحها لانه البنت زي ما قلت كانت عيلة

بس لو غصبتو عليه يتجوزها و هو شايل في نفسه هتبقى المشكلة اكبر خاصة بقى لو شك فيها و في اخلاقها بعد الجواز

سيبوه يعمل اللي هو عاوزه و المشاكل لو حصلت بينه و بين اخته و ان شاء الله مش هتكون يبقى الافضل تحصل قبل الجواز مش بعده

و افضل حاجة يعلمها انه يصلي الاستخارة و بعدين يقرر

و ان شاء الله البنت تلاقي الزوج الصالح اللي يقدرها و يحترمها و ميدورش على ماضيها لانه المهم هو الحاضر و المستقبل مش الماضي ده لو هي تابت بجد و اتغيرت للاحسن

ده رايي يا اخ نبيل و يا ريت الاب هو اللي يحترم راي ابنه لانه هو اللي هيتجوز

و ان شاء الله خير

وعليكــم السـلام ورحمة الله وبركاتـه..

اهلان اخي السندباد كيف حالك وحال الاسرة ان شاء الله تكونوا بالف خير وصحة وسلامة ،المنتدي منور باهله واصحابه والله وكل سنة وانت والاسرة الكريمة والمنتدي كله بخير يا رب

نيجي للموضوع ، ااولا وقبل كل شيء الاستخارة وبعدين رايي انه حامل في نفسه ذكري قديمة لها حتي لو كانت منذ ايام طفولتها توجد احداث لا يمكن نسيانها خصوصا انه شاهدها كما قلت في موقف غير اخلاقي يعني ذكري لا يمكن نسيانها واظن ان مثل هذه المواضيع في الخوض الي زواج سيظل الموقف في ذهنه نظرا لحساسيته الشديدة وسيتذكره دائما ولا يعطي لها الامان بنسبة 90% حتي لو كانت في قمة تدينها سوف تظل في نظره في ذلك الموقف القديم ورايي الواقع جدا انه مع اول خلاف بينهم بعد اتمام الزواج سيذكرها به ومن هنا سيفقدوا الثقة والامان من جانب الزوج لزوجته ومن جانب الزوجة في نجاح حياتهم الزوجية وانها مهددة بالانهيار في اي لحظة ،،،

وبعيدا عن اي نسبة قرابة بين الاسرتين هذا له وضع اخر فكل شيء قسمة ونصيب وطلاما الانفصال تم قبل الزواج افضل الف مرة بعد الزواج و انجاب الاولاد ،،،

وان شاء الله لن يكون اي اثر علي نسبة القرابة واللهم يجريهم في مصيبتهم ويخلف لهم خيرا منها باذن الله

وجزاك الله خيرا اخي السندباد،،،


اختكم في الله

وعليكم السلام ورحمة الله وبركاته،،

معلهش اخ السندباد اللى فهمته ان تقريبا اخت واخ حيكونوا مناسبين أخت وأخ برضو ..

صراحة مبدأ عندي أرفض هذا الأمر تماااااما ومن بدايته .. منعا لتلك الحساسيات وعلى ما أذكر إني قرأت نهي عنه والله أعلم

والأمر باين من عنوانه .. لا أعتقد أنه بعدما وافق على الزواج وأعلنت العائله ذلك .. عاد وتذكر الأمر القديم ..

بعتقد هذا ليس بسبب حقيقي و بجد غير مقنع ابدا

طفله عندها 12 سنه .. لا اله إلا الله .. يبقى يروح يستنى بقى على باب المواليد زي الفيلم بتاع يحي شاهين

وصدقنى اذا كان الشاب غير مقتنع فالأفضل ألف مره أن يتراجع الآن أحسن من تلاقوا الموضوع ماشي دفش / بالزق على كل خطوه ويبقى انعكاسات المشاكل أكبر

اذا أردت التدخل مرة اخرى .. فليتكلم هو بصدق .. فربما يكون عنده أمور أخرى غير معلنه (واحده تانيه ) أو تكون البنت فعلا مش قد طموحه (عاوز نسخه من هيفا مثلا )


فإذا وجدت ان كلامه يعقل وموزون اتركه لرأيه واذا وجدت انه طموح وغير منطقي (انصحه لله ) وان لم يعدل عن رأيه

فصدقني أفضل للجميع ألا يستمروا بالموضوع .. بدلا من مصايب أكبر .. شخصيه مذبذبه مثله لا يستطيع فتح بيت مستقر .. واذا شعر انه انضغط عليه عائلياً للزواج من هذه البنت ستقل في نظره و لن يسعدها وبالتالي ستكون حياتهم فيها مشاكل

ولتكن أخته صريحه وواضحه هي وزوجها أنهم خارج هذا الأمر وأنها غير مسئوله عن تصرفه أبدا وممكن تبدي زعل منه وتدور لهم كمان على عريس أنسب

- معلهش فدوى -

واعانك الله أخي على فعل الخير

السلام عليكم ورحمة الله وبركاتة


اولا اخى وحبيبى ابو محمد


عايز اقولك ان الاقناع فى المسائل الى زى دى بيكون صعب جدا


لان خيال الواحد مننا واسع ولا انتا مش معايا

بس ناخد الموضوع من اولة

طب الواحدة فى سن 11 او 12 او 14 يعنى عيلة

ميتخدلهاش على افعال او بمعنى اوضح مراهقة


ودلوقتى بسم الله مشاء الله توافت سن الرشد


يعنى عقلت ورست


بس هو شايف فى خيالة الصورة القديمة

والاقناع مش بالضرورة فى الامور دى اخى نبيل


لانة موضوع ارتباط وتكوين اسرة فدائما الشك فى العقل كالاصابع على القلم

وحضرتك بتقول انة صاحب ليك وعزيز عليك ومحاولتك منفعتش معاة


يعنى بالمصرى زى ما بنقول راكب دماغة ومن الصعب انة واحد يغير راية فى حاجة هو مش مقتنع بيها



اخى نبيل


مع احترامى الشديد لاستفسارك


اوجو عدم الضغط علية وسيبة ياخد قرارة بنفسة


كى لا يلوم على غيرة بعد كدا


اعزرونى على قد خبرتى اتكلمت


شكرا ليك

اعزرنى على الاطالة


اخوك نور

السلام عليكم

أخي من رأيي أنه من الأفضل له ولها وللعائلة أن لا يتزوجها

ولن يقضي لا هو ولا أهله و لا الدنيا كلها أمراً لم يقضه الله له
فإن كانت من نصيبه سيقربها الله من نفسه وإن لم تكن كما يبدو مما وقع في نفسه فلن تكون له وإن اجتمع عامة الناس لجمعها به

فانصحهم بأن يتركوا الأمر لله يدبره عنهم

ولو أحبوا فليستخيروا الله وليعملوا بما يهديهم له و ليرضوا بقضائه

اسأل الله لنا جميعاً الهدى

السلام عليكــم ورحمـة الله وبركاتــة ،،
انا رايي ان مينفعش ضغط فى مواضيع الزواج بالذات
لانه لو وافق عليهاغصب عنه هتحصل مشاكل كتير بعدكده
وبعدينهو ليه هو مفتكرش الموقف القديم ده قبل مايتقدم لها ...
بس تعليق على اختى فرح فى
(اخت واخ حيكونوا مناسبين أخت وأخ برضو ........وعلى ما أذكر إني قرأت نهي عنه والله أعلم )
انا قرات ان المنهى عنه ان مثلا شخص يقول لاخر زوجنى اختك مقابل ان ازوجك اختى او بنتى
ويتم التبادل بينهم بلا صداق للمراة وكأن كل امرأة جعلت مهرا للاخرى
وهو مايسمى بزواج الشغار بكسر الشين وهو مانهى عنه الرسول.......
لكن الزواج فهذه الحالة مش منهى عنه مادامت المراة مش من المحرمات بالنسبة للرجل
طبعا الله اعلم اولا واخيرا
نـــــــــــــــتور

</div>

السلام عليكم ورحمة الله وبركاته

أخوي الكبير السندباد ، لن أُضيف أكثر مما أضافوه إخوتي ..

إنمـا أصبح الأمـر واضـح : ليس له الحق أن يحاسبها على مالم يُحاسبها الله عليه لصغر سنهـا .

والأمر الآخر كما قالوا إخوتي مادام هو متررد ومش مُصر على البنت يبقى يختار هو إلي عايزها أفضل ، لأنه بأقل حاجة حتولع

ويؤدي بهم الأمر لأصعب من هذا .




نصيحة من أخوك الصغير ، لا تتحمل مسؤولية الإقناع لأنه لعلك أقنعت الرجل بالفتاة ، ومن ثم حصل سوء تفاهم بينهم تبقى على راسك

دعواتنا لهم وربنا يهديهم للخير ولما يحب ويرضا .

صحبك بيتلكك

معلش يعنى

بس ده الا حسيته

سيبوه على راحته والا عاوزه يعمله لان الغصب مش فى صالحها هى قبله

أظن أن صاحبنا هذا يحاول التملص

ولا أظن أن الأمر إلا مهين لكرامة فتاة أجزم أنها قد نسيت تلك الحادثة

ومما قد فهمته من مفاد هذه القصة أخي الكريم أن الأمر بينك وبينه أي أنه لم يصرح بتلك الحادثة إلا لك

وحفظاً لكرامة الفتاة وكي لا تتأثر حياتها المستقبلية بذلك أقترح بأن يتم المحاولة من قبل أهلها أو قبلكم بمحاولة صرف تفكيرها عنه

لأنها أهانة لكرامتها وجرح لمشاعرها

ما يخشى منه هو المستقبل إن تم الزواج والأخ بالله لم يستطع أن ينسى تلك الحادثة أو يتناساها

عندها ستكون حياة زوجية نكد في نكد وشك في شك وربنا يكون في عونها

أنا أسف لكن هذا رأيي الخاص

اولا من بداية الامر هو وافق لية على الارتباط بيها لو فعلا زى ما قال انه شافها فى موقف قديم

لانه بكده حط نفسه واخته فى موقف لا يحسد عليه

كان من البداية رفض او امتنع عن الموضوع

لكن اعتقد ان الزواج حيكون غير مقنع وحتكون نهايته الفشل فى اى وقت لا محالة لانه حيشك فيها فى كل وقت فحرام انه يظلمها معاه

واعتقد ان اى شاب بيرتبط ببنت بيحاسبها من يوم ارتباطها بيه وميدخلش فى حياتها اللى قبل كده لانها تخصها والشاب اللى فعلا بيدور

على الاصل والدين والتربية عمره ما حيرتبط بانسانه كانت حياتها القبلية مش كويسة او كانت على علاقة مهما كان صغر سنها

فالتربية من الاساس تحتم على البنت انها تحترم اهلها وتربيتها وتكون غالية لزوجها فقط حتى تحرص على الاحترام من قبل الجميع

فنصيحتى انه هو عنده حق لانه الشك جواه وعمره ما حينسى الموقف فالانسب انه يبعد ويشوف طريقة لا تجرح البنت ولا تعكر صفو اخته مع زوجها

لانهم هما الاتنين لو حصل بينهم ارتباط حيظلمها كتير وده حرام