عبدالله سليمان
Jul 13 2008, 05:10 PM
يتوجه أخانا الفاضل / خربشات فنيه ( وجال بين ألأزهار ) صباح يوم الثلاثاء القادم ليضع نفسه وجهده تحت أمرة مصرنا الحبيبه
ونحن إذ نسأل المولى عز وجل ان يحفظه ويعينه على ما سيسند إليه من مهام وان يوفقه ويلهمه الصواب والرشاد تحت ظل علم مصرنا الحبيبه
واعلم اخى ان خدمة علم مصر هى أشرف أعمال الوطنية قاطبة
رعاك الله
و
قولوا لعين الشمس ماتحماشى أحسن حبيب الحلم صابح ماشى قولوا لعين الشمس
(قيس)
Jul 13 2008, 05:16 PM
لو كانت هنا أيمان محمد
كانت قالت ونسمع أجدع سلام خلي السلاح صاحي صاحي .....
ربنا يوفقك يارب وعقبال لما تخلص بخير وسلامة
بسمة امل
Jul 13 2008, 05:25 PM
السلام عليكــم ورحمـة الله وبركاتــة ،،
وفقك الله اخي وجال لكل ما يحبه ويرضاه ..
أسماء فلسطين
Jul 13 2008, 05:36 PM
يااخ عبد الله حسستنى بروح الانتماء للشئ
تروح وترجع بالسلامة يااخ وجال
وكلما تعبت فى العمل تذكر انه هادى مصر مش حياالله
وبتذكرنى بعبارة( احنا ياما خدنا منك فيها ايه لو اديناك) يعنى اعطى مصر بامانة وحافظ عليها بكل ماعندك
ربنا يوفقك
عبدالله سليمان
Jul 13 2008, 05:43 PM
إقتباس(أسماء فلسطين @ Jul 13 2008, 08:36 PM)
يااخ عبد الله حسستنى بروح الانتماء للشئ
تروح وترجع بالسلامة يااخ وجال
وكلما تعبت فى العمل تذكر انه هادى مصر مش حياالله
وبتذكرنى بعبارة( احنا ياما خدنا منك فيها ايه لو اديناك) يعنى اعطى مصر بامانة وحافظ عليها بكل ماعندك
ربنا يوفقك
تعرفى أسماء : أنا مش هخبى عليك ياما كلامك وهجومك على مصر وشعبها جرحنى ومش هخبى عليك بردو وهقول ياما أبكانى كمان ( بس كنت بعطيك كل العذر )، بس اليوم حسيت بإيدك بتمسح كل جروحى ودموعى
حياك الله يابنت فلسطين ألأبيه
ميمز
Jul 13 2008, 05:43 PM
داخل مخصوص
اقولك شد حيلك يا بطل
خلى بالك مركز التدريب صعب ولكنه اجمل فترة ستعيشها طوال جيشك كله
ومن ستعرفهم هناك لن تنساهم مدى حياتك
ربنا معاك وجال ونتمنى لك ان تمر كل ايامك بسلام وننتظر اجازاتك بفارغ الصبر لتحكى لنا مذكرات عسكرى
الفلســــطيني
Jul 13 2008, 05:44 PM
الله يسهل عليه مهمته ويحميه بحماه
وان يعود لنا اقوى من الشمس احسن
ما تحرقه
أسماء فلسطين
Jul 13 2008, 06:06 PM
بتعرف يااخ عبد الله مصر غالية واهلها غاليين كمان
من حبى لمصر بدى ناس مابتعرف الخوف الا من الله
بدى ناس تقول تعيش مصر وتعمل لهيك شى من غير خوف لامن حكومة ولامن امن دولة
بدى ناس تضحى بكل عمرها فى سبيل الله وفى سبيل مصر
مصر بتضيع ان ضلينا زى هيك
اوى تحسب انى كنت بحكى لانى بكره مصر ولا شعبها
اذا فيه دولة بحبها بعد فلسطين او زى فلسطين فهى مصر
واذا فيه ناس سكنوا قلبى فهما شعب مصر
من غير زعل
كل بلاد العرب بلادى وكل بلاد الاسلام بلادى
لعن الله كل من وضع الحدود بيننا (على قولة الاخ المعز (جعله الله معزا لدينه )
حياك الله اخى عبد الله
وسامحنا ان نزلنا دمعك
او جرحناك
اختكم اسماء
خربشات فنية
Jul 13 2008, 10:18 PM
إقتباس(عبدالله سليمان @ Jul 13 2008, 08:10 PM)
يتوجه أخانا الفاضل / خربشات فنيه ( وجال بين ألأزهار ) صباح يوم الثلاثاء القادم ليضع نفسه وجهده تحت أمرة مصرنا الحبيبه
ونحن إذ نسأل المولى عز وجل ان يحفظه ويعينه على ما سيسند إليه من مهام وان يوفقه ويلهمه الصواب والرشاد تحت ظل علم مصرنا الحبيبه
واعلم اخى ان خدمة علم مصر هى أشرف أعمال الوطنية قاطبة
رعاك الله
و
قولوا لعين الشمس ماتحماشى أحسن حبيب الحلم صابح ماشى قولوا لعين الشمس
ياااااااااااااااااااااااااااااااااااااااااارب ماتحرمنيش من الراجل السكرة ده ابداااااااااااااااااا
وماتققلقش ياعمي كل اللي انت قولته هيتنفذ بالحرف ان شاء الله
وخدمة مصر اشرف وأنبل شئ في الدنيا
واهي كلها سنة وارجع اغتت عليكم تاني بمشاكلي الكتيرة هههههههههه
اصلي بقول دايما منتدي مفيهوش مشاكل = منتدي بلا طعم فأنا بعمله طعم بس مش اكتر ههههههههه
ربنا يكرمك ياعمي ويخليك ليا يارب
وياسيدي ربنا يكرمك علي لقب حبيب الحلم دي ( مع اني شايف انها ماتنطبقش عليا خااااااااااالص دا الحلم العربي زهقان مني ومن مشاكلي وهيفرح فيا )
وقولوا لعين الشمس ماتحماشي احسن وجال هيفضل تحتها طول النهار 
إقتباس((قيس) @ Jul 13 2008, 08:16 PM)
لو كانت هنا أيمان محمد
كانت قالت ونسمع أجدع سلام خلي السلاح صاحي صاحي .....
ربنا يوفقك يارب وعقبال لما تخلص بخير وسلامة
اهلا ياحج قيس
ماتقلقش ياسيدي السلاح هيفضل علي طول صاحي ان شاء الله
دنا بطل القرية في ضرب النار ( علي عربية البمب في المولد طبعا ) 
ربنا يكرمك ويعزك ويخليك ياربإقتباس(بسمة امل @ Jul 13 2008, 08:25 PM)
السلام عليكــم ورحمـة الله وبركاتــة ،،
وفقك الله اخي وجال لكل ما يحبه ويرضاه ..
اختنا بسمة أمل
ربنا يباركلكـ يارب ويخليكي ويديكي علي قد نيتك إقتباس(أسماء فلسطين @ Jul 13 2008, 08:36 PM)
يااخ عبد الله حسستنى بروح الانتماء للشئ
تروح وترجع بالسلامة يااخ وجال
وكلما تعبت فى العمل تذكر انه هادى مصر مش حياالله
وبتذكرنى بعبارة( احنا ياما خدنا منك فيها ايه لو اديناك) يعنى اعطى مصر بامانة وحافظ عليها بكل ماعندك
ربنا يوفقك
الله يسلمك يااخت اسماء
وان شاء الله كلماتك في ذهني وهعمل علي تنفيذها بإذن الله
بارك الله بكِ وجعلكِ دائماً كنزاً لفلسطين الحبيبة
دمتِ بخير إقتباس(عبدالله سليمان @ Jul 13 2008, 08:43 PM)
تعرفى أسماء : أنا مش هخبى عليك ياما كلامك وهجومك على مصر وشعبها جرحنى ومش هخبى عليك بردو وهقول ياما أبكانى كمان ( بس كنت بعطيك كل العذر )، بس اليوم حسيت بإيدك بتمسح كل جروحى ودموعى
حياك الله يابنت فلسطين ألأبيه
ممكن اعيط معاكم ......إقتباس(ميمز @ Jul 13 2008, 08:43 PM)
داخل مخصوص
اقولك شد حيلك يا بطل
خلى بالك مركز التدريب صعب ولكنه اجمل فترة ستعيشها طوال جيشك كله
ومن ستعرفهم هناك لن تنساهم مدى حياتك
ربنا معاك وجال ونتمنى لك ان تمر كل ايامك بسلام وننتظر اجازاتك بفارغ الصبر لتحكى لنا مذكرات عسكرى
ابو آدم حبيبي
ربنا يكرمك يارب وان شاء الله كلامك هحطه في عنيا
واما اشوف الناس اللي هعرفهم في مركز التدريب هيطلعوا ايه بأه ( شكلك كنت مستريح في جيشك ياحج ميمز )
وان شاء الله ياابو ادم اول اجازة هعرضلكم فيلم ( وجال في الجيش ) زي اسماعيل يس في الجيش كده
تحياتي ياابو ادم ياعسل ربنا يباركلك في اولادكإقتباس(الفلســــطيني @ Jul 13 2008, 08:44 PM)
الله يسهل عليه مهمته ويحميه بحماه
وان يعود لنا اقوى من الشمس احسن
ما تحرقه
ان شاء الله اعود بس اقوي من الشمس دي مش عارف بأه
اصل اخوك من النوع اللي الشمس خطر عليه ( زى خطر النووي كده )
ههههههههههههه اوعي تكون صدقت
دا ياما دقت ع الراس طبول
ربنا يكرمك يافلسطيني يارب
أجملـ تحية
وانتظروا فيلم الموسم
وجاااااااااااال في الجيش
كلمة على لسانى
Jul 13 2008, 10:26 PM
السلام عليكم ورحمة الله وبركاتة
كل اللى عايز اقولة ربنا يسهل امورك وان شاء الله سنة وتعدى بأذن الله وان شاء الله تستفاد من السنة دى وصدقنى ايام الجيش صحيح بتكون صعبة والله بكرة تقول كلمة قالها ان ايمها حتكون احسن ايام وتقول ياريت دامت وان شاء الله اول 45 يوم يعدوا بسرعة وتشيل المخلة بقى وتتوزع على سلاح كويس وتروح وحدتك وان شاء الله تكون وحدة مريحة فى كل شىء وبتمنالك من كل قلبى التوفيق بأذن الله ودوام الصحة والعافية بأذن الله مع انى معرفتى بيك قليلة بس ان شاء الله تكبر بأذن الله اخوك .........................كلمة
خربشات فنية
Jul 13 2008, 10:40 PM
اهلا كلمة علي لساني
ياباشا انا طبعا يشرفني معرفتكـ ويكون فخر ليا
وتكبر بإذن الله
وربنا يكرم بسلاح كويس يارب
بس برضه الامر ما يخلاش من الكوسة ههههههههههه
وعلي فكرة علي طول كنت معجب بتوقيعاتكـ
من ايام اكسبايرد لف expaired love فاكر انت التوقيع ده ؟؟؟؟
كان عاجبني اووووووووووووووي
تحياتي ياجميل
naciri14
Jul 13 2008, 10:45 PM
خربشات يا خربشات يا وجال في الازهار يا محمد تعود بالسلامة يا اخي ونتمنى لك كل التوفيق
العالم
Jul 13 2008, 11:06 PM
السلام عليكــم ورحمـة الله وبركاتــة ،،
ربنا معاك يا محمد
والله هتوحشنا كلنا بجد
انا كنت عايز اقعد معاك قبل ما تمشى
بس انت عارف الظروف
ربنا معاك
محمد العربى
خربشات فنية
Jul 13 2008, 11:11 PM
ربنا يكرمك ياعبد اللطيف يارب
ويباركلك يابني
وفينك مختفي ليه ياحج ؟ بتعمل ايه قول قول سرك في بيييير
واحشني ياعبد اللطيف
سلام ياجميل
خربشات فنية
Jul 13 2008, 11:13 PM
تسلم يامحمد
عارف اللي عندك يابرنس
ربنا يكرمك
سلام ياحج
naciri14
Jul 13 2008, 11:45 PM
إقتباس
ربنا يكرمك ياعبد اللطيف يارب
ويباركلك يابني
وفينك مختفي ليه ياحج ؟ بتعمل ايه قول قول سرك في بيييير
واحشني ياعبد اللطيف
سلام ياجميل
اهلا اخي محمد انا موجود يا اخي واغيب مرة مرة بسبب ظروف العمل
مســافر بلا عنوان
Jul 14 2008, 01:15 AM
السلام عليكم ورحمة الله وبركاتة
وجال حبيبى رايح الجيش !!!..زغرطى يا بت ..هات الساقع ياد .. ههههههههههههه
من اعماق قلبى وبكل جوارحى بقلك ربنا يسهلك الحال وتخلص جيش بالسلامة
وترجعلنا بألف سلامه وتنورنا تانى ..يااااااااه دا احنا من غيرك عاملين زى العرب من غير ........................
وانت فاهم الباقى ..بس والله انا بهزر اوعى تزعل ..ههههههههههههه
خلى بالك من نفسك ..الجيش للرجالة ياد ..وسمعنى سلام خلى السلاح صاحى
لا والله حقيقى هتوحشنا وربنا يعلم اللى فى القلوب تروح وترجع بالسلامة ياريس
ملحوظة بقة اخيرة
(اوعاك تفتكر انى بسحب ناعم ) وانت فاهم مش عايز اسيح ههههههههههههه
سلام يا صاحبى
مسك الجنه
Jul 14 2008, 03:01 AM
السلام عليكم ورحمة الله وبركاتة
وجال رايح الجيش !!!..زغرطى يا بت ..هات الساقع ياد .. ههههههههههههه
من اعماق قلبى وبكل جوارحى بقلك ربنا يسهلك الحال وتخلص جيش بالسلامة
وترجعلنا بألف سلامه وتنورنا تانى ..يااااااااه دا احنا من غيرك عاملين زى العرب من غير ........................
وانت فاهم الباقى ..بس والله انا بهزر اوعى تزعل ..ههههههههههههه
خلى بالك من نفسك ..الجيش للرجالة ياد ..وسمعنى سلام خلى السلاح صاحى
مع السلامه يا محمد يا جاااااااااااااااامد
تروح وترجع لنا بالسلامه يا برنس
وفى انتظار مذكراتك فى الجيش
او كما تسميها وجاااااااااااااااال فى الجيش
فى انتظار المشاكل يا صاحب المشاكل
ان شاء الله وربنا يوفقك ان شاء الله وتكون ايامك فى الجيش حلوة
واوعى تنسانا يا عم وجال
مستنينك
مستنينك
مستنينك
وحتوحشنا بجد
اجملـــــ تحيه
اخوك سيف
la marocaine
Jul 14 2008, 03:10 AM
تروح وترجع بالسلامة يا محمد
ربنا يوفقك في كل امورك
بارك الله فيك و في امثالك اعانك الله و يسر لك كل الامور
واحنا بانتظار عودتك بالسلامة
واكيد ستجدنا حاجزين مسبقا لمسرحية وجال في الجيش 
اسم العضو مجهول
Jul 14 2008, 07:10 AM
حب الوطن فرض عليا افديه بروحى وعنيا ...
وائل القلم الجرىء
Jul 14 2008, 09:40 AM
السلام عليكــم ورحمـة الله وبركاتــة ،،
طبعا اخي وجال اخي وحبيبي عبد
الله سليمان عمل الواجب وزياده
مين قدك ياعم وجال اصدقاء كفاح
اما انت ياوجال انت عارف شعوري واحساسي
وانت تعلم اني مش عايز اليوم ده يتاخر لمده سنه
والله يامحمد انت تعلم اني متاثر جدا وحتسيب فراغ جاااااااااااااااااااااامد
وكلمه علي سبيل الدعابه لاخي وحبيبي وجال
الاخت حلم ثائر قالت فرح دمت للعقل عنوان
انا بقول حقول
وجال دمت للمشاكل عنوان
ههههههههههه
بس حقاني وحبيبي ياصاحبي
مالحظتش فوق ان مسافر بيقولك ماتفكرش اني بجر ناعم
الظاهر فكر في كلام امبارح وحس ان الطوفان وصل عند الصيدليه
اخي وحبيبي وجال
حتوحشني وربنا معاك
حيوحشني الفطار معاك وانتظارك والجلوس علي الكافي ولعب البلاي ستيشن بس انت لعيب
جيبناك تلعب اسبوعيني لقيناك لعيب غريب قال الواد ده مايجيش مابنعرفش نلعب
مش حننسي دور الظابط في الحديقه ودور الخرس ولا الكمشيشه
انت ابن شارعي الاصيل وربنا يخليك يابيكهام
تروح وترجع بالسلامه ياصاحبي يا اصيل يا اول من يرد غيبتي لو حسيت ان فيه تلميح
مه السلامه يا محمد ياعسل
وربنا يحميك وتادي الخدمه العسكريه
ومش حقول انك تملك واسطه تقعد مستريح وكلام من ده
حقول انت معاك اقوي من اي حد ومعاك اللي يطمنك وانت انسان متقرب اوي لربنا
انت معاك ربنا ياصاحبي ماتقلقش
ربنا معاك ويكرمك وترجعلنا بالسلامه وانت فاهم انا مستني تخلص بفارغ الصبر والمعني في بطن حبيبي وجال
بحبك والله ياصاحبي
وانت عارف اننا في واجب عزاء امبارح وماعرفتش ادخل ارد
وانت تعلم اننا واقفين طول اليوم في العزاء ورجعنا نمنا وانت طبقت يومين ياصاحبي
خربشات فنية
Jul 15 2008, 11:46 AM
اهلا عبد اللطيف من جديد
ولا يهمك ياجميل ربنا يعينك علي شغلك يااارب
---------------------------------------------------------------
نيجي لمسافر بلا عنوان
ياعم ولا يهمك قصدك يعني تقول انكم من غيري عاملين زى العرب من كلب ؟
ياعم وماله يشرفني اني احرس الحلم العربي حتي لو كنت كلب زي ما قولت
وبرضه مش زعلان ياعسل وربنا يكرمك علي ردك الحلو
----------------------------------------------------------
سيف سيف ياسيف
منوووور ياعسل
ربنا يخليك علي كلامك الجميل اللي زيك ياجميل
وما تقلقش ان شاء الله اول ماانزل اول اجازة هاجي ابدأ في مسرحية وجال في الجيش زي مااختنا خديجة هتقول في ردها اللي جاي
هههههههههههههههههه ( ياوجال ياسابق عصركـ )
منور ياعسل
-------------------------------------------------------
ربنا يكرمك ياخديجة ويباركلكـ يارب
وخدي بالك لازم من دلوقتي تحجزى كرسي في الاول في وش خشبة المسرح
وياريت تعجلي بالخطوة دي لان مااضمنش الكراسي قدام هتبقي عامله ازاى
انا عن نفسي حاجز كرسين واحد لعبد الله سليمان والتاني لميمز قدام
حاولي بأه تحجزي قريب منهم
وان شاء الله هتتبسيطي من المسرحية وهتبقي تحكيها لولادك وولاد ولادك لحد سابع حفيد ياتيتة خديجة ههههههههه
نورتي الموضوع
----------------------------------------------------
وائل حبيب قلبي
انت طبعا عارف اللي في القلب مش محتاج اني اكتبهولك هنا
انت صديق وصاحب واخ ياوائل
والله لو كان ينفع احكيلهم حكاية الظابط والاخرس ولعب البلاي ستيشن مع غريب
كنت حكيتهالكم
طيب لو حد رد دلوقتي بعدي وقال احكيهم هحكيهم
يلا فرصة استغلوها انا معاكم لحد بالليل
للي مايعرفش
انا في سلاح المشاة مركز التدريب في دهشوووور ونازل اجازة 18 ساعة
بس عادي الجيش للرجالة
وياما دقت ع الراس طبول
نورتوا الموضوع ياجماعه
تحياتي
السندباد البحرى
Jul 15 2008, 01:52 PM
إقتباس
واهي كلها سنة وارجع اغتت عليكم تاني بمشاكلي الكتيرة هههههههههه
ترجع بالف سلامة وبلاش تشائم سنة بحالها ليه هو اتمنعت الاجازات ولا ايه
وبعدين انت لو ليك نشاط رياضى زى حالاتى هتدخل سرية رياضية وترتاح
وتقضيها لعب فى لعب
انا نقونى من مركز التدريب سرية رياضية لعبت باسم المركز فى التايكوندو وجبت مركز اول
ارتحت شهرين فى بيتنا كنت بروح اخد التصريح وارجع لح ما خلصت البطولة
والحمد لله على كل حال اللى كمل سرية رياضية اللى ملعبش اصلا واترحلت انا على كتبتى
بس بجد اجمل فترة هتقضيها فى حياتك وكفاية انك تكون ماسك سلاح وحاسس انك بتخدم بلدك وتحرسها
وتشوف منظر السما اللى اتحرمنا منه فى المدنية وتشوف الخواطر
بجد انصحك بكراسة وقلم يبقوا معاك
وعيش يابرنس
وسمعنى احلى سلام للمخلة
وبجد احلى حاجة تعملها انك تحاول تخلى زمايلك يصلوا معاك
اجمل صلاة فى الخلاء وعلى الرمل
خربشات فنية
Jul 15 2008, 02:04 PM
هههههههههههههه
سندباد ياسندباد
منور الدنيا ياابو محمد
طيب انا خريج تربية رياضية
ممكن ياخدوني سرية رياضية ياتري ؟؟؟؟
ان شاء الله نصيحتك عن القلم والكراسة هنفذها بإذن الله
وان شاء الله الصلاة في الخلاء برضه
بس يارب يخلونا نتفرج علي ماتش الاهلي والزمالك يوم عشرين
احسن انا ممكن ازحف مركز التدريب كله لو مااتفرجتش علي الماتش ده
ههههههههههههههههه
اصدي ازحف معلش غلطت في الكلمة ههههههههه
نورت ياسندبادنا
انا ان شاء الله هسافر النهاردة الساعة 3 صباحاً يووووه اصدي بكرة 3 صباحا انا نازل اجازة بس 18 ساعة علشان اتقيف
انا هقضي مركز التدريب في دهشور سلاح المشاة ( دااحنا هنمشي مشي ياجدعان لما كعوب رجلينا هتنهري )
يلا كله علي الله
ومصر في عنينا ياسندباد
أجملـ تحية
خربشات فنية
Jul 15 2008, 04:11 PM
يلا بأه اسيبكم واروح انام استعداداً للسفر النهاردة
هتوحشوني والله يااحلي اعضاء
ربنا يعلم اني بحبكم كلكم فيه
اشوف وشكم بخير
سلام عليكم
hanane hanin
Jul 15 2008, 04:17 PM
في امان الله اخي
قمرى 2
Jul 15 2008, 04:19 PM
الجيش للرجاله وجال
ويمكن تبطل مقالبك
اوعى تعملها فى حد هناك
ربنا يوفقك
الشاميّة
Jul 15 2008, 04:19 PM
بارك الله به وبارك له وبك ولك ولكل الأحبة هنا ولكل أحبابهم
وفقه الله ورعاه
أسماء فلسطين
Jul 15 2008, 04:23 PM
فى امان الله اخى
اسال الله ان يجعل كل ماتعمله فى ميزان حسناتك
واوعى تنسى لاعبهم لعبة التسبيح والتكبير فى وقت الراحه يعنى
اختكم اسماء
خربشات فنية
Jul 15 2008, 04:30 PM
حنان حنين
الله يخليكي ويباركلك يارب
انا كنت والله ببعت رسالة خاصة وكنت خارج شوفت الموضوع دخلت تاني
ربنا يكرمك يارب
---------------------------------------
قمري
ربنا يكرمك علي مرورك
وما تقلقيش ياستي المقالب انا مش بقدر ابطلها
ويامحلا المقالب في الجيش بتبقي لذيذة اوووووووووووووووي
نورتي الموضوع قمري
----------------------------------------------
الشامية صاحبة القلم المرهف وسيدة الأحرف العربية
بوركتِ علي مروركم الرائع وتواجدكم الراقي
جزاكـ الله خيراً
أجملـ تحية
Yusi
Jul 15 2008, 05:01 PM
وفقك الله اخي وجال لكل ما يحبه ويرضاه
السندباد البحرى
Jul 15 2008, 05:14 PM
رايح دهشور ياعم دا بقى خمس نجوم
وانتهت المقولة
دهشور لا مية ولا نور والاكل بالطابور
راحت عليها بقى
شد حيلك ومتكسنفاش بالذات فى الخطوة المعتادة تمشى زى الالف
وتشد ظهرك وايدك الشمين مع رجلك اليمين ورجلك الشمال مع ايدرك الشمين
وهب هب هب شغال
فادية يوسف
Jul 15 2008, 05:58 PM
وعليكــم السـلام ورحمة الله وبركاتـه..
تروح وترجع لنا يا بطل بالف سلامة 00
يارب يحميك انت وشباب المسلمين من كل شر 000
شد حيلك يابطل ومتخفش من الشمش هى حنينة على شباب الجيش كلهم 000
اوعى تعمل زى اسماعيل ياسين الله يرحمة لما كان فى الجيش 000
سِدرة ُ المنتهى
Jul 15 2008, 06:25 PM
يعني دايما اجي متاخرة في مواضيع السفر دي
تروح و ترجع بالف سلامة يا محمد
كلها ايام و تاخد اجازة و ترجع تاني تعمل مشاكل في المنتدى يووووه قصدي طعم طعم للمنتدى
ربنا يعينك و يوفقك يا رب
في رعاية الله
أسماء فلسطين
Aug 7 2008, 04:13 PM
الحمد لله على السلامة اخى وجال
كيف هى اول مرحلة؟
شيماء حجازي
Aug 7 2008, 04:16 PM
معتقدش انه محمد 
لان محمد قالى حيرجع قبل رمضان باربع ايام
يعنى 45 يوم لسة بدرى عليهم
والا يكون عمل مشاكل بين مصر واسرائيل ورحلوا
انت محمد والا حد داخل بالعضوية :unsure:
وائل القلم الجرىء
Aug 7 2008, 04:41 PM
السلام عليكــم ورحمـة الله وبركاتــة ،،
لا هو اخت شيماء
وجال وصل البلد من ساعه وهو في زياره لمده اربعه وعشرين ساعه
نورت يامحمد يابرنس
ونص ساعه وهكون عندك في البيت
حمد الله بالسلامه حبيبي
ونورت البلد وبيتك
خربشات فنية
Aug 7 2008, 04:43 PM
ههههههههههههههههه
قاعدين مراقبين الوضع وكله تمام
ازيك يااخت اسماء اخبارك ايه
انا محمد ياشيماء ماتقلقيش انا نازل 24 ساعة بس ومسافر تاني بكرة ان شاء الله
ان شاء الله ارتاح بس وارجع احكيلكم علي اول مرحلة في حدود ال24 ساعة دول
وبكل فخر احب اعرفكم ان نزولي النهاردة كان منحة من السيد العميد اركان حرب قائد المركز علشان انا ضمن فريق الرماية بالمركز
فكل فريق الرماية نزل اجازة 24 ساعة
ضربت بالسسلاح الآلي وجبت 3 طلقة من 3 واختاروني في فريق رماية المركز
حبيت اطمنكم وراجعلكم تاني ومتشكر اوي لاسماء وشيماء علي اللفتة الكريمة
سلام عليكم
سِدرة ُ المنتهى
Aug 7 2008, 04:56 PM
اهلا ببطل الرماية
انا بجد لما شفته قلت يمكن واحد سارق منه العضوية
بس طلع هو محمد و بيهدد بالسلاح كمان
نورت المنتدى يا محمد
بسمة امل
Aug 7 2008, 05:18 PM
السلام عليكــم ورحمـة الله وبركاتــة ،،
اهلا بيك اخي .. يسر الله امورك وسدد خطاك
مسك الجنه
Aug 7 2008, 10:46 PM
بسم الله الرحمن الرحيم
السلام عليكم ورحمة الله وبركاته،،،
الف حمدلله على سلامتك اخى
وفى انتظارك حتى تروى لنا
يوميات وجال
إقتباس
اهلا ببطل الرماية
انا بجد لما شفته قلت يمكن واحد سارق منه العضوية بس طلع هو محمد و بيهدد بالسلاح كمان
نورت المنتدى يا محمد
وفعلا نورت المنتدى
فى انتظارك
احبكم فى الله
تحيــــــــــــ سيف ــــــــــــــــــاتى
تقبل مرورى اخى
ولك منى فائق الاحترام والتقدير
والسلام عليكم ورحمة الله وبركاته
هذه "نسخة - خفيفة" من محتويات الرئيسية للإستعراض الكامل مع المزيد من الصور والخيارات الرجاء
إضغط هنا.