السلام عليكــم ورحمـة الله وبركاتــة ،،

العنوان مفسر الموضوع يعنى مش محتاج تفاصيل كتير

بما ان قسم ذكريات لا تنسى جديد وقسم عاجبنى جدا فانا حابة استغله فى ان كل عضو يعرض لنا من ارشيفه ذكرياته من زمن ماضى

ونعرضه ونعرفه لبعض

وكتير مننا بيحاول يكتب مذكراته وبنحاول نفتكر كل شىء قديم من ارشيف المنتدى ونحكى عنه فانا خطرت لى فكره يا رب تعجبكم

ايه رايكم ان كل عضو يعرفنا باول رسالة تم ارسالها له من بداية دخوله للمنتدى وكانت من من وما كان محتواهاااااااااا ويعرضها علينا

وانا حبدا اعرض اول رسالة لى فى المنتدى</b>

السلام عليكم ورحمة الله وبركاانت خرجتى من الهومايل ليه ارجعي ارجعي يالا بسرعة

على فكرة قريت انت كتبتي ايه ربنا يخليك ويدوم محبتنا فيه يا رب

الرسالة دى كانت من كنزة اللى هى(بنت ابيها )

وسبب الرسالة دى كان موضوع اختلاف وحروى ليكم القصة

انا طبعا كنت مشرفة فى الشات والحمد لله ربنا تاب عليه

فى فتره اشرافى فى الشات كانت فى بنت مشاغبة من غير ذكر اسماء وكانت بتعمل مشاكل كتير فانا طردتها وهى راحت اشتكت لية الادمن

والادمن صدقها ورفض انه يسمع منى كلام او يدينى فرصة للدفاع عن نفسى وقالى لو حتكملى اشرافى يبقى بعيد عن الطرد

فانا طبعا مش بقبل باى ظلم مهما كان فقررت انى اسيب الشات بسبب انى انظلمت

وبعدت اسبوع عن الشات والحمد لله صحابى واخواتى كتير وقفوا جمبى فى الموقف ده وكانوا معترضين على اللى عمله الادمن وكانوا بيبعتوا

تظلم كتير لارجاعى للشات مره اخرى وانا كنت مصممة انى مرجعش الا بعد ما حقى يرجعلى

كنزة وشرفة وايمان محمد وقيس كانوا زعلنين وكلموا الادمن وقتها وعرفوا انى انظلمت والحمد لله ادمن فهم الموقف وحس انى انظلمت

ورجعت الشات بس بعد ما اعتذر ولو مش اعتذر كنت حقفله المنتدى خالص

المهم مفهومى من الرسالة بتاعة كنزة انها سجلت بعضوية اسمها ان الله لا يحب الظالمين وكانت حابة تكلم الادمن انه ظلمنى والصراحة ربنا

يباركلهم وقفوا جمبى لحد ما حقى رجعلى وده موقف عمرى ما حنساه ليهم ابدا ربنا يجعله فى ميزان حسناتهم

فالرسالة اللى بعتتها لية كنت حابة اشكرهم على وقوفهم جمبى بكلمات بسيطة منى فى حقهم

ادى كل الحكاية

انا نسيت الموضوع

يلا يا جماعة يا رب تكون الفكره تعجبكم ونعرف منكم محتوى اول رسالة ليكم فى المنتدى [/b][/color]

مش حقولك على اول رسالة

ضيعتي عليا مذكراتي جاية كمان تضيعي رسائلي
امشي امشي يابت






حطلع لك في كل حتة قدرك يا بنتي تعملي ايه





بجد الفكرة جميلة متسمعوش كلامي يا اعضاء

السلام عليكــم ورحمـة الله وبركاتــة ،،

ربنا يكرمك يارب يا شيماء .. ايام لا تنسى ..

ويارب ان شاء الله يجمعنا ديما على الخير يارب ..

فكرة رائعة بارك الله لك ..

ايه النشاط ده كله يا شيمو

انا مش بقر ابدا انا بحسد بس

بجد موضوع جميل جدا و اهو نفتكر الايام الحلوة اللي عدت علينا هنا في المنتدى

انا بقى اول رسالة جاتني كانت من فراولة قالتلي بالحرف الواحد

ده الايمايل بتاعي ........................ و يشرفني انك تضيفيني

رسالة مختصرة جدا زي ما بيقولو خير الكلام ما قل و دل

و كانت فيري اول واحدة اضيفها من المنتدى عشان كده ليها معزة خاصة عندي

امشى يا بت انتى من هنا ال مذكرتك ال

ده انتى لو كتبتى كلمة واحده من مذكرتك الناس حتطفش منك وحتبطل تكتب حاجة

يلا يا خدوجة يا حبى بقى ادينى امل وشجعينى ان افكارى حلوة وانا حشوفك بربع جنيه فى الخاص متقلقيش

ومش حضيع عليكى الرسالة اى خدمة




ويكرمك حبيبتى يا رب ده جميل مش حنساه منكم ولازم اعترف بيه

ربنا يخليكى يا قمر

بس فين رسالتك يا بت

دي أول رسالة
وعلى فكرة انا محتفظ بيها وما رضتش امسحها لأنها اولى الرسائل

منها لله اللي كلت دراع جوزها



انت يابنتي ناوية تفضحينا

ولا على ايه ما انت فضحتينا وخلاص

ولا عايزة تجيبيلنا تأبيدة... قصدي تقليعة من المنتدى

مالك يا بت في ايه؟

ايه اللي فكرك بالذي مضى؟؟؟؟

لي عودة تانية بقى

اول رسالة كانت من اختى خديجة وبعدها بلحظات من اختى بسمة امل

حذفتهم صراحه

بس كان المحتوى انى انا كسولة ومابشارك


اما اللى بعدهم مابعرف من مين


اختكم اسماء

اول رسالة كانت من الاخت فرح

و كانت تنص على انه تم نقل موضوعك من مكان إلى مكانه الاصلي

و بعدها من الاخت حنان و كان بنفس المحتوى

و بعده من الاخت مغربيه و كان بنفس المحتوى

و بعده من الاخ الوان و كان بنفس المحتوى

و بعده من الاخ عبد العزيز و كان ينص على دمج موضوعين ببعض


اصلي كنت مشاغب جدا و مكنتش فاهم اي حاجة

و كنت وين ما اكون انزل الموضوع

فراحت الاخت فرح مزعقة ليا في احد الردود على إحدى مواضيعي فبقى خفت

و اتعدلت

عالم تخاف متختشيش هههههههههههههههههه

السلام عليكم ورحمة الله وبركاتة


اول رساله لى كانت من الاخ عزيز اللى مدوخنا كلنا

وكان تنص على انه تم تعديل احدى الموضوعات عشان كان فيه غلطات فى التنسيق

وكانت بعض الجمل متغيره مكان بعضيها كان الموضوع متلخبط يعنى

بس دى كانت اول رساله ليه

اما الرساله التانيه كانت من الاخ محمد العربى وكانت رسالة ترحيب

بس بصراحة رسالة الاستاذ عزيز علمتنى حاجات كتير ومن بعدها وان بركز قوى اقبل مضغط

اضافة موضوع او اضافة رد

والحمد لله الامور ماشيه فل وعال العال

ااااانااااااااا
انا ولا اعرفك هههههههه

قال بعتلها رسالة قال

ليه كنت بحلم بيكي ولا بحلم بيكي ههههه

بهزر يا بت
ربنا يخليكي ليا والله انت والبت نوسة ليكم معزة خاصة جداااا
ربنا ما يحرمني منكم


انا مش فاكرة اول رسالة للاسف

موضوع جميل ربنا يكرمك

السلام عليكم أمة خير البشر



أخوكم /مازن الصعيدى....من الرياض يقدم لكم الوصف التفصيلى والتعليق

على اول رسالة فى صندوق بريدة الخاص.

المهم ما طولش عليكم قوووووووول طوووووووووووول

انا بصراحة فى رسايل كتييييييييير جاتلى .

وكأى عضو بيبقى داخل سخن ومش عارف اللى بيحصل حوالة

تقريبا كان كل وقتى مقضيها فى الشات ومكنتش أعرف عن المنتدى أى شئ

بس بجد الشات كان احسن بكتير بالنسبه لى من المنتدى

المهم

كان يا مكان


كان فى اخت كلها نشاط وحيوية.....كانت عضو عادية

وطبعا بسبب نشاطها الملحوظ تحولت الى مشرفة

بجد الكل كان مبسوط لانها كانت تستحق من وسطنا كلنا

جايه يوم ودخلت الشات لقيت طوب وزلط بيتحدف

يا اخونا فى ايه حد طيب يحوش

محدش سامع الكلام

الموضوع :ان أحد الأعضاء بيتافس مع عضو أخر

فى أولوية عرض موضوع دينى

شفتم كنا بنتافس على أختيار الموضيع وأولوية العرض

المهم تتدخلت الأخت وكلمة من هنا كلمة من هناك

حدث توتر وبعدين الكل كان بيتكلم هو في ايه

لاننا كنا متعودين ان واحد او اتنين على الأكثر يتكلموا والباقى يقعد يسمع

المهم الأخت انسحبت من الشااااااااااااااااات فحسيت أن الخطوط الأمامية بتعتنا اتكشفت للأعداء

فارسلت رسالة وكان الرد كالتالى:ـــــ




مازن انا اسفة والله بس اتخنقت من اللى حصل لاننا كنا بنقول اذكار وانت شوفت هم كانوا بيعملوا ايه

انا اسفة انا قلت اخرج احسن ما اعمل حاجة تزعل منى حد

متزعلش منى اخى

أه نسيت أقولكم أسم اختنا


ولا بلاااااااش هى عارفة نفسها

انتى حتقرى عليه يا بت

عارفين والله بكون قاعده كده وفكره مجنونة تطلع فى دماغى اروح اقول اطلعها فيكم

حظكم بقى انى معاكم

كانوا الاول بيسمونى صاحبة الافكار النيره يا عينى كانوا مخدوعين فيه ال نيره ال

ربنا يخليكى يا قمر يا رب وحجيب بخور وحبخر من عينك يا بت




هههههههههههههههههههههههههههههه

متخفيش الادمن مننا وعلينا مش حيقدر يعمل حاجة انا ممكن اقفله المنتدى لو عمل معانا حاجة

بس يا بت ليسمعنا ونروح ورا الشمس

اللى خلانى فتحت الموضوع ان فعلا دى كانت اول رسالة توصلنى المنتدى وهى كانت منك ودى كانت مناسبة الرسالة فحبيت انى اعرضها

وفى نفس الوقت اشكركم على وقوفقكم جمبى فى هذه المرحلة

ربنا يبارك ليكم يا رب

اعتقد اعتقد اعتقد اعتقد يعنى انه انا اللى بعت الرسالة صح والا اعتقادى اللى اعتقدته غير محله

ربنا يكرمك يا مازن على الكلام الجميل ده ودى شهاده اعتز بيها

بس خلاص بقى كانت ايام وعدت هى كانت ايام جميلة ولا انكرها لكن بتمنى حاليا انى مرجعش للشات تانى ابدا بسبب اللى بيحصل فيه

شكرا ليك يا مازن وشرفنى مرورك


بشكركم جميعا اخواتى على المرور العطر والحمد لله ان الفكره عجبتكم

يلا عايزين باقى الاعضاء يعرضوا علينا باقى الرسايل

[font=Traditional Arabic][/font]سلام عليكم ورحمة الله وبركاته

فكرة جد رائعة

أو رسالة جاتني بصندوق الحلم العربي هي رسالة من أشغب اتنين في الشات وقتها لو كنتوا فاكرين الأيام تلك

كانت رسالة من ( ضاضا ) ورسالة من ( قوي قلبك )

هي فيها تظلم .... كانوا الاتنين دول ماشاء الله عليهم ....وكانت المسالة أني أبو الشباري ( قوي قلبك ) كان عامل مشاكل في الشات وأكل طرد فراحت الأخت ضاضا قامت الدنيا وحطتها .... وهي بعتت بتسأل أكل الطرد ليه وهو بما أنه صاحبي بعت لي عايز ياخد الباسورد بتاع الشات وقتها

علشان يدخل يطرد المشرفة اللي طردته ---- ومش حاقول مين هي المشرفة ... ربنا يستر على ولايانا

فكرة جميلة ورجعتنا سنين لأيام المنتدى الحقيقية ....ربنا يكرمك بجد ....تاني رسالة جاتنيب من أكرام ( flwoer) لو حد فاكرها رسالة تشجيعية ... على المواضيع اللي نزلتها وقتها

رحم الله تلك الأيام .... والله خسارة بجد

أنا مردتش أقول ..................

ياريت تعود الأيام دى

بجد موضوع جميل جداااااااااااااااااااااااا

فعلا والله خساره والف خساره ما هى الايام الجميلة عمرها دائما بيكون قصير

الحمد لله على كل شىء

بس انا عايزة اسال هى المشرفة اللى طردت ندالة تبقى انا

جزاك الله خيرا اخى على المرور



ربنا يكرمك يا قمر وفعلا اول ما دخلنا كنا مش عارفين حاجة نهائى وربنا يبارك ليهم الى عرفونا وافادونا

مرورك شرفنى يا قمر

خير يا جماعة مافيش تعليق من باقى الاعضاء

مافيش رسايل والا ايه

ارجو من الجميع الدخول وتعريفنا باول رسالة له فى المنتدى