اسمع ياسيدى
افتكست الحكومة قانون المرور الجديد وضافت عليه كمان شنطة اسعافات اوليه لزوم البيزنس
طيب ايه رأيك نشوف مواصفات الشنطه وبعدين نتكلم
تشتمل علي
٣ أربطة شاش عرض ١٠ سم،
٣ أربطة ضاغطة عرض ١٠ سم،
٥ باكت شاش معقم للجروح،
5 باكتات «دريسنج»
ومقص صغير
زجاجة سائل مطهر «بيتادين»
5 أطقم قفاز طبية «لاتكس»،
2 رباط مثلث «لكسور عظمة العضد والترقوة»
وملاءة حروق،
2 أكياس ثلج منشط عن طريق الفرك
وبطارية إضاءة حجم متوسط،
بالإضافة إلي كتيب عن الإسعافات الأولية
ولا يزيد وزنها علي ٢.٥ كيلو جرام.
كتيب الاستخدام
وكمان لازم الشنطة تكون حديد ( معدن )
يعنى ياحكومه انتى بتغطى عجز عربات الاسعاف اللى على الطرق السريعة والمستشفيات اللى لا تصلح لعلاج الحيوانات عن طريق شنطة حمزه ؟ واقرب مثال على ذلك حادث مرسى مطروح
اولا ياجهابزة امتصاص دم الشعب المسكين ازاى الشنطه تكون حديد وفيها كل الادويه دى ووزنها لا يتعدى 2.5 كيلو جرام
ثانيا ملاءة الحروق ياواضعى هذا القانون اتدرون ثمن 10*10 سم من هذه الملاءة كم يساوى 2.5 جنية يعنى بنتكلم فى حوالى 2000 جنية للملاءة
ثم كيف للمواطن العادى ان يستخدم هذه الملاءة فالمصاب بالحروق يجب ان يتجرد من ملابسة تماما ويدهن بالكريمات الخاصة بالحروق ثم يلف بهذه الملاءة
وايضا كتيب الاستخدام ؟؟؟؟؟!!
نتخيل سائق وقع له حادث مرورى ( تصادم ) اصيب بكسر او ينزف دم المطلوب منه ينزل من السيارة ويتجه لشنطة الاسعافات ويخرج الكتيب ويبدأ فى قراءة التعليمات ؟ والله ده تهريج
انصح من يمتلك سيارة بعدم شراء هذه الحقيبة لحين تحديد مواصفات معقولة ومنطقية
انا اسهل ادفع غرامة عدم وجود الشنطة لان الغرامة سوف تذهب لخزانة الدولة وسوف تعود لى مرة ثانية فى صورة خدمات ولا احتمل دفع ثمن شنطة اعرف مسبقا ان ثمنها سوف يذهب الى احد المنتفعين بالقانون المفتكس