هو -------- وهو

اولا

هو / ولد فى حى شعبى فقير اسرة فقيرة

*** اما هو فولد فى حى راق جدا اسرة غنية

هو عايش فى اوضتين وصاله وعندة سبعه اخوات

***

اما هو فعايش فى شقة فخمة بها خمسة غرف وصاله كبيرة وبالكونتين واربع شبابيك

هو جيرانه عم محمود بتاع الفول وشعبان الكمسرى وعادل امين الشرطة وحسان بتاع العربية الكارو ومحسن الفران وسعيد النجار

** ا

ما هو فجيرانه نادى الجزيرة الرياضى منظر بديع اضف الى ذلك فندق كزنكرد بالاضافة لماكدونالدز وكنتاكى واديداس وسلسله كارفور

هو بينظر على كمال الجزار بعجوله وخرفانه ومواشية والرائحة الكريهه والعيال الى بتلعب فى الشارع طول الليل والنهار وبتاع البصل الى بيلف على عربية بحمار يبيع بصل وعسل وبتاع الروبابكيا بعد ما جاب ميكروفون جديد بينادى فية وادى بتاع الكلور بيبع الكلور للى عايزة الكلور

اما هو على البواب بيلمع له عربيتة وبينزل يفطر فى السريع فى ستر باكس ويعدى على صحابة فى نادى الجزيرة وبعدين ينزلوا شوية البسين وممكن يلعبوا تنس او يتمشوا شوية فى انادى

هو لما بيكون عندة ميعاد مهم بيشحت جزمة ربيع صاحبة ويكون محظوظ لو ربيع ما عندوش مشوار لانها الجزمة الوحيدة الى عنده

اما هو بينزل يشترى احسن جزمة فى اديداس او تيمبر لاند حسب الموضوة الجزمة حسب السيزون وجزمة للكلية واخرى للسهر وواحدة للنادى

فى الكلية هو متفوق ولكنه حاسس انه عايز يسيب الكلية كل يوم نفس الطقم وما بيقدرش يشترى حاجة من البوفية

ولا يخرج مع صحابة ويعزمهم على حاجة وما يقدرش ياخد درس فى مادة معينة

اما هو

كل يوم طقم ومتفوق بردة بس قاعدتة فى البوفية وبيخرج مع اصحابة مش مهم فين وبكام المهم ازاى

هو اتخرج ومش لاقى شغل على حسب ما تعلمة ومضايق ومكتئب وحزين عايز يتجوز عادى يعنى ومش عارف عايز يصرف ويلبس عايز يشترى لامه كيس فاكهه وجلبايه جديدة وجزمة عايز يجيب لابوة بدلة يفرح بيها عايز يعيش زى الناس ومش عارف

اما هو فاتخرج واشتغل واتجوز وما شاء الله علية ناجح فى شغلة ومرتب مكفية لانه بيقبض مرتب يليق بيه وبتعليمة ولسة عندة العربيى والشقة

السؤال الى شاغلنى

ومحيرنى ومعذبنى اية الفرق بين دة ودة
واية الفرق بين اولاد دة ودة فى المستقبل ؟

واية الفرق بين حياة دة ودة ؟

واية نفسية دة ودة للبلد ؟

وكيف يتعامل دة مع الناس ودة ؟

وكيف يعامل الناس دة ودة ؟

وامتى يكون دة زى دة كلهم ولاد البلد ؟

انا مصرى وهو مصرى

امتى انا وهو متخرجين من نفس الكلية نلاقى نفس الظيفة بنفس المرتب

امتى انا وهو يكون الفرق بينا على اد مجهودنا ومش على رصيدنا فى البنك

امتى انت وهو تحترمنى لشخصى زى ما بتحترمة لفلوسة

امتى نتحرر من العنصرية امتى نتحرر من الجهل امتى نتحرر من الفقر امتى نتحرر من الظلم

حسنا اعتقد ان الاطلاع على راحة قلب كل منهما قد يريح كل متسائل ...والحال ان القلوب لا يعلمها الا الله.......
بالنسبة لمستقبل اولاد كل منهما فهدا امر يعلمه الله فقط
وعموما اعتقد ان حسن الظن بالله والرضا هو ما يحدد الفرق الحقيقي بينهما
وابواب الرزق فتحت لها ابواب السعي ..الشاطر اللي يسعى بكل الاسباب والنتجية من عند الله تعالى..
جزاء الله خير على الموضوع شيف مميز

سيبقى هو هو و يبقى ذاك هو ذاك و الحياة هكذا لابد من متناقضات ..

لابد ان يوجد من لم يجد جزمة حتى و هناك من يقف عل البواب وهو يلمع له سيارته..

القلوب في باطنها قد تكون معاكسة تماما للتناقض الظاهري ممكن يكون هو احسن حال و راحة من هو الذي توفر له كل شيء و ولد وفي فمه ملعقة ذهب

لكن تبقى العقليات يبقى كيف يتم التفريق بين هو و هو وكل منهم حاصل على نفس الشهادة و ربما هو اللي بدون جزمة احسن منه هو

تبقى نظرة الناس لكل من هو و هو ..

متى ستتغير و الى اي مدى سنبقى ننظر للبعض بهذه السلبية التي تزيد من اتساع الفجوة بين الغنى المطلق و الفقر المدقع


و تبقى تساؤلات عديدة بدوري لم اجد لها اجابة و ان كانت فانها غير واضحة المعالم و خصوصا في وقتنا هذا ..

حسنا اعتقد ان الشيف حنان لم تصل لها ما عنيت

انا ارمى لعنصرية موجودة فى عالمنا العربى بين هذا وذاك

بالاضافة الى

تربية ونشاة كل منهما

هل تاثر بشكل واضح على تفاعل كل منهما بالمجتمع

اضيفى لذلك


تفاعل المجتمع مع كل منهما

وتاثرة بوضع كل منهما

هذا ما رميت اليه وسؤالى هو كيف نغير الامر

ليكون الكل سواسية لا فرق بين وبين الا بالعمل

لا مؤاخذة يا شييف ميمز ...مخي اصبح ثقيل مؤخرا معلش
معك حق المشكلة في تفاعل المجتمه ازاء كل منهما مما ينعكس علىهما ضمن منضومة تكاد تكون قاعدة ..تؤطر كل واحد منهما
شكرا لصبرك علي

الفرق الوحيد اخى هو ان ( الاولانى بيحقد ويقر على التانى ) عشان كده هتلاقى الاولانى تعبان اوى فى العيشه واللى عايشنها

ههههههه

اعتقد ان ردك منقول من عقول مقتبسة الحياة

ولا اظن ان المقوله المنقوله دى قاعدة للحياة فاحيانا كثيرة جدا جدا تجد ان الحاقد هو التانى مش الاولانى برغم ان الاولانى لا يملك من الدنيا الا نفسة

وبرغم من كدة تجدة سعيد فى احيا ن كثيرة ولم يتاثر بالجو المحيط بيه

ولكنى على ثقة من انه تاثر

وتجدة سعيد هانئ هادئ محبوب مثابر مجتهد وتجد الاخر تعيس غير سعيد فاشل بالرغم من انه غنى

ولكنه فقير النفس


فتجد الحقد من التانى للاولانى

ولكن المساله كلها فى الحقد

مساله نفس حاقدة ونفس راضية حامدة

الموضوع مش موضوع حقد



الموضوع موضوع عقول


انا لم اذكر علاقة دة بدة

انا ذكرت حياته هو وحياته ا هو

كل على حدا

ولم يجتمعا معا الا فى عقولنا

وبناءا عليه نحن من سيقرر ان الموضوع حقد او اية بالظبط كل واحد وعقله


وممكن قلبة

من راقب الناس مات هما وغما


انا معك اخى ان كثيرين من الصنف الاولاتى اسعد بكثير من الصنف الثانى اذا ما كانت النفس راضيه

ولست معك ان كل الصنف الثانى فاشل لمجرد انه ولد غنى

ولست معك ايضا ان كل من سكن بجوار نادى الجزيرة يتمتع بغنى المال

دى اكيد عقدة

ساحاول بقدر استطاعتى توصيل الامر لك انا عارف ان العيب عندى لانى مش بعرف اوصل ما اريد جيدا

مع بعض الناس قالوا لى عكس كدة

والله ياراجل انا لم اقصد ولم اعنى اى حقد

اولا انا رافض موضوع الحقد لانه من قله الايمان كما اراه

كما انى اعتقد ان الحاقد شخص زعلان من ربنا انه اعطى دة ولم يعطية هو


الموضوع غير كدة خالص


خليك معايا شوية بتركيز
فى بلاد الفرنجة


تجد الوزير راكب عجلة وبيشترى عيش من الفرن

فى بلاد الرنجة

تجد موظفه شئون العاملين بتعبت الساعى يجيب لها عيش

فى بلاد الفرنجة تجد زوجة رئيس الوزراء بتشتغل فى حضانه مدرسة

فى بلاد الرنجة تجد زوجة رسيئ الوزراء

فاتحة حضانه خاصة فى قصرها لان المحروس مش بيروح حضانات ويختلط مع ولاد العامه من الباشوات او الوزراء العاديين


قولى بقى حقد كمان هنا

يا اخى انا بقصد كيف التفريق فى المعامله بين دة ودة

لمجرد ان دة معاه فلوس
ودة مامعهوش

المعامله من الشعب

المجتمع بينظر لدة نظرة غير الى بينظرها لدة

دة بيتعامل بشكل غير الى دة بيتعامله


انا لم اذكر ان دة احسن او اوحش انت الى قلت

وكلامك عن ان كل الاغنياء فشلة ميه فى المية غلط

وكلامك عن ان كل الفقراء فشلة ميه فى المية غلط

وليست قاعدة

انا ما بحبش اصنفهم اولا واقول فقراء واغنياء

دة عاش ظروف وتاثر بها او اثرت فية وكذلك دة


ولكن ؟غرضى كيف نصبح فى يوم لا ياثر الموضوع دة فى المجتمع

وكيف يكون الفاصل الوحيد

او الفارق الوحيد بين دة ودة

العمل

الاخ الكريم افهم ماتعنيه تماما

وما قصدته كان على سبيل الدعابة لا اكثر

تقبل مرورى

اكيد انت فكرت انى عامل موضوع الكاميرا المخفية


اقولك حاجة بالمناسبة السعيدة دى

اعتبر الفقير

فاشل الا ان يثبت انه ناجح فى حياته


واعتبر الغنى ناجح الى ان يثبت انه فاشل فى حياته

وكثيرين فقراء واغناهم الله بفضل اعمالهم

وكثير اغنياء وافقرهم الله نتيجة اعمالهم ايضا


دة اسمه ناجح

والتانى اسمه فاشل