بســم الله الـرحمــن الرحيــم
السلام عليكــم ورحمـة الله وبركاتـه
اهلا اهلا بكل اللي نورنا وهيدخل علشان يتابع اليوميات
طبعا وقبل مااكتب وادخل في الموضوع احب اقولكم اني يمكن مش هشوف الردود علي الموضوع ده الا لما ارجع الاجازة اللي جاية ان شاء الله
ندخل بأه في الموضوع وكل الناس تجهز نفسها علشان تيجوا معايا علي الطائرة الخاصة اللي جبتها ليكم علشان ترافقوني في الرحلة دي
انا هتكلم بالعامية المصرية علشان الكلام يكون سهل وبسيط
-------------------------------------------------------------------------------------
اليوم الاول ....
طبعا فضلت صاحي طول الليل ومش جايلي نوم ؛ اديني رايح بكرة اهو علي الجيش ومش عارف ايه اللي مستنيني
طبعا وائل اتصل بيا وقالي ان السندباد البحري منزل موضوع في المنتدي ومخالي شل وشغلتك علي المدفع ايه ياعسكري رجب والكلام دا كله
وبيني وبينكم الواحد جاله مغص ؛؛؛؛ بسس رجعت وقولت لنفسي الجيش للرجالة ؛؛؛ روح ياواد يامحمد انت مش اقل منها
طلعت من البيت حوالي الساعة 2 بعد نص الليل ؛؛؛ قابلني وائل وهنجور وفضلوا معايا شوية لحد ما جات العربية اللي هركبها واسافر
وطبعا لحظات الوداع وكلمات التوصية والدعوات الخالصة لله بأن يخفف عني كانت تنهال منهما في نفس الوقت
ركبت العربية وسمعنا صوت الموتور بيشتغل واطلع يااسطي ؛؛؛؛ وهنجور ووائل واقفين كل واحد بيلوح بايده وانا بودعهم وبودع القرية كمان علي امل رجوع قريب
ولقاء حميم ؛؛؛؛.........................
كنت متفق مع 4 اصحابي من نفس المركز اللي القرية بتاعتنا تتبعه اننا هنسافر مع بعض الساعة 4 الفجر وهنستني بعض كلنا في موقف القاهرة علشان نركب مع بعض ونسافر
المهم اتجمعنا كلنا وركبنا ووصلنا القاهرة ؛؛ وروحنا علي منطقة تجنيد الجيزة علشان هنتوزع من هناك
طبعا كنت قلقان شوية مخبيش عليكم لاني كنت رايح وعارف ان مركز تدريبي هيكون في دهشور
ودهشور يعني لا مية ولا نور والاكل في الطابور وايام ما يعلم بيها الا ربنا سبحانه وتعالي
واحنا هناك في منطقة تجنيد الجيزة قابلت اتنين كمان من البحيرة اللي هيا المحافظة بتاعتنا
لما قابلتهم اقتنعت مليون في المية ان لازم كل فترة تجنيد يكون في الدفعة اللي داخلة واحد زي المرحوم اسماعيل يس في افلامه
صدقوني والله الاتنين دول حاجة كده طبق الاصل منه
عمر وعبد الله ؛؛؛؛ الاتنين مشكلة جامدة جدا وحاجة كده بالفطرة وكل تصرفاتهم تلقائية
مع ان عمر خريج كلية الاداب قسم التاريخ ؛ وعبد الله خريج معهد الخدمة الاجتماعية والاتنين هيجي دورهم بعد كده لما احكيلكم عن اللي كانوا بيعملوه
اتعرفنا كلنا علي بعض ووصل عددنا هناك ل11 واحد من البحيرة ؛؛؛؛ والمفاجئة اني اكتشفت اني اكبر واحد فيهم في السن وكلهم اصغر مني
ومن اول يوم والرجالة عملتني مسئول عنهم في كل حاجة خاصة بينا في الجيش
طبعا بما ان انا بطبيعتي شخص احب اتحمل المسئولية ؛ الا ان انا كمان مصاب بداء القيادية ( بحب اكون قيادي في اي مكان اتواجد فيه)
قعدنا حوالي 3 ساعات مستنيين توزيعنا علي مركز تدريبنا اللي كلنا كنا فاكرين انه في دهشور
وبعدين فوجئنا ان مركز تدريبنا اتحول من دهشور الي مركز تدريب المشاة بالمعادي
فرحنا جدا اننا رايحين مكان تاني غير دهشور ومايفرقش بأه المكان التاني ده في المعادي او غيرها المهم انه بعيد عن دهشور
جه الاوتوبيس وركبنا كلنا واترحلنا علي مركز تدريب المشاة المشترك رقم 2 بالمعادي
وصلنا هناك حوالي الساعة 9 بالليل ودا كله كنت لسه مانمتش من ساعة ماسافرت وودعت وائل وهنجور
قعدنا نستني التفتيش الامني ؛؛؛ اتفتشنا كلنا وقعدنا مستنيين اي حد يجي يقولنا علي التعليمات والحاجات المطلوبة مننا علشان نعملها ونروح ننام
واحنا قاعدين راح عمر قالي ياشاذلي تعالي اقعد جنبي ؛؛؛؛ نطقها بصوت عالي شوية فسمعه كل اللي كانوا قاعدين معانا حوالي 300 عسكري مستجد
طبعا كل الناس كانت قاعدة زهقانة وتعبانة ومصدقوا سمعوا كلمة الشاذلي وكل الناس لقيتها بتقول ياشاذلي ياشاذلي وكأن اسم الشاذلي ده جه من كوكب تاني
سمعهم الصول المئول عن توزيعنا وهما بيندهوا علي الشاذلي
قال فين الشاذلي ده ؛؛؛؛ روحت واقف وقولتله انا ياافندم
قالي ايه ياعم شاذلي هو انت مشهور للدرجة دي ؛؛؛؛ قولتله ابدا يافندم والله بس كل الناس سمعوا الاسم وكأنه اسم غريب وكله بيردده
قالي طيب طالما هما معجبين باسمك اوي كده ؛؛؛ انتوا كلكم رايحين سرية واحدة وانا هخليك حاكمدار عليهم
انا سمعت كلمة حاكمدار من هنا وقلبي وقع في رجلي وقولت استرها يارب من اولها كده القيادية مستنيياني
والله انا بحكيلكم بكل صدق
وفجأة واحنا قاعدين لقينا هرج في وسطينا وعساكر بتجري ويبعدوا عن بعض ودا كله انا قاعد مش مستوعب ايه اللي بيحصل
خير يارجالة فيه ايه ؛؛؛؛ لقيت كله في نفس واحد بيقول تعبــــــــــــــــــــــــــــــــــــــــــــــــــــــــــــــــــــــان ( ثعبان ) قولت يادي اليوم اللي مش فايت
لقيت اتنين من عساكر امن المعسكر جايين ومسكوا التعبان دوخوه وماقتلوهوش وتعالي ياعسكري انت وهو اسلخوا التعبان ده
قولت والله لو هيدوني فلوس مااعملها دي التعابين دي اكتر حاجة بترعبني في الدنيا وجري علي وراااااا ياحج
ومحدش قدر من ال 300 عسكري يروح علي التعبان
جه نفس الاتنين ومسكوا التعبان قصاد بعض وهوبااااااااااااااااااااااااا شد حيلك ياجدع راحوا سالخين التعبان
وقالولنا ياما هتقابلوا منه لازم تعرفوا ازاى تتعاملوا معاه
قولت يادي اليوم اللي مش باينله ملامح ؛؛؛؛ شوية وجه الصول وادانا التعليمات كلها
ويلا يارجالة علشان تناموا
كلنا فرحنا وكأننا ماشيين في صحرا ولقينا بير مياه
جرينا كلنا واخدنا السرير بالاحضان
نمنا حوالي الساعة واحدة ونص بعد منتصف الليل وسمعنا صوت صفارة جامدة اوي الساعة 4 ونص الفجر
ايه ياجماعة الرخامة دي لقينا شاويش داخل علينا اصحي ياعسكري منك له نوبة صحيان الساعة 4 ونص
قولنا هيا ايام مش فايتة ومش هتعدي علي خير هو احنا لقنا ننام ياجدعان
يلا ياعسكري انت وهو اصحي واسمع الكلام
حاضر يافندم قايمين اهو
وجرينا علي الحمامات نغسل وشنا علشان نشوف هيحصل ايه معانا
لقيناهم بيقولوا يلا علشان هتستلموا المهمات ؛؛؛؛ ايه المهمات دي ياحالصول
دي المخلة والافرولات ياعسكري انت وهو
روحنا علشان نستلم المخلة واللبس الميري ونبدأ الحياة العسكرية
ومع اولي اللحظات ظهر اول اسماعيل يس في السرية بتاعتنا
عمر صفوت ابن البحيرة صاحبي اللي قولتلكم عليه فوووق
كان قاعد ضابط برتبة مقدم بيشرف علي توزيع المهمات راح عمر اول ما شاف المخلة قاله يافندم لو سمحت
قاله خير ياعسكري فيه ايه ؟
قاله يافندم هيا المخلة دي تنفع نعبي فيها تبن ؟؟؟؟؟
والتبن طبعا للي مايعرفوش هو اكل المواشي ( البهائم لا مؤاخذة ) دا بيبقي فول او قش ارز او غله وبعد عملية الدراس بيطلعلنا التبن ده
طبعا عمر قال الكلمة دي وكله وقع علي الارض من الضحك
عمر قالها بتلقائة شديدة ومكنش يقصد حاجة وطبعا المقدم شاركنا نوبة الضحك دي ووقتها قولت ان شاء الله هتكون ايام زي العسل وهتعدي علي خير
استلمنا المخلة والافرولات والبيادات وكل حاجة ومشينا علي العنبر بتاعنا وقعد كل واحد يشوف ايه اللي علي مقاسه وايه اللي كبير وايه صغير ونبدل مع بعض
وكل واحد معاه اللي يناسبه من اللبس
صفارة تانية واجمع ياعسكري علي العيادة علشان حقنة الشمس
الله ...................... ايه حكاية الحقنة دي كمان ويعني ايه حقنة شمس بأه
دي يابني انت وهو اللي هتحميكم من اشعة الشمس الحارقة طول النهار
طيب يافندم علي بركة الله يلا بينا ناخد الحقنة
روحنا لقيناهم حقنتين مش واحدة
طبعا دخلت وسألت الدكتور
يادكتور الحقنة دي فيها حاجة مضرة للي عنده حساسية من المعادن والمشغولات الجلدية زي الخواتم واحزمة الوسط والدبل وكده
قالي لا ياعسكري مافيهاش حاجة
قولتله طيب علي البركة
اخدت الحقنة من هنا وعيونكم ما تشوف الا النور لقيت دراعي في لحظات تورم وكأن عضلة كبيرة طلعتلي فيه وظهرت بقع حمراء مكان الحقنتين
وقولت خلاص انا هموت النهاردة واصبح مجرد ان اي حد يلمس دراعي ممكن اعمله محاكمة عسكرية اطير فيها رقبته من شدة الالم اللي كان في دراعي
جيت بالليل علشان انام مش قادر ؛؛؛؛ كل ما دراعي يلمس السرير احس بألم رهيب
روحت جايب جزمة التدريب الرياضي ( الكوتشي ) وفكيت الرباط بتاعها وربطه في اسفل سرير زميلي اللي فوق
طبعا السراير نظام دورين وانا سريري تحت مش فوق
ربط الرباط في السرير وعلقت فيه دراعي لحد الصبح وكان صابح يوم جمعة
يوم الجمعة ده معاد الزيارة ؛؛؛؛ والمفروض اننا هنقعد في الشمس من الساعة 7 لحد الساعة 12 ظهرا
فضلنا قاعدين باللبس الميرى في الشمس والحرارة بجد كانت عالية والشمس كانت حارقة فعلا
ومع وصول عقرب الساعة ليشير للعاشرة صباحا
حسيت اني مش عارف اسيطر علي نفسي
ياخبر ايه اللي بيحصل ده بقيت فعلا مش شايف وبقيت دايخ وعنيا مش قادر افتحها ودماغي بتلف وفجأة
هوبااااااااااااااااااااااااااااااااااااااااااااااااااااااااااا
صاحبكم وجال اغمي عليه
شيله ياعسكري انت وهو واطلع بيه علي الدكتور
واللي يقول دا مات واللي يقول الله يرحمه واللي يدعيلي بالرحمة
واللي يقول ذنبه ايه الغلبان ده وعمل ايه علشان تبقي اخرته في الجيش
وكلام كتير من ده
وفوقت لقيت نفسي في العيادة نايم علي السرير وجنبي علبة شويبس كانز مشبرة
ايه اللي حصل ياابراهيم ؛؛؛؛ قالي انت اغمي عليك ياشاذلي
بصيت حواليا لقيت ان فيه اكتر من تلاتين عسكري في نفس الحالة بتاعتي
كلهم اغمي عليهم بسبب حقنة الشمس
جه الدكتور قالي انت خايف كده ليه
كل العساكر لازم يغمي عليها بعد ماتاخد الحقنة دي او تاني يوم لما تتعرض لاشعة الشمس لان الحقنة دي مصل واقي من اشعة الشمس
قولتله يعني مفيش اي حاجة تانية قالي لا يابني اطمن
قولتله شكرا يافندم انا بقيت كويس واقدر اخرج ؛؛؛ قالي وانت فاكر انك هتفضل هنا
اجري ياعسكري علي السرية بتاعتك
نزلني ياابراهيم ونزلت وروحت علي العنبر وكملت الطابور نايم لاني كنت لسه دايخ شوية
وتوالي حضور زمايلي الدايخين لنفس السبب
وطلعنا تاني يوم علشان عندنا لقاء مع السيد العميد اركان حرب قائد مركز التدريب
ونقف معاكم عند الوقفة دي واكملكم ان شاء الله لما ارجع بعد 8 ايام معاد الاجازة الرسمية بتاعتي
لاني كنت نازل امبارح اجازة لمدة 24 ساعة بس منحة من السيد العميد علشان انا في فريق الرماية الخاص بالمركز
من ضمن افضل اربعين عسكري بيضربوا نار بالسلاح الآلي
يلا اشوفكم علي خير وهرجعلكم بنوادر عمر وعبد الله الاجازة اللي جاية
سلام عليكم
السلام عليكــم ورحمـة الله وبركاتـه
اهلا اهلا بكل اللي نورنا وهيدخل علشان يتابع اليوميات
طبعا وقبل مااكتب وادخل في الموضوع احب اقولكم اني يمكن مش هشوف الردود علي الموضوع ده الا لما ارجع الاجازة اللي جاية ان شاء الله
ندخل بأه في الموضوع وكل الناس تجهز نفسها علشان تيجوا معايا علي الطائرة الخاصة اللي جبتها ليكم علشان ترافقوني في الرحلة دي
انا هتكلم بالعامية المصرية علشان الكلام يكون سهل وبسيط
-------------------------------------------------------------------------------------
اليوم الاول ....
طبعا فضلت صاحي طول الليل ومش جايلي نوم ؛ اديني رايح بكرة اهو علي الجيش ومش عارف ايه اللي مستنيني
طبعا وائل اتصل بيا وقالي ان السندباد البحري منزل موضوع في المنتدي ومخالي شل وشغلتك علي المدفع ايه ياعسكري رجب والكلام دا كله
وبيني وبينكم الواحد جاله مغص ؛؛؛؛ بسس رجعت وقولت لنفسي الجيش للرجالة ؛؛؛ روح ياواد يامحمد انت مش اقل منها
طلعت من البيت حوالي الساعة 2 بعد نص الليل ؛؛؛ قابلني وائل وهنجور وفضلوا معايا شوية لحد ما جات العربية اللي هركبها واسافر
وطبعا لحظات الوداع وكلمات التوصية والدعوات الخالصة لله بأن يخفف عني كانت تنهال منهما في نفس الوقت
ركبت العربية وسمعنا صوت الموتور بيشتغل واطلع يااسطي ؛؛؛؛ وهنجور ووائل واقفين كل واحد بيلوح بايده وانا بودعهم وبودع القرية كمان علي امل رجوع قريب
ولقاء حميم ؛؛؛؛.........................
كنت متفق مع 4 اصحابي من نفس المركز اللي القرية بتاعتنا تتبعه اننا هنسافر مع بعض الساعة 4 الفجر وهنستني بعض كلنا في موقف القاهرة علشان نركب مع بعض ونسافر
المهم اتجمعنا كلنا وركبنا ووصلنا القاهرة ؛؛ وروحنا علي منطقة تجنيد الجيزة علشان هنتوزع من هناك
طبعا كنت قلقان شوية مخبيش عليكم لاني كنت رايح وعارف ان مركز تدريبي هيكون في دهشور
ودهشور يعني لا مية ولا نور والاكل في الطابور وايام ما يعلم بيها الا ربنا سبحانه وتعالي
واحنا هناك في منطقة تجنيد الجيزة قابلت اتنين كمان من البحيرة اللي هيا المحافظة بتاعتنا
لما قابلتهم اقتنعت مليون في المية ان لازم كل فترة تجنيد يكون في الدفعة اللي داخلة واحد زي المرحوم اسماعيل يس في افلامه
صدقوني والله الاتنين دول حاجة كده طبق الاصل منه
عمر وعبد الله ؛؛؛؛ الاتنين مشكلة جامدة جدا وحاجة كده بالفطرة وكل تصرفاتهم تلقائية
مع ان عمر خريج كلية الاداب قسم التاريخ ؛ وعبد الله خريج معهد الخدمة الاجتماعية والاتنين هيجي دورهم بعد كده لما احكيلكم عن اللي كانوا بيعملوه
اتعرفنا كلنا علي بعض ووصل عددنا هناك ل11 واحد من البحيرة ؛؛؛؛ والمفاجئة اني اكتشفت اني اكبر واحد فيهم في السن وكلهم اصغر مني
ومن اول يوم والرجالة عملتني مسئول عنهم في كل حاجة خاصة بينا في الجيش
طبعا بما ان انا بطبيعتي شخص احب اتحمل المسئولية ؛ الا ان انا كمان مصاب بداء القيادية ( بحب اكون قيادي في اي مكان اتواجد فيه)
قعدنا حوالي 3 ساعات مستنيين توزيعنا علي مركز تدريبنا اللي كلنا كنا فاكرين انه في دهشور
وبعدين فوجئنا ان مركز تدريبنا اتحول من دهشور الي مركز تدريب المشاة بالمعادي
فرحنا جدا اننا رايحين مكان تاني غير دهشور ومايفرقش بأه المكان التاني ده في المعادي او غيرها المهم انه بعيد عن دهشور
جه الاوتوبيس وركبنا كلنا واترحلنا علي مركز تدريب المشاة المشترك رقم 2 بالمعادي
وصلنا هناك حوالي الساعة 9 بالليل ودا كله كنت لسه مانمتش من ساعة ماسافرت وودعت وائل وهنجور
قعدنا نستني التفتيش الامني ؛؛؛ اتفتشنا كلنا وقعدنا مستنيين اي حد يجي يقولنا علي التعليمات والحاجات المطلوبة مننا علشان نعملها ونروح ننام
واحنا قاعدين راح عمر قالي ياشاذلي تعالي اقعد جنبي ؛؛؛؛ نطقها بصوت عالي شوية فسمعه كل اللي كانوا قاعدين معانا حوالي 300 عسكري مستجد
طبعا كل الناس كانت قاعدة زهقانة وتعبانة ومصدقوا سمعوا كلمة الشاذلي وكل الناس لقيتها بتقول ياشاذلي ياشاذلي وكأن اسم الشاذلي ده جه من كوكب تاني
سمعهم الصول المئول عن توزيعنا وهما بيندهوا علي الشاذلي
قال فين الشاذلي ده ؛؛؛؛ روحت واقف وقولتله انا ياافندم
قالي ايه ياعم شاذلي هو انت مشهور للدرجة دي ؛؛؛؛ قولتله ابدا يافندم والله بس كل الناس سمعوا الاسم وكأنه اسم غريب وكله بيردده
قالي طيب طالما هما معجبين باسمك اوي كده ؛؛؛ انتوا كلكم رايحين سرية واحدة وانا هخليك حاكمدار عليهم
انا سمعت كلمة حاكمدار من هنا وقلبي وقع في رجلي وقولت استرها يارب من اولها كده القيادية مستنيياني
والله انا بحكيلكم بكل صدق
وفجأة واحنا قاعدين لقينا هرج في وسطينا وعساكر بتجري ويبعدوا عن بعض ودا كله انا قاعد مش مستوعب ايه اللي بيحصل
خير يارجالة فيه ايه ؛؛؛؛ لقيت كله في نفس واحد بيقول تعبــــــــــــــــــــــــــــــــــــــــــــــــــــــــــــــــــــــان ( ثعبان ) قولت يادي اليوم اللي مش فايت
لقيت اتنين من عساكر امن المعسكر جايين ومسكوا التعبان دوخوه وماقتلوهوش وتعالي ياعسكري انت وهو اسلخوا التعبان ده
قولت والله لو هيدوني فلوس مااعملها دي التعابين دي اكتر حاجة بترعبني في الدنيا وجري علي وراااااا ياحج
ومحدش قدر من ال 300 عسكري يروح علي التعبان
جه نفس الاتنين ومسكوا التعبان قصاد بعض وهوبااااااااااااااااااااااااا شد حيلك ياجدع راحوا سالخين التعبان
وقالولنا ياما هتقابلوا منه لازم تعرفوا ازاى تتعاملوا معاه
قولت يادي اليوم اللي مش باينله ملامح ؛؛؛؛ شوية وجه الصول وادانا التعليمات كلها
ويلا يارجالة علشان تناموا
كلنا فرحنا وكأننا ماشيين في صحرا ولقينا بير مياه
جرينا كلنا واخدنا السرير بالاحضان
نمنا حوالي الساعة واحدة ونص بعد منتصف الليل وسمعنا صوت صفارة جامدة اوي الساعة 4 ونص الفجر
ايه ياجماعة الرخامة دي لقينا شاويش داخل علينا اصحي ياعسكري منك له نوبة صحيان الساعة 4 ونص
قولنا هيا ايام مش فايتة ومش هتعدي علي خير هو احنا لقنا ننام ياجدعان
يلا ياعسكري انت وهو اصحي واسمع الكلام
حاضر يافندم قايمين اهو
وجرينا علي الحمامات نغسل وشنا علشان نشوف هيحصل ايه معانا
لقيناهم بيقولوا يلا علشان هتستلموا المهمات ؛؛؛؛ ايه المهمات دي ياحالصول
دي المخلة والافرولات ياعسكري انت وهو
روحنا علشان نستلم المخلة واللبس الميري ونبدأ الحياة العسكرية
ومع اولي اللحظات ظهر اول اسماعيل يس في السرية بتاعتنا
عمر صفوت ابن البحيرة صاحبي اللي قولتلكم عليه فوووق
كان قاعد ضابط برتبة مقدم بيشرف علي توزيع المهمات راح عمر اول ما شاف المخلة قاله يافندم لو سمحت
قاله خير ياعسكري فيه ايه ؟
قاله يافندم هيا المخلة دي تنفع نعبي فيها تبن ؟؟؟؟؟
والتبن طبعا للي مايعرفوش هو اكل المواشي ( البهائم لا مؤاخذة ) دا بيبقي فول او قش ارز او غله وبعد عملية الدراس بيطلعلنا التبن ده
طبعا عمر قال الكلمة دي وكله وقع علي الارض من الضحك
عمر قالها بتلقائة شديدة ومكنش يقصد حاجة وطبعا المقدم شاركنا نوبة الضحك دي ووقتها قولت ان شاء الله هتكون ايام زي العسل وهتعدي علي خير
استلمنا المخلة والافرولات والبيادات وكل حاجة ومشينا علي العنبر بتاعنا وقعد كل واحد يشوف ايه اللي علي مقاسه وايه اللي كبير وايه صغير ونبدل مع بعض
وكل واحد معاه اللي يناسبه من اللبس
صفارة تانية واجمع ياعسكري علي العيادة علشان حقنة الشمس
الله ...................... ايه حكاية الحقنة دي كمان ويعني ايه حقنة شمس بأه
دي يابني انت وهو اللي هتحميكم من اشعة الشمس الحارقة طول النهار
طيب يافندم علي بركة الله يلا بينا ناخد الحقنة
روحنا لقيناهم حقنتين مش واحدة
طبعا دخلت وسألت الدكتور
يادكتور الحقنة دي فيها حاجة مضرة للي عنده حساسية من المعادن والمشغولات الجلدية زي الخواتم واحزمة الوسط والدبل وكده
قالي لا ياعسكري مافيهاش حاجة
قولتله طيب علي البركة
اخدت الحقنة من هنا وعيونكم ما تشوف الا النور لقيت دراعي في لحظات تورم وكأن عضلة كبيرة طلعتلي فيه وظهرت بقع حمراء مكان الحقنتين
وقولت خلاص انا هموت النهاردة واصبح مجرد ان اي حد يلمس دراعي ممكن اعمله محاكمة عسكرية اطير فيها رقبته من شدة الالم اللي كان في دراعي
جيت بالليل علشان انام مش قادر ؛؛؛؛ كل ما دراعي يلمس السرير احس بألم رهيب
روحت جايب جزمة التدريب الرياضي ( الكوتشي ) وفكيت الرباط بتاعها وربطه في اسفل سرير زميلي اللي فوق
طبعا السراير نظام دورين وانا سريري تحت مش فوق
ربط الرباط في السرير وعلقت فيه دراعي لحد الصبح وكان صابح يوم جمعة
يوم الجمعة ده معاد الزيارة ؛؛؛؛ والمفروض اننا هنقعد في الشمس من الساعة 7 لحد الساعة 12 ظهرا
فضلنا قاعدين باللبس الميرى في الشمس والحرارة بجد كانت عالية والشمس كانت حارقة فعلا
ومع وصول عقرب الساعة ليشير للعاشرة صباحا
حسيت اني مش عارف اسيطر علي نفسي
ياخبر ايه اللي بيحصل ده بقيت فعلا مش شايف وبقيت دايخ وعنيا مش قادر افتحها ودماغي بتلف وفجأة
هوبااااااااااااااااااااااااااااااااااااااااااااااااااااااااااا
صاحبكم وجال اغمي عليه
شيله ياعسكري انت وهو واطلع بيه علي الدكتور
واللي يقول دا مات واللي يقول الله يرحمه واللي يدعيلي بالرحمة
واللي يقول ذنبه ايه الغلبان ده وعمل ايه علشان تبقي اخرته في الجيش
وكلام كتير من ده
وفوقت لقيت نفسي في العيادة نايم علي السرير وجنبي علبة شويبس كانز مشبرة
ايه اللي حصل ياابراهيم ؛؛؛؛ قالي انت اغمي عليك ياشاذلي
بصيت حواليا لقيت ان فيه اكتر من تلاتين عسكري في نفس الحالة بتاعتي
كلهم اغمي عليهم بسبب حقنة الشمس
جه الدكتور قالي انت خايف كده ليه
كل العساكر لازم يغمي عليها بعد ماتاخد الحقنة دي او تاني يوم لما تتعرض لاشعة الشمس لان الحقنة دي مصل واقي من اشعة الشمس
قولتله يعني مفيش اي حاجة تانية قالي لا يابني اطمن
قولتله شكرا يافندم انا بقيت كويس واقدر اخرج ؛؛؛ قالي وانت فاكر انك هتفضل هنا
اجري ياعسكري علي السرية بتاعتك
نزلني ياابراهيم ونزلت وروحت علي العنبر وكملت الطابور نايم لاني كنت لسه دايخ شوية
وتوالي حضور زمايلي الدايخين لنفس السبب
وطلعنا تاني يوم علشان عندنا لقاء مع السيد العميد اركان حرب قائد مركز التدريب
ونقف معاكم عند الوقفة دي واكملكم ان شاء الله لما ارجع بعد 8 ايام معاد الاجازة الرسمية بتاعتي
لاني كنت نازل امبارح اجازة لمدة 24 ساعة بس منحة من السيد العميد علشان انا في فريق الرماية الخاص بالمركز
من ضمن افضل اربعين عسكري بيضربوا نار بالسلاح الآلي
يلا اشوفكم علي خير وهرجعلكم بنوادر عمر وعبد الله الاجازة اللي جاية
سلام عليكم
؛؛؛؛ شوية وجه الصول وادانا التعليمات كلها 
يا ريت تيجي ع الشمس بس. 
.ربنا معاك يابني
انا مش بخوفك و لا حاجة بالعكس الجيش للرجالة مش كده برضه 