أحمد خفاجي
Aug 22 2008, 05:40 PM
إضرابيات رقم واحد
****************
سألت مواطن ماشي ف حالو
جنب الحيطه كالمعتاد
ليه عايزين يعملو إضراب؟؟
أال يا وليدي العيشه سواد
مين يقدر في بلدنا يعيش
إلا حرامي أو قواد
نازلين بيع في بلدنا يوماتي
ماعادشي فيه في بلدنا بلاد
أولتلو مين بيبيع فيها ؟؟
أال سيبني ف حالي أنا عندي ولاد
السكوت أحيانا يا ابني
يكتبو رب العرش جهاد
أولتلو عارف
عارف عارف
بياع بلدنا اسمو عواد
أال لي مبارك
أصبح عندك مخ يا واد
أحمد خفاجي
شاعر المستضعفين
القصيده بصوتي علي يوتيوب علي هذا الرابط
http://www.youtube.com/watch?v=kuNKIUXk_I4
العـزيـز بالله
Aug 22 2008, 08:25 PM
ربنا يبارك فيك ويحميك
بسمة امل
Aug 31 2008, 10:21 AM
السلام عليكــم ورحمـة الله وبركاتــة ،،
بارك الله فيك أستاذ أحمد خفاجى زادك الله من فضله
السندباد البحرى
Aug 31 2008, 10:36 AM
اشكرك اخى احمد على كلامتك واسمحلى ان اضيف معك
لما سألت العمدة حدانا
ايه حكايه الواد عواد
قالى دا عيل بايع ارضه
بايع عرضه .. سواد فى سواد
قولت ياعمدة ما كله اتباع
وكله اتخصص جوه بلاد
مش عارفه مين يبقى صاحبها
ولا عارفه مستقبل اولادها
ايه الفرق ما دا المعتاد
قالى استنى يابنى شوية
وفكر حبة واحسب حسبة
موضوع سهل ومش محتاج
الى باع ارضه عواد
واللى يبيع اللى مش ملكه
ازى اقول عليه عواااااااااااااااد
أحمد خفاجي
Sep 1 2008, 04:25 AM
الله عليك يا سندباد
ليس فقط كلمات رائعه ولكنها تحمل فكرة وتوضح موقف
تحياتي أخي العزيز
yasmeen rose
Sep 2 2008, 01:20 PM
بارك الله فيك أخي
ننتظر المزيد
هذه "نسخة - خفيفة" من محتويات الرئيسية للإستعراض الكامل مع المزيد من الصور والخيارات الرجاء
إضغط هنا.