السلام عليكم ورحمة الله وبركاته

ازيكووو ... أولا كل سنة وانتو طيبين ... وعارفة انه الكل حيطنشني عشان منزلة الموضوع دا ليلة العيد وكل واحدة قاعده بتعمل الكعك والعيال يجيبو لبس العيد والرجالة بتعد الفلوس وبتشوف الميزانية عشان العديات يعني من الاخر محدش حيسأل فيا

بس بردووو حرخم .. ورايا مين غيركو يعني ؟؟ ..


ندخل في الموضوع ... وهو بشكل أو بآخر جزء كبير من يومياتي


فبحكم محل اقامتي يعتبر الانترنت "في بداية الأمر " أداة فعالة للتواصل ..

لكن مع مرور الوقت .. والفضول لاستكشاف كل جديد ، أصبح وسيلة فعالة جدا للعزلة عن محيطي.. والابتعاد عن العالم الروتيني إلى عالم من صنع يدي وبمبادئي وأفكاري..

وبين (( العالم الواقعي )) و (( العالم الخيالي )) ،، ضعت بين مسؤوليات وواجبات يومية وعلاقات اجتماعية ونشاطات وهوايات عضلية أو حتى فكرية ، وبين مجرد الجلوس أمام كتلة من الحديد وشاشة مضيئة ..


الشيء اللي متأكده منه .. ان الخطأ من عندي .. وهوا الافراط في استخدام الانترنت وعدم تنظيم في أولوياتي ..

فلا أنكر ان عالم الانترنت أفادني جدا جدا



لكن الموضوع مش لحل المشكلة دى .. ولا لابحث كيفية اعادة نفسي وترتيب ما قد تبعثر


ما أود الحديث عنه هو السبب الذي جعل من عالم الانترنت عالم أفضل بكثير من الحياة المادية .. واستطاعته ان يحل محلها لدى كثير من الاشخاص

وتحوله من هواية أو وسيلة للاستفادة ... إلى اييييييه ؟؟ الى انه اصحى من النوم اشغل الجهاز وافتح النت .. ولما اجي انام اطفيه عشان آل ايه الجهاز يستريح شوية !!
وبأمانه ساعات بسيبه شغال بردو وانا نايمة .. يعني حاجة زي الادمان تمام


هوا دا الحل ..

والاسباب كثيرة ..

ممكن يكون لوجود وقت فراغ كبير غير مستغل بشكل مفيد .. " وهنا حرغي شوية بس في الاخر "

وايضا لانه عالم الانترنت هوا عالم فيه جزء كبير بيكون من صنع الشخص نفسه ،، من افكاره واحلامه .. بيلاقي فيه نفسه وكل ما تمنى أن يحصل عليه

فيه يمكن أن يتقمس أكثر من شخصية .. ويختار اي لقب لنفسه .. يقابل عديد من الشخصيات ويقرب له كل بعيد من كل انحاء العالم ومن كل المستويات والثقافات


والنقطة الأهم .. أنه يجد درب سلس ومرن في التعامل مع عقليات تفهمه بشكل مميز .. ومن المحتمل ألا تكون متوفرة فيمن حوله من الاهل الاخوة الوالدين الاصدقاء ..



الخلاصة ..

هل العالم الافتراضي هو عزلة عن حياتنا .. أم مركز للانفتاح الثقافي والاجتماعي ..

وليه أصبح أقرب لك من حياتك الطبيعية ؟ ... والدليل انك بتقضي معظم وقتك فيه ؟ ....

ما الرابط القوي اللي ربطنا بعالم آخر " أو عوالم أخرى " ؟؟


وهل يا ترى هذا الرابط يستحق أن تعزل نفسك بيه وتخسر جزء كبير من حياتك وسط أهلك ومجتمعك ؟



يالا .. كل سنة وانتو طيبة .. ومش عاوزة عدية بس ردو

النت عالم موازي كالتطريز للبعض وكقرائة رواية للبعض الاخر ...المشكلة ان ثاتيره اقوى من اي هواية وقد ينخدع المرء ويعتبره عالم حقيقي..فيسقط عليه الحياة الواقعية بكل حيثياتها خصوصا الحيثيات الوجدانية الحقيقية ..هنا المعضلة ...
المهم هو ادمان ولام ليه علاج وخير علاج له الدعاء بان ينحرق الجهاز ويتحرق معه سونترال النت هخههههههههه العلاج بالصدمة خخخخخخخخخخخ

هل العالم الافتراضي هو عزلة عن حياتنا .. أم مركز للانفتاح الثقافي والاجتماعي ..
هو عزلة عن العالم لان الوقت الذي نقضيه فيه يحرمنا من التواصل المباشر مع الاخرين
وليه أصبح أقرب لك من حياتك الطبيعية ؟ ... والدليل انك بتقضي معظم وقتك فيه ؟ ....
لانني بطبعي لست اجتماعية و كل من اعرف لا يفهمونني و انا اقضي طوال الوقت فيه على المنتديات او الماسنجر
ما الرابط القوي اللي ربطنا بعالم آخر " أو عوالم أخرى " ؟؟

هو الرغبة في التعرف على الاخرين و تجاربهم و فهمهم
وهل يا ترى هذا الرابط يستحق أن تعزل نفسك بيه وتخسر جزء كبير من حياتك وسط أهلك ومجتمعك ؟

لا طبعا يجب الموازنة لكن هذا اعالم يستحوذ عليك

يالا .. كل سنة وانتو طيبة .. ومش عاوزة عدية بس ردو happy.gif wub.gif

و انت طيبة
و حبقى اجيبلك عدية يا حبيبتي

السلام عليكم
وعيدكم مبروك و كل عام وانتم بخير


هي صحيح ليلة العيد والمفروض نام لاستطيع النهوض باكرا , انما جا على بالي اطل طلة خفيفة و امشي ,

ولكن لم اصبر على الرد

هو في رأي الانترنت حل مناسب جدا لكثير من الناس ومفيد , ولكن سلبيته تكمن في انه بسرعة يسيطر على

التفكير ويصبح هو حياة الانسان ومجتمعه

عن تجربتي الخاصة بالانترنت , فلم اكن اولي للمنتديات والشات اي اهتمام حين كانت لي حياة حيوية جدا,

فأيام الجامعة لم استعمل الانترنت الا للبحوث

و قد عرفت الشات وجربته بدافع الفضول, و لم اجد اي فيه مايدعو الاهتمام و اصابني منه ملل من اول لحظة,

واستغربت لاهتمام البعض وقضائهم وقت طويل نسبيا معه

وبعد انتهاء مرحلة الجامعة وبدايتي في العمل تغيرت الامور, كون عملي محصور في مكتب فأغلب الوقت اجلس مقابل الشاشة ,

ولإراحة تفكيري وبصري من التعامل مع ألة وحسابات.. وجدت في المنتدى طريقة للبقاء على اتصال بالبشر , وكما قلت في الاول

ان رغم فوائد النت الا ان ضرره يكمن انه يتحول بسرعة الى ادمان, فتحول مجرد محاولة التواصل مع البشر في فترة اكون فيها منعزلة نسبيا,

فقد بدأ هذا العالم باحتلال رقعة كبيرة من عالمي الواقعي وقل تواصلي مع اشخاص كنت اجالسهم واحدثهم,,,

الجانب المشرق في الامر انه ادمان سهل المعالجة, يكفي اتخاذ قرار بأعادة هيكلة وملء اوقات الفراغ بنشاطات حيوية متل الرياضة وبالتدريج

ستعودين للقيام بزيارات اجتماعية لاصدقاء او اهل, ويبقى دائما النت والمسنجر حاضر في الحياة ففيه ما يصعب ايجاده في الواقع:

إقتباس

.. أنه يجد درب سلس ومرن في التعامل مع عقليات تفهمه بشكل مميز .. ومن المحتمل ألا تكون متوفرة فيمن حوله من الاهل الاخوة الوالدين الاصدقاء ..

وليس فقط عقليات تفهمه, انما عقليات ذات فكر متطور ومتوفرة للتحدث اليها دائما ومناقشتها, فهو امر نادر جدا في الواقع خاصة بالنسبة لأمرأة!

مشكورة أخت أميرة موضوع كتير رائع وجميل


وانا ما لى تعليق أكتفى بما قله الأخوة

والسلام عليكم ورحمة الله

كل سنة وانتي طيبة يا حنين .. يتحرق ايه بس قلبك ابيض دنا اروح فيها ... في ناس شغلها من غيره لا يتم ولا يمشي


ودا اللي اقصده .. بخلاف الشغل والمشاريع والابحاث وخلافه احنا بنحول هواياتنا للانترنت .. دا حتى الجرايد بقيت بقراها على النت !!

الفكرة انه الهوايات حتى بقت ممكنة على الانترنت .. الألعاب الذهنية زي الشتارانج والكوتشينة والطاولة .. كله على النت وفي ليها دورات وبطولات
حتىىى الالعاب البدنية البلياردو والرسم بقت على النت .. اسهل واسرع وممتعة بردو

ايه اللي خلانا نوصل لكدا ؟ والادمان دا سببه ايه .. ومش شرط يكون الانسان بيمارس الهوايات دى في الواقع ، دا ممكن يكون بدأها اصلا على النت .. طب ليه بنفضّل الانترنت على الواقع؟؟ .... وهل دا معناه انه احنا شخصيات تقارب ان تكون مثالية عبر العالم الالكتروني بعكس حياتنا ؟؟


ربنا يكرمك يا حنين وعيدك سعيد يارب وخلينا نشوفك كدا على طول

بسمـ الله الرحمـن الرحيم

أهلاً أُختـي "أميـرة" مُبـارك عليكـي العيـد

سأشرح وجهة نظري بموضوعك القيِّم :..

إقتباس

فلا أنكر ان عالم الانترنت أفادني جدا جدا

جميـل ، وكان له أثرٌ واضح على كل مُبتغي للخير ، وباحث عن علمٌ وإفادة وعمـل ..

إقتباس

ممكن يكون لوجود وقت فراغ كبير غير مستغل بشكل مفيد .. " وهنا حرغي شوية بس في الاخر "

وهذه أولى نقاط عدم الإستفادة المطلوبة من الإنترنت ! .. ثانياً ضياع الهدف ، هو ضياع القلب ، لما يجرفه الإنترنت بهواه وغالباً ما يكون ضرراً على الشخص إذا لم يضع هدف جلوسه أمام عينيـه ..

إقتباس

والنقطة الأهم .. أنه يجد درب سلس ومرن في التعامل مع عقليات تفهمه بشكل مميز .. ومن المحتمل ألا تكون متوفرة فيمن حوله من الاهل الاخوة الوالدين الاصدقاء ..

مثال بسيط بين موقفيــن !!

الموقف الأول : شخص يشكوا لآخر على أرض الواقع أمام ناظريه بما يحمل من هموم !! وذلك الشخص فيي الحديث يلهو بجسده ، ويسلم على فلانٍ ، سارحاً بعقله ، ويغير جلوسه ويغدو ويروح
فإن الشخص "المهموم" الشاكي سيبنفّر ويبغض هذا الشخص لعدم مبالاته الشرسة !..

الموقف الثاني : نفس الشخص يشكوا على صفحة المحادثة ما أصابه من حادثة ومصيبة !! ولكن ذلك الشخص بينما يعظِّه ويحدثه ويخفف عنه ، هو مشغولٌ بحوائجه ، سارحاً بمخيلته ، يفكر بما سيأكل
وقد يأخذ غفوة


لكن التناقض بينهم أن هذا العالم يوهم البعض أننا أناس مثاليون من الدرجة الأولى ، فيعيش الإنسان وحيداً سجين غرفته ، عبداً لجهازه ، لأنه وجد من يتفهمه على غير ما يعيش ومن يحيطه من حوله لا يفقهون له قولا..!!



الخاتمــة :

بنظري أن يعيش الإنسان عالمه ، ودنياه ويواجهها بكل قوته ، قبل أن يغرق بعالم "خيالي" سيثبت له الزمان أنه كان يتعلم السباحة بالقراءة .......!!

وكان موهومٌ بالحنان والإهتمام بينمـا لو إنقطعت الكهرباء عن الجهاز وعاد لدنياه ، لن يستطيع مواجهتها ، وسيفوته المركب .. لأنه أسير كلام معسول وأوهام خيالية ليست إلا كلمات تكتب على عجلٍ
بل وقد تكتب برفع عتب ، ودفع هم ..

ربنا يجبر بخاطرك كفاية عليا وجودك يبقى مشاركتك وعيدية كمان

صراحتك منطقية جدا .. وفعلا هيا دى أسباب في تحولنا عن عالمنا .. لاننا غالبا بنجد صعوبات في التعامل المباشر ..
وفي المقابل التعامل من وراء الشاشة أسهل وأكثر مثالية _زي ما أخ علاء وضح في مشاركته _

مرورك أسعدني جدا .. سلمت يداك

mastarman
عاجبني اسمك يا مستر مان .. ورغم مرورك السريع إلا أن طلتك هيا الأجمل أخي وكل عام وانت بخير ان شاء الله ..

أيفاص .. رجعاالك يا مناصرة المرأة في عالم ضياع حقوق البشرية

السلاااااااااااااااام عليكم


كل سنة وانتو طيبييييييييييييين والسنة الجاية نشوفكو ............ نشوفكو فين؟

فيييييييييييييين

نشوفكو كويسين فى اى مكان بقى



المهم
اميرة
نقولك شكرا " بس "

الحقيقة مش عارف ابدأ منين
بس نبدأ بسم الله

طبعا كل الكلام اللى اتقال محدش يقدر يقول انو غلط وكمان اللى هيدخل ويقول تانى برده كلامه صح
سواء عن اسباب دخولك
او اسباب تعلقك بيه
او عن انه عالم حقيقى ولا خيالى


وهل هو فعلا مضيعة للوقت ولا بجد هو اشغال للوقت



الكلام كل بيصب فى نفس البوتقة " حلوة بوتقة دى

ما علينا

مش عاوزين نخلى كلامنا الكلام الروتينى


عاوزين بجد الموضوع ده كل واحد يدخل يحس انو هو اللى كاتبه ويشوف فعلا وضعه هو ايه وموقفه هو ايه


بس بعد اذن الجميع طبعا
نركز على نقطة نقطة لانو زى مانتو شايفييييييين الموضوع يحتوى نقاط عديدة

بعد اذنك يا اميرة ممكن نخليها خطوة خطوة
يعنى نحدد حاجة حاجة نناقشها بواقعية مش بدبلوماسية

والنقطة الاولى اللى انا عن نفسى احب اتعرف عليكو فيها هى


هو انت شخص مثالى؟
بمعنى اخر

هو انت بتلاقى نفسك بنفس العقلية " وبنفس طريقة التعامل اللى بتتعامل بيها فى النت " بتلاقى نفسك كده فى البيت؟

بمعنى تالت
علاقتك ايه باهلك؟ " بتعرف تتعامل معاهم بعقلية شبه مثالية زى هنا كده ولااااااااااا النت حاجة والبيت حاجة تانى؟

اخوك اما بيعمل حاجة بتعرف تتعامل معاه زى ما اخ هنا بيعمل حاجة ونلاقى بسم الله ما شاء الله طريقةتعامل جميلة؟
اختك
والاهم
امك؟ " بتعرفى تتعاملى معاها ؟ بتعرفى تتواصلى معاها ؟ بتعرفى توازنى؟
ابوك؟ بتفهمه وبتحاول تخليه يفهمك؟




طبعا ناس هتقول يا عم انت خرجت عن الموضوع
اميرة بتتكلم عن الانترنت وتعلقك بيه وادمانه و و و
وانت دخلت فى مسار تانى خااااااااااااالص


بس انا عند رايى انو ده احدى النقاط
وهو
مدى ارتباطك بالنت وعلاقتك بيه " ومدى ارتباطتك باهلك وعلاقتك بيه "
ومين فيهم اللى بيتغلب على التانى
وكمان تعاملك من خلال النت مستسقى من تعاملك مع اهلك فى البيت
ولا تعاملك فى البيت هو اللى مستسقى من تعاملك على النت
ولا هنا حاجة وهنا حاجة تانى ؟



انا رغيت كتير جدا شكلى
نكتفى بكده دلوقتى لغاية مانشوف القبول
ولينا عودة باذن الله

مممممممممممممممممممممممم

اظن فعلا يا اميرة ان الوحدة او الظروف المحيطة بالشخص هى اللى بتدفعه لإقتحام عالم الإنترنت
وكل واحد حسب ما دخل لأجله
كالمسافر الذى سافر بلدة فعاد ليخبر الناس انها بلد خمر و ملهيات و فجور
و مسافر اخر سافر لنفس البلدة فجاء ليخبر الناس انها بلد ورع و عبادة و صالحين
كلا منهم دخل يبحث عن شيئئ و نوى عليه فوجده و الطيور على اشكالها تقع
وكذلك مقتحمالإنترنت هناك من يدخل باحثا عن اللصحبة الصالحة التى تحثه عالعبادة و التقرب الى الله فيجدها و تملأ بذلك فراغا عنده
ويصبح الإنترنت عالمهالمفضل الذى يضحى لأجلة بحياتهالإجتماعية التى غالبا ليس بها مجالا للنقاش الهادف والحوار
و قلماتجد عقلية تفهمك اوتفيدك فعليا اوتملك وقتا لنصحك و التفاهم معك
فالكل مشغول
اما مننجدهمهنا فهم ايضا يملكون وقتا من الفراغ فينصحونا و يتناقشون معنا و يحاورونا فنسد ثغرة نعانى منها فى حياتنا العملية لنفتح فجوة اخرى فى حياتنا اسمها الإ،نعزال عن العالم المحيط
فواضح ان لكل شيئ ضريبة
لكن ارجعو اقول لو استخدمنا الانترنت بتوازن هنكسب العالمين
الواقعى و الإفتراضى والذى صنعناه بأنفسنا

فرحني انه استطعت اثارت فضولك واستبعاد نعاسك ولو للحظات .. نورتينا يا ايفاص والله

بيني وبينك حكاية انه ادمان سهل التخلص منه مش دائما مظبوطة ، بتعتمد على أسباب الادمان دا في البداية .. وغالبا كتير من الناس بما فيهم انا مش عارفين نسيطر على الارتباط دا

حتى لو حددت وقت معين أو عوضت بعض الأشياء الممكن عملها مادياً الواحد بيكون ذهنه شارد .. اي موقف بيحصل له أول فكرة بتخطر على باله انه يشاركها مع اخوته في المنتدى او خلافه

ودا لان اعالم المحيط نفسه مش مريح فكريا له ومش حيعرف يستبدله .. او مفيش دافع انه يحاول تغييره طالما في الامكان ايجاد عقليات تفهمه بسهولة عبر الانترنت ..

الموضوع معتمد على سهولة الانترنت في كل شيء

وزي ما ايمان قالت وأخ علاء ، طالما الهدف من دخوله للانترنت واضح حيكون النتيجة واضحة ، بس دلوقتي احنا بندخل لملأ فراغ ولان الواحد مش عاوز يصلح من محيطه لسهولة ايجاد بديل!!
الفايدة من النت مساوية تماما للضرر منه .. وبسلاسة ممكن الواحد يسرح ويقع في الضرر دون ان يشعر ..

اما عن المرأة ياايفاص .. بيتهألي انها دلوقتي كل الميادين مفتوحة قدامها بسهولة .. يمكن في بعض الامور او المجتمعات بصعب عليها فكرة التعارف او مجتمعها رافضه بشكل او آخر لكن حاليا في الغالب الامر دا أكثر يسر..

إقتباس

لكن التناقض بينهم أن هذا العالم يوهم البعض أننا أناس مثاليون من الدرجة الأولى ، فيعيش الإنسان وحيداً سجين غرفته ، عبداً لجهازه ، لأنه وجد من يتفهمه على غير ما يعيش ومن يحيطه من حوله لا يفقهون له قولا..!!

بنظري أن يعيش الإنسان عالمه ، ودنياه ويواجهها بكل قوته ، قبل أن يغرق بعالم "خيالي" سيثبت له الزمان أنه كان يتعلم السباحة بالقراءة .......!!

لخصت ردي .. في كلمات من ردك ..

ومن حسن الحظ وبحمد ربنا كتير جدا عليه اني فعلا وجدت اشخاص على الانترنت مثاليتهم مطابقة لمثاليتهم في الواقع .. وأظنه سبب قوي خلاني مرتبطة بشكل اكبر بهذا العالم..

ودا اللي مفروض الانسان يكون عليه .. مصداقيته واحدة ، دون ان يتصنع شخصيات عديدة يستخدمها في كل موقف ..


جالي هاتف يفوقني من غيبوبتي اني لسة على ارض الواقع.. راجعة تاني ..

فى انتظار البقية

احنا صح ولا غلط


مقتنعين بده ولا بنضحك على نفسنا
مستفيدين فعلا من دخولنا ولا مجرد هروب من الوسط المادى المحيط



كل دى اسئلة المفروض تؤخذ فى الاعتبار



طيب اما الاقى نفسى بتعامل مثلا مع اهلى بطريقة تختلف عن تعاملى مع الناس هنا " ده يعتبر ايه "

واما تتمنى انك تلاقى حولك عقليات تفهمك زى هنا ومش لاقى "ده يبقى ايه"





احساسك وانت على النت واقتناعك ان دى طبيعتك بجد وان دى فعلا عقليتك وليست اصطناعا " وخروجك الى العالم بره علشان متلاقيش اللى يفهمك "
ده يبقى ايه؟













كفاية دول
اكيييييييييييييييييييييييييييد كتير منا بتراوده الاسئلة دى وكتير منا مش لاقى اجابة شافية وكتير خايف يقع فى دائرة الرياء


والمساحة للجميع
فى الانتظار

متشكرة يا اميرة , شفتي باين النعاس في عيوني, كله من ورا الجلوس الطويل عالشاشة
معك حق في ان سهولة التخلص من الادمان او صعوبته يعتمد اساسا على اسباب الادمان, وايضا يعتمد على نتائج الادمان, فلو خسر الانسان شيء غالي عليه جدا بسبب ادمان الانترنت يسرع من التخلص منه ولا اقصد التخلص من الانترنت كليا انما من الادمان فقط, ويبقى لكل شخص سبب للادمان وسبب وطريقة للتخلص منه. انما انا ذكرت حالتي الخاصة واسبابي الخاصة وبيني وبينك اهم سبب خلاني اقلل من الجلوس للكمبيوتر هو الخوف من المشاكل الصحية التي ترافق ذلك على المدى القريب والبعيد , انما الانعزال عن المجتمع الواقعي فلم اهتم كثيرا فالتعويض بمجتمع وتواصل عبر الانترنت يغطي عن المشكل ويوهمنا كما قلتي وقال الاخوة انه عالم كامل متكامل وهو ادمان كادمان المسكرات التي تفقد الانسان توازنه و لا يصعب عليه بعدها التفريق بين الواقع والخيال.

ولي عودة بأذن الله لاجابة عن الاستجواب اللي حاطه بهاء .

مش ناسيينك يا عم الباشمهندس بهاء هوا احنا نقدر بردو دنتا البشمهندس بهاء ابن الحاج ابو بهاء ذات نفسه ..

وخد بالك من بشمهندس دى مش لأي حد تقال ولا أي حد يقولها

نيجي على البوتقة .. وندخل في الموضوع على طووول

إقتباس

هو انت شخص مثالى؟
بمعنى اخر
هو انت بتلاقى نفسك بنفس العقلية " وبنفس طريقة التعامل اللى بتتعامل بيها فى النت " بتلاقى نفسك كده فى البيت؟
بمعنى تالت
علاقتك ايه باهلك؟ " بتعرف تتعامل معاهم بعقلية شبه مثالية زى هنا كده ولااااااااااا النت حاجة والبيت حاجة تانى؟

عن نفسي .. الاختلاف محصور في بعض الأمور .. اللي هيا ممكن تتأثر باختلاف المحيط او نوع الحديث

مثال .. ردت الفعل ممكن تكون تلقائية في الواقع بسبب حدوث الموقف وردت الفعل في وقت متتالي تماما .. مفيش وقت تفكر في كلامك او ترتبه زي ما بيحصل لو قريت موضوع ورديت عليه ورتبت كلامي وافكاري

وكمااان متأثرة بحاجات كتير جدا ثابتة وعشان كدا الواحد طبيعي انه يكون اكثر مثالية هنا نوعا ما عن هناك ( البيت والاسرة والعائلة والاصدقاء وو... ).


والكلام دا مخليني عاوزة اقول حاجة مهمة اتكلمنا فيها كتير في مواضيع سابقة وانت يا بهاء ناقشتها حتى قبل كدا .. اللي هيا النية

الواحد داخل بنية ايه ؟ نفاق ولا اصلاح واخوة صادقة ؟ .. لو نفاق يبقى المثالية هنا طبعا 100% ....

ولو اصلاح _من الطرفين اخد وعطاء يعني _ فدا معناه انه الواحد لما بينصح بحاجة مثلا بيحاول يطبقها على نفسه ومش شرط يكون بيعملها بحذافيرها تماما

إقتباس

مدى ارتباطك بالنت وعلاقتك بيه " ومدى ارتباطتك باهلك وعلاقتك بيه "
ومين فيهم اللى بيتغلب على التانى
وكمان تعاملك من خلال النت مستسقى من تعاملك مع اهلك فى البيت
ولا تعاملك فى البيت هو اللى مستسقى من تعاملك على النت
ولا هنا حاجة وهنا حاجة تانى ؟

ومع اني مش فاهمة كلمة مستسقى دى حاسة اني عطشت منها وانا مش فاهماها .. ما علينا

فبالنسبة لي .. كان علاقتي في البيت هيا الاساس ومنها بستنبط كل الافكار اللي ممكن اتكلم من خلالها او اتعلم منها في حياتي

حاليا .. ولانه دخلت بأفكار وواجهت افكار وناقشت آراء واقتنعت بالبعض واختلفت مع البعض من خلال الانترنت .. فالامر اصبح بالعكس الى حد ما

والنتيجة انه تأثرت وأثرت في كلاهما .. الي حواليا هنا وهناك .

إقتباس

طيب اما الاقى نفسى بتعامل مثلا مع اهلى بطريقة تختلف عن تعاملى مع الناس هنا " ده يعتبر ايه "

واما تتمنى انك تلاقى حولك عقليات تفهمك زى هنا ومش لاقى "ده يبقى ايه"

احساسك وانت على النت واقتناعك ان دى طبيعتك بجد وان دى فعلا عقليتك وليست اصطناعا " وخروجك الى العالم بره علشان متلاقيش اللى يفهمك "
ده يبقى ايه؟

كلامك طبعا مظبوط جدااا ..... كتييييير الواحد اتمنى انه يكون في الواقع زي ما هوا على الانترنت او في المنتدى ..

مش بمعنى انه بيكون شخص مختلف او افضل .. لأ هوا السبب انه بيكون حاسس انه افضل لانه على الانترنت زي ما كنت قلت بيمارس افكاره بحرية جدا وبيرسم عالمه بنفسه

ورغم اي شخص مهما كان لازم يحترم خصوصياته .. ودا مش سهل يحصل مع كل الناس مع اللي حواليه..

تلاقي اشخاص كتيرة مش اجتماعية بطبعها لكن على الانترنت عفوية واجتماعية جدا ومش انطوائية زي ما هيا طبيعتها

دى المثالية اللي بتكون متوفرة على العالم دا .. مش مثالية نفاق لأ .. مثالية حرية ممارسة شخصيته الحقيقية هنا ....

بالمختصر المفيد ((( بيلاقي نفسه ))) والكلمة دى بتتكرر كتير كـرد موجز عن سبب ارتباطه بعوالم اخرى


وفي الختام نرمى احلى تماسي على صاحب الفكرة وراعي البوتقة ..... ونأسف للزعل

فين الباقى