السلام عليكم ورحمة الله

اذيكم يا جماعة الخير اخباركم ايه واخبار رمضان والعتق معاكم

ربنا يتقبل منا ومنكم الصيام والقيام وصالح الاعمال ويجعلنا من عتقاءه يارب

كل عام والجميع بالف خير وحشوتنى جدا والمنتدى وحشنى بس الحمد لله ان بعدى كان للخير وربنا يتقبل

انا حابة اهنيكم مرتين مره بالعتق ومره بالعيد وعايزة كل واحد مننا يكون عنده يقين فى الله انه اعتق ان شاء الله ومافيش شك ولو بسيط يكون
عندنا اننا لم نكن من المعتوقين او المغفور لهم لان ربنا كريم ورؤف بينا وان شاء الله حيمن علينا بالعتق فارجو منكم ان من عبد الله حق عبادته فى هذا الشهر ان يكون لديه يقين فى الله انه اتكتب من المعتوقين وربنا يتقبل يا رب

انا دعيت ليكم كلكم وان شاء الله ربنا يستجاب الدعاء مش عارفة انتم افتكرتونى والا نسيتونى من صالح دعائكم

فى موقف حصل معايا فى رمضان حابة احكيه ليكم

فى يوم من العشره الاوائل من رمضان العشاء اذن وبعد اذان العشاء الكهرباء فصلت والنور قطع فى المنطقة كلها وكنا فى المسجد مش عارفين نتصرف ازاى والمفروض ان الشيخ يصلى بصوت عالى يسمعه الرجال فقط والنساء كانوا محتارين ومش عارفين يتصرفوا ازاى وكل واحده منهم قالت انها تصلى عشاء من غير جماعة وكانوا ناوين على الصلاه رحت انا قلت لية مناخدش ثواب صلاه الجماعة رحت جمدت قلبى ووقفت فى وسط المسجد وقلتلهم لية يا جماعة منصليش جماعة انا حائم بيكم وحصلى وسبحان الله جاتلى جراءه مش معقولة وكله توفيق والله من ربنا عليه فكله قالى يلا ابدائى واحنا معاكى وكان المسجد مليان رحت طلعت لاول الصف وبدات اقيم الصلاه ودخلت فى الصلاه وهما معايا والحمد لله ربنا من عليه بحفظ سور من القران كبيره فقرات بيها لكن حسيت ان قلبى حيقف من الدقات خوف او رهبة بجد معرفتش اوصف احساسى وقتها والحمد لله صليت بيهم العشاء وكانت اول مره فى حياتى امم بالكم ده من النساء وبمجرد انى خصلت الصلاه الكهرباء رجعت والشيخ كان صلى العشاء فعلا وحيبدا فى التراويح وقال النساء تصلى التراويح معانا بنية العشاء وتكمل اربع ركعات فكله قال الحمد لله صلينا وبدانا فى صلاه التراويح

تعرفوا والله كان اسعد يوم فى حياتى لما خلصت الجميع بقى يدعيلى وحسيت انى اخدت ثواب كبير وحسيت ان ده توفيق من ربنا منه عليه وخير كتير كنت بحس ان ربنا بيوفقنى ويسهلى طريق الخير بس انا مش حذكر عشان ربنا يتقبل بس والله مش تفاخر انى حكيت بس حبيبت اعرفكم باحلى موقف حصل بحياتى وان شاء الله ربنا يتقبل ويكتبنا من عتقاءه باذن الله

كل عام وانتم بالف خير يا رب

بس انا عايزة العدية لموا من بعضكم وابعتولى العدية فى رسالة خاصة

وانا رجعت على قلبكم تانى وحرجع اهدى النفوس ما خلاص رمضان خلص معلش بقى مانا قدركم

كل سنة وانتم طبيبن ومتنسوش العدية بتعتى الا اطردكم من المنتدى انتم حرين

اهلا اهلا بقمر المنتدى
واحشاني موووووووووووووووووووووووت يا روحي
و عيد سعيد
و كل سنة و انت طيبة
اانا فرحانة بالعيد و فرحانة برجوعك يا حبيبتي
و ما شاء الله على الجراة
ان شاء الله لما اجي مصر تصلي بيا ان شاء الله
ربنا يبارك فيك و يزيدك يا رب
و يغفر لك و يجعل رمضان ده بداية جديدة لك
و يوفقك في حياتك يا حبيبتي
اهلا بقمرنا
نورت بيتك[size=7][/size]

السلام عليكم ورحمة الله وبركاتة

اولا كل سنة وانتى طيبة وعيد سعيد عليكى وعلى اهلك اجمعين ثم مين يجيب لمين عدية اللى غايب من بداية رمضان ولسة جاى دلوقتى دنا افتكرت وانتى جاية المنتدى مش حتدخلى وايدك فاضية يعنى شوية كعك كدة بتاع 10 كيلوا ولا حاجة وكمان زيهم بيتىفور على شوية شيكولاتات على شوية فول سودانى وجاى تقولى عدية مفيش عدية غير لما تجيبى الطلب دة ال عدية ال هههههههههه ... طبعا ربنا يجعلنا من عتقائة من النار فى الشهر الكريم يارب العالمين وكل سنة وانتى طيبة ...........كلمة

اهلا يا جميل انتى اللى وحشتنى اوى والله وكل المنتدى وحشنى وكنت دائما فكراكم ربنا يكرمكم يا رب

كل سنة وانتى طيبة يا جميل وحتنورى مصر لما تيجى يا جميل بس انتى تعالى وملكيش دعوة

ربنا يحفظك حبيبتى ويوفقك
بس تعالى هنا فين العدية اللى يدخل هنا ويرد عليه يجيب معاه العدية الا انتم حرين بقى انا راجعة وكلى طاقة فى تهدئة النفوس يعنى خلى بالكم بقى احنا فى عيد وبلاش ازعلكم فى ايام مفترجة

كل سنة وانتى طيبة يا قمر

يا خبر ازرق





أهلا أهلا اهلا
بالست شيماء
احم احم ولا اقول الشيخة شيماء
بس تعالي هنا
انت بتذاكري من ورانا ولا ايه
انا لو مكانك ادعي كل يوم تتقطع الكهربا


طيب فين الكيك والجاتوه
داخلة بايدين فاضية
للدرجة دي مكانش عندك وقت للجاتوه




ايه ياعم انت
انت نسيت الجاتوه اللي طلبناه منها ولا ايه

يلا افتكر شوية

آيوة هو دا

الكيك بالموز + طاسة ملبن

اهلا وسهلا ومرحبا باختنا الفاضلة ...

وتقبل الله منا ومنكم صالح الاعمال ...وعيد سعيد عليك وعلينا اجمعين ..


والمنتدي فعل نور ....

بس عاوز اعرف انت كم فولت .؟؟؟.انا شايف النور زاد جدا ...انا حتي مش شايف اكتب من كتر النور ..



كل عام وانت بخير ..



سلاااااااااااااام

اهلا بيك عزيز كل سنة وانت طيب وعيد سعيد ... داخلة كدة علينا وكل همها العدية وكمان نلم العدية شفت الحلاوة وجالها جرأة تطلب فلوس بعد غياب الفترة دى كنتى افتكرتينا بشوية ملبن على اتانين كيلوا موز كدة نفرح الناس اللى فى المنتدى بيهم وكمان جاتوة ولا فكرتنى يا عزيز بالجاتوة وياسلام لو محشى موز ولا ملبن يااة حيكون حكاية ههههههههه واللى حياكلة حيقول كمان المفروض اى عضوا يعلق على المضوع يطلب اللى نفسة فية من نور اختنا شيماء دى اقل حاجة ومتنسيش الساقع

وعليكم السلام ورحمة الله

وانت بالف خير يا رب

وبعدين انا طلبت العدية بمناسبة رجوعى ليكم بالف سلامة والا يعنى تهدئة النفوس والشغل اللى بعمله ده يكون هباءا منثورا

وكعك وسودانى مين ال اجبلكم ال انا جبت معايا بس حتسلى فيهم لوحدى وانا على المنتدى ومش حدى حد منكم ويلا عايزين العدية

طيب عارف نفسى فى ايه بجد وحعملها ومن غير ضحكك حيب بلونات وزماره ههههههههههههههههههه وحلعب بيهم بكره ان شاء الله اصلى بعيد عنك عيلة اوى فى الحاجات دى وعشان كده بلم العدية عشان اشترى بيها يلا شدوا حيبلكم

كل سنة وانت بالف خير يا رب




اهلا اهلا باكبر سوسة فى المنتدى اخبارك ايه كل سنة وانت طيب

انا بينى وبينك كنت بدعيها بس للاسف مقطعش بس فى ليلة 27 كنت معتكفة فى المسجد وصليت ببعض من النساء وربنا يتقبل بس بقى متخلنيش اتكلم فى الخير ده الا ربنا يحرمنى منه

خلينا فى المهم فين العدية والا انت داخل تكتب وتكلم من غير ما تدفع هات اللى عليك يا عزيز الا انت عارف بيحصلك ايه والا بلاش اتكلم مش عايزين فضايح

اما بالنسبة للحلويات انا مش بحبها كتير فالمهم عندى العدية مش الحلويات وانسى انى اجيب حاجة انا جلده اوى مانت عرفنى

ربنا يسعدكم يا رب وكل سنة وانتم بالف خير

عودا حميدا يا نور الشمس يا شيماء يا ضوءوساطع على المنبر

ومركب فى البحر بيبحر لا بشراع ولا مجداف ولكن بالسلام والنور وحب الرسول وكتاب الله المنزل

من السماء لارض ليعم على البشرية الهدى والنور

اتيتى بوجهة منير وقلبا خاشع ومنير

يا بنت الحلم العربى يا غالية على القلوب


يارب ما نكون قصرنا

وبقولك سبحان الله الله وحدة الذى فعل هذا والقدر لتكونى اماما سبحان الله

لا الة الا الله

وعودا حميدا

اهلا بيك اخى ومحامينا الفاضل كل عام وانت بالف خير يا رب

ربنا يتفبل منا جميعا

اما بالنسبة للفولت مش حقول الا اتحسد والا حاجة والا حد يقولى سلفينى فولت انور بيه

ربنا يحفظك يا رب وكل عام وانت بخير





جزاك الله خيرا اخى على الكلمات الجميلة دى

بس ربنا يخليك بلاش المدح ده انا ايه وصلنى للمدح ده انا بجد خايفة اكون ممن قال عنهم الله ياخذوا حسانتهم فى الدنيا من مدح الناس لهم ويكون لدنيتهم فقط وليست للاخره

انا والله نيتى انى احكى الموقف انى فرحانه اوى بالموقف اللى حصل وحبيبت اعرفكم بيه مش تفاخر او لمدح لا والله ربنا يعلم بينتى

وجزاك الله خيرا اخى على كلماتك اللى مستهلهاش ابدااااااااااااا وكل سنة وانت بالف خير انت وجميع اسرتك

حمدالله بالسلامه ونورتي ياشيماء

وكل سنه وانتي طيبه

شكرا

عايز المصروف بتاع العيد يابوظ موضوعك

ههههههههههههههههه

اهلا وسهلا فيكى مرةو أخرى معنا اخت شيماء الحجازى


أكيد نورتى المنتدى برجوعك له

بالنسبة الكعك فخلاص راحت علينا رمضان خلص والعيد خلص

اما الكيكة لازم تجيبيها لازم

واذا على العدية لاتاكلى هم انا راح أجمهعا بنفسى ..


يا الله يا شباب ويا صبايا ابعتولى العدية برسالة

يالله ليش ما بعتوا ؟؟؟

السلام عليكم ورحمة الله وبركاته


اهلا حبيبتى شيماء نورتى بيتك وحشانا كتير 000


كل عام وانتى بخير وصحة وعلى طاعة دايما يارب 000


اللهم تقبل منا ومنكى ومن المسلمين اللهم امين 000

وانت طيب يا غاوى

ربنا يسلمك



شكرا ليك اخى المنتدى منور بوجودكم فيه

اما الكعك والكيك ده انا بخيلة اوى ومش بجيب لحد

ويا ريت تلملى العدية الا ياكلوها عليه

كل سنة وانت طيب

منتدى الحلم العربى يرحب بكى أجمل ترحيب
ونتمنى لك وقتاً سعيداً مليئاً بالحب كما يحبه الله ويرضاه
فأهلاً بك في هذا المجلس المبارك إن شاء الله
ونرجوا أن تفيد وتستفيد منـا ..
وشكـراً لتعطيرك المنتدى بباقتك الرائعة من مشاركات مستقبلية
لك منـا أجمل المنى وأزكى التحايــا والمحبة

ياااااااااااااااااااااااااااااااااااااه

دا رمضان كان مداري كتيييييييييييييييييييير

مش عارف ليه خلص بدري السنة دي

كنا مرتاحين من ناااااااس

ياخبر ايه اللي انا بقوله ده

احم احم

لا ابدا والله العظيم

شيماء دي في المنتدي عامله زي الملح في الاكل مانقدرش نستغني عنه

كمان المنتدي مايقدرش يستغني عن شيماء حجازي

واحنا مانقدرش نستغني عن اخت طيبة وفاضلة زيها

حمد لله علي السلامة ياشيماء ونورتي بيتكـ ومطرحكـ

اينعم انا مكنتش في المنتدي علشان خاطر الجهادية هههههههههه

بس دا مش اول رمضان ليا هنا

وببقي عارف اد ايه المنتدي بيبقي مضلم من غيركـ

وخدي ياستي العيدية اهي من اخوكي

منا الراجل بأه ولازم ادي العيدية لاختي






ولا اقولكـ خديهم علي بعض اهم



اي خدمة ياستي

أجملـ تحية

[size="6"][/size]حبيبتي نورتي بيتك ربنا يخليكي وميحرمنا منك انتي هنا شمعة الحلم ونبي تعملينا كادتو من اديكي الحلوة بانتظارك ديما حبيبتي كل سنة وانتي بالف بالف خير اختكي التي تحبك

اهلا بيكى يا امى وحشتنى اوى والله ربنا يخليكى لينا ولا نتحرم منك حبيبتى

كل سنة وانتى بالف خير يا رب وربنا يتقبل منا ويجعلنا من عتقاءه يا رب





ربنا يكرمك اخى فليسطينى

وكل عام وانت بالف خير يا رب

جزاك الله خيرا اخى

منورة حبيبتي دايما ربنا يخليكي ياغالية وميحرمنا منك

هههههه

والله إنك تحفة يا شيمو

قال ايه...عمالالي فيها إمام
هههههههه


لا بهذر
والله بيطلعلك...دا أنت من خيرة الناس
الله يخليك يا شيمو ويحفظك ويكون معك ويوفقك
وين مارحتي ووين ماجيت

ويزيدك من نوره وإيمانه
ويزيدك طاعة إله
ويجنبك كل سوء ومكروه
يارب

ويعادينا منك
ههههههه..(يعني نصير إمام)
معلش أصلي مش متخيل نفسي خالص

عنجد الله يبارك فيك شيماء
ما شاء الله عليك
هو بجد الموضوع بدو جرأة وقدرة
وطبعا كل اللي صار توفيق من رب العالمين
الله يزيدك من نعمه
وإن شاء الله تكوني ونكون من عتقاء شهره الكريم


والله يطعمني مرة وشوفك إمام وتقومي قي كمان

أما بالنسبة للنور

يااااااااااااااااااااااااه

دا نورك نور المنتدى والابتوب وغرفتي كمان

اه والله بجد
أن فعلا حاسة غرفتي زايد نورها
وعلى قولت أخ ابن الإسلام أنت كم فولت

هههه

قوليلي

وكمان يريت تبعتلي كم فولت عالخاص

أصل غرفتي وأنا طبعا

مظلمين شويتين

وكل عام وأنت بخير حبيبتي
وكل سنة وأنت سالمة

ننورررررررررررررررررررررررررررررررررررررررررررررررررررررررررتى يا عسل

وكنتى وحششاااااااااااااااااااااااااااااااااااانننننى موووووووووووووووت
بجد

وتقبل الله منا ومنكى ان شاء الله
وجعلنا الله من عتقاءه من النار

اما بالنسبه للعيديه ماليش دعوة
انت الاكبر فين عديتى ولا انتى بتسبقى بقى
ههههههههههههههه

كل سنه وانتى طيبه والمنتدى كله طبعا

بس تعرفي يا شمياء انتي رغاية قوي عامله زي الشامبو ههههههههههههههههه

ايدي تعبت من كتر الرد عليكي تقولي بالعه مسجل هههههههههههههه


تقبلي احترامي و بجد نورتي المنتدى

حمدا لله على السلامة اختى شيماء ربنا يتقبل منك خالص العمل ويرزقك من العمل كل ما يحب ويرضى


بة عنكى طبعا انتى لازم تنورى المنتدى انتى نور الشمس مش المنتدى بس بقلبك الابيض ممكن تنورى الدنيا كلها


ودة الى الكل يعرفة والكل عارف مين شيماء حجازى وياريت ما تزعليش منى والله العظيم سوء تفاهم ولو تفهمى هتقدرى


وعودا حميدا

السلام عليكــم ورحمـة الله وبركاتــة ،،

ياهلا ياهلا وبقول المنتدى نور ليه اتااااااري ...........حبيبة الجماهير هنا يادي النور النور

والله سبتي مكانك واشتقنا لموضوعاتك وردودك لا حرمنا الله منك وكل سنة وانتي طيبة

عيدكم مبارك سعيد وكل عام وانتم بخير

اهلا اهلا بشيمو اكيد منورة المنتدى ما انتي نور الشمس

كل سنة و انتي طيبة يا حبي وحشتينا جداااااااااااااااااااااااااااااااااااااااااااااااااا

ربنا يتقبل منك صالح الاعمال يا رب و يجعلنا و يجعلك من عتقاء السنة دي يا رب

انا و الله كنت بدعيلك طول ايام رمضان و طول السنة و عمري ما نسيت ربنا يتقبل دعاءنا يا رب

عيدك مبارك و كل سنة و انتي طيبة يا قمر

اهلا شيماء
ربنا يتقبل منا ومنك دوما يا رب
عارفة بجد والله والواحد مبسوط جدااااااااااااااااا وهو بيقرا كلامك عن الموقف
فعلا والله موقف جميل جدا ربنا يتقبل
عارفة فعلا الامامة دى ليها رهبة كده لانها مش صلاة عادية
لااا
دى مسؤلية
مسؤلة عن كللللللللللل اللى صلى وراكى دول
وكمان صلاح صلاتك مؤشر لصلاح صلاتهم
يعنى شوفى انتى كنت مسؤلة عن صلاة كاااااااااام شخص


بارك الله فيكى وزادك

وعدودا حميدة
اما عن العيدية فطبعا انا اول المفلسعيييييييييين ولا اعرفك

السلام عليكــم ورحمـة الله وبركاتــة ،،

الحمد لله على رجوعك حبيبتي لبيتك تاني ويارب يتقبل منا ومنك صالح الاعمال يارب

وكل سنة وانت طيبة ويحقق لك ربنا كل ما تتمني ويرضى عنك ان شاء الله وما شاء الله عليكي يا شيماء الموقف الي حصل معاكي خلاني ابكي والله

ربنا يتقبل منك يارب ويستجاب منك ويكتبلك كل اعمالك في ميزان حسناتك

ملاحظة : نور الي هي طبعا شيماء حجازي بتبلغكم أسفها إنها كل ما بتدخل المنتدى جهازها بيهنج لأنه بعافية حبتين وكمان الاميل ،،

وهي بتبلغكم أسفها وبتعتذر ليكم كلكم وبتقول ليكم

ربنا يجازيكم خير واول ما الدكتور يمضي تصريح بخروج الجهاز من العناية المركزة هتلاقوها كابسة على نفسكم يعني مأنساكم ومشرفاكم


وكل عام وانتم بالف خير

عودا حميدا اختى
ربنا يبارك فيك على ايجابيتك اللى بيفتقدها اغلب المسلمين (بداعى الخوف وعدم الشعور بالمسئولية )

كل عام وانت بخير وايجابية اكتر وكل عام وانت مجننانا اكتر ...............زبكل ماهو جميل طبعا

اووووووووووووة شوشوووووووووووووووووو يا هلاااااااااااا بالقمر
فكرتينى بحكاية المسجد , قوليلى انا عايزة اعرف حل الفزورة اللى سألتينى عنها
انا ساعتها كنت فى الجامعة و مارجعت الا متأخر ومع ذلك سألت صحابى اللى كانوا معايا و سألت دكتور كان بيكلمنا هههههههههههههه
وقعدنا نتحاور فى أمر الفزورة و لم نتوصل الى شيئ
وفى النهاية جاية اتصل بيكى اولك انى ما عرفت الحل ما لقيت عندى رصيد هههههههههههه قفلت من كل الجهات
و اصحابى حلفونى انى اذا عرفت الاجابة اقولها ليهم

المهم انك رجعتى بالسلامة
وعودا حميييييييييييييييييدا

عودا حميدا نورتي اختي الحبيبة وكل سنة وانتي طيبة وحشتينا

حمدالله على السلامة شيماء


وحمدالله على سلامة كل الى غابو عن المنتدى ورجعو تانى من اولهم انا

شكرا ليك اخى امير

وكل عام وانت بالف خير

جزاك الله خيرا على المرور والترحيب





ربنا يكرمك محمد بس ايه ملح دى ال ملح ال


كل سنة وانت طيب وتخلص الجيش على خير يا عسكرى

وشكرا على العدية انت الوحيد اللى جبرت بخاطرى ربنا يكرمك يا رب




النور نورك يا جميل ونور المنتدى ربنا يحفظك حبيبتى


وكل عام وانتى بالف خير يا قمر



اهلا ياسمينا عاملة ايه حبيبتى وحشتنى يا بت وحشنى دمك الخفيف

شفتى بقى عملت فيها امام وانا ركبى كانت بتخبط على الجيران من الخوف ههههههههههههههه

ربنا يتقبل يا رب وكل سنة وانتى بالف خير حبيبتى




اهلا يا جميل اخبارك ايه اقول يا سيف والا مسك


انتى كمان وحشتنى جدا ربنا ما يحرمنى منكم ويتقبل دعائكم يا رب

بالنسبة للعدية ولا اعرفك يا اختى

واضح جدا انه انا اللى رغاية الصراحة انا تعبتك وربنا

ربنا يكرمك يا عاشق وحنرجع تانى بقى لتهدئة النفوس وانت معانا طبعا

جزاك الله خير اخى


انا كان قلبى ابيض بس خلاص بقى اتعلمت وشيماء المعروف عنها بقلبها الطيب اللى بتسامح دائما خلاص ماتت

مش حقبل اسفك غير لما تعلن قدام الجميع انك الفت الكلام اللى قلتله من دماغك وتبرانى مع انى مش محتاجة براءتك لان الجميع يعرف مين شيماء حجازى واخلاقها ايه ومش تفاخر لا الحمد لله ثقة فى النفس

معلش انا اسفة زى ما اتكلمت على الملا تبرانى على الملا وده اخر كلام عندى

وربنا يصلح حالنا وحالك



تسلمى يا رب حبيبة قلبى

انتى اللى منورة يا جميل والمنتدى منور بوجودكم فيه انا بس اخدت لمبة صغنونة منكم

ربنا يحميكى ويسعدك يا رب انا اشتقت ليكم جدا وربنا يعلم

شكرا يا قمر على المرور


اهلا غزلان القمر اخبارك ايه انتى كمان وحشتنى جدااااااااااااااا

ربنا يتقبل منا ومنكى ومن الجميع يا رب

وكل سنة وانتى بخير حبيبتى


شمعة مره واحده ربنا يجبر بخاطرك اخى


ان شاء الله حتشوف الهمة والنشاط فى تهدئة النفوس فيكم

انا رجعت وكلى نشاط اهو

انا بشكرك جدا على تشجيعك ربنا يجعله فى ميزان حسناتك يا رب



اللهم امين يا رب


اهلا بيك اخى بهاء

الموقف فعلا كان محتاج جراءه غير عادية وانا والله كنت حموت من الخوف والرهبة من الموقف لكن جمدت قلبى وكله اولا واخيرا توفيق من ربنا عليه انه من عليه بانى افكر فى اخذ الثواب للجميع

وان شاء الله اكون اديت الصلاه على اكمل وجه لانى فعلا حتحاسب بكل اللى صلوا ورايا ان لم تصلح صلانى ربنا يتقبل يا رب

جزاك الله خيرا اخى على المرور