كلمة يا امى لو مسموح ..انا ابنك مصرى وكلى طموح ..
انا ابنك يا مصر جدودى شيوخ..يرضيكى افقد وعييى وادوخ
يامصر رحمة لو مسموح



انا اللى بدمى زودت نيلك ..
يوم الجفاف
انا الشريف تناديلى اجيلك ...
بفرحة وزفاف..
انا الابى انا العفيف
جدودى اشراف...


يا مصر يا امى ياصاحبة
الصون والعفاف



وربى فوق راسى انا شايلك


واخواتى فوق راسهم شايلين


يامصر وبريشتى انا راسمك


صدق وحنان ..مش نار وانين


يا مصر لما تجرحينى...
وتقدينى فى كلمتين
وتطوى فكرى بين حيطانك


وتظلمينى شهور ...سنين...
اكيد يا مصر ها اكون مدايق
اكيد يا مصر ها اكون فى حنين


للبحر يرجع بحرنا والدم يرجع للمساكين


اكيد يا مصر ها اكون فى حنين
لفيض غضب...بركان اساطير



يا مصر ليه وانا لسا صغير


شبابى تايه وانا متغير


عايش با اقول دم ووطن


لكن وفائى اهوه شئ بيحير


با اهتف وانادى واقول يابلادى ...


يا ضلة ...دخلت جوه فؤادى..


يا نور منور يا ام اجدادى ..


يابدر ها ينور لاولادى..


باهتف واقول بلادى يا مصر ....
فداكى والله لاجل النصر ...


والاقى دايما تحت القصر.....
غيلان بتاكل ست العصر ...


ولما ينهوا سرقة يقولوا ...
كلام تفاهة .مكر ...وفشر..


لكنى يا امى ياصلب الحديد ...
ها افديكى لو هابكى صديد...
دنا عشقى ليكى همى الوحيد...


يا مصر فكى قيودى خلاص ..
امتى بقى يوم الخلاص..


**************امضاء************
""""مواطن مصرى ..كمان يومين ها يعتقلوه..""""

اولا احب ارحب بيك عضوا جديدا بيننا و كمان عايزه اقولك ان انت شاعر حقيقي و الشعر ده عجبني جدا و اكيد لازم يعجب كل مصري . بس السؤال ليه بتقول انك هتعتقل كمان يومين!!!!!
اختك في الله

بسم الله الرحمن الرحيم
فى البداية اعتذر انى نسيت اعرف نفسى ...
اخوكم فى الله (محمود عبدالباسط البنا )
طالب مصرى من محافظة الشرقية ...
طالب فى تانية ثانوى ....
السن 16 سنة و4 شهور
_______________________
اما عن رد الاخت وسام ....اولا:-
شكرا جزيلا يا اخت وسام على ردك الجميل وتشريفك لموضوعى بالمرور عليه
وثانيا :.انا قلت فى الامضاء مواطن مصرى كمان يومين ها يعتقلوه بسبب الاحداث اللى حدثت فى يوم الاستفتاء حول المادة 76من الدستور .....
ولانى اعرف واحدة من البنات المصريات اللى اخذوها بدون سبب لانها كانت ماشية فى الشارع ولانها متحجبة قالوا عنها ارهابية وتم استخدام العنف باقصى الدرجات
حتى تبين انها مواطنة عادية ليس لها اى ميول سياسية


بسبب الحجاب اعتبرت فى نظر القانون ارهابية
فما بالك باالكلام اللى قلته(اكيد اعدام )لانى ساعتها ها اكون تابع لاسامة بن لادن

شكرا لك اخت وسام

السلام عليكم ورحمة الله وبركاته
الاول اهلا بيك فى المنتدى واظاهر انك ان شاء الله عضو فعال لكن صحيح اخبارك ايه فى الثانوية العامة ولا انت لسه هتدخل ثانية ثانوى ان شاء الله على العموم ربنا يوفقك انا اختك فى الله (اسيرة الصمت) على فكرة شعرك رائع واحساسك من القلب واحنا شكلنا جرايب ياولد العم ماانى عايشة هنا فى مصر لكن لينا جرايب عندكوا وصلهم السلامات بقى

ياااااااااااااااه هي الحكايه كده و الله اتخضيت متقلقش ربنا معاك و طول ما انت مش بتعمل حاجه غلط تاْكد ان ربنا هيكرمك و مش هيخذلك. اما بالنسبه للاخت اللي اعتقلوها دي فربنا معاها .
و حسبي الله و نعم الوكيل.

الاخت اسيرة الصمت ...
اعتبرى سلامك وصل لكل اهل مصر ...من مرسى مطروح لاسكندرية
اما عن الثانوية انا فعلا فى امتحانات الثانوية العامة فى تانية ثانوى ....
الامتحانات كله جميلة وسهلة والحمد لله (متقلقوش ...انا مستعد لا اى امتحان الا الكمياء)


الاخت وسام ....
مش عايزك تتخضى لانك لو اتخضيتى من القصة دى بس
احتمال تجيلك سكتة قلبية لما تسمعى غيرها

وشكرا ليكوا فعلا على الترحيب الجميل والتشجيع الاجمل
اللى ما لقتهوش فى اى منتدى اخر

السلام عليكم و رحمة الله و بركاتة
مرحبا بك اخا كريما علينا داخل اسرتنا المتواضعة و ربنا يكرمك و يفتح عليك فقليا من يكتبون فى حب مصر شعرا و لكن هناك من يخطون باقلامهم الما عليها........اما عن الاعدام و السجن و الحاجات دى فطمن خاااااااااااااالص احنا لينا وسايط فى لاظوغلى يخلوك تفوت فى الحديد مش عارفة اقولك اسال مين ممكن الاخت اسيرة تكون عارفة ..............بس المهم تخلى قلبك جااااااااااااااااااااااامد...... ......هه ......خليك ش........ج.......أ.........‘ع............فاا...هم

الاخت ايمان ....
معلومة من اخوكى الصغير
البوليس السياسى ما بيرحمش ......لا بيعرف لاظوغلى ولا بيعرف كفر طولخى .....
مش فارقة عندهم ....لكن مهما كانوا هما بشر واللى يخاف من البشر يبقى عبد البشر

وانا عمرى ما كنت عبد الا لربى ....
ولو عندك وسطه يا ستى مش ها اقولك لا ...
المثل بيقول ...زيادة الخير خيرين ...

السلام عليكم

كلامك كله جميل جدا وردودك واعية ومش علي أد سنك
ربنا يوفقك في امتحاناتك ويكفيك شر أعداءك

السلام عليكم


انا اتمنى ان اعرف شىء واحد فقط.....

ما هي قصه الاخت ايمان و ... لاظوغلى

.....كلما قرات له ردا اجد ...هدا داخله.....

ياواد يالعيب ...........
شعرك باللغة العامية جميل جدا
ارجو ان تظل تكتب فى هذا اللون
واعتقد انه يوما ما سوف يكون لك شأنا وسط شعراء العامية المشاهير
ومتبقاش تنسانا

اختى مسلمة اينما وجد الايمان وجدت لاظوغلى.............فعلا اصبتى اما عن تعريف للاظوغلى فشرحة يطوووووووووووووول و لكن هاعرفك بية حاجة كدة على ما قسم دة منفى للمصريين خصوصا ...........حبايبنا المخبرين .... ....ربنا يجعل كلامنا خفيف عليهم.............بياخدوا شبابا مصر اللى ذى الورد دول عشان يعطوهم قدرهم هناك و يتوصوا بيهم و حاجات تانية كتيييييييييييييييير و ما بالك بقى بتوصياتهم ربنا ما يوريكى و لمزيد من المعلومات اقرئى موضوع انا رئيس الجمهورية القادم.......تحية الى الاعضاء للاخ طالب............و بس كفاية كدة بس لو اختفيت من المنتدى ما تبقوش تنسونى بالعيش و الحلاوة دة اذا لحقتونى اساسا ................

لاظوغلى
كان ناظرا للنظار فى عهد محمد على باشا ومكافأة له على جهوده المشكوره فى مساعدة الباشا على النهضه بمصر تم عمل تمثال له تكريما وعرفانا ووضع فى الميدان المسمى بإسمه حاليا أمام وزارة الماليه وكذلك سمى الشارع بإسمه ولكن النقله التى زادت لاظوغلى شهرة وجعلته أشهر من نار على علم هو وقوع ألإدارة العامه لمباحث أمن الدوله فى نفس الشارع وخوف الناس من ذكر إسم أمن الدوله أطلق الناس عليها مبنى لاظوغلى وفيه يتم إستجواب وإستنطاق كل من تسول له نفسه ان يفكر فى الخير لمصر ولشعب مصر ومن الجدير بالذكر أن ألأخ / محب من أشهر ضيوف لاظوغلى فى منتدانا
أقول قولى هذا وأستغفر الله العظيم لى ولكم وجعل الله كلامنا خفيف عليهم آمين رب العلمين

شوفتى اهو عم المخبر بتاع المنتدى رد عليكى و هو طبعا اكثر منى خبرة فى هذا المضمار عايزة اى استشارة لاظوغلية هو موجود و يحب يخدم ..........اسالينى انا

السلام عليكم
الشعر بتاعك جميل فعلا وان شاء الله ما فيش اعتقال ولا حاجة وربنا معاك في امتحان الكيمياء مع ان الكيمياء سهلة جدا بس ركز على العضوية والكهربية وانا هادعيلك ان شاء الله وربنا يحوش عنا لاظوغلي وانصاره ويجعل مصر عمار دايما ان شاء الله
سلام

يااااااه كل يطلع من اللاضوغلي.....رحمتك يااااارب.....على العموم الف شكر لكي اخت ايمان...ولك ايها القائد عبد الله سليمان على هدا التوضيح.......جزاكم الله كل خير....

يا ايمان خافي من ربك ... عايزة تضحكي عالواد وتروحيه في شربة ميه..
اسمع يابني .. شعرك حلو .. ماشي ، وربنا يديك كمان وكمان..
بس حكاية أنها عندها واسطة في المكان اللي ميتسماش.. متصدقش
هناك محدش بيفوت في الحديد...
ممكن الحديد هو اللي يفوت في الواحد..
أسأل مجرب..
ده انا قفاي نوّر قبل ما ينوّر ميدان التحرير
ووّلع بالسجاير قبل الشعلة الأولمبية

لية الاحراج دة بس يا دوك . ...........هو الواحد ما يعرفش يفشر شوية يا ساترر عليك يا ساتررررررررررر

افشري زي منت عايزة بس متزحلقيش الواد..
هناك حيتصدم ويكتشف انك من أوائل الرواد...
بس هو يمكن جديد على الموقع ومقراش موضوعك بتاع القفا العربي

السلام عليكم....

dr_imaddin
ايه يادكتور ..انتى فاكرنى مش فاهم حاجة ادنا فاهم ونص كمان ....

انا اول مافمهت الحكاية دى كانت فى المدرسة فى الابتادائى ايام مااخدوا مدرس الدين بتاعنا بالشلاليط من قلب الفصل.....

ياادكتور انتا بس تنتظر شوية سنين هاتلاقى جيل ....ماولش حل....

اه يا خوفي يا بدران قصدي يا محمود

بطل الكلام ده الله يكرمك يا خويا المنتدي محتاجلك كتيييييييير.

حبيبى الشاعر /

مصر قالت لى إنها بتقول لك (( معلش يخاويا مش فاضيه عندى غسيل ))
هى اللى بتقول كدة مش انا !

أعزرنى وسامحنى ( اللى فيه داء مش بيبطلوا )

اكتبيني



اكتبيني فوق جبينك .. طير مسافر

وارسميني .. بين حروفك .. ليل مهاجر

اكتبيني .. ارسميني .. طير مهاجر .. ليل مهاجر ..

وابدريني بين نجومك .. وازرعيني بين دروبك ..

حرف شاعر .. طوق مشاعر

واسأليني .. ليه ترابك مش ناسيني ..

انتي عمري .. ضي عيني .. انتي مصري .. انتي نيلي ..

انتي فرحي .. انتي جرحي .. انتي أمي .. لو تسامحي ..

انتي صرحي .. لو تصارحي .. انتي راسمه .. لون ملامحي ..

انتي دمعي .. انتي جمعي .. انتي شوقي .. انتي سمعي ..

انتي باقية قبلي بعدي ..


يامصـــــــــــــــــــــــــــــــــــــــــــــــــر

منقول

السلام عليكم
وبعد إخواني وأخواتي المصرين والمصريات
ما أجملكم وأنت ملمومون على بعضكم متفاهمون إخوة أحسست عند قرائتي للردود أني غريبة وسطكم نعم أحسست أني غريبة ......... أغار منكم أود لو كنا نحن المغاربة نحب بلدنا مثلكم لكن الأأغلب وطنيتهم منعدمة

إخوتي إن فيكم نعمة ربما لا تشعرون بها ......... وأقول لكم لماذا لا تفكرون بفعل شيء من أجل بلدكم في هذا المنتدى فأنت من بلد واحد وأنا مستعدة للمساعدة فيقال أفضل طريقة للتطور هو مساعدة الأآخرين على ذلك
أخي في الله شاعرنا أنت تكبرني بسنة ماشاء الله عليك العمر كله ........ شعرك راق ومؤثر قرأت لك كثير
وبإذن الله أسمعكم أشعاري وخواطري أنا الأأخرى
والسلام ختام
أختك كميليا

يااااااااااااااااااااااااااااة اتشعر بالغربة يا اخى لانك خارج مصر؟؟؟؟؟؟؟؟؟ صدقنى انها ارحم الف مرة من ان تشعر بها و انت داخلها و سط ناسك و اهلك و ربنا يجيبك بالسلامة و تعود للوطن عسى ان تكون الغمة قد انزاحت .............و هنيالك يا عم محمود الناس بقت تشترك مخصوص عشانك دانت طلعت كنز للموقع . ...........اصبر عليا بس ... ........اختى الكريمة كرامة امة...........بارك الله فيكى و جزاكم الله خيرا جميعا ... ...........اة صحيح منور يا دوكتور عماد

جزاكي الله خيرا اختي وبارك فيكي فهذه الاشعار اقوم بنقلها عندي لكي اقراْها عندما يفيض بي الحنين الي مصر الحبيبه .

وعلي فكره لي صديق يقوم بتلحين هذه الاشعار ونجلس سويا ونغنيها معا .هو مش مصري بس حب مصر قوي . و ده شىْ طبيعي فكل من يعرف مصر لازم يحبها

جزاكم الله خيرا جميعا

السلام عليكم....اهل المنتدى الكرام ؟؟؟

انا اللى بقيت غريب مش انتوا .....اغيب بس يوم الاقى الموضوع تفرع الى مواضيع ...
يا ساتر يا رب ....اخى داعى الى ربى ؟؟تعشق مصر مثلنا ؟؟؟
كلنا نعشق مصر ...ومصر تعشقنا ....ولكن شبح الظلام القى الرعب فى قلوبنا فبقينا صمتى ؟؟؟؟
واما بخصوص التلحين ده على بركة الله ...ودايما الاغانى الدينية والوطنية بتكون ليها احساس اخاص ...لازم ها تكون جميلة لانها بتكون نابعة من القلب
اشكرك اخى على كلامك الزوق ......اللى بيدل على زوقك

................................................................................
............
ايمان.....(بقيت كنز على المنتدى)
قرى يا اختى .....اللهم صلى على النبى ...عين الحسود فيها عوووووووووود
................................................................................
............
كاميليا كنت با انتظار اشعارك وما زلت .....انا اكبرك سنا ولكن اعتقد ان الفكر متقارب
فانا اجد فى كلامك نضوجا وخبرة
................................................................................
............
كرامة امة .....ليكى وقفة بقى ....ايه الكلام الجامد ده ..مين اللى كاتبه ....
بجد والله العظيم ...عجزت قدام كلماته...مشكورة اجدا على نقلك العظيم
................................................................................
...........
طالب رحمة ربى ....مصر لما بتنشر بتنادينى اناولها المشابك......
ولو هى فعلا عندها غسيل ...طيران الملها المشابك
جاى ماعايا ولا ها تستنى هنا
................................................................................
..........
وبعد ......تحيرت فى ايجاد كلمة شكرا لكم جميعا...فا اعذرونى ...لن اشكركم
..

ايه دة ياجماعة ايه دة0000000000000000
انا حاسة ان انا غريبة جدا على المنتدى وحاسة ان انا معرفش حد يعنى اول مرة اعلرف اسم محمود ياريت تساعدونى اتعرف عليكوا اكتر اختكم دنيا

ولا احب ارحب بالاخ داعي الي ربي عضو جديد في المنتدي وعايزه اقولك ان فعلا زي ما قولت الواحد لما بيكون بعيد عن مصر بتوحشه قوي . ربنا يرجعك بالسلامه الي ارضنا الغاليه .

وعلي فكره في قصيده محمود كتبها باسم في حبك يا مصر اقاها اكيد هتعجبك.

وفعلا زي ما ايمان قالت ان محمود الناس بقت تيجي علي حسه ماشاء الله عليك عملت اللي احنا مقدرناش نعمله . ربنا يوفقك .

بسم الله الرحمن الرحيم:

اولا احب اشكرك اخي علي هذا الرد الذي اسعدني كثيرا و اشكرك علي ذوقك يا اخي الكريم.

ثانيا والاهم احب اشكر الاخت وسام علي هذا الترحيب واقول لك سمعا وطاعا سوف اذهب الي الموضوع لقراْته. وانا واثق انه سوف يعجبني طالما كان موضوعه مصر وخاصة وان الكاتب اخي محمود.
اشكرك وجزاكي الله خيرا

وجزاكم خيرا جميعا

اكتبيني



اكتبيني فوق جبينك .. طير مسافر

وارسميني .. بين حروفك .. ليل مهاجر

اكتبيني .. ارسميني .. طير مهاجر .. ليل مهاجر ..

وابدريني بين نجومك .. وازرعيني بين دروبك ..

حرف شاعر .. طوق مشاعر

واسأليني .. ليه ترابك مش ناسيني ..

انتي عمري .. ضي عيني .. انتي مصري .. انتي نيلي ..

انتي فرحي .. انتي جرحي .. انتي أمي .. لو تسامحي ..

انتي صرحي .. لو تصارحي .. انتي راسمه .. لون ملامحي ..

انتي دمعي .. انتي جمعي .. انتي شوقي .. انتي سمعي ..

انتي باقية قبلي بعدي ..


يامصـــــــــــــــــــــــــــــــــــــــــــــــــر



الله على *** الكلام

الا مش زى *** الكلام

الله

قصرك المسحور غيلانه

اغبى من دود الغيطان

بعد مص الغصن الاحضر

ينحتوا عضم العيدان

واللى خلى الارض خضرا

واللى خلى الدار امان

مات بخوفه ملو جوفه

مات بخوفه من الغيلان

كلمتين يامصر يمكن هما اخر كلمتين

حد ضامن يمشى امن او مامن يمشى فين

السلام عليكم ورحمة الله وبركاته

شعر جميل اخي بارك الله فيك


احن الى مصر وما انا من مصر ************* ولكنني اهوى بها قادة الفكر

يالله ... أموت وأعرف مين اللى رجع الموضوع ده ...
النص ده من زمان أوى , والذكريات دى .. تخلينى أحس حاجات غريبة ...
المهم .. ربنا يجازيه خير ,,
شكلك إنتى يا رحاب الاسلام ..
المهم برده ..
طبعا مانتي غريبة عن المتدى لأن أى حد بيسجل فيه ,بيبقى أخ وبيلاقى الاخوان والاخوات هنا بسم الله ماشاء الله .. ربنا يكرمهم ويبارك فيهم اللهم آمين ... ده بس مجرد إحساس وهمى ..
المهم للمرة التالتة .. جزاك الله خيرا ..





نجم ..
نجم ..
نجم .. أقول إيه بس .. هوا نجم ..
وإنتا نجم لأنك فكرتنى بيه ..
ربنا يبارك فيك اللهم آمين .

السلام عليكم ورحمه الله وبركاته
ايه يا جماعه هو كلكم زهقانين من مصر
يعني مفيش غيري بيحبها ولا ايه
انا موافق اقعد فيها لوحدي
مش كده اهدو شويه
العيب مش في مصر العيب فينا احنا
وعلي راي المثل قالو يا فعون ايه فرعنك قال ملقتش حد يصديني
يعني لو الريس والحكومه وحشيت يبقي احنا اللي سبنالهم الفرصه انهم يبقو كده

وعليكم السلام ورحمة الله وبركاته ...
اخى العزيز ..
جزاك الله خيرا على طِيب تعقيبك وتواجدك الكريم ..
أدام الله المودة بيننا ..

بعد الشر عليك من المووووت

يا اخى الكريم


شاعر بالحق وللحق دائماااااااا ** تقول