انا عارف ان الموضوع ده متكرر بس حصل حاجات خلت الواحد عاوز يكلم نفسه و كنت عاوز انكم تكونوا شهداء على الكلام اللي بيني و بين نفسي وناس كتيير قالولي ان غلط ان الواحد يكلم نفسه بس انا عاوز اعرف؟مش نفقسي ديه اللي بسببها هادخل الجنة او الاخرى اعاذنا الله منها ؟اقروا الحوار و شاركوني بارائكم:
ي_ك:السلام عليكم و رحمة الله و بركاته
نفسي:وعليكم السلام
ي_ك :طب كمليها ..هنبتديها ببخل؟
نفسي:و رحمة الله و بركاته
ي_ك:عاملة ايه؟
نفسي :بسلم عليك ..فيه ايه هوه احنا هنعد كده كتيير؟طب فين الشاي و القهوة و الذي منه؟
ي_ك:طفاسة ماشفتش زيها و زي صاحبها.المهم ممكن بأه نخش في الموضوع.
نفسي:احسن
ي_ك: هنلعب لعبة لذيذة اوي اسمها سؤال و جواب انا اسأل و انتي تجاوبي
نفسي:لسه خالصين من امتحانات يا عم.بس مفيش مشاكل
ي_ك:ليه كل لما اجي اعمل حاجة صح تخليني ابوظها بحاجة تانية؟لما اجي اطيع امي تقعدي تفكريني بصريخها عليا فاتضايق انا مع ان انتي اساسا اللي كنتي غلطانة مش هيه؟
نفسي:لو كنت بتستعيذ بالله صح كنت لقيتني ساكته و لو انا كنت لقياك قريب من ربنا صح مكنتش هتلاقيني باعمل كده
ي_ك:طب ما انا بصلي و باذكر ربنا؟و بادعي ربنا
نفسي:سألتك بالله و انت بتدعي..بتدعي و انت واثق في الاجابة؟
ي_ك:....................................
نفسي:سكت ليه؟
ي_ك:لأ
نفسي:جاوبت نفسك.اسأل سؤال تاني ؟
ي_ك:ليه انتي دايما سيءة الظن مع اصحابي؟لماذ لا تقنعيني بأعذار لهم؟
نفسي:غتاتة
ي_ك:طب هقولك حاجة :المؤمن يطلب معاذير إخوانه ,و المنافق يطلب عثراتهم.
نفسي: مش هاعمل كده تاني.
ي_ك:لم أعاهدك ابدا مطيعة.و لكن سبحان مغير الأحوال
نفسي:مفيش داعي للفضايح
ي_ك:هكمل معاك بكره انشاء الله علشان الموضوع محتاج قاعدة معاكي.

السلام عليكم ورحمه الله وبركاته
موضوعك على قد ما ضحكني على قد ما عجبني وهوة مفيد وناس كتير نفسم نفس نفسك كده تمام بس النفس نوعين نفس اماره بلسوء ونفس لوامه وربنا اقسم بلنفس الوامه وانا الحمد لله نفسي لوامه وانصحك نصيحه اخرج من اعماق نفسك عالشان انت الي تتحكم فيها مش هيه الي تتحكم فيك والانسان اعدائو كتير وبمعنى الاصح المؤمن اعدائو كتير النفس والشيطان والقب احيانا واهم شيئ القلب اصلح قلبك وبأذن الله الشيطان حيضعف قدامك ونفسك كمان واذكر الله وحكرر اهم شيئ القلب
اسئل الله لي ولك ولجميع المؤمنين التثبيت