بسم الله الرحمن الرحيم
السلأم عليكم

فى البدايه احب اشكر كل من ساعدنى علشان اعرف اكتب بلعربى كانت مشكله عندى بس عرفت الحل
بصراحه حلولكوا ماجبتش نتيجه طبعا بهزر

علشان ماتقولوش انى رغايه اخش فى الموضوع
انا يا جماعه عندى مشكله طبعا زهقتوا من مشكلى بس قدركوا

يمكن ديه فعلأ مشكله او خطاء عند ناس كتير
ان انا بشتم كتير مع صحابى بش الفاظ خارجه و لكن شتايم عاديه
صحابى هم كمان بيشتمونى وما بيذعلوش عادى يعنى
بس المسلم من سلم المسلم من لسانه و يده بصراحه بحاول ابطل
بس اظاهر انى تعودت لو عندكوا حل افيدونى لو معندكوش اقروا و خلأص
و بجد بنصح اى حد بش متعود على الشتيمه يبعد عنها و يحاول مايتعودش عليها
بس يا جماعه عندى سوال
ما دام صحابى عادى الشتيمه فيبقى حرام ان اشتم
اتمنى انكوا ماتكنوش اختوا عنى فكره وحشه بس و الله بش شتايم خارجه


بما ان بقيت اكتب عربى ححاول افدكوا بموضوعات مفيده
السلأم عليكم اختكم R-Moslma

اختى فى الله
انا ممكن لى راى انك تزيدى فى ذكرك لله وعلى طول قولى اذكار واقرئى قران كتير صدقينى هتلاقى لسانك بدء يتغير والاذكار هتحل محل الشتايم بالرغم من صغر شتايمك الا ان كل ده بيتسجل كذنوب والله اعلم فباللسان ستدخلين الجنة باذن الله او النار لا قدر الله وحاولى لو نطقتى بالالفاظ دى استغفرى على طول او ممكن تحطى لنفسك عقاب يعنى مثلا انا لو شتمت هكون ملزمة ان اعمل كذا زى مثلا ان كل شتيمة بمبلغ من المال كصدقة(او انك تعزمينى مثلا ).
وياريت مكنش طولت عليكى ويارب اكون افدتك ولو بذرة من كلامى ,بارك الله فيكى اختى.


اختك فى الله

عودى نفسك كل ماتيجى تشتمى حد تقولى له ربنا يهديك بدل من الشتيمه وتلونى بقه مره ربنا يكرمك ...ربنا يسترك

محدش يشمت ..................









انا كنت حريقة فى حكاية الشتيمة دى ولو كانى اغلبها من باب الهزار مع صحابى
فعلا سبحان الله عارفين ان الواحد وهو بعيد عن ربنا ان مكنش يشتم صاحبه يبقى مش بيحبه ان كان معاه محترم يقولو يا عم انت مش عاوز تختلط بينا وكده وده فعلا بيحصل على الاقل كان حاصل معاى


لكن ...............

الحمد لله رب العالمين الان مفيش وربنا يحفظنى ويديمها عليه نعمة اما الكيفية
فهى كانت وقفة مع النفس ثم قرار ثم ارادة قوية وعزيمة اقوى واصرار ومن ثم جاء التغيير والحمد لله

اشكركم اوى اخواتى و طبعا افدتينى يا مريم

و اشكركم يا عبد الله و بهاء

بصراحه كنت حاسه انكوا بش حتردوا لكن بجد شكرا

و ماتنسونيش من صالح دعائكم

انا شفت موضوعك يلي بدك يانا نساعدك في لتكتبي بالعربي وحاولت ساعد ما بعرف اذا استفدتي مني المهم عندي حل لالك جربي يمكن ينفع والحل هو انك تقولي بينك وبين حالك هاي اخر مره رح اشتم وتصممي بقلبك على هذا الشي ويا ستي كل ما تجي شتيمه ابلعيها وخلص وتروي اكتر ومع الايام انشا الله بتنجحي اذا صممتي

صحة صلاة من يسب والديه مع إثم السب

س: هل تصح الصلاة من الذي يسب والديه؟

جـ: اعلم بأن من يسب والديه يكون سبه لها عقوق وعقوق الوالدين حرام حرام(116)

لأنه من اكبر الكبائر عند الله تعالى سواء كان الساب لوالديه سبهما سباً مباشراً ام كان

الساب لهما غيره ولكن هو كان المسبب لسبهما مثل من يسب ابا الرجل فيكون من هذا

الرجل الرد على السب يسب والديه ولكن لا علاقة بين صحة الصلاة وبين سبة لوالديه

ولا تلازم بينهما أي لا يلزم من كاون السبب لوالديه وعصيان الله بسبه لوالديه أن

صلاته غير صحيحه فصلاته صحيحة بالرغم من كونه قد عصى الله بسه والديه مهما

كان أدى الصلاة على الصفة المشروعة بجميع أركانها وشروطها وواجباتها وإذا ترك

هذا الذنب وندم على ما كان يعمله فصلاته التي كان يؤديها وهو يسب والديه قد صحت وبناء على ذلك لا يجب عليه قضاؤها.

واللــــــــــــــه اعلم ولا تنسونا من صالح دعائكم

مين اللى قال ان انا بسب و الدى انا بكلم عن الشتيمه بين الصحاب

السلام عليكم ورحمة الله وبركاته

يا اختى لم يقل احد انكى تسبين ابويكى ولكن كانت مشاركتى فى الموضوع عن سب

بعد الاصدقاء يسب ابا الرجل فيكون من هذا

الرجل الرد على السب يسب والديه

سبحانك اللهم وبحمدك أشهد أن لا إله إلا الله أستغفرك وأتوب إليك

بسم الله والحمد لله والصلاة والسلام على نبيه ومصطفاه وعلى آله وصحبه ومن والاه

الأخت الكريمة حذر الرسول الكريم من اللسان وفلتاته وقال ناصحا" لسيدنا معاذ أمسك عليك هذا ( يقصد لسانه ) فقال معاذ أوموآخذون نحن بمنا نقول يا رسول الله فقال له الرسول الكريم ثكلت أمك يا معاذ وهل يكب الناس في النار على وجوههم ( أو قال على مناخرهم ) إلا حصائد ألسنتهم.

وأيضا" قال ( صلى الله عيه وسلم ) - (( إن العبد ليتكلم بالكلمة من رضوان الله لا يلقي لها بالا" يرفعه الله بها درجات ، وإن العبد ليتكلم بالكلمة من سخط الله لا يلقي لها بالا" يهوي بها في جهنم )) رواه البخاري.

أبعد هذا الحديث أعبث بالكلمات والشتائم ولو بالضحك؟!!!

وهناك قصة للشيخ السديس إمام المسجد الحرام قال كنت غلام كثير الحركة وكانت أمي تتضايق مني وفي أشد حالات تضايقها مني كانت تقول ( روح إلهي أشوفك إمام المسجد الحرام ) وهاهي ذي قد أكرمها الله وولدها بهذا الدعاء

أكرمني الله وإياكم بواسع عفوه ومغفرته ، وجزاكم الله خير

انا هنا مين بينادى
مييين


مييييييييين





ميييييييييييييين

قال رسولنا الكريم " سباب المسلم فوق و قتاله كفر" ولذا يجب ان تتوقفي عن ذلك و عليكي بنصيحة اصدقائك برفق فان لم يتوقفوا عن ذلك خذي موقف جدي ممن تفعل ذلك حتى لا يتكرر و ان اضطررتي الى مقاطعتهم..... و صدق رسولنا صلى الله عليه و سلم حين قال" المرء على دين خليله فلينظر أحدكم من يخالل"

و السلام عليكم و رحمة الله و بركاته

السلام عليكم و رحمة الله و بركاتة

اعلم حبيبتى قصدك فى حكاية الهزار دى , لإنها كما قلتى منتشرة جدا .............لكن اتفقى انتى و أصدقائك انكوا تفكروا بعض بعدم الشتم ..........لأنهم كلما هروا معكى بالشتيمة تلقائيا ستجدى نفسك تردينها او تقولين "اهو انتى" صح؟؟؟؟؟؟؟؟؟؟؟

و عموما الكلام لا يخلو من الهزار و الغتاتة على الصحاب. ........بس انا مثلا لما اجى اهزر مع صحابى

بنقول كلام تانى . .......من غير حد ما يضحك. ..........يعنى اذاحد عمل حاجة تغيظ بدل الشتيمة بقولها "أية يا ست الكوتكوتة".. ...........صلى عالنبى امال . ...........اية يا ست الحجة.. ..............يا بنت اللذينا أمنوا.. .......ماشى يا ظرفوا ,,,,,,,,,,ا و يا زرافة. ............

طبعا ضحكتوا بردوا انا عارفة , و دة اللى بيحصل بينا .. .......مهما كان الموقف اذا قلنا كلمة من الكلام دة ينقلب الموقف الى ضحك .............

يعنى حاولى اختى تتغلبى على تلك المشكلة و رويدا رويدا هتلاقيها اتحلت ان شاء الله