السلام عليكم ورحمة الله وبركاتة
لو جات لاى حد فيكوا فرصة ان هو يصلح من نفسة بلدة اسرتة قريابة مجتمعة اية اول حاجة ممكن تفكر فيها وتقدر ان انتى تصلحها ممكن اعرف

السلام عليكم ورحمة الله وبركاته

بارك الله فيك اختي في الله

موضوعك فعلا مهم وهو ان الواحد ازاي يغير من المحيطين به سواء في محيط الاسره او الاصدقاء او ... او ....

ولكن هل ترين ان هذا يلزمه فرصه ؟!

لا يا اختي ان هذا في امكان كل مسلم فينا بل فرض علي كل مسلم فينا وهو نصرة الاسلام والدعوه الي دين الله .

عشان نبدأ نصلح في اللي حوالينا عايزين نكون احنا قدوه حسنه لهم

يعني مش هينفع اقول لبنت اتحجبي واكلمها علي الحجاب وانا مثلا مش محجبه ففاقد الشيء لا يعطيه .

ولا مانع ان نغير انفسنا ونحن نغير الغير ولكن نحذر ممن يقولون الفعل ولا يتبعونه ولا نأمر الناس بشيء ونحن لا نفعله حتي لا نكون من المنافقين والعياذ بالله .

انا طولت عليكي معلشي بس حبيت بس الفت نظرك ان الموضوع مش محتاج فرصه اد ما هو محتاج جرأه و قوة ايمان

متفكريش هتبداي بمين اي حد محتاج لمساعدتك لا تترددي في مساعدته

ساعدي اخواتك المسلمين واعينيهم علي فعل الخير والطريق الصحيح

ابدأي اولا بمحيط الاسره ماما و بابا واخواتك وكمان اصدقائك المقربين وهكذا
واهم حاجه انك تخلصي النيه لله وتيقني انه سوف يعينك

جزاكي الله كل الخير

شكرا ليكى يا جنة الرحمن وانا هحاول انشاء الله بس ابدا الاول من نفسى لان فاقد الشى لا يعطية

مواضيعك كلها جامده يا ميوش
بصى ياستى انا لو ححاول اصلح فى الى حواليا
حخلى مدارس الصبيان الثانوى بعيده عن مدارس البنات الثانوى
حاجه غريبه صح
بس انا مش عارفه ليه نفسى اعمل كده وما اخليش فى مدارس مختلطه خالص

واحاول اخليهم يتابعوا صناع الحياه على النت ويشتركوا فى نشاطاتهم
ويكونوا اجابيين

وحباا امخمخ فى شويه حاجات تانيه وااولك عليها


احبكم فى الله
اختكم / تسنيم

[quote=ربيع الوجود,Oct 11 2005, 09:57 PM]
مواضيعك كلها جامده يا ميوش
بصى ياستى انا لو ححاول اصلح فى الى حواليا
حخلى مدارس الصبيان الثانوى بعيده عن مدارس البنات الثانوى
حاجه غريبه صح
بس انا مش عارفه ليه نفسى اعمل كده وما اخليش فى مدارس مختلطه خالص

واحاول اخليهم يتابعوا صناع الحياه على النت ويشتركوا فى نشاطاتهم
ويكونوا اجابيين

وحباا امخمخ فى شويه حاجات تانيه وااولك عليها
احبكم فى الله
اختكم / تسنيم

[/quot
احب اسالك يا ربيع الوجود هو الاختلاط فى المدارس حراام مع العلم انى ومن وانا صغيره فى مدرسه مختلطه ولحد دلوقتى فيها؟

بجد والله مرسى ليكى يا ربيع الوجود انتى وتوتا بس المشكلة مش فى الاختلاط المشكلة فى البنات والولاد اية يعنى ياما كان
فية بنات كتير فى مدارس مختلطة ومؤدبين

بجد مش علشان الاخوات قالو ان مواضيعك كلها حلوة وجامدة
هى بجد كده حلوة اوة


بصى انا قبل ما افكر انى اصلح اللى حواليا
انا الاول ابتدى اصلح من نفسى
لانى شايف اننا فيا حاجات كتير محتاجة تعديل
او تغير
لما الاقى نفسى بقيت تمام
ابتدى اصلح من اللى حواليا


وبارك الله فيكى

ربنا يخيليكوا كلكوا وشكرا اوى ليكوا على كل الكلام الحلو دة وربنا معاكوا وتقدروا تصلحوا من نفسكوا ويهدينى يا رب وابقى زيكوا

يا جامد يا ميوووووووووووووووووووووووووووووووش

اده اده لا بجد والله كلام قليل بس يتعمل منه مواضيع

انا عن نفسى اول حاجة هعملها

انى اخلى اللى حوليا يحبوا بعض جدا وفى الله مخليش حد يحقد او يغل لحد ابدا لان الحياة متستهلش خالص

اخلى كمان البنات والولاد يراعوا ربنا فى بعضهم ويرحموا شوية

يعنى حاجات كتير شوية

بس مش هطول عليكى

اختك فى الله (اسيرة الصمت)

بسم الله الرحمن الرحيم
ام بعد
ابنائي واخواتي فى الله
انا شايف الموضيع كلها جامدة اوي ولكن فعل مافيش نحن شعب عاطفي ذيادة عن اللزوم ومثال بسيط ياتي الشهر العظيم الذي كرمة الله ذىالجلال والاكرام في كتابة الكريم ترىيااخوتي الشعب كلة امسك بالمصحف في الطرقات والمواصلات العامة وكل مجتهد خوفا من شهررمضان وعند اذان المغرب لاتر ى في المسجد الامارحم ربي وباق البشر في البيوت يملائون البطون ما الذا وطاب من الطعام والشراب وهذا مثل بسيط نحن لسة في رمضان مابالكم ياخواتي اذاذهب رمضان اقول ام لا اقول وامري الي اللة يرجع المصحف ثاني الى مكانة وينتظر العام القادم وهكذا نقول مالانفعل فنبدابالنفس نهذبة ونربية على طاعة الله وبذلك نكون ان شاء الله من الفائزين في الدنيا والاخرة ونتق الله في الشعرات والمجمالات لاتي لاتفيد والله اعلى واعلم

والله انتى عسل يا اسيرة وبعدين دة من بعض ما عندكم وعمر العين ما تعلى عن الحاجب باردوة

والله انتى عسل يا اسيرة وبعدين دة من بعض ما عندكم وعمر العين ما تعلى عن الحاجب باردوة وبعدين يا توتا انا عايزة اسالك سؤال انتى دايما كدة بتعملى اقتباس مافيش حاجة بتكتبيها بنفسك لية

هاى ميوششششششش بجد موضوعك لذيذ
وكويس انك بتعرفى تكتبى اتوقعلك مستقبل باهر انا فاكر وانا عندى 16 سنة كان اخرى اتفرج على space tooooon
عايز اقولك حاجة مرحلة الاصلاح الى انتى بتتكلمى عليها دى مرحلة مش الى احنا نصلح المنطقة الى انتا ساكن فيها او تبعد مدارس الثانوى البنيين عن البنات لا مرحلة الاصلاح هى مرحلة اصلاح سياسية يعنى تغير نظام بلدك انا شايف دة الاصلاح
لية راى تانى احب اقولة مش عارف اية حكاية المدارس دى
عايز اقول حاجة ان لو الولد لحد مايتخرج متعملش مع بنات يعانى حيصيبوا حالة نفسية بيالعكس دة احنا المفروض نخلى كل المدارس مشتركة ويكون فى تعامل اخوى بين الاولاد والبنات حنواجة شوية مشاكل لكن حنقضى على مشاكل

شكرا ليك يا اكسنت وبعدين والله ردك جميل وكويس والنظام السياسى فعلا عايز يتصلح بس انا لسة بتفرج على

space toon teenz and mbc3
وبجد انا فرحانة ليك والله ان ربنا هداك يارب ابقى زيك ويهدينى يارب امين
بس لنت تفتكر ازاى ممكن نعمل اصلاح سياسى وبعدين ازاى يعنى الولد هتجيلة حالة نفسية؟عايزة اعرف ردك فى الاتنين معا دون الاستعانة بصديق هههههههه

اوكى بدل انتى سالتى يبقى انا حجاوبك هناك العديد من الدول العربية بدون ذكر اسامى يعنى
يبتعد فيها الولد نهائيا عن البنت مش حقولك ان الرجل شاف 2 ستات فى حياتة مراتة وامة
بس
طبعا المظهر الخارجى للمدينة او الدولة انها كويسة انما لو دخلتى جو المجتمع نفسة حتلاقيهم بيعانوا من العديد من المشاكل فى الناحية دى بالذات ومستاليش زى اية ؟
انما احنا هنا فى مصر طبعا انزل الشارع فى اى وقت وفى اى مكان حتلاقى ستات وبنات وكدة مش ممكن تسمعى عن مشكلة فى مدرسة مشتركة زى مثلا
ولد عاكس بنت ولد ضايق بنت
لكن بالنسبة للمدارس الحكومية البنيين فقط فبيعانى الولد من عدم وجود بنات وباالتالى بيظطر انة يروح زى المعفنيين يشوف البنات ويعاكسهم على امل ان واحدة منهم حتبصلوا
وبتكون داخلة الجامعة لى هى مكان لذيذ جدا يجتمع بة الشباب مع البنات ولانة كان محروم يعانى فبينفض لمحاضراتة ودراستة ويفضل قاعد مع البنات
انما هو لو عرف بنات قبل كدة فالجامعة بالنسبالة هى عادى زى المدرسة فيضطر من نفسى يحضر ويلتزم ولا اكن فى حاجة جديدة
اما عن اصلاح السياسى فاانا مش عايز اتكلم هنا وفى الموضوع دة كتير بس اقدر اقول حسبى اللة ونعم الوكيل

السلام عليكم ورحمة الله وبركاته

كويس جدا اننا نغير من نفسنا فعلا يا شباب

لكن ده مش يخليك انك تتكاسل وتقول انا محتاج تغيير لنفسي اذا انا مالي بغيري

طول ما الانسان علي وجه الحياه لازم ياخد بأيد غيره ولو في اقل حاجه

يعني البنت اللي حاسه انها بعيده عن ربنا جدا وحتي مش محجبه متقولش لما ابقي اصلح من نفسي ابقي اشوف غيري

لا يا اختي وحبيبتي يجب عليكي ان تأخذي بيد اخت مثلك تكون في بداية الطريق حتي تدخلوا الجنه سويا ان شاء الله .

ونفس الكلام للشباب طبعا .

بالنسبه لموضوع الاختلاط ده فانا لي تعليق علي رايكم

الاخ اكسنت بيقول لازم الاختلاط ووضح وجهة نظره لكن يا أخي

فلنرجع الي اسلامنا و دينا وعاداتنا وتقاليدنا ستجد ان الاختلاط غير مطلوب

فكيف نطالب ان نعود ابنائنا من الصغر علي الاختلاط فيشبوا ويكبروا عليه وكأنه شيء عادي جدا .

يعني انت بتقول ان الشاب اللي في مدارس غير مختلطه بيبحث عن البنت في الطرقات ليعاكسها املا ان تعجب به .

وتري الحل في المدارس المختلطه منذ الصغر

لا يا اخي بلاش نحل المشكله بمشكله تانيه

يعني احنا ممكن اننا نربي الطفل من وهو صغير علي عدم الاختلاط وعلي الاخلاق الحميده الذي امرنا بها الله ورسوله ونعلمه كيف يعامل اخواته في الله بعد ذلك سواء كان في جامعه او في العمل .

و بذلك سيكبر الطفل وهو علي درايه كافيه بما سيؤهله لمعاملة البنات اللاتي هن في مقام اخواته بالظبط .

التربيه من الصغر كالنقش علي الحجر والتربيه في الكبر كالنقش علي الماء

اسفه للاطاله بس حبيت اوضح لكم وجهة نظري في الموضوع

اشوفكم علي خير

بصراحة يا اكسنت ردك جميل انت وجنة الرحمن فعلا انا كنت بشوف الولاد دول علشان انا كنت فى حكومى لكن كان جنبينا مدرسة المنهل ودية سمعة لوحدها ومختلطة بنات على ولاد بس باردوة كنت تلاقيهم على طول بارة البنات مع الولاد وتيجى تلاقيهم بيشموا هيروين قودام المدرسة بتاعتنا ومعهد خدمة اجتماعية دة غنى عن التعريف زى ما تقول المعهد اتنقل بارة فى الشارع بس انا مع جنة الرحمن فى رايها والاختلاط مش وحش لكن لو كان فية حدود وكل واحد بيت عامل مع التانى كصديق اخ مش نلاقيهم بيضربوا بعض وبيعضوا بعض صح ولا لا

السلام عليكم ورحمة الله وبركاته

جميل المناقشه جدا

وهرد على حببتى ميوش ربنا يخليكى يارب اما بقى يا عم ميوش فأتا يا حببتى مواضيعه فيها اكتر من موضوع عبارة عن قصص حقيقة مليانة مواعظ وده انا بنقلها لكن لو دورت فى الملف بتاى كويس هتلاقى انى عمله موضوع سياسى عن طريق السخرية وموضوع اجتماعى وموضوعين شعر يعنى هتلاقى بس انت دور ياجميل

اختكم فى الله (اسيرة الصمت)

وجهة نظر جميلة منك يا جنة الرحمن
لكن بصراحة انا خاتلف معاكى فيها
ميوششششششششششش بسبب سؤالك فى ردى فى موضوع نور الى زوجها مش بيخلف وبسبب اجابتى الصريحة طبعا خليتى الناس كلها تشتم فيا كدة يا ميوششششششششششششششششش

بسم الله الرحمن الرحيم

السلام عليكم ورحمة اللة وبركاتة

يجب علينا ان نغتنم الفرصة ...........................................................

من كان يومه كامسه فهومغبون .ومن كان يومه شرا من امسه فهو ملعون
ولم فى عيوب الناس عيبا كنقص القادرين على التمام

لا طبعا مش كدة بس انت بصراحة كان ردك غبى اوى عليها يعنى عايزها هى تفضل ماسكة فية وهو يسيبها وبعدين انتى تخاف ليتكلموا عليك رد

أذا اردت التأثير في الناس ومن حولك فأجعل منهاج حياتك الحديث الشريف كان خلقه القرأن وكان قرأنا يمشي علي الأرض فخير تعليم لمن حولك هو سلوكك. وصلي اللهم علي الحبيب المصطفي وعلي اله وصحبه وسلم.

علية افضل الصلاة والسلام وانا بشكرك لردك على هذا الموضوع