السلام عليكو


ازيكو ايه الاخبار يا رب بخير دايما

بتدعولى بالمزيد ولا لا ؟
شكلكو مش فكرنى خااااااااااااااااااالص

المهم






موقف ظريف عجبنى اوى واثار فكرة فى ذهنى





النهاردة وبعد ان انتهينا من صلاة العصر فى المسجد خرجت وبلبس حزائى واذا بطفل كان يصلى معنا يقول

( عمو عمو هو النهاردة كام رمضان )


فرديت النهاردة 24 رمضان

قال الطفل 24 يعنى بكرة 254 وبعد 26 و............. واخد يعد على صوابعه حتى اتم نهاية الشهر وقال باقة 5 او 6 ايام على انتهاء رمضان
قولتله وهو انت عاوز رمضان يخلص ؟

قالى اه طبعا يا عمو

قولتله ليه بقى ؟

رد ببراءة الاطفال علشان العيد يجى ونضرب صواريخ

ابتسمت ومشيت



وبعدها تذكرت هو احنا عاوزين رمضان يخلص برده زى الطفل ده ولا ؟




السؤال دلوقتى موجه للكل ومفيش حاجة اسمها تدخل تقرا الموضوع وبعدها تخرج من غير ما ترد عاوزين عدد المشاهدين يساااااااااااااااااوى عدد الردود


السؤال دلوقتى


هل انت عاوز رمضان يخلص ؟

ان كان اه فقول اه ولماذا تريده ان ينقضى


وان كان لا فتقول لا ولماذا لا تريد ان ينقضى



للموضوع بقية ولكن بعد الاستفتاء


المطلوب الان هو اه ولا لا بس مع السبب

akhi"baha(e) baraka allaho fik ,wa ra3ak...ana wi in jit li assaraha, bahib mout ramadan,wi moch 3ayza yintihi bi assor3a di,bibasata... li inno chahr rabaniy, wi fih da3awatna, hatostajab, wi chahr hayighfir fih rabina kol donobna ,wi haynajina min annar, wi bardo li inno chahr bitoktor fih halawit il iman, wi binhis aktar bi wojoud rabina

السلام عليكم ورحمة الله وبركاته

ودايما ماشاء الله سباق للخير انا بحسد مش بقر

المهم

انا بصراحة مش عايزة الشهر الجليل ده يخلص وياريته يبقى العمر كله

الاسباب:

الشهر ده انا بصوم فيه ومحدش بيقدر يقولى انتى تعبانة وضعيفة متصوميش وانا بطبعى بمووووووووووووت فى الصيام

وكمان الاجر فيه مضاعف

لله فى رمضان عتقاء من النار وذلك فى كل ليلة

فيه ليلة القدر التى تعادل بالظبط 84سنة اذا قضينها لانوم ولااكل ولاشرب نعبد ربنا بدون غفلة تساوى لحظة صادقة فى هذه الليلة المباركة

لكن بقى نخلينا فى الواقع ان لله حكمة فى ان يكون رمضان شهرا واحدا

وان كان سنة او اكثر لما كانت تلك الهمم العالية وسوف نمل العبادة فيه فى وقت او اخر

ولان الله عز وجل عالم بالبشرية وانفس الخلق الذين خلقهم فجعل هذا الفضل لشهر واحد فقط

لنجدد فيه العهد مع الله ونجدد حبنا مع الله ونجدد عبادتنا مع الله بشوق ولهفة على هذا الشهر

وايضا لان الله عز وجل يعرف بان الانسان بطبيعته اذا غاب عنه شيئا يحبه ويعود اليه فيستقبله بكل همة وشوق وحب

هذا والله اعل واعلم

ماشى ياعم بهاء دايما مموس وسابق للمواضيع الحلوة اكيد انت موس كدة فى الكلية موووووووووووووس

يا سلام عليكى يا ست رحاب



ماشى


طيب انا قلت تجاوبى بس وتقولى السبب يعنى انت اخترقت القوانين وقولتى كلام لسه ميعاده


انا قلت للموضوع بقية يعنى ناجل الكلام ده لما الاستفتاء يخلص


غير مطلوب من الاخوة والاخوات ان يفعلو مثل رحاب مطلوب فقط ان تجاوب باه اولا مع ذكر السبب فقط اما رحاب فحسابها معايا عسير

انا موس ؟ مااااااااااااااااااااااااااااااااااااااااشى
القر ده خلانى والله لسه مفتحتش كتاب حتى الان



زى ما قلت اجايبة فقط على السؤال الى ان ينتهى الاستفتاء وبعدها كما قلت للموضوع بقية

شهر رمضان قد كان القيام ليلا قرة عين الموحدين ومريقا لدموع الخاشعين و سببا لتلاوة آيات الذكر الحكيم وقد من الله علينا فلم يحرمنا هذه اللذة في غير شهرنا المودع
شهر رمضان شهر الجود والكرم شهر الصدقات والنفقات فيه يطعم المسكين و يحسن إلى اليتيم و الأرملة والصدفة تطفئ غضب الرب في كل الشهور وتظل المتصدق فيأخوة الاسلام إن رمضان هو شهر القرآن نعم بحق هو شهر القرآن وقد تـنعم المسلمون بتلاوته واستماعه وتدبره ظل عرشـ الرحمن
فكيف لنا ان نتمنى دهاب هدا الشهر الكريم و قد عتقت رقابنا من النار واطلع الله علينا جل جلاله ونحن نرفع الاكف بالدعاء .....والله منايا لو كان العام كله رمضان....



للهم انا نسألك الجنة اللهم اجرنا من النار اللهم أحسن عزائنا في فراق شهرنا واجعل لنا منه أوفر الحظ والنصيب واجعل نصيبنا منه أعظم النصيب واجعلنا ممن كان شهرهم شاهدا لهم - اللهم بقدر فرحنا بعيدنا بقدر حزننا على فراق شهرنا فلا تحرمنا من الفرح برحمتك و الدخول في جنتك والفوز برؤيتك يا ذا لجلال والاكرام

السلام عليكم ورحمة الله وبركاته

عمو بهاء اخبارك رمضان كريم
اما عن ردى يا عمو فهــــــــــــــــــو كاْلاْتى
من رُحم في شهر رمضان فهو المرحوم، ومن حُرم خيره فهو المحروم، ومن لم يتزود فيه لمعاده فهو ملوم.

يعنى مش عايز صواريخ

ومش هطول اكثر من كده بشرط يا بهاء اساْلك الدعــــــــــــــــــــــــــــاء

يا من طالت غيبته عنا، قد قربت أيام المصالحة، يا من دامت خسارته قد أقبلت أيام التجارة الرابحة، من لم يربح في هذا الشهر ففي أي وقت يربح ؟ من لم يقرب فيه من مولاة فهو على بعده لا يبرح.

والله يا بهاء انا قلبي بيتقطع مع كل يوم بيعدي من رمضان لدرجة الاكتئاب

رمضان بيعدي قدام عيني وبتحسر على الخير اللى هايفتنا

ان لله وان اليه راجعون

بالله عليكم جميعاً أسألكم الدعاء

ياااااااااااااااااااااااااه هو فيه حد يحب رمضان يخلص ......لااااااااااااااااااا ده يبقى في عقله حاجة

ده رمضان ده شهرالخير والبركة ده شهر القرأن والطاعة

انا بحبه اوى علشان ببقي قريبة من ربناجدا فيه وكمان بروح المسجد كل يوم
ورمضان السنة دى كمان مختلف ده احنا بنسمع فيه علي خطي الحبيب وبنحاول نمشي عليها
اول يوم في رمضان انا كنت فرحانة اوى
لكن دلوقتي واحنا في الايام الاخيرة ومش ضامنين رمضان هيجي علينا تاني واحنا عايشين انا حزينه جدا


اللهم اقبلنا واجعلنا من عتقائك من النار في هذا الشهر الكريم واجعلنا يا ربنا من اهل ليله القدر


امين امين اميييييييين يارب العالمين

انا باة ردى غيركوا خاااااااااااااااااااااالص
رمضان يخلص ميخلصش دة كلة مش هيفرق معاية ولية معرفش عادى انا شكلى كدة عايشة فى الدنيا بالبركة ومتزعلوش من الرد دة اوكى

السلام عليكم

على فكرة يابهاء انت خليت عينيه تدمع

انانفسى الشهر دة ميخلصش خالص علشان الواحد بيقرب من ربناجامد

ولو تلاحظو انه هوه اسرع شهر فى السنه وبيجرى بسرعه

وصح الوقت الحلو بيعدى بسرعه

وانا والله مكتئبه جدا علشان ماستفدتش من رمضان دة كويس

اما بالنسبه لميوش عارفه هتعرفى طعم رمضان امتى 000

لما ربنا ينعم عليكى بنعمه الطاعه وربنا يهديكى ان شاء الله

السلام عليكم اخى العزيز بهاء
اخبارك ايه
ان شاء الله خير
اما انا بجد نفسى رمضان يبقى لحد يوم 15
ومن او يوم 15
يمر 3 او 4 اشهر محسوبين من رمضان بس يوم 15 بس
فهمتونى بقى

اللهم اعد علينا رمضان بالخير واليمن والبركات
اللهم تقبل منا صلاتنا

لاء مش عايزاه يخلص

عشان زى ما قولتم انه شهر العباده

بس بينى وبينكم برده نفسى العيد ييجى


يعنى انا مش عايزه رمضان يخلص بس لو خلص مش حزعل عشان العيد

حتقولوا ايه كلام الاطفال ده معلش استحملوا قدركم

اصل احنا كمان حننزل القاهره ثلاث ايام العيد



احبكم فى الله
اختكم تسنيم

السلام عليكم ورحمة الله وبركاته
ihna dayman binhzan lama yikhlas ramadan e binstana yiji min tani lakin al 3am dah mich hanistana lama yiji lazem ihna nekhali sana kolha ramadan bi iden allah haniwessal li had al hadaf mich lazem nekhali al 3ibadat moktasira fi ramadan bas lakin in chae allah ta3ala tichmal al sana kolha
asli fi haja ihna mich 3arfin ida kona han3ich li had ma yiji ramadan al sana al jay we la
lihada lazemna n3ich kol youm 3ala ano ramadan
momkin fi al siyam nisoum itnin we khamis we 3ibaditna tistamir toul al ayam al okhera
السلام عليكم ورحمة الله وبركاته

بسم الله الرحمن الرحيم
لا طبعا لا طبعا لا طبعا
انتوا حلويين اوى اوى وانا بحبكم خالص
لكن لالالالالالالالالالالالالالالالالالالالا
مش عايزة رمضان يمشى

السلام عليكم و رحمة الله و بركاتة

إجابة السؤال الأول

لا ...............السبب .............لانى بحبة مووووووووووووووووووووووت و لما بصدق بيجى عشان حاجات كتيييييييييييييييييييييييييييييير اولها ان الواحد بيلم لسانة و تانيها ان الواحد بيدعى بضمير و تالتها ان الواحد بيحافظ على قيام الليل و ثالتها ان الواحد مش بياكل كتير و رابعها.................و الله كتير بس ورقة الإجابة مش مكفية

لو سمحت ممكن ورقة اضافية

انا مع رأى شادى
لأنى مبحسش بالراحة والهدوء أوى زى رمضان
حتى الهوى والنقاء بيزيد
صديقة جديدة
ايمان

مرحبا بكى يا أيمى و يارب يكتروا ايمانات كتير فى المنتدى عشان نعمل حزب الأيمان ...............يالا انتى من دلوقتى بقيتى ليكى حماية تبع الإشراف يا ستى و ليكى حماية خاصة منى اكراما لإسمك بس

أيتها خدمة

السلام عليكم ورحمة الله وبركاته




الاخو والاخوات الحمد لله كله جاب اللى جواه حتى مايوش



المهم



نستخلص من كل الكلام اللى فات اننا مش عاوزينه يخلص


كفاية روح المحبة واللمة الحلوة والتصافى بين الناس



لما تلاقى الاب ساحب ابنة الطفل وهو لابس الجلابية البيضة كده ورايحين يصلو العصر وبعدها يتجمع الناس فى المسجد كانه يوم الجمعة من كثرة الناس واللى يقرا القران ويستبقوا فى الختمة مين هيختم كام وكده ده غير الاذكار
غير الاجتهاد فى اعمال الخير من افطار المساكين وصلة الرحم والتالف بين الاصحاب والاخو والتصالح الربانى بين العبد وربه وشنطة رمضاااااااااان وغيره وغيره من الاعمال اللى بتشرح صدر الواحد منا



اما تلاقى الام تصحى تتوضا وتصلى وتنده على ابنها ( بهاء ) انت يا واااااااااااد تعالى انزل هتلنا الطلبات ويرد المسكين هو مفيش الا انا كل يوم لكن يرجع زى الشاطر كد ه علشان رمضان مش حاجة تانية اوعو تفكروا علشان حاجة تانية يرجع يسمع الكلام بهاء الشطور وينزل كده زى الحلاوة يشترى الطلبات ويرجع تبدا الام تجهز الطعام ويتلم الكل على الفطار بروح كلها فرحة اولا باللمة ثانيا بالاكل وبعدها اللى مصلاش المغرب بيصلى ويبدا للتهىء للنزول الى الخير الوفير الى المكان الذى ينتظره كل يوم الى المسجد صلاة العشاء والتروايح التى تروح عن النفس همومها وغمومها ويقرا الامام ويتذكر الانسان ويخشع القلب وتدمع العين وان شااااااااء الله يتقبل الرب



ولكن




















كل هذا هيروح بعد ايام بل اقول لحظات





















ولكن

















ما رايكم ان نعيد هذا ؟















عجبنى اوى كلام اختى رحاب لما قالت ان رمضان شهر التجديد نجدد به ايماننا فى العام






ايه رايكم نجعل فى الاسبوع يومين رمضان

موافقين ؟

طيب

يوم الاثنين والخميس
باذان الله تعالى كل من دخل وقرا الموضوع بالله عليك اخى ان نلتزم جميعا بما نتفق عليه الان




يوم الاتنين والخميس هيكون رمضان الاسبوع بتاعنا



صيام وقراءة قران فى الميعاد اللى متعودين عليه بالقراءة فى رمضان وكل الاعمال اللى تذكرنا برمضان






نحوش يا عمو ويوم معين فى الشهر نقوم بعمل خير كصدقة او تقديم طعام لاسر محتاجة او نعمل مع الصحاب والقرايب شنطة ونسميها شنطة تذكير برمضان






يومين يا جماعة فى الاسبوع نتذكر بهم رمضان نعيش رمضان كل اسبوع



نفسى اوى اوى والله نعيش الاحساس ده


انا مش عاوز ناس تقرا موضوع واه جميل بارك الله فيك وزاك الله خيرا
لا انا عاوز ناس تعيش الشعور فنبدل شهر رمضان بشهور



وخلى النية انه رمضان والثواب انه ثواب رمضان وان شاااااء الله هتاخد الثواب ده احسن الظن بالله

عارفين والله العظيم انا بعمل حاجة غريب كده بس حلوة اوى بحسن فيه الظن بالله وارجو من الله ان يكون عند ظنى به سبحانه
مش هقولوكو ايه هيا علشان عارف هتضحكو عليا




المهم






دلوقتى دور كل واحد ان يكتب عمل متعودين عليه فى رمضان اننا نتفق على عمله بعد رمضاان داااااااائما مع الاخذ فى الاعتبار عدم الزيادة اوى علشان برده نخلى بالنا من باقى الامور الملتزمين بيها


مش هنقول الايام كلها هنعمل فيها زى رمضان لا طبعا مش هينفع لان هذا الشهر اصلا بيكونمبارك اوى لدرج اننا نقوى على فعل اعمال كثيرة نرجو الله ان يتقبل ولكن نداوم على اعمال بعد رمضان كما قنا كى تذكرنا فى رمضان ....المطلوب الان تقديم اعمال رمضانية نداوم عليها بعد رمضان ... هنجمع منها بعض الاعمال ونقوم بعمل اسقصاء عليها بالموافقة وكده ولكن ما اعاود النبيه عليه ان كل م يقرا هذا الكلام انو يكون عهد بينكوبين ربك اننا كلنا نعمل العمل ده
والله المستعان

لا تنسونى اخوتى واخواتى بدعوة خالص لوجه الله
اسالو الله لى المزيد

وماذا بعد رمضان ؟ كنت في رمضان في إقبال على الله ..أُكثر من النوافل ..أشعر بلذة العبادة .. وأكثر من قراءة القرآن الكريم .. لا أُفرط في صلاة الجماعة .. منُقطعا عن مشاهدة ما حرم الله ..
ولكن بعد رمضان فقدت لذة العبادة التي أجدها في رمضان ولا أجد في ذلك الحرص على العبادة ..
فكثيرا ما تفوتني صلاة الفجر مع الجماعة ... وانقطعت عن كثير من النوافل وقراءة القرآن .. وووووووو ....

فهل لهذه المشكلة من حل أو علاج ؟!

إليك أخي "10" وسائل للمداومة على العمل الصالح بعد رمضان

1- أولاً وقبل كل شي طلب العون من الله – عز وجل - على الهداية والثبات وقد أثنى الله على دعاء الراسخين في العلم { رَبَّنَا لا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ }

2- الإكثار من مُجالسة الصالحين والحرص على مجالس الذكر العامة كالمحاضرات والخاصة كالزيارات .

3- التعرف على سير الصالحين من خلال القراءة للكتب أو استماع الأشرطة وخاصة الاهتمام بسير الصحابة فإنها تبعث في النفس الهمة والعزيمة .

4- الإكثار من سماع الأشرطة الإسلامية المؤثرة كالخطب والمواعظ وزيارة التسجيلات الإسلامية بين وقت وآخر .

5- الحرص على الفرائض كالصلوات الخمس وقضاء رمضان فان في الفرائض خير عظيم .

6- الحرص على النوافل ولو القليل المُحبب للنفس فان أحب الأعمال إلى الله « أدومه وإن قل » كما قال صلى الله عليه وسلم .

7- البدء بحفظ كتاب الله والمداومة على تلاوته وأن تقرأ ما تحفظ في الصلوات والنوافل .

8- الإكثار من ذكر الله والاستغفار فإنه عمل يسير ونفعه كبير يزيد الإيمان ويُقوي القلب .

9- البعد كل البعد عن مفسدات القلب من أصحاب السوء و أجهزة التلفاز والدش والاستماع للغناء والطرب والنظر في المجلات الخليعة .

10- وأخيرا أوصيك أخي الحبيب بالتوبة العاجلة .. التوبة النصوح التي ليس فيها رجوع بإذن الله فإن الله يفرح بعبده إذا تاب أشد الفرح .

أخي المبارك لا تكن من أولئك القوم الذين لا يعرفون الله إلا في رمضان لقد قال فيهم السلف " بئس القوم لا يعرفون الله إلا في رمضان " وداعاً أيها الحبيب إلى رمضان آخر وأنت في صحة وعافية واستقامة على دين الله إن شاء الله

ده بقى مش كلامى ده منقول ولكن


زى ما قلنا كل واحد يقدم اعمال نداوم عليها حتى نتفق على مجموعة منها ونقوم بتطبيقها ارجو النشاط شوية مالكووووووو

جزاك الله خيرا اخى فى الله على هذا الموضوع الرائع وجعله فى ميزان حسناتك ان شاء الله اولا انا مش عاوزة رمضان يخلص ابدا بس بما ان حكمة ربى تقتضى ذلك فأنا عند حكم ربى اما الأقتراح اللى انت قلته بخصوص يومى الخميس والأثنين فهو اقتراح هايل وانا معاكم ان شاء الله واما بالنسبة للأعمال التى يجب ان نداوم عليها بعد رمضان فهى:
1- الصلاة على وقتها فى جماعة اذا امكن ذلك
2- عدم هجر القرآن بعد رمضان فرب رمضان هو رب باقى الشهور
3- المحافظة على الصدقة
واخيرا بارك الله فيك ورزقك الأخلاص فى العمل وهداك وايانا الى كل مايحب ويرضى

أنا اكيد مش بدى رمضان ينتهى لانه بحلول الشهر الكريم البسمه لم تفارقنى والكل استغرب لانه من طبعى الحزن والكتمان ولكننى عندما شعرت بان رمضان على وشك الانتهاء رجعت كما كنت حزينه

ولكن لا بأس اما بالنسبه للاقتراح فهوه هذا الى بعمله طبعا

انا باخذ زاد دينى كل خميس واثنين وطبعا مداومه على قراءة القران

والله بجد عندما بدأت اقرأ القران على مدار السنه شعرت بتغير كبير في حياتى

وكمان ممكن اقولكم على اشياء ممكن تفيدنا

شو رايكم بانه لو كل واحد فينا ذهب لزيارة رجل او امرأة عجوز

وبقي عندها لبعض الوقت وساعدها بكل ما تطلبه

او ما رأيكم لو كل فرد فينا يذهب ولو لمرة واحدة الى قبور المسلمين

وجلس مع نفسه بعض الدقائق وليقارن ما بينه وما بين حياة القبور

بتعرفوا انا لما رحت ازور القبور وقعدت مع نفسي

بجد اتحسرت كتير علينا

معلش طولت عليكم

الى اللقاء

بجد والله انا اتاثرت من كلامك بس اكيد هيجى يوم من الايام وربنا يهدينى واحس برمضان
وحلوة اووووووووووى فكرة اليومين دول واحسن ان هما اتنين وخميس علشان انا فى اليومين دول عندى اجازة من الكلية ويالة اهو الواحد يحترم نفسة شوية وميلمش سيءات كتيرة الواحد اول ما يطلع من البيت لحد ما يرجع تانى بحس ان الواحد خدسياتة وسيئات غيرة
بس يالة ربنا يهدينى وادعوووووووووووووووووووووووووووووولى بالهداية بجد ومن قلبكوا

اللهم اهدنا اجمعين يا مايوش ولكن ( لا يغير الله ما بقوم حتى يغيروا ما بانفسهم )


فهل انت بتحاولى وتجاهدى نفسك حتى تحصلى على هذا التغيير
احتفظى بالاجابة لنفسك وقيمى حالك وموقفك اختى



اللى انا شايفه انك عندك الاستعداد ولكن لم تقومى بخطوة ايجابية لذلك والله اعلم طبعا


المهم كل سنة وانت الى الله اقرب

ايه يا جماعة فين الاقتراحات

خلاص باقى يومين على رمضان عاوزين نتفق قبل ما يخلص الشهر شوية نشااااااااااااااااااااااااااااااااااااااااااط ايه النوم ده


ان شاء الله نتفق بكرة مطلوب من الكل تقديم قائمة الاعمال


لا تنسونى بدعوة خالصة لوجه الله
اسالو الله لى المزيد

ايه يا جماعة فيه ايه؟




انت مش عاوزين تكملو بعد رمضان ولا ايه؟

ايه ياحج بهاء داخل فينا شمال ليه

لا طبعا ياسيدى عايزين نكمل بعد رمضان

وربنا يعيننا ونمشى على الجدول اللى حضرتك عملته

اللهم ارزقنا الثبات والاخلاص لوجه الله الكريم

يا رحاب انا عاوز مجموعة اعمال
1
2
3
4
..
.
.
.
.
.

وهكذا وندى الاوكى عليها علشان ده هيكون اتفاق هنعمله كلنا بس انا مش عارف الاخوة والاخوات فين


مش مستعدين ولا حاجة

ويا جماعة اللى عنده اى اعتراض لاى نقطة او فكرة يقول ونناقشها بس مش نطنش كده؟



حد ينزلنى مجموعة الاعمال وان شاء الله النهاردة اخر يوم وندى الاوكى عليها لان خلاص رمضان خلاص كل سنة وانت طيبين انت مش حاسين بكده ولا ايه ؟ واحنا عاوزين نلتزم باللى هنعمله بعد رمضان قبل ما نودع الشهر الكريم ده

طب ما تدى انت الجدول واحنا نقول الاوكى
اوكى

السلام عليكم
انا عاوزة اقول في البداية اني عندي رأيين عن السؤال الاساسي للموضوع ، اولا اني مش عاوزة رمضان يخلص ابدا علشان بحس فيه اني قريبة اوي من ربنا والحمد لله بلاقي نفسي مبعملش حجات غلط كتير في رمضان!! اما التاني فانا عاوزة رمضان يخلص!! علشان اراقب نفسي وارودها على العبادة وجهاد الشيطان فرض عين على كل مسلم ومسلمة وكده حعرف اذا كنت ضعيفة في ايماني ولا لأ!! غريب مش كده.....
اما بالنسبة لجدول الاعمال فهو طبعا فكرة 10/10 بس انا بحب اتقرب لربنا على طريقتي بس برده ان شاء الله امشي على الجدول لو الكل حيشارك فيه ...................... يا جماعة اوعوا تنسوا زكاة الفطر
ممكن بدل ما حد يقول الجدول ونوافق عليه كل واحد يدي كلمة او حاجة .... اقصد نقطة يعني ونجمع الجدول سوا ولا ايه رايكوا؟؟؟؟؟؟
اختكم اميرة

الله عليكى يا اميرة بجد حته جملة قولتيها جامدة موووووووووووووووووووووووووووووووووووت
اما التاني فانا عاوزة رمضان يخلص!! علشان اراقب نفسي وارودها على العبادة وجهاد الشيطان فرض عين على كل مسلم ومسلمة وكده حعرف اذا كنت ضعيفة في ايماني ولا لأ!!


حتة جملة بارك الله فيكى عليه




ممكن بدل ما حد يقول الجدول ونوافق عليه كل واحد يدي كلمة او حاجة .... اقصد نقطة يعني ونجمع الجدول سوا ولا ايه رايكوا؟؟؟؟؟؟


هو ده اللى انا صوتى ضاااااااااااااااااااااااااااااااااااااع وانا بنادى بيه كل واحد يقول الاعمال اللى يقدر عليها من وجهة نظره ونجمع من هنا وهنا اللى يناسب الكل بس

اما عن تحديد الاعمال ما عى الا عملية تشجيع علشان نلتزم بيها
الواحد فينا هيتذكر ان مثلا اميرة ومايوش وبهاء ورحاب وغيره وغيره ملتزمين بالعمل ده دلوقتى اااااااااااااااااااااااااااااه وانا كنت متفق معاهم لا يبقى لازم انا كمان اجاهد الشيطان والنفس والعقل واعمل انا كمان اللى عاهدت الله عليه



على العموم دى شوية حاجات كده بس ارجو التعقيب سواء بالزيادة او العليق على احداها او اقتراح جديد





1_ طبعا المحافظة على الصلاة فى اول وقتهاااااااا وفى جماعة ان شاء الله الخمسة ( الفجر ) سامعين الفجر والشتا داخلة
شوف بقى لما تناجى الله وتقوله يا رب انا قمت فى عز البرد ده علشان البى ندائك بالله عليك ايه هيكون ثوابك؟






2_ المحافظة على قيام الليل ( هى مش موضة وقدمت ) ولو ركعتين او اربعة يوميا اكرر يوميا لا اعذار غير شرعية
بالله عليك لما تحس وتعرف ان ربنا بينزل كل يووووووووووووووووووووووووووم كل يوم الى السماء الدنيا بكيفية مجهولة طبعا وينادى هل وهل وهل فماذا تنتظر؟




3_ الورد القرانى اليومى ..............اياااااااااااااااااااااااك اياااااااااااااااااك اياك اخى واختى ان نهجر القران بعد رمضان .. كل منا يجعل له ورد يومى من القران مثلا كل منا يحدد عدد معين من الايات يقراه كل يوم بحيث فى فترة معينة يختم ويكون فى نيتة ختم القران دائما بصفة مستمرة واذكرك بثواب القراءة كل حرف بحسنة والحسنة بعشرة لا اقول الم حرف ولكن الف حرف ولام حرف وميم حرف تخيل كم حرف تقرا
؟





4_ النقطة دى بقى من اهم النقط اللى لاااااااااااااااااااااااااااااااااااااازم نلتزم بيها اوى اوى اوى وهى الاتى
انا فى رمضان استحيت من الله فى رمضان فبطلت اسمع اغانى الا يستوجب منى ذلك ان احافظ على ما اعتدت عليه طوال الشهر
اخوتى ما اقلعت عنه من معاصى فى رمضان لازم نواصل على كده بعد رمضان وده من دلائل قبول رمضان الثبوت على الطاعة وترك المعاصى
اغانى واختلاط وبنات بعلاقات محرمة ملهاش اى لازمة او ضرورة وتقصير فى صلاة وغيره وغيره ...............




5_ ان شاء الله هنلتزم بمجموعة اذكار نقولها يوميا ( الا بذكر الله تطمئن القلوب ) ده لو عاوز قلبك يطمن يامن من الخوف اللهم امنا الخوف يوم الفزع الاكبر يا رب


سبحان الله وبحمده سبحان الله العظيم 100 مرة

استغفر الله 100 مرة

الحمد الله 100 مرة

الله اكبر 100 مرة

لا اله الا الله وحده لا شريك له له الملك وله الحمد يحيى ويميت وهو على كل شىء قدير 100 مرة

الصلاة على النبى صلى الله عليه وسلم باى صيغة 100 مرة



ملحوظة
العدد اللى انا محدده ده انا حددته على قدر استطاعتى انا يعنى اللى عاوز يزود يزود على فكرة اختى ام خالد جزاه الله عنا خيرا قالت لا يجوز التحديد الا فى شىء اقر به رسول الله هذا التحديد لذا انا اقول ان التحديد ده خاص بيه يعنى مش واجب العدد ده بس ( كل حسب استطاعته )





وصلنا لكام ؟


ايه زهقتو ؟ اصبروا بس خلاص هانت
6_ الصدقة يا جماعة ..... تجد الواحد منا جواد فى رمضان واذا ما انقضى الشهر يبدا بالبخل والعياذ بالله ليه بس هما الفقرا فى رمضان بس ولا الصدقة مش هتتقبل الا فى رمضان؟

ان شاء الله نحاول نعمل حاجة اتعودنا عليها مثلا نجمع فلوس او اى حاجة ( صحابنا وجيرانا والبيت والقرايب وكده يعنى ) ونعمل حاجة زى شنطة رمضان او نشترى لبس او اى حاجة للفقرا يعنى منحرمش نفسنا من هذه الطاعة والخير الوفير وتطهير النفس ( خذ من اموالهم صدقة تطهرهم .......)




طيب دى بقى مهمة جداااااااااااااااااااااااااااااااااااا


7_ لسانك !!!!!!!!!!!!!!!!!!!
حفظته فى رمضان عن الشتيمة عن قول الحرام عن ( النميمة والغيبة ) التليفونات ( ودى عملت ودى سوت وشفت فلانة النهاردة كانت مش عارف ايه ولا الجارة مع الجارة يا خرااااااااااااااااااشى عاوزييييييييييييييييييييييييين ربنا يهديهم ويهدينا
وانت يا بيه ياللى ماسك فى سيرة فلانة دى مش كويسة ودى مش ملتزمة برده غلط


عاوز اوضح حاجة الغيبة والنميمة لا يشترط فيها التلفظ بالكلام ممكن الواحد منا يعمل حركة تدل على ان فلان ده مش كويس مثلا تيجى تسالو تقولو ايه رايك فى بهاء مثلا يقولك يا عم اه كويس كويس ( اغتبت يا معلم ) وغيره وغيره
فزى ما حفظنا لسانا فى رمضان عن كل ما هو يغضب الله نرجو من الله الثبات على ذلك
وتذكر قول الحبيب صلى الله عليه وسلم عندما ساله معاذ عن اللسان فقال ( ثكلتك امك يا معاذ وهل يكب الناس على مناخيرهم فى النار يوم القيامة الا حصائد السنتهم )
تذكر قول المولى ( ما يلفظ من قول الا لديه رقيب عتيد )





انا حاليا مش فاكر حاجة تانية انا مكنتش مجهز حاجة انا كاتبهم وانا قاعد كده فاللى عنده شىء افضل او ترتيب تانى او تعقيب على اى حاجة يااااااااااااااااااا رييييييييييييييييييييييييييييت ما يبخل علينا برده



مستنين التعليقات وبلااااااااااااااااااااااااااااااااااش كسل ولا انا خايف اسميها سلبية فى الرد



معلهش طولت عليكو


المهم لا تنسونى بدعوة خالصة لوجه الله
اسالو الله لى المزيد

بارك الله فيك يا اخ بهاء بجد انا انا مش عارفه اشكرك ازاي والله انت انقذتني بجد باقتراحك دا
الاول انا هجاوب على سؤالك انا فعلا مش عايزه رمضان يخلص انا وصلت لدرجه الرعب وخصوصا في الايام الاخيره من رمضان دي بجد انا بتخنق كل ما يوم يخلص من رمضان انا عمري ماكنت كدا قبل كدا في السنين اللي فاتت كنت بزعل بس عادي انما المرادي لا الموضوع مختلف خااالص جايز عشان قربت من ربنا اكتر وكمان لاني معرفش ليه حاسه اني مش هحضر رمضان تاني عشان كدا كل يوم بيعدي بحس ان ممكن اكون ضعيت حسنات كان ممكن اخدها والله انا مش متشائمه خاالص بس انا فعلا حاسه بكدا
اما بقى عن اقتراحك فانا بجد مش عارفه اشكرك ازاي انت بجد انقذتني انا مش عارفه ازاي مخطرتش في بالي الفكره وانا بجد معاكو في كل خطوه وبايد كل افكارك بجد لو قدرنا نعمل كدااا يبقىى ياااااااه ياريت والله انا موافقه ومعنديش بصراحه اي اضافه على اقتراحاتك متهيالي انت قلت كل حاجه بجد الف الف شكر وربنا يجازيك كل خير
اختك m_a_k

جزاك الله خيرا اختى m_a_k


انت اللى جبرتى بخاطرى ربنا يكرمك يا رب


فين الباقى؟



يا جماعة انا شايف ان اغلب الاعضاء مشغول اوى حاليا بالتهنة لفراق الشهر ممكن ميكنش بالمعنى اللى انا عارضه ولكن بصراحة انا قاصد حتى نتنبه الى ما بعد رمضان



ناجل التهنئة شوية ونهتم بالاهم


لا تنسونى بدعوة خالصة لوجه الله
اسالو الله لى المزيد

السلام عليكم ورحمة الله وبركاته...والله وحشتوني كلكم......

ايه الموضوع الجامد ده يا عم بهاء....ماشاء الله لا قوة الا بالله.....

بالنسبة لسؤالك....


رمضان كيف اتمنى انتهاءه...

من حكمة الله سبحانه أن فاضل بين خلقه زمانا ومكانا ، ففضّل بعض الأمكنة على بعض ، وفضل بعض الأزمنة على بعض ، ففضل في الأزمنة شهر رمضان على سائر الشهور، فهو فيها كالشمس بين الكواكب ...

الشهر الذي نزلت فيه الكتب السماوية الأربعة ..

وهو الشهر الذي فرض الله صيامه....


وهو شهر التوبة والمغفرة ، وتكفير الذنوب والسيئات ..


هو شهر العتق من النار......


وهو شهر الصبر ، فإن الصبر لا يتجلّى في شيء من العبادات كما يتجلّى في الصوم ..


ومن فضائل هذا الشهر ، مباركة الأعمال ، ومضاعفة أجر العمرة


هو شهر الجود والإحسان

وهو شهر فيه ليلة القدر ، التي جعل الله العمل فيها خيراً من العمل ألف شهر ....


ان تمنيت انقضاءه.....فلست اذن مسلمة تحب الله ورسوله........


اللهم اسالك لاخي بهاء المزيـــــــــــــــــــــــــــد برحمتك..انك على كل شىء قدير

اهلا اختى مسلمة




افتقدناكى والله اختى
افتقدنا روح المحبة وروعة ما تكتبى وما تشاركى به اختى



زاك الله خيرا على دعوتك لى ولك مثلها ان شاء الله

السلام عليكم ورحمة الله وبركاته

بصراحة يااخ بهاء انا بشكرك جدا وربنا يثبتك على درب الخير والطاعة وجعل لك نصيب من الحسنات ورزقك الله الاخلاص والصدق وحشرك الله مع زمرة العلماء الاتقياء ومع رسول الله صلى الله عليه وسلم

المهم ياسيدى

انا مكنتش برد رغم انى متابعة الموضوع بكل رد فيه

لكن انا كل مااجى ارد احس بحسرة والم وافتكر ان خلاص حبيبى هيسيبنى وانا مش بستحمل الفراق ابدا
فاسيب الموضوع واخرج لانه بيقلب علية المواجع

لكن يعينى يابهاء لما لاقيت زورك اتنبح من كتر النديه صعبت علية اوى

فقلت ارد وخلاص

اما عن الجدول اللى انت عملته فهو اكثر من رائع

اول حاجة فعلا هى بالنسبة للرجال1- مداومة الحفاظ على الصلاة فى المسجد كما كانوا فى رمضان

2_المواظبة على صيام اثنين وخميس ونشعر انفسنا باننا فى رمضان وكانها ليلة القدر يعنى ايه ياستى

يعنى نعتكف فيه بالليل ولو ساعة او ننوى من اول اليوم اننا معتكفين وننزل الجامعة ونشتغل وكل حاجة بنية الاعتكاف

وان شاء الله ناخد الثواب على النية بس خلى بالكم كل حاجة نكون بنعملها تكون خالصة لله حتى الدراسة والمذاكرة ودخول محاضرة دكتور ربنا يهديه وكل ده تمام

3_الاذكار ياجماعة وخاصة اذكار الصباح والمساء وهى من بعد الفجر وحتى الشروق ومن بعد العصر وحتى الغروب وايضا الاذكار التى ذكرها اخى بهاء


4_ الصدقة فعلا ياجماعة سبحان الله لها اثر كبير فى الاعمال فهى تحلل كل العمال والنقود وعند خروجها اخلصوا النية لله كى يفرج بها الله الكروب ويربيها لنا ويطهر لنا اموالنا


5_كمان ياجماعة تخصيص يوم فى الاسبوع لزيارة دور الايتام والارامل ولو نص ساعة تحسس الاطفال دول ان فى حد مهتم بيهم وانهما عايشين وروح كدة ومعاك حلويات لعب تجبر بخاطرهم وربنا يكتب لنا من الثواب حظا ولو قليل


6_كمان فى حاجة مهمة جدا جدا جدا زى مابنحافظ على السنتنا فى رمضان نفتكر ان رب رمضان هو رب كل الشهور وكل مانيجى نغتاب او نجيب سيرة حد نفتكر ربنا انه شايفنا وسامعنا زى رمضان بالظبط


7_ صلة الرحم مهم جدا يارب من وصل رحمه وصله الله ومن قطع رحمه قطعه الله وكل العقوبات بتاعة المعاصى بتاعتنا ممكن ربنا يؤجل عقابها للاخرة الا قطع الارحام فعقابه لابد ان ياتيه فى الدنيا


ياجماعة اخر حاجة هقولها وهى اهم حاجة ياجماعة كل الللى احنا بنقوله ده مش هيتحقق الا بصحبة صالحة تعين على الطاعة وتنافس على الطاعة ياجماعة التزام من غير صحبة صالحة بتبقى ليس بالامر السهل

فعلينا ان نغتنم فرصة الاصدقاء واى واحدة واى واحد يلاقى صديق صالح او لسة بادىء يعنى يمسك فيه بايده وسنانه


طبعا اخر حاجة متنسونيش من الدعاء عن ظهر الغيب

اختكم فى الله

يا سلام يا رحاب


يعنى محدش يرد الا لما صوتى يتنبح؟















طييييييييييييييييييييييييييييييييييييييب



















لو على كده انا انبح صوتى دايما







بارك الله فيكى اختى




















يا جماعة عاوزين نتكلم عن الرياء





ايه رايكم ؟

جميل يابهاء بتقرى افكارى

فعلا ياجماعة عايزين نتكلم عن الرياء

شىء مهم جدا لانه من غير صدجق واخلاص لله مالوش اى لزمة اللى احنا بنعمله ده ونعوذ بالله من ان يرد فى وجوهنا يوم القيامة ولايقبل ويذهب هباءا منثورا

يلا ابدا

على فكره بقا يا استاذ بهاء

انت خليت شكلى وحشششششششششششش

عشان كل الى ردوا على الموضوع رديت عليهم الا انا



ماشى
نردها لك فى الافراح



حسبى الله ونعمه الوكيل









فى الى فى بالى مالكش دعوه مين الى فى بالى



المهم


انا عندى فكره ممكن لو عجبتكم تحطوها فى الجدول الى انشاء الله حتنفذوه بعد رمضان

ورد الرابطه

واسيبك انت بقا تتكلم عن ورد الرابطه لو حتنفذوه
عشان ماشاء الله اسلوبك احسن منى فى توصيل المعلومه


وانا معاكم يا رجاله انشاء الله الجدول حنفذه معاكم


احبكم فى الله
اختكم تسنيم

السلام عليكم .....

و الله يا بهاء انت وضعتني في حيرة من أمري....

أنا عايز رمضان يخلص علشان أنا حاسس بطاقة أيمانية داخلي هذه السنه قد أكتسبتها و الحمد لله و عايز أشوف قدرتي علي مواصلة ذلك بعد رمضان لأن هذا العام أشعر بالقوة عن كل عام ......

و طبعا رغبة جامحة داخلي علي ألا أفارق شهر القرأن و العبادات و التراويح و التهجد والمسلسلات ...... أخ وقعت بلساني .... لأ طبعا أنا بهزر ربنا يكفينا شر المسرسبات الي المعصية .... لا المسلسلات

و لكن كلما اقنرب الفراق كلما أدمعت عيناي .... و بدأت أحس بالحنين له ....

كده يا بهاء خرجتني من حالة التناسي اللي كنت عايش فيها .....

لأ طبعا مش عايز رمضان يمشي ...... توقف يا زمن .... فأنا فعلا أحب هذا الشهر

بسم الله الرحمن الرحيم

السلام عليكم اخى العزيز بهاء

والله لقد حيرتني مش عارف اقلك اه ولا اقلك لاء والله حيرتني حيرتنييييييييييييييييييييييييييييييييييييييييييييييييييييييييييييييييييييييييييي
ييييييييي

والله يعنى بجد يا بهاء الجدول حلو وربنا يا بنى يخليك لمامتك ويزيدك ايمان وابقى حتى يعنى لو صباع فى ايمانك
وربنا يهديكوا كلكوا

السلام عليكم ورحمة الله وبركاته

ازيك ياميوش وحشتينى موت وبعدين صباع ايه اللى بتتكلمى عليه

انتى ان شاء الله تبقى الايد كلها مش صباع بس ان شاء الله انتى بنت كويسة جدا وانا واثقة فى الله انك تكونى احسن حتى من اى حد فى المنتدى
المهم

فين الحج بهاء قومنا ومشى مش ترد ياحج وتكمل الجدول

عموما انا مش هتكلم عن ورد الرابطة عشان حبيبتى ربيع عايزاك انتى اللى تتكلم فيه يلا مستنينك كلنا

اختكم فى الله لاتنسوها من دعاء واحد

LA OURIDOU AN YANTAHI RAMADHAN ILLA WA KAD GHOUFIRA LANA INCHAALLAH EHNA MECH HANELKA FORSA AHSAN MEN DI ELLI KOLL WAHED FIHA YHESS BELAKHAR W ENNES KOLLAHA TED3I MA3A BA3DAHA ANA MECH 3AYZA RAMADHAN YEKHLASS LIANNOU CHAHR 3ZIZ 3ALAYA W 3ALA OMMET MOHAMED KOLLAHA W NEJTEME3 FIH KOLLENA B NAFS ELEHSAS W YZID FIH HOBBENA 3ALA 3AMAL ETTA3AT WA TARK ELMA3ACI

شكرا يا بهاء على الكلام الحلو ده
بس عندي حاجة عاوزة اقولها
الصلاة فرض والسنن بتاعت كل فريضة سنة يعني لو معملنهاش مش حنحاسب على تركها لو نعاقب عليه
لكن ازاي عاوز الرسول يشفع ليك يا انسان وانت ابسط حاجة انك تقلد الرسول معملتهاش!!
ده اول وابسط خطوة علشان تكون على خطى الحبيب والا ايه؟؟؟
حيسألك يوم القيامة ويقولك فين حقي؟؟!! حتردد وتقول ايه
ده ثواب السنن ، كل 12 سنة في اليوم يتبنيلك بيت في الجنة ويمكن قصر لو كنت خاشع كمان ...
فيا جماعة حاولوا متسيبوش السنن بتاعت الصلاوات والله ده مهمة جدا جدا وحبدا بنفسي ان شاء الله
اختكم اميرة

جزاك الله خيرا يا اخ بهاء على هذا السؤال
و الله من الصعب جدا مفارقة هذا الشهر الكريم ، الكريم بعبادته و التي تعتبر غذاءا روحيا لا مثيل له ، كريما بحسانته التي تتضاعف و تتضاعف ، والذنوب التي تمسح و تستبدل مكانتها الحسنات ان شاء الله........... ففيه نشعر بذلك القرب الشديد من الله عز وجل ، صعب جدا مفارقة هذا الشهر الفاضل لكن هذه حكمة الله تعالى فاللهم اسألك الثبات ،الثبات ، الثبات يا رب يا مجيب الدعوات

اللهم صلي على النبي .....ايه يا جماعه الردود ديه .....ربنا يزيد من امثالكم ......عرفتو انا ليه بقول الدنيا لسه بخير والله انتو ناس ذي العسل............ربنا يثبتنا ويهدينا
بانسبه للاجابه انا نفسي عمري كلو رمضان ........الناس كده تحسو انهم هادين محدش بيزعل حد ويبقى ليا حجه علشان اروح المسجد وحاجات كثيييييييييييييييييير اوي
وحنا ممكن نخلي ايامنا كلها رمضان مش كده ولا ايييييييييه............
ربنا يهدينا ويهديكو

السلام عليكم ورمة الله وبركاته


يااااااااااااااه انت كنتو فين

بسم الله ما شاء الله عليكم بارك الله فيكو اخواتى على كلامكو الجميل ده وتقبل الله منا منكم سائر اعمال الخير وغفر لنا كل اعمال الشر
اللهم امين





اولا الاستاذة تسنيم



انا برده اقدر انساكى خالص بجد والله انت اخت عزيزة اوى كفاية انك متابعة موضوعى وبتشجعينى اختى بارك الله فيكى
اما عن ورد الرابطة ده فهو لكى اختى ( انت تتكلمى فيه ان شاء الله ) لان معلومات ..........


الحاجة التانية الموضوع ده انا شايف اننا بنتكلم فيه عن حاجات على طول اهو فيا ريت ميتقفلش وكل شوية تناقشوا حاجة فيه وربنا يبارك فيكو انت اختى تسنيم تكملى فى ورد الرابطة انا اصلا مسافر بعد يومين رايح الكلية



اميرة فعلا انا ازاى نسيت الحكاية دى ؟
يالا بارك الله فيكى ايوة كده حد دايما متابع اللى يقع التانى يوقفه



اختىnonoh

بارك الله فيكى اختى وثبتك وايانا على الخير




اختى
nerdjes
كل سنة وانت طيبة وبارك الله فيكى على كلامك المشجع الجميل ده



CHAHIRA RACHED


فعلا رمضان بيكون كل واحد فينا مليان بطاقة واحساس حب وشوق الى العبادة فاللهم ارزقنا هذا بعد رمضان
بارك الله فيكى اختى




اخى الحبيب امجد
ان شاء الله مفيش حيرة احنا بس نثبت بعد رمضان ونخلى حياتنا كلها رمضان ونفس الكلام ل smilinggreeting مفيش حيييرة









شايفك بتدورى على اسمك





ايوة انت





مش عارفة نفسك؟






انت يا ستى












مايوش



















صابع ايه ورجل ايه بس


اختى ما ادراكى بايمانى او ايمان غيرى
انت والله اعلم افضل منى لعلى بعد هذا اعمل اشياء ولكنك اختى ارى فيكى الفتاة ان شاء الله المسلمة حقا ولكنك يعنى عاوزة بس تفكرى شويتين بس مش اكتر والله العظيم اختى انا شايف انك من انشط الاعضاء هنا وان شاء الله تكونى من افضلهم وبالله عليكى بلاش الكلام اللى يودى فى داهية ده بتاعك





نرجع ونقول فى حاجتين المفروض اننا نتكلم فيهم


الاولى وهى ورد الرابطة واللى عندو كلام لا يبخل به


والتانية الرياء






لا تنسونى اخوتى واخواتى بدعوة خالصة لوجه الله
اسالو الله لى المزيد والثبات

السلام عليكم
ازيكم عاملين اية يا رب تكونوا بخير
معلش هو ردى جيه متاخر اوى بس بصراحة انا مش كنت عايزة رمضان يخلص فى رمضان بحس انى قريبة من ربنا اوى الصلاة جماعة وفى المسجد وقراة القران شهر خير وبركة علشان كدة انا مش كنت عايزاة يخلص خالص بس انا بحاول على اد ما ااقدر انى اكون ملتزمة بالصلاة فى المسجد زى رمضان وربنا يوفقنى ادعولى

انا الى اعرفه عن ورد الرابطه ان فى ناس بتحب بعض فى الله
يتفقوا على جزء معين من القران او جزء معين من الاذكار

ويقولوه مع بعض فى نفس الوقت يعنى نتفق مثلا ان احنا نقوله بعد صلاه العصر

وندخل بيه الجنه مع بعض انشاء الله

ده الى انا اعرفه
ممكن يكون صح وممكن يكون غلط

بس انا حدور عن معلومت عن ورد الرابطه
واقولها لكم انشاء الله قريب


وجزاء الله خيرا اخى بهاء على اهتمامك بالموضوع


بس طبعا انت مش بتعمل كده عشان سواد عيونا

عشان تاخد ثواب صح



ده انت يا ابنى حتاخد شويه ثواب
بس ابقى ابعت لى شويه

احسن انا خلاص على الحديده

وانا عارفه برده انك بتعمل كده عشان بتحبنا فى الله
بس انا بهزر


احبكم فى الله
اختكم تسنيم

يا عينى وكمان بتقراى افكارى انا فعلا كنت عمالة ادور على اسمى وبلمت خلاص يا سبحان الله
يالة يا عم ربنا يوفقك وتلاقى اللى انتى عايزة
مش مصاصة طبعا
وبجد انا كل اللى يكلمنى يقولى كدة بس يعنى ازاى افكر وامون كويسة كمان
انا هنا انشط الاعضاء لان انا اول ما اجى من الكلية اقعود على المنتدى لغايط الفجر بتاع تانى يوم وهكذا بس مش اكتر بس يالة انا ناوية بعد العيد اذاكر وخصوصا ان دة تاريخ مش لعب يالة ادعولى ومطلعش بمواد
وبعدين اية كلامى اللى يودى فى دهية بس دة انا طيبة وغلباااااااااااااااااااااااااانة اوى

تسنيم


جميل جدا ده لكن ما ادراكى بظروفى وظروف غيرى فى الوقت الى هيتحدد ده


ممكن انا فاضى انت لا وهكذا


وكمان كمية الكاعة


ممكن انا فى ايتطاعتى اصلى 2ىقيام ليل انت تقدرى على 4 مايوش تقدر تجيب 8 وهكذا



يعنى احنا هنا مجرد بنجيب الفكرة اما الكمية والوقت فده حسب ظرو ف كل واحد




اما انت يا ست مايوش


لا طبعا مينفعش كده ازاى يعنى تقعدى على المنتدى حتى فجر تانى يوم ؟



مينفعش احنا كده هنضطر نطردك


لا بجد
اهتمى بالدراسة المسلم لازم برده يكون متفوق فى دراسته عاوزين مسلمين متمكنين فى الجوانب الحياتيه علشان نعتمد على مسلمين بجد



ويا ترى وانت قاعدة بالليل كده بتقومى تصلى قياااااااااااااام ولا لا ؟



يالا يا جماعة حد كده يكون عنده معلومات يفتحلنا موضوع الرياء ده لانه جاااااامد
اللهم عافنا